Пионермудын өдр
| Пионермудын өдр | |
|---|---|
 Пионерин одн | |
| Зүүл | Социалист |
| Алвн йосна нернь | В.И. Ленинә нертә Цуг Зөвллтин пионермудын бәәһүллһин өдр |
| Бәәһүлгдснь | пионермудын көдлгәг күндләд |
| Темдглгднә | Зөвллт Холвана Улст урд орҗасн нутгудар |
| Җил-өдр | 1922 май сарин 19 |
| Кедгнь | олн зүүлин |
| Холвгддгнь | Пионермудын көдлгәнлә |
Пионермудын өдр (күүкд, өсвр настна, мөн пионерин (сурһуль сурх) насна күүкдлә көдлдг көтләчнрин болн багшнрин байр. «Пионермудын өдр»-нь май сарин 19-нд В.И. Ленинә нертә Цуг Зөвллтин пионермудын бәәһүллһин үүскгдсн өдр болдг. Байрин зокан бәәһүләчнр пионермудын көдлһәнә улмҗлл, арһ-бәрлиг үрглҗлүҗәх пионермудын болн оңдан, икңкдән күүкдин бәәһүлһс болна. ЗХУ-д Пионермудын өдр болхла, цуг орн-нутгин сурһульчнрин һол байрмудын негнь бәәсн бәәҗ.
Түүкнь болн чинрнь
1922 җилин май сарин 19-нд Цуг орсин комсомолын 2-р баһ хурл төгәлңд пионермудын багмудыг бәәһүлх шиидвр һарһв. Эн үүл-йовдлыг күндлҗ, ЗХУ-д май сарин 19-нә өдриг пионермудын үүскгдсн өдр болһҗ экләд темдглв.
ЗХУ-цагт Пионермудын өдрлә сурһульмудт «Ленинә кичәл» зокан бәәһүлгдҗ, әңг, баг, отрядын сурһулин күцәгдл, хайсн төмрин цуглулһ, хайсн цаас гих мет уралдана дүң күцәдг бәәҗ. Мөн пионермудын өдрлә цуглрлт, концерт, уралдан-темцән, һавьята пионер, школын сурһульчнрт шаңнл һардулх, пионермудын җигсәл (парад), цуглан зокан бәәһүглҗ бәәсн болн ода күртл болҗ бәәнә.
Асхн улмҗллта «Пионермудын һал»-та баһ зергин алвн йосна байриг сурһуль эс гиҗ тусдан хораллд зокан бәәһүлгддг бәәҗ. Өдгә цагин Әрәсәд цеңглин төвмүд, клубмуднь Әионермудын өдрт икңкдән «Пионермудын седвтә» би, суртчлһан, флэшмоб зокан бәәһүлдг.
В.И.Ленинә нертә Цуг Зөвллтин пионермудын бәәһүллһ тарад одсна дару Пионермудын өдриг пионермудын улмҗлл, көдлмшин арһ бәрлиг хадһлсн күүкдин бәәһүллһ, көдлгәнмүд темдглдг.
Пионермудын седвтә байрин арһ-кемҗәсиг Орс болн урд ЗХУ-ин оңдан нутгуд зокан бәәһүлдг.
В.И.Ленинә суврһна хаҗуд, Улан талва деер пионермудын тоод орулх йосллыг Коммунистнрин нам җил болһн зокан бәәһүлдг. Эн йосллд 3000 һар күүкд орлцдг (2012 җилд пионермудын җилин өөнд, 5000 һар күүкд пионер болҗ). Тогтсн йосар болхла, Улан талваг хааҗ, коммунистнрин намин дарһ Г.А.Зюганов Әрәсән олн балһдас ирсн күүкдтә харһҗ, улан күзүвч зүүҗ, үүнә дару пионер болсн бичкн «ленинчнрт» бичкн концерт үзүлнә.
Севастополь балһснд җил болһн май сарин 19-нд балһсна төвәр дамҗулад, сурһулин бәәһллмүдин оютнрин җигсәл болдг[3].