Советын гер (Элст)

Дом Советов
	Гер
Дом Советов
	хал. Советын гер
	; Долан өдрин сүмин талас Советын герин бәәдл
	46°18′29″ с. ш. 44°16′14″ в. д.GЯO
Ормнь	Россия
Элст	Ленина нертә талвң
Архитектурин намба	конструктивизм
Төсвин зокагч	И. А. Голосов, Б. Я. Мительман
Түрүңк тодрхаллт	1932
Цолнь	Объект культурного наследия народов РФ федерального значения. Рег. № 0815100041740006 (ЕГРОКН). Объект № 0810001000 (БД Викигида)
Бәәдлнь	сән
	Медиафайлы на РУВИКИ.Медиа

«Советын гер» (орс. Дом Советов) — Хальмг Таңһчин хотл Элст балһснд бәәх архитектурин тосхлц. 1928—1932 җимүдт Илья Голосовин болн Борис Миттельмана төсвәр хальмгин муҗин ВКП(б)-н тогтацин бәәрн гиҗ тосхгдсмн. Федералин архитектурин бумбин чинртә^[1]. Төрскән харсгч Алдр дәәнә цагт нурсмн, 1960-гч җилмүдт хәрү босхгдсмн. 1974-гч җилмүдәс авн — архитектурин бумб. Өдгә цагт Хальмгин Ик сурһулин Негдгч корпус.

Элстин Советын гер, 1930-гч җилмүдин бәәдл

Долан өдрин сүмин ард Советын гер бәәнә

Тууҗнь

Тосхлт

Элстин Советын гер 1928—1932 җилмүдин туршт Илья Голосовин болн Борис Миттельмана советск цага архитектормудин төсвәр тосхгдсмн. Гер тосхлтын ах инженернь — С. Прохоров. Архитектурин намба — конструктивизм^[2]. Удл уга эн гер Хальмгин хотл балһсна 1920-гч җилмүдин бәәдлин кеерүл болад, ниитин болн төршлтин цутхлң болсмн^[3].

1932-гч җилин ноябрь сарин 6-д энүнд Хальмгин муҗин күцәлгч тогтацин болн Элст балһсна хүүвин пленумиг шин гер секлһнд болн Октябрьск революцин 15 җилин өөнд нерәдҗ давулсмн^[4] .

Гер дотр Элстин бүрдәцс бәәршлсмн — хальмгин муҗин ВКП(б)-н тогтац, 1939-гч җиләс авн — КПСС, 1935-гч җиләс авн дәкәд Хальмг АССР-ин Суңһлһна күцәлгч тогтац энүнд орсмн^[4].

Төрскән харсгч Алдр дәәнә цагт нурсмн

Төрскән харсгч Алдр дәәнә цагин немшнр орҗ ирсн кемд эн гер Элстин чинртә төв бәәшң болснас, хамгин түрүнд түүмрт орсмн. Вермахтын цергиг туусн цагт шатасн болх, гиҗ тоолгдна. 1942-гч җилин август сарас авн декабрь күртл энүнд Вермахтын 16-гч моторизованн пехотын дивизин штаб бәәршлсмн. 1942-гч җилин декабрь сарин 31-д, 1943-гч җилин январь сарин нег шинд эклсн кемд герин эргндк девскриг советын 28-гч церг эзлсмн. Январин 1-д герин өмнк талвң деер Улан церг балһснд орҗ ирсн йовдлд нерәдәд хург давсмн, шачах эдн гер деер Советын улан туг батлсмн. Терүг 28-гч цергин гвардин ах лейтенант Михаил Кондаков, гвардин сержант Владимир Никаноров болн цергин төршлтин көдләч Булда Манджиев һурвн батлсмн^[4].

Дәәнә хөөтк цаг

1960-гч җилмүдин чилгчд гериг хәрү босхсмн. Көдлмшин йовудт герин дотор болн һазак бәәдл невчк сольгдла.

1974-гч җилин декабрь сарин 4-д РСФСР-ин министрмүдин Хүүвин тогтацар эн гер архитектурин бумбин тоод орад, шаңгин харслһ авсмн^[4] 7 мая 2009-гч җилин май сарин 7-д Хальмг Таңһчин сойлын үвин реестрд орулгдсмн (№ 345—346 — хүврлт 2012 җилин апрель сарин 28-д^[1]).

Өдгә цагт Хальмгин Ик сурһулин 1970-гч җилд бүрдәсн төвк корпус болна^[4].

Утх-зокъялд

Советин йосна цага бичәч Константин Паустовский (рус.) (хал. Элстин 1930-гч җидмүдин бәәдлин тускар бичхләрн, иигҗ тодлҗ: «дөрвлҗн гиигн бәәшңгтә, чолун балконта болн гилвксн цевр терзмүдтә цаһан дөрвлҗн гер»^[4].

Герин өмн урһсн уласн моддыг Хальмгин келн-улсин шүлгч Эрнҗәнә Константин «Мой старый тополь» поэмд орсмн^[4].

Нәәрүмлҗ

Дотр бәәх хорасарн эн гер дала ик биш. Һурвн давхр гер нег булмгдан зурһан давхр өндр.

Йиртмҗин бәәдлиг оньгтан авад, герин нәәрүмлҗиг бүтүһәр күцәҗ. П-үзгин бәәдлд орулад, дотр хашад сүүдр орулҗ. Негдгч давхрин орань һо, терүн деер әмтн загсх талвң кеҗ. Эрсмүднь гиигн дотрта, девсүрнь төмр. Гиигн эрсмүднь дотран хоосн «Рекс» чолунас кегдсмн, өөдән чинртә бат цементар наалһгдсмн. Деерәс дүүҗләтә бәәдлтә лоджий, балкон болн сарвчнь һазак бәәдлиннь кеерүл болҗана.

Темдглл

↑ ¹ ² Постановление от 28 апреля 2012 г. № 122 «Об утверждении списка объектов культурного наследия Республики Калмыкия» (неопр.). Дата обращения: 1 Һаха сарин 2025. Архивировано 3 Ноха сарин 2014 года.
↑ Общественные здания в советской архитектуре 1917- начала 1930-х (неопр.). Справочник по архитектуре и проектированию. Дата обращения: 1 Һаха сарин 2025. Архивировано 5 Хулһн сарин 2012 года.
↑ Селим Хан-Магомедов. Илья Голосов. Дома Советов, Дома правительства, Дома промышленности (неопр.). Дата обращения: 1 Һаха сарин 2025. Архивировано 26 Үкр сарин 2015 года.
↑ ¹ ² ³ ⁴ ⁵ ⁶ ⁷ Прокопенко Виктор. От Дома Советов - к Alma mater // Элистинская Панорама. — Информационный портал "Калмыкия online", 2010, 12 сентября.

Сурвлҗ

Элиста: Диалог времён. Памятники истории и культуры: Фотоальбом. — Элиста: Калмыцкое книжное издательство, 2004 г. — С. 2. — 183 с.

Холвас

Селим Хан-Магомедов. Илья Голосов. Дома Советов, Дома правительства, Дома промышленности (неопр.).

[Постановление-1] ¹ ² Постановление от 28 апреля 2012 г. № 122 «Об утверждении списка объектов культурного наследия Республики Калмыкия» (неопр.). Дата обращения: 1 Һаха сарин 2025. Архивировано 3 Ноха сарин 2014 года.

[2] Общественные здания в советской архитектуре 1917- начала 1930-х (неопр.). Справочник по архитектуре и проектированию. Дата обращения: 1 Һаха сарин 2025. Архивировано 5 Хулһн сарин 2012 года.

[3] Селим Хан-Магомедов. Илья Голосов. Дома Советов, Дома правительства, Дома промышленности (неопр.). Дата обращения: 1 Һаха сарин 2025. Архивировано 26 Үкр сарин 2015 года.

[Прокопенко-4] ¹ ² ³ ⁴ ⁵ ⁶ ⁷ Прокопенко Виктор. От Дома Советов - к Alma mater // Элистинская Панорама. — Информационный портал "Калмыкия online", 2010, 12 сентября.

[1]

[2]

[3]

[4]