Санҗрин Мартына Николай

Санҗрин Мартына Николай
Санҗрин Мартына Николай
Төрсн җил өдрнь	1921.09.21.
Төрсн һазрнь	Зөвллтин Орс, Хальмгин Эврән засх Муҗ, Баһ Дөврд улс, Цаһан-Нур, (одаһин Октябрин район)
Нас барсн җил өдрнь	1944.08.18.
Нас барсн һазрнь	Польш улс
Холвгддгнь	ЗХУ
Цолнь	ахлгч деслгч
Дәәлснь/дәнь	Төрскән Харсгч Аһу ик дән
	Медиафайлы на РУВИКИ.Медиа

ЗХУ-ин шуудңгин дугту, 1974 җил

Санҗрин Мартына Николай (орс. Санджиров, Николай Мартынович; 1921 җилин сентябрь сарин 29 , өдгә цагин Октябрин района Цаһан-Нур, Хальмг Таңһч — 1944 җилин август сарин 18, Польша) — Зөвллтин Холват Улсин Баатр, Төрскән Харсгч Аһу ик дән гидг дәәнә орлцгч.

Намтр

Санҗрин Мартына Николай 1921 җилин сентябрь сарин 29-д Хальмгин эврән засх муҗин Баһ Дөрвд улсин Цаһан-Нуурин әәмгт төрсмн^[1].

1941 җилин июнь сард Санҗрин Николай Дубовка гидг балһсндк сурһн күмҗүлх коллеҗиг төгсәсмн. Төрскән Харгсч Аһу ик дәәнә экн үйд эннь Эркү балһсна цергин инҗенерин сурһульд орад, 1942 җилин февраль сард үүг деслгч цолта төгсәҗ.

Санҗрин Николай 1944 җилин август сарин 18-д Польшад бәәр-бәрлдәнд орлцҗ насан барсмн.

Седльце гидг балһсндк зөвллтин дәәчнр, бәрәнд туссн дәәчнр болн немшнрин лагерьмудт насан барсн күмсин үкәрт оршагдв. Үкәрт көшә бәәдмн.

Баатр йовдл

Санҗрин Николай Новороссийскин эргнд харслтын түрүн захд минмүд тәәлснә төләднь түрүн Улан Одна орденәр ачлгдв. 1943 җилин август сард Зөвллтин довтллһна үйәр Мартына Николайин взводнь долан миңһнәс үлү мин устхҗ.

Днеприг һатлх цагт Санҗрин Николайин взводнь дәәснә күчтә һал дор һурвн оңһцар 408 рейс кеһәд, 6390 күн, 80 тонн сумн, 16 тов, 698 тонн күмсн, 620 мин, 8 миномёт, 19 терг һолын эсрг талын эргт тееврлҗ.

Ачлврнь

«Алтн Одн» медаль — 1944 җилин июль сарин 3-д эр зөргин төләдән ачлгдсмн;
Ленинә Одн;
Александр Невскийин Одн — Украиныг чөләлснә төлә;
Төрскән Харсгч дәәнә I зергин Одн^[1];
хойр Улан Одн.

Дурсхлнь

Дубовка балһсн болн Цаһан-Нур селәнә һудмҗмудыг Санҗрин Николайин нертә болһв.
Цаһан-Нур селәндк дунд сурһуль Санҗрин Николайин нертә бәәдмн.
Элст балһснд Санҗрин Николайин барельефтә Баатрмудын Һудмҗ гидг дурсхлын цогцлвр бәәдмн.

Темдглл

↑ ¹ ² Национальный музей Республики Калмыкия имени Н. Н. Пальмова: Старший лейтенант Николай Мартынович Санджиров Архивная копия от 12 Хөн сарин 2014 на Wayback Machine.

Ном-зү

Золотое созвездие Калмыкии. Герои Советского Союза: методико-библиографическое пособие. — М-во культуры и массовых коммуникаций РК, НБ им. А. М. Амур-Санана; сост. Н. С. Нимеева; ред. Л. П. Акиева; ред. калм. текста В. В. Сангаджиева, М. Горяева. — Элиста, 2006. — 129 с.
Календарь знаменательных и памятных дат на 2016 год/ 2016 Җилин ончта өдрмүдин лит, М-во культуры и туризма РК, Национальная библиотека им. А. М. Амур-Санана; сост. В. В. Сангаджиева; ред. О. Е. Аргунова; отв. за изд. Н. Б. Уластаева. — Элиста, 2015, стр. 22
Н. М. Санджиров: фото/ Наши земляки — Герои Советского Союза, комплект из 21 фоторепродукций, Элиста, 1975, Репродукция 17.
Николай Мартынович Санджиров: биографическая справка/ Наши земляки — Герои Советского Союза, комплект из 22 буклетов, Элиста, 1985, буклет 18.
Николай Мартынович Санджиров: биографическая справка]/ Наши земляки — Герои Советского Союза, Элиста, 1967, стр. 65 −67.
Герои Советского Союза, краткий биографический словарь в 2-х т/ Министерство обороны СССР, М., 1988, Т. 2, стр. 415.
Бондаренко А. С., Бородин А. М. и др. Михаил Мартьянович Санджиров // Герои-Волгоградцы / Вст. А. С. Чуянов. — Волгоград: Нижне-Волжское книжное издательство, 1967. — С. 336. — 471 с. — 25 000 экз.

Холвас

[нмРК-1] ¹ ² Национальный музей Республики Калмыкия имени Н. Н. Пальмова: Старший лейтенант Николай Мартынович Санджиров Архивная копия от 12 Хөн сарин 2014 на Wayback Machine.

[1]