Салан Кооткин Бадм
| Салан Кооткин Бадм | |
|---|---|
 | |
| ректор Хальмгин Ик сурһулин | |
| Экләд көдлсн цаг | 2010 җил |
| Урднь цолд бәәсн күн | Борлга Манҗин Герман |
| Бийин туск медән | |
| Төрсн цаг | 1966 март сарин 24 (60 лет) |
| Төрсн һазр | Хомутников селән, Ик-Буурла район, Хальмг АССР, РСФСР, СССР |
| Орн-нутг | |
| Номин зөрүлт | педагогик, биологий |
| Учёная степень | биолог номин доктор, педагогикин номин кандидат |
| Сурһуль | |
Салан Кооткин Бадм (орс. Бадма Катинович Салаев; төрсн 1966 март сарин 24, Хомутников[d], Хальмг Автономн Советск Социалистическ Республик) — Олна ниитин үүлдәч болн төршч, 2010-гч җилин декабрь сарин 21-с авн — Хальмгин Ик сурһулин ректор. Биолог номин доктор, педагогикин номин кандидат.
Намтрнь
1990-гч җилд Хальмгин Ик сурһулин «Зоотехния» әңгиг төгсәсмн[1]. Сурһулян төгсәснә хөөн Хальмгин Ик сурһулин комсомолын сегләтрин дарукин цол дааҗ йовсмн, Хальмг АССР-ин Деед Хүүвин сегләтрәтин барин әңгд ахлгч эрдмчәр көдлсмн. Дарунь Ик сурһулин комсомолын тогтацин сегләтр болсмн.
1991—1992 җилмүдт — Элст балһсна исполкомин баһчудын кергүдәр үүлддг әңгиг һардла. 1992—1993 җилмүдт — Элст балһсна баһчудын болн тәмрин кергүдәр үүлддг әңгиг ахлад, Элстин администрацд баһчудын кергүдин комитет һардла. 1993—1998 җилмүдт — Элст балһснд үүлддг Хальмг Таңһчин йирңкәлгчин Аппаратын төләлгч. 1998—1999 җилмүдт — Элстин мэрийд баһчудын, зуульчллһна болн тәмрин кергүдәр үүлддг әңгиг ахлсмн.
1999-гч җиләс авн Хальмг Таңһчин шаңһа көдлмш күцәҗ йовсмн. 1999 җилд — Хальмг Таңһчин Правительствин ахлачин түрүн дарукин сегләтрәт ахлгч эрдмчәр орсмн. 1999-гч жилин март сарас авн — Хальмг Таңһчин дунд болн мергҗлин эрдм-сурһулин министрин дарук. 2003-гч җилин январь сарас авн 2007-гч җилин декабрь сар күртл — Хальмг Таңһчин эрдм-сурһулин болн номин министр. 2007-гч җилин декабрь сарас авн — Хальмг Таңһчин эрдм-сурһулин, сойлын болн номин министр. 2008-гч җилин март сарас авн Хальмг Таңһчин Правительствин толһачин дарук — Хальмг Таңһчин эрдм-сурһулин, сойлын болн номин министр. 2009-гч җилин февраль сарас авн — Хальмг Таңһчин эрдм-сурһулин, сойлын болн номин министр. 2009-гч җилин июнь сарас авн Хальмг Таңһчин Правительствин толһачин дарук — Хальмг Таңһчин эрдм-сурһулин, сойлын болн номин министр[2].
2004 -гч җилд «Арвтнрин әмдрлд учрдг хаҗһр йовдлмуд гетлхин төлә берк зөрлтс асрлһн» нерлһтә төрәр кандидатын диссертац харсла.
2010-гч җилин декабрь сарин 21-с авн Хальмгин Ик сурһулин ректор[2].
Ниитлл
- Салаев, Б. К. Формирование ценностных ориентаций как средство преодоления девиантного поведения подростков : диссертация … кандидата педагогических наук : 13.00.01. // Волгоград,. — 2004.. — С. — 176.
- Борликов Г. М., Салаев Б. К., Ботова С. Н. Формирование инновационной инфраструктуры регионального вуза как фактор устойчивого развития региона // Интеграция образования.. — 2013.. — № № 1.
- Куканова В. В., Салаев Б. К., Трофимова С. М. Структура электронного учебника калмыцкого языка: проблемы и перспективы // Новые исследования Тувы.. — 2013,. — № № 4.. — С. 181—182.
Ачлврмуднь
- Хальмг Таңһчин Күндллһнә һашгар ачлгдсмн, «Әрәсән Федерацин мерглҗин эклц сурһулин һавья бәрсн көдләч» өрчд зүүдг темдгтә. «Хальмг Таңһчин Ачта багшин» нер зүүлә[2].
- Х. Досмухамедовин нертә Атыраускин Ик сурһулин Күндтә профессорин нертә[3].
Шалһлт
«Диссернет» нерлһтә дурндан үүлддг саңсрин ниицәнә тодлврар, Салан Бадм диссертацтан олзлсн тоот дунд талдан күүнә көдлмшәс авсн зәңгллһн бәәнә, зуг тедн «ишлл», гисн темдг уга[4]
Темдглл
- ↑ Ректор. Дата обращения: 25 Ноха сарин 2025. Архивировано 21 Лу сарин 2014 года.
- ↑ 1 2 3 Бадма Салаев. Дата обращения: 25 Ноха сарин 2025. Архивировано из оригинала 22 Лу сарин 2014 года.
- ↑ Ректор КалмГУ Бадма Салаев удостоен звания «Почетный профессор Атырауского государственного университета». Дата обращения: 25 Ноха сарин 2025. Архивировано 21 Лу сарин 2014 года.
- ↑ Салаев Бадма Катинович таблица заимствований. Диссернет.