Турченко, Павел Алексеевич

В Рувики есть статьи о других людях с фамилией Турченко.

Павел Алексеевич Турченко
Төрсн җил өдрнь	1914 җилин май сарин 15
Төрсн һазрнь	Солёное селән, Яшлтын район, Хальмг Таңһч
Нас барсн җил өдрнь	1987 җилин апрель сарин 13
Нас барсн һазрнь	Пятигорск балһсн, Ставрополин кизәр
Холвгддгнь	СССР
Цолнь	майор
Дәәлснь/дәнь	Төрскән Харсгч Аһу ик дән
Шаңнлнь	Шаблон:Ленинә одн

Па́вел Алексее́вич Ту́рченко (1914 җилин май сарин 15, Хальмг Таңһч, Яшлтан района Солёное селән — 1987 җилин апрель сарин 13, Пятигорск балһсн, Ставрополин кизәр) ЗХУ-ин баатр, Төрскән Харсгч Аһу ик дәәнә орлцач.

Намтрнь

Павел Алексеевич Турченко 1914 җилин май сарин 15-нд Яшлтын района (Хальмг Таңһч) Солёное селәнд төрҗ, долан җилин сурһуль төгсәв. Дәәнә өмн эннь Ставрополин кизәрин Воронцово-Александровское селәнд (өдгә цагт Зеленокумск балһсн) көдлҗ бәәһәд, йовһн цергин сурһульд орҗ сурв.

Төрскән Харсгч Аһу и дәәнә экн сармудт Турченко Приморск салу әәрмин бүрдлд Өмн болн Хөөт Кавказин фронтын ноолданд, дарунь Беларусин 1-гч фронтын бүрдлд олцад бәәв. Хөөннь, Европд күрәд ирҗ, күнд шавтад, Берлин балһсна захд дәәг дуусхв. Эдгәд ирснә дару эннь цергәс бууҗ, Пятигорск балһснд ирҗ сүүршәд, улсин теткврт һарх күртлән көдлҗ бәәв.

Павел Алексеевич Турченко 1987 җилин апрель сарин 13-нд Пятигорск балһснд насан барҗ. Мөн тенд Краснослободск үкәрин һазрт оршагдв.

Баатр йовдлнь

1945 җилин январь сарин эклц хаһст Павел Турченко 691-гч Севастополин хадг полкин бүрдлд Висла һолын зүн эрг деерк ноолданд орлцҗ ирв. Павел Турченкон һардҗ бәәсн батальон дәәснә хамһаллтын бәәрллиг давх даалһвр авч. Батальон дәәснә бәәриг эвдҗ, тедниг ардаснь некәд көөҗ бәәв. Алдсн бәәрн-ссүрән эргүлҗ авхиг шиидсн дәәсн йовһн церг, танк, эврән йовгч бууһин ик күчиг дәврлтд орулв. Павел Турченкон һардҗ бәәсн батальон дәәснә цуг дәврлтиг урвулҗ, сөрг дәврлтд орҗ, немшмүдин күүнә күч, техникин кергслд ик дуту учрулсна дару дәәснә хойрдгч хамһаллтын бәәриг эзләд авв.

Шаңнлнь

• Алтн Одн — 1945 җилин февраль сарин 27-нд дәәснә батрулад авсн хамһаллтыг эвдҗ, батальоныг чадврта кевәр һардад, хүвин эр-зөргин төлә шаңнгдв;
• Ленинә одн

Холвас

• Павел Алексеевич Турченко (рус.). Сайт «Герои страны».
• Агарков Б. Прорыв. / Звёзды над степью: Очерки о Героях Советского Союза. — Элиста: Калмыцкое книжное издательство, 1975. — С. 215—226.
• П. А. Турченко: фото/ Наши земляки — Герои Советского Союза, комплект из 21 фоторепродукций. — Элиста, 1975. — репродукция 19.
• Павел Алексеевич Турченко: биографические данные/ Наши земляки — Герои Советского Союза, комплект из 22 буклетов. — Элиста, 1985. — буклет 20.
• Турченко Павел Алексеевич (биографические данные) / Герои Советского Союза: краткий биографический словарь в 2-х т. Т. 2. / Министерство обороны СССР. — М.: Воениздат, 1988. — С. 612. — ISBN 5-203-00536-2