Савруша Очра Церн

Савруша Очра Церн
Савруша Очра Церн
КПСС-ин Хальмгин муҗин комитетын 2-гч сегләтр
	22 июня 1958 — 20 января 1961
Хөөннь цол даасн күн	Городовиковин Бадмин Басң
Төрсн җил-өдрнь	61910 ноябрь сарин (19) ; Власовский[d], Северное сельское поселение[d], Зимовниковскин район[d], Ростова төгәлң, СССР[d];
Нас барсн җил-өдрнь	1986
Намнь	КПСС
Шаңнлнь

Савруша Очра Церн (орс. Церен Очирович Саврушев; (61910 ноябрь сарин [19] , Власовский^[d], Ростова төгәлң — 1986) — Советин йосна төршлч болн төршлин үүлдәч.

Намтрнь

1910-гч җилд Власовская станицд угатя күүнә өрк-бүлд төрсмн.

1928-гч җилд Хальмг комсомолын Деед үзгин райкомин әңгин ахлач болҗ экләд көдлсмн.

1929—1932-гч җилмүдт Баһ Дөрвдин болн Цутхлң районмудын комсомолын райкомин сегләтрин цолд йовсмн, дәкәд комсомолын муҗин комитетын политсурһулин әңг ахлсмн.

1932-гч җилд Коммуна партьд орад ВКП(б) района һазрин бүртклһнә әңг ахлсмн.

1930-гч җилмүдт Деед үзгин партин райкомин күцәгч комитетын толһачин дарукар көдлҗ бәәсмн.

Космомолын обкомин сегләтрд орсна дару 1937 җилд Хальмгт олн дааврта цол дааҗ йовсмн: эдшлч, зуралһна әңгин ахлач, «Ленинә мөр» газетин нәәрүдгч, Хальмг АССР-ин Нутгин зураһин толһачин дарук.

Хальмгудын цүллһнә кемд (1944—1957) Новосибирскин муҗд эдшлин халхин көдләчәр көдләд йовсмн. Хальмг автономиг хәрүлҗ авсна кемд хәрҗ ирәд, партин обкомин салглана болн көлгнә әңгиг ахлсмн.

СССР-ин Деед Хүүвин 5-гч дуудврин элчтнд суңһгдсмн.

1961-гч җиләс авн 1973-гч җил күртл Хальмг профсоюзин сүвдлиг ахлад йовсмн. Тер цагт бүрдәсн профсоюзин тогтацнь ода чигн көдлҗ бәәнә^[1]. Энүнә күчәр Хальмг Таңһчд ик дөң бууҗ ирсн мөн, олн тосхлтс күцсмн: өөмдг әңгтә Тәмрин бәәшңг, сойлын гермүд, «Аршань» нерәдлһтә санаторий болн администрацин бәәрн.

Пенсьд өөдән чинр зүүһәд, Москва балһснд бәәһәд, тенд 1986-гч җилд насан барсмн^[2].

Ачлврмуднь

Күч-көлснә Улан Тугин 2 одн;
«Һавьята Темдгин» одн^[3];
Медальмуд;
Күндллһнә һашгуд: СССР-ин Правительствин болн Хальмг АССР-ин, Цугсоюзин Профсоюзин Цутхлң Сувдлын;
ВЦСПС-ин 2 чееҗин темдг^[2].

Темдглл

↑ Корпус первых секретарей Калмыцкого обкома Всесоюзного ленинского коммунистического союза молодежи (1921-1991 ГГ.) (неопр.). cyberleninka.ru. Дата обращения: 20 март сарин 2026.
↑ ¹ ² Е. В. Сартикова. Деятельность профсоюзов Калмыкии в 1957–1993 гг.. — Элиста: КалмНЦ РАН, 2016. — ISBN 978-5-906881-07-6.
↑ Саврушев Церен Очирович (неопр.). Справочник по истории Коммунистической партии и Советского Союза 1898 - 1991. Дата обращения: 20 март сарин 2026.

[1] Корпус первых секретарей Калмыцкого обкома Всесоюзного ленинского коммунистического союза молодежи (1921-1991 ГГ.) (неопр.). cyberleninka.ru. Дата обращения: 20 март сарин 2026.

[автоссылка1-2] ¹ ² Е. В. Сартикова. Деятельность профсоюзов Калмыкии в 1957–1993 гг.. — Элиста: КалмНЦ РАН, 2016. — ISBN 978-5-906881-07-6.

[3] Саврушев Церен Очирович (неопр.). Справочник по истории Коммунистической партии и Советского Союза 1898 - 1991. Дата обращения: 20 март сарин 2026.

[1]

[2]

[3]