Городовиковин Бадмин Басң

Экспертиза РАН

Проведена экспертиза
Российской Академией Наук

Подробнее

Орсин Холвана Улсин ШУА шинҗлҗ батрулв

Орсин Холвана Улсин ШУА
шинҗлҗ батрулв

Тодрхаһар

Городовиковин Бадмин Басң
хал. Басң Городовиковин
Төрсн җил өдрнь	1910 ноябрь сарин 15(1910-11-15)
Төрсн һазрнь	Мокрая Ельмута[d], Сальский округ[d], Теңгин Цергин муҗ[d], Орс хаата улс[d]
Нас барсн җил өдрнь	1983 август сарин 17(1983-08-17) (72 года)
Нас барсн һазрнь	Москва балһсн, СССР[d]
Холвгддгнь	Орсин хаата орн  РСФСР  СССР
Цергин салврнь	йовһн церг
Церглсн җилмүднь	1927—1961
Цолнь
Дәәлснь/дәнь	Төрскән харсгч Алдр дән
Шаңнлнь	Талдан нутгудын

Городовиковин Бадмин Басң (орс. Городовиков, Басан Бадьминович; 1910 ноябрь сарин 15, Мокрая Ельмута^[d], Теңгин Цергин муҗ^[d] — 1983 август сарин 17, Москва балһсн) — Советск Союзин Баатр, генерал-лейтенант. Военачальник, Төрскән харсгч Алдр дәәнә орлцач. 1939-гч җиләс авн Советск Союзин Коммуна партин гешүн.

Городовиков Ока Ивановичин ач көвүн.

Намтрнь

1910-гч җилин ноябрь сарин 15-д Теңгин Цергин муҗин Пролетарск района Мокрая Ельмута күтрт (ода Ростовин муҗин Пролетарск район) угатя бузав өрк-бүлд төрсмн.   1918-гч җилд Ельмутан күтрин школд орсмн. 1924-гч җилд эцкнь, Городовиковин Ивана Бадм өңгрҗ. Эклц школан төгсәчкәд, 2-гч девсңгд Платовскин станицын школд орад, 8 класс төгсәсмн. 1924-гч җилд Басң пионер болад, дарунь — комсомолд орсмн. 1927-гч җилд Басңгин эк, Бадмин Омульта өңгрҗ.   Эврә дурар РККА-д 1927-гч җилин май сард орсмн. 1930-гч җилд Краснодар балһснд Кавказин уулын келн әмтнә мөрчнрин школ төгсәһәд Ар Кавказин цергин муҗин 12-гч мөрчнрин дивизин 76-гч взводын командир болад, Пролетарскин станицур йовулгдсмн. Июнь сарин 15-д Ар Кавказин цергин муҗин 30-гч Саратовин мөрчнрин полкур һарад Новочеркасскд взводын командир болсмн. Шүүвриг йилһән сән аштаһар өгәд, Ар Кавказин цергин муҗин 5-гч мөрчнрин дивизин 30-гч Саратовин мөрчнрин полкин командир болсмн.   1935-гч җилд эклц шүүврән сәәнәр өгәд, Городовиковин Басң Москван М. В. Фрунзен нертә цергин Академьд орсмн. 1938-гч җилин август сарин 25-д академиг төгсәхин өмн капитан Городовиковд болзгас урд майорин зерг зүүсмн.   1938-гч җилин август сарас авн 1940-гч җилин октябрь сарин 25 күртл Городовиковин Басң — Приморскин зах улсин Камень-Рыболовд 1-гч ОКА-н 8-гч мөрчнрин дивизин 115-гч мөрчнрин полкин командир. 1940-гч җилин октябрь сарин 25-с авн 1941-гч җилин апрель сар күртл Монинод Н. Е. Жуковскин нертә Цергин аһарин инженерн академин соңһсач болсмн. 1941-гч җилин апрель сард Городовиковиг Серпуховскин авиацион училищд йовулсмн, терүг июнь сарла төгсәһәд, лётчикин зерг авсмн.

Москван Новодевичьин оршаврт бәәх Городовиковин оршавр.

1941-гч җилин июль сарин 6-д Б. Б. Городовиков Полтавскин муҗин 48-гч Салу мөрчнрин дивизин 71-гч мөрчнрин полкин командир болад, «подполковник» зерг зүүсмн. Дарунь дивизиг Крымур йовулсмн. Түрүн бәрлдән 1941-гч җилин октябрь сарин 19-д Крымин Перекопин алднд, Севастополин харслтд (1941—1942)|Ишуньскин ормар болсмн. Партизана керг күцәснд Городовиковин Басң 1942-гч җилин апрель сарин 7-д Улан Тугин одар ачлгдсмн, апрель сарин 26-д полковникин цол зүүсмн   1942-гч җилин май сарин 1-д полковник Городовиков Крымин 1-гч Партизанскин района командир болсмн.   1942-гч җилин август сарла Западн фронтын 251-гс халһна дивизин командир. Энүнә дивизь Западн фронтын 20-гч әәрмин Погорело-Городищенскин операцд орсмн. Погорелое Городищиг сулдхад, Вазузаг дәврәд һатлад, плацдармд удан дәәлһнд орсмн. 1942-гч җилин ноябрь сарин 25-с авн дивизь «Марс» нерлһтә операцд орсмн (Хойрдгч Ржевск-Сычёвскин операц). Терүнә хөөн Вазузы Осуга хойр һолын хоорнд кесгтән күнд, удан бәрлдән болсмн. 1943-гч җилин март сарин 8-д 251-гч халһна дивизь Сычёвка балһс сулдхсмн. 1942-гч җилин декабрь сарин 22-т «Севастополиг харссна төлә» медаляр ачлгдсмн. 1943-гч җилин март сарин 2-т Улан Тугин одар ачлгдсмн.   1943-гч җилин июль сарин 27-д Городовиковиг 15-гч гвардейскин халһна корпусин 85-гч гвардейскин халһна дивизин командирар тәвсмн. 1943-гч җилин август сарла полковник Городовиковин дивизь Рисовын алднд хортна бат харслтыг таслад, аһу күчәр дәәлдәд, Речица, Кобели, Моссалы, Ляды, Мартынково һазриг сулдхад, ардас дәврҗ йовсн цергтән хаалһ секәд өгсмн. Тиим залу зөрмг үзүләд йовсн төләд Городовиковин Басңгиг генералын цолд орулх зөвиг эклҗ хәләсмн.   Западн фронтд бәәдл тогтнсна хөөн 10-гч гвардейскин әәрм 1943-гч җилин ноябрь сард 2-гч Прибалтийскин фронтур йовулгдсмн. Тенд хортна өмнәс дәврлһнә түрүн эшелонд орулсмн.

1944-гч җилин июнь сард Городовиковин Басңгиг 184-й Духовщинскин халһна дивизин командирар болн 3-гч Белорусскин фронтын 5-гч Әәрмин 45-гч халһна корпусин командирар тәвсмн. 1944-гч җилин зунар Улан цергин дәәчнр дәврлһән зогсалго, Кареляс Молдавин һазр күртл йовсмн. 1944-гч җилин июнь сарин 23-д «Багратион» нерәдлһтә Белорусскин операц эклсмн (1944). Терүнд ггенерал-майор Городовиковин 3-гч Белорусскин фронтын 184-гч халһна дивизь орлцсмн. Витебскин өөр Городовиковин дивизь, фашистнрин 206-гч йовһн дивизиг тараһад, дарад, 3 миңһн немш цергчнриг болн офицермудиг командирта хамднь бәрҗ авад, үлдлнь көөһәд, Литовскин ССР-ин һазрт күрсмн. 1944-гч җилин июль сарин 12-т 184-гч халһна дивизь 45-гч халһна корпуста хамдан литовскин Тракай балһсиг эзлҗ авсмн.   1944-гч җилин июль сарин 29-д 184-гч халһна дивизь немшнрин харслтыг таслад, ик чинртә хаалһсин боодһа эзлҗ авад, вермахтын цергиг Каунасин алднд төгәләд авхд орлцсмн. Жвиргждайгяй — Блювы — Матерны — Слобода һазрар немшнриг дарсн күчн Городовиковин дивизьд күртсмн. Тер бәрлдәсин йовудт хортна 19 танкс, 4 бронетранспортёр, 7 автомашин, 66 пулемёт, 3 миномёт тоньлһҗ, 1410 фашистнрин салдсмуд болн офицермудиг алсмн.   Неман һолыг һатлад, генерал-майор Городовиковин дивизь 1944-гч җилин август сарин 17-д Государственной границе СССР — гитлерин Германий (Дорд үзгин Пруссин) нутгс хоорндк меҗәд түрүн болҗ күрсмн, тер орм Литовскин ССР-ин Вилкавишкис балһснас ар-зүн талагшан, Наумиестис (Кудиркос-Науместис) балһсна өөр бәәнә, терүг дарунь оккупантнрас сулдхла — 1944-гч җилин октябрь сарин 16-д. Әрәсән нутгин тууҗд, Алдр дәәнә тууҗд онц тәвц орулад, медрлтә, чадвртаһар дивизиг залад, ик чинртә бәрлдәст хортниг дарад диилвр бәрсн төләд Городовиковин Бадмин Басңд 1945-гч җилин апрель сарин 19-д батлсн СССР-ин Деед Хүүвин Президиумин Зааврар Советск Союзин Баатрин нер зүүһәд, Ленина одар болн «Алтн Одн» медаляр ачлсмн (№ 7110).   1944-гч җилин октябрь сарин 15 өр цәәх алднд 3-гч Белорусск фронтын церг Дорд үзгин Пруссин меҗән ут туршар дәврлһнд орв. Восточной Пруссией. 184-гч халһна дивизин дәврх ормд немшнрин харсҗах меҗә зөвәр бат бәәҗ. Тер бийнь, дивизь хортна цергиг таслад уга кеһәд, терүнә батальон болхла Г. Н. Губкина һардврта Дорд үзгин Пруссин һазрур хамгин түрүн орв. (Кутузово Краснознаменскин район), Ширвиндт балһсиг 184-гч дивизь 1944-гч җилин октябрь сард эзлснә дару генерал Городовиков Германя девскрт болсн советскин цергин Диилврин түрүн парадыг тосҗ авсмн.   1944-гч җилин декабрь сарин 2-т Городовиковин Басң күндәр шавтад, Москван цергә госпитальд орсмн. Шаван эдгәһәд, 1945-гч җилин февраль сард 184-гч халһна дивизиг шинәс һардад, Восточн-Прусскин операцд орсмн. Земландскин дәврлһнә операцд дивизиг түрүләд Дорд үзгүр йовулсмн. 1945-гч җилин июль сарла — 1-гч Дорд үзгин фронтын 5-гч Әәрмин 72-гч халһна корпусин 63-гч халһна дивизин (2-гч тогтацин) командир. 1945-гч җилин август сарин советск-японск дәәнә орлцач, энүнә дивизь Маньчжурийд болсн бәрлдәнд ик зөрмг үзүләд йовсмн. Хортна бат харслтыг хамхлад, уулын нурһиг гетләд, Ванцин болн Гирин балһсдыг сулдхад авсмн.   Япониг диилснә дару 1945-гч җилин сентябрь сард Городовиковин Басңгиг академическ ик сурһульд йовулсмн. Терүг төгсәчкәд, 1947-гч җилд 12-гч гвардейскин механизирован дивизин командирар Белорусскин дәәнә муҗин Брест балһснд одсмн. 1950-гч җилин январь сард Хол Дорд үзгин дәәнә муҗин Южно-Сахалинск балһснд 87-гч халһна корпусин командирин дарук болсмн. Тер зунар дәәнә муҗин цергчнрин белдврин Заллтын ахлач болсмн.  

Городовиковин зург Хальмгт музейд

Хол Дорд үзгин цергин муҗиг салһад тархасна хөөн 1953-гч җилд К. Е. Ворошиловин нертә Цергин Деед академьд орад, 1955-гч җилд 8-гч гвардейскин Әәрмин командующин негдгч дарук болн тер Әәрмин Германьд бәәх советскин цергин багин сүвдлин гешүн болсмн. 1960-гч җилин сентябрь сард Прикарпатскин цергин муҗин командующин дарук болсмн.   Бас тер җилин ноябрь сард ЦК КПСС-ин Секретариатын шиидврәр КПСС-ин Хальмг обкомин партийн халх һардсмн. 1961-гч җилин январь сарин 30-д обкомин Пленумд КПСС-ин Хальмг обкомин 1-гч сегләтрд суңһгдна.   Городовиковин Басңгин һардврт Хальмг Автономн Советск Социалистическ Республик ик делгрлт авсмн.   КПСС-иг Цутхлң бүртклһнә зөвллһин гешүн (1961—1966). КПСС-ин Цутхлң комитетын гешүнә кандидат (1966—1981).   1978-гч җиләс авн Москва балһснд бәәршләд, 1983-гч җилин август сарин 17-д насан барсмн. Москван Новодевичьин оршаврт оршалһата.   Ач күүкнь Городовиковин Басңгин Бова Әрәсән седкүлч болн продюсер, 2019-гч җилин апрель сард ООН-а зутаһул улсин кергүдәр Заллтын ахлгч комиссарин Селвгч болсмн (UNHCR).

Дурсхл

• Городовиковин Басңгин нериг Хальмгин Ик сурһуль зүүнә.
• Городовиковин Басңгин нериг Вильнюсин № 37-гч тойгта школд пионермудин баг зүүҗ йовсмн.
• Хальмгин үндсни музейд Городовиковин Басңгин санлд нерәдсн һәәхүл бәәнә.
• Хальмг Таңһчин Хар Һазрин районд Городовиковин Басңгин нертә совхоз бәәнә.
• Хальмгин Элст балһснд болн Приютное селәнд Городовиковин Басңгин нертә һудмҗс бәәнә.
• Городовиковин Басңгин нериг Элстин № 18 тойгта дундын школ зүүнә, Целинн района Троицкое селәнә гимназь зүүнә.

Ачлврмуднь

Оддуд

• Ленина Одна дөрв давхр эзн (ПВС СССР, 19.4.1945).
• Улан Тугин Одна дөрв давхр эзн (Крымскин фронтын Закврмуд № 0463 7.4.1942, Западн фронтын № 0372 2.3.1943, 5-гч әәрмин, № 043 9.1.1945, в/л ПВС СССР Заквр, 6.11.1947).
• Октябрьск Революцин одна эзн (70 җилин өөнднь, ниигмин болн төршлин үүлдвртнь нерәдәд, 14.11.1980).
• Кутузовин II зергин Одн (ПВС СССР Заквр, 28.9.1943).
• Суворовин Одна II зергин эзн (НВП заквр, № 05, 26.9.1945).
• Күч-көлснә Улан Тугин Одна эзн.
• Улан Одна Одна эзн (в/л, 22.11.1944).

Медальмуд

• «Алтн Одн» (СССР) (ПВС СССР, 19.4.1945).
• «Севастополиг харссн төләд» (22.12.1942).
• «Кёнигсбергиг эзлсн төләд» (9.6.1945).
• «Германиг диилсн төләд» (9.6.1945).
• «Япониг диилсн төләд» (30.9.1945).
• «Төрскән харсгч дәәнә партизанд» 1-гч зергин медаль (2.2.1943).
• «Советск Әәрмин болн Флотын ХХХ җилин өөн» Өөнин медаль (13.12.1957).
• «Төрскән харсгч дәәнә партизанд» 1-гч зергин медаль (Партизанмудын җисәнә штабин заквр, 1946).
• «Сталинградыг харссн төлә» (22.12.1942).
• «Кавказиг харссн төләд» (1.5.1944).

Цолмуднь

• 25.8.1938 — майор.
• 6.7.1941 — подполковник.
• 26.4.1942 — полковник.
• 16.10.1943 — генерал-майор.
• 25.5.1959 — генерал-лейтенант.

Цергин җигсәлт

• 24.9.1927 — 1.5 1930 — курсант.
• 01.5.1930 — 15.6.1930 — взводын командир.
• 15.6.1930 — 29.12.1931 — взводын командир.
• 29.12.1931 — 22.5.1935 — эскадрона командир.
• 22.5.1935 — 25.8.1938 — Фрунзен нертә цергин академин соңһсач, I-гч девсңгин дипломта төгсәсмн.
• 29.8.1938 — 25.10.1940 — полкин командир.
• 25.10.1940 — 30.6.1941 — соңһсач.
• 30.6.1941 — 6.7.1941 — закврт бәәсмн.
• 06.7.1941 — 1.11.1941 — командир полка.
• 01.11.1941 — 1.5.1942 — 3-гч красноармейск багин командир.
• 01.5.1942 — 16.6.1942 — Партизанскин района командир.
• 16.6.1942 −8.1942 — генерал-инспекторин закврт бәәсмн, амрлһнд һарсмн.
• 08.1942 — 7.1943 — дивизин командир.
• 07.1943 — 27.7.1943 — әәрмин закврт бәәсмн.
• 27.7.1943 — 5.6.1944 — дивизин командир.
• 05.6.1944 — 7.1945 — халһна дивизин командир.
• 02.12.1944 — 25.2.1945 — шавтад, Москвад госпитальд эмнлһнд орсмн
• 07.1945 — 22.9.1945 — дивизин командир.
• 22.9.1945 — 15.3.1946 — цергин Деед академьд сурһульд орсмн.
• 15.3.1946 — 24.1.1947 — Деед академическ сурһульд соңһсачар орсмн.
• 24.1.1947 — 25.4.1947 — СССР-ин

ВС-ин хүүрә хаалһин цергин үүлтнрин закврт бәәсмн.

• 25.4.1947 — 11.1.1950 — дивизин командир.
• 11.1.1950 — 12.9.1950 — корпусин командирин дарук.
• 12.9.1950 — 25.11.1953 — заллтын ахлач.
• 05.11.1953 — 16.12.1955 — сурһулин соңһсач.
• 16.12.1955 — 19.9.1960 — әәрмин командирин дарук.
• 19.9.1960 — 1961 — цергчнрин белдврин Заллтын командирин дарук.
• 08.3.1961 — Советск Әәрмәс һарсмн.

Телеүзлврин невтрүллһс

• Городовиковин Бадмин Басңгин 85 насна өөнд (Хальмг телеүзлвр), хойр әңтә фильм.
• Городовиковин Бадмин Басң. Алдр Диилврин 60 җилин өөнд.
• «Генерал Городовиков — Мастер прорыва» документальн фильм 2010 җ.

Нәәрүллһн

• Б. Б. Городовиков. Советская Калмыкия на подъёме. — «Советская Россия», 1984. — 224 с.
• Б. Б. Городовиков. Орденоносная Калмыкия. — Элиста, 1972. — 163 с.

Бас хәләхд

• Ростовин муҗин Советск Союзин Баатрмудын җигсәлт.

Темдглл

Утх-зокъял

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. 
• Великая Отечественная. Комдивы : военный биографический словарь / [Д. А. Цапаев и др. ; под общ. ред. В. П. Горемыкина] ; М-во обороны Российской Федерации, Гл. упр. кадров, Гл. упр. по работе с личным составом, Ин-т военной истории Военной акад. Генерального штаба, Центральный архив. — М. : Кучково поле, 2014. — Т. III. Командиры стрелковых, горнострелковых дивизий, крымских, полярных, петрозаводских дивизий, дивизий ребольского направления, истребительных дивизий (Абакумов — Зюванов). — С. 675—676. — 1102 с. — 1000 экз. — ISBN 978-5-9950-0382-3.
• Городовиков О. И. Мой племянник Басан // Наши земляки — Герои Советского Союза. — Элиста, 1960. — С. 25—27.
• Сандалов Л. М. Погорело. Городищенская наступательная операция 20-й армии Западного фронта в августе 1942 года. — М.: Воениздат, 1960. — 148 с.
• Трембач И. К новым рубежам // Наши земляки — Герои Советского Союза. — Элиста: Калм. кн. издательство, 1960. — С. 27—32.
• Калмыкия в годы Великой Отечественной войны 1941—1945 гг.: Документы и материалы. — Элиста, 1965. — С. 12, 395—399.
• Городовиков О. И. В боях и походах: Воспоминания. — М.: Дет. лит., 1970. — С. 193—195, 209—211.
• Басан Бадьминович Городовиков // Наши земляки — Герои Советского Союза. — Элиста, 1967.
• Кичиков М. Л. Во имя победы над фашизмом: Очерки истории калмыцкой АССР в годы Великой Отечественной войны. — Элиста, 1970. — С. 179—179, 201.
• Крылов Н. И. Навстречу победе (Боевой путь 5-й армии, октябрь 1941 — август 1945).
• Очерки истории Калмыцкой АССР. Т. 2. — М., 1970. — С. 310.
• Городовиков О. И. Большой души человек. — Элиста, 1974. — С. 117—125.
• Городовиков Б. Б. Не уходит из памяти // Смена. 1974. № 22 — С. 1—3. [1] Архивная копия от 22 Хулһн сарин 2017 на Wayback Machine
• Звезды над степью: Очерки о Героях Советского Союза. — Элиста: Калм. кн. издательство, 1975. — С. 74—95.
• Городовиков О. И. Большой души человек. (Воспоминания о Б. Б. Городовикове). 2-е издание. , доп. — Элиста, 1976. — С. 147—156.
• Чуянов А. На стремнине века: записки секретаря обкома. — М.: Политиздат, 1976. — С. 281—282.
• Шамко Б. Н. Дорогами крымских партизан. — Симферополь: Таврия, 1976. — С. 6, 114.
• Очерки истории Калмыцкой организации КПСС. — Элиста, 1980. — С. 280, 300, 346, 380, 402.
• Петров С. Золотое созвездие (О героях Советского Союза) // Военно-исторический журнал. — М., 1981. — № 11. — С. 33—34.
• В последний путь: Некролог // Правда. 1983. 21 августа.
• Городовиков Басан Бадьминович. Некролог // Теегин герл. 1983. № 4. С. 4.
• Сусеев А. И. Повесть о советских богатырях (О книге А. А. Шарипова «Товарищ комбат») // Сов. Калмыкия. 1983. 6 сентября.
• Генерал Б. Б. Городовиков. Портрет // Калмыкия: Альбом. — М.: Планета, 1984. — С. 18.
• Калмыкия в Великой Отечественной войне 1941—1945 гг. Документы и материалы. 2-е издание, доп. — Элиста, 1985. — С. 16, 457—459.
• Генерал-лейтенант Басан Бадьминович Городовиков. (Наши земляки — Герои Советского Союза). — Элиста, 1985.
• Борисов С. Славному сыну Родины (Об открытии памятника Б. Б. Городовикову) // Сов. Калмыкия. 1985. 30 октября.
• Кукарека Г. Дорогами чести и отваги: Обзор литературы // Комс. Калмыкии. 1985. 16 ноября.
• Оглаев Ю. Верный сын Родины. (К 75-летию со дня рождения Б. Б. Городовикова) // Сов. Калмыкия. 1985. 15 ноября.
• Кирьязов В. Воспоминания о Басане Бадьминовиче Городовикове.
• Кирьязов В. Трудное небо. Докум. повесть. — Элиста: Калм. кн. издательство, 1987. — С. 11—13.
• Илишкин Н. На всех фронтах // Сов. Калмыкия, 1988. 15 ноября.
• Абилов Г. Сколько он сделал для народа // Сов. Калмыкия, 1990. 15 ноября.
• Бадмаев П. В. В честь героя (Предложение об увековечении памяти Б. Б. Городовикова) // Сов. Калмыкия, 1990. 7 ноября.
• Балакаев А. Он беззаветно любил республику свою. К 80-летию со дня рождения Б. Б. Городовикова // Сов. Калмыкия, 1990. 14 ноября.
• В честь юбилея Героя. Митинг в г. Элисте на ул. Б. Б. Городовикова // Сов. Калмыкия, 1990. 14 ноября. С. 1.
• В честь юбилея Героя (О переимеовании улицы Пионерской имени Басана Городовикова) // Элиста. Новости, 1990. 17 ноября.
• Грабовецкий Э. М. Чудо-богатырь калмыцкого народа // Комс. Калмыкии, 1990. 15 ноября.
• Илишкин Н. Из фронтовой биографии Героя. К 80 летию со дня рождения Городовикова // Теегин Герл, 1990. № 6. С. 97—100.
• Гуреев А. Родная мне Калмыкия // Сов. Калмыкия, 1993. 24 февраля.
• Гаряева Н. «Целую, обнимаю. Ваш Городовиков» (Поздравления Городовикова семье по случаю рождения трёх мальчиков в с. Садовое) // Изв. Калмыкия, 1995. 15 ноября. С. 2. (№ 211).
• Городовиков Б. Б. Памятник на аллее героев // Теегин Герл, 1995. № 7. С. 123.
• Басан Бадьминович Городовиков: Воспоминания. Исследования. Документы. Элиста, 1995. — 237 с.
• Кутыгин Т. Забывать таких людей мы не вправе // Изв. Калмыкия, 1995. 30 сентября, 4 октября.
• Манджиев И. Республике повезло, что ею руководил Городовиков // Изв. Калмыкии, 1995, 15 ноября.

Холвас

• Городовиковин Бадмин Басң (рус.). Сайт «Герои страны».
• История Калмыкии. Б. Б. Городовиков.
• Виртуальная выставка книг к 100-летию Б. Б. Городовикова на сайте научной библиотеки Калмыцкого государственного университета Архивная копия от 5 Хулһн сарин 2009 на Wayback Machine.
• Виртуальная экскурсия по музею Б. Б. Городовикова школы № 18 г. Элиста Республики Калмыкия Архивная копия от 3 Хөн сарин 2012 на Wayback Machine.
• Городовиков Басан Бадьминович // Герои Дона : биобиблиографический справочник / Донская государственная публичная библиотека; сост. Н. Н. Зайцева. Ростов-на-Дону, 2017 — . Архивная копия от 18 Лу сарин 2020 на Wayback Machine