Эскиндаров Михаил Абдурахманович

Рувики-с
Михаил Абдурахманович Эскиндаров
кабард.-черк. Есчындар Абдурэхьман и къуэ Михаил (Мухьэдин)
Mikhail Eskindarov, February 2012.jpeg
Төрсн җил-өдрнь 1951 ноябрь сарин 15(1951-11-15) (74 года)
Төрсн һазр
Орнь
Шинҗлх ухана салврнь эдшл
Сурһульнь
Номин зергнь эдшлин номин доктор[d]
Номин цолнь профессор, академик РАО
Шаңнлнь
Төрскн нутгтан һавья күргсн III зергин Одн IV-гч зергин «Эк орндан һавья бәәһүлсн» одн
Нәәрмдлин одн RUS Medal In Commemoration of the 850th Anniversary of Moscow ribbon.svg
П. А. Столыпина I-гч зергин медаль П. А. Столыпина II-гч зергин медаль
Орден Дружбы (Вьетнам)
Заслуженные деятели науки Российской Федерации — 2009 RUS Honorary Worker of Higher Professional Education 2004 ribbon.svg Премия Правительства Российской Федерации в области образования — 2010 Премия Президента РФ в области образования — 2000
Логотип РУВИКИ.Медиа Медиафайлы на РУВИКИ.Медиа


Михаил (Мухадин) Абдурахманович Эскиндаров төрсн 1951 ноябрь сарин 15, Бесленей[d], Хабезский район[d] — Әрәсән эдшлч, 2006—2021-гч җилмүдт ректор, хөөннь Әрәсән Федерацин Правительствин ханьд үүлддг саңшлын Ик сурһулин йирңкәлгч болн номин һардач[1][2], эдшлин номин доктор (2000), профессор (1998), Әрәсән эрдм-сурһулин Академин академик (2016); 2012-гч җиләс авн гешүн-корреспондент[3]. Кесг банксин болн салглана бүрдәцсин директомудин Хүүвсин үлмә уга гешүн. Әрәсән Федерацин номин Ачта үүлдәч (2009)[4].

Намтрнь

1976-гч җилд Москван саңшлын институтын өгйәлврин болн эдшлин факультет төгсәсмн (1992-гч җиләс авн — Әрәсән Федерацин Правительствин ханьд үүлддг саңшлын академин, 2010-гч җиләс авн — Әрәсән Федерацин Правительствин ханьд үүлддг саңшлын Ик сурһульд, «эдшлч» мергҗл авсмн. 1976-гч җиләс авн 1981-гч җил күртл тер сурһулин аспирантурт орсмн[5][6]. 1982-гч җилд «Актуальные политэкономические проблемы производительности труда в условиях развитого социализма» төрәр элчтнә диссертациг харссмн[7]. 2000-гч җилд «Особенности развития корпоративных отношений в современной российской экономике» төрәр докторин диссертациг харссмн[7].

Мергҗлин үүлдврнь

  • 1981—1982-гч җилмүдт — Москван саңшлын институтын төшлин әрвллтин кафедрин җорч; 1982-гч җилд «Актуальные политэкономические проблемы производительности труда в условиях развитого социализма» төрәр номин элчтин диссертациг харссмн[6].
  • 1981-гч җиләс авн — Москван саңшлын институтын саңшлын эдшлин факультетын декана дарук, җорч, төршлин әрвллтин кафедрин ахлгч багш.
  • 1982—1984-гч җилмүдт — үүлтнрин әңгин ахлач.
  • 1984—1987-гч җилмүдт — нарт-делкән нутгс хоорндк эдшлин хәрлцәнә факультетын декан[8].
  • 1987—1991-гч җилмүдт — Аденскин Ик сурһульд (Йемен) советскин багшнрин багин һардачнр.
  • 1991—2002-гч җилмүдт — проректор, напт-делкән эдшлин кафедрин профессор болн болн нарт-делкән нутгуд хоорндк өгйәлврин болн валютн хәрлцәнә профессор; 2000-гч җилд «Особенности развития корпоративных отношений в современной российской экономике» төрәр докторин диссертациг харссмн[6].
  • 2002—2006-гч җилмүдт — Әрәсән Федерацин Правительствин ханьд үүлддг Саңшлын академин түрүн проректор[6].
  • 2006-гч җиләс авн — Әрәсән Федерацин Правительствин ханьд үүлддг Саңшлын академин ректор, 2010-гч җиләс авн 2015-гч җилин ноябрь сарин 15 күртл — Әрәсән Федерацин Правительствин ханьд үүлддг Саңшлын академин ректор[8][9].
  • 2021-гч җилин ноябрь сарин 15-с авн — Әрәсән Федерацин Правительствин ханьд үүлддг Саңшлын йирңкәлгч болн номин һардач[2][9][1].

Батлмҗс

Әрәсән ректормудын Ниицәнә нерн деерәс бичсн дуудврт һаран тәвсн учрар 2022-гч җилин июнь сарин 9-с авн Украина батлмҗд (санкции) орсмн[10].

Күцәмҗснь

Цөөкн мергҗлтә академиг университетд хүврүлх седвәр татад, шин көтврмүд болн мергҗлин зөрүлтс сексмн. Ик сурһульд эсвин шин зөрүлтин, бедргин информатикин, социологин, политологин, заллтын, зуульчллһна мергҗләр үүлтнриг белддг болсмн. Тер мет сурһуль бедргин болн шаңһа бүрдәцслә олн хәрлцәс батлсмн. Тер шинрлтин аштнь 11 төв кафедр көдлҗ бәәнә, тедн дунд PricewaterhouseCoopers, KPMG, Ernst & Young, Газпромбанкин кафедр болн нань чигн. Ик сурһуль олн зергин тогтацта, Әрәсән болн һазадын ордудын демнчнртә хамдан үүдәсн магистмудын болн аспирантмудын көтлврмүд көдлҗәнә.

Эскиндаровин седвәрәр Саңшлын Ик сурһульд Әрәсән Федерацин саңшлын Министерствин ик сурһуль, Цугәрәсән алвна академь, Цугәрәсән эчнән саңшлын болн эдшлин институт, зәңгллһнә көдләчнрин мергҗлт өөдлүллһнә институт ниилүлгдҗ орсмн. Терүнә хөөн шин факультетмуд секгдсмн:

  • Хамг кичәлмүд англь келәр давулгддг Нутг хоорндк саңшлын факультет;
  • Саңшл-эдшлин;
  • юридическ;
  • Эдшлин шалһана болн аюлго бәәдлин;
  • социологин болн политологин;
  • Нутг хоорндк зуульчллһна, тәмрин болн гиич тосхлһна бедргин;
  • Шаңһа заллтын болн саңшлын бүртклһнә;
  • түләнә-энергетикин эдшлин болн саңшлын ниилгин;
  • логистикин;
  • һазадын ордудын оютнрин белдврин факультет.

Бас ректорин седвәрәр номин шинҗллтин институт болн цутхлңг тогтагдсмн, Саңшлын Ик сурһулин форумд Әрәсән болн талдан ордудын номтнр орлцна, немр мергҗлин сурһулин кергүдин то зөвәр өссмн. Аштнь Саңшлын Ик сурһуль ода цуг Әрәсәд 27 филиалта. Ода Ик сурһуль номин зерг өгх зөв авсмн[11].

Һол нәәрүллһснь

500 шаху номин нәәрүллһсин, монографсмн, дегтрмүдин болн номин седкүлст бичсн зәңгсин түрвәч. 

Сүл җилмүдин нәәрүллһснь:

  • XXI-гч җилин мөрд Нарт-делкән эдшлин бәәдл (1995);
  • Бедргин үүлдврин эдшлин төв (1996);
  • Әрәсән деед сурһулин һол тогтацс. Әрәсән болн һазадын ордудын шинҗллт (1997);
  • Саңшлын болн салглана багмуд (1998);
  • Саңшлын болн корпоративн тогтацсин капитал (1998);
  • Өдгә цагин Әрәсәд корпоративн хәрлцәнә бәәдл (1999);
  • Эдшлин тогтлцан — капиталын девшлтин һол күслнь (2003);
  • Бедргин шалһлт. Сурһулин дегтр (2006);
  • Эрдм-сурһулин бүрдәцс өдгә хүвлһнә цагт шаңһа бүрклһн (2006);
  • Зәңгс, интервью болн илдкврмүдин хураңһу (2006—2007) (2007);
  • «Саңшлын кимрлин зеткр Әрәсәд: күчн-зүүлд, сценарий болн сөрүцлһн» илдквр (2008);
  • Әрәсән Федерацин Правительствин ханьд үүлддг саңшлын академин теорин болн эв-арһин инновацин асудл (2008);
  • 1941—1945 җилмүдт Төрскән харсгч Алдр дәәнә Диилврт орулсн саңшлын чинр (2010);
  • 2009—2011 җилмүдт Әрәсән эдшл: бәәдл, ашлвр, таавр: Ашлврин илдквр (2010);
  • Өдгә цагин Әрәсән корпоративн хол бодлһ болн технологий (2010—2011);
  • Эдшлин һазад нутгудар үүлдвр (2011);
  • Багш — эрдм-сурһулин инновацион тогтлцана һол үүлдәч (2011);
  • Саңшлын Ик сурһуль: давсн, өдгә, ирх цаг (2011);
  • Хүвлһнә йосллтд АТЭС болн ШОС нутгсин эдшлин девшлтин бәәдл (2013);
  • Ниигмин корпоративн даавр (2022);
  • Корпоративн саңшл (2025);
  • Нутг хоорндк саңшлын рынок (2025);
  • Нарт-делкән саңшл: нутгудын рынксин бүрткл болн ашлвр (2025)[12].

Ачлврмуднь

  • «Төрскн нутгтан һавья күргсн» III зергин Одн (2019)[13]
  • «Төрскн нутгтан һавья күргсн» IV зергин Одн (2014)
  • Нәәрмдлин Одн (Әрәсә) (1996)
  • «Карачаев-Черкесин Таңһчд һавья күргсн» Одн (2018)[14]
  • «Әрәсән Федерацин ик мергҗлин эрдм-сурһулин һавьята көдләч» Чееҗин темдг (1997)
  • «Москван 850 җилин санлын» медаль (1997)
  • Эрдм-сурһулин халхар Әрәсән Федерацин йирңкәлгчин мөрән мөрәлч (2000)[15]
  • Эрдм-сурһулин халхар «2001-гч җилин йилһән сән менеджер» мөрән мөрәлч
  • «Җилин саңшлч» көтлврин мөрәлч (2002)
  • Әрәсән Федерацин номин Ачта үүлдәч (2009)[16]
  • Хальмгин, Ингушетин, Карачаево-Черкесин, Кабардино-Балкарин, Бурядын номин Ачта үүлдәч
  • Т. Рыскуловин нертә Хасгин эдшлин Ик сурһулин һавьята доктор (2009)
  • Эрдм-сурһулин халхар Әрәсән Федерацин Правительствин мөрән мөрәлч (2010)
  • «Әрәсән төрскнч» медаль(2010)
  • Әрәсән Федерацин Федеральн хургин Федерацин Хүүвин күндллһнә һашг (2011)
  • Нәәрмдлин Одн (Вьетнам) (2011)
  • Д. А. Ценован нертә Эдл-ахун академин доктор Honoris Causa (2011)(Свиштов, Болгарий)
  • «Адыгея Таңһчин номин Ачта үүлдәч» (2012)
  • Әрәсән эрдм-сурһулин Академин академик болн президиумин гешүн (2013)
  • Лев Николаевин нертә Алтн медаль (2013) — номин болн сойлын күцәмҗсин девшлтд ик тәвц орулсн төләд
  • Столыпина П. А. II девсңгин медаль (2016)
  • П. А. Столыпина I девсңгин медаль (2021)[17].
  • «Москан һавья күргснә төләд» йилһән темдг(2024)[18]
«Төрскн нутгтан һавья күргсн» IV зергин Одар ачлсн кем, 2014 җилин июль сарин 31

Темдглл

  1. ↑ 1 2 Эскиндаров Михаил Абдурахманович. Финансовый университет. Дата обращения: 1 Лу сарин 2026.
  2. ↑ 1 2 Елена Березина. Назван новый ректор Финансового университета при Правительстве РФ. Российская газета (15 Хулһн сарин 2021). Дата обращения: 1 Лу сарин 2026. Архивировано 15 Хулһн сарин 2021 года.
  3. ↑ Эскиндаров Мухадин Абдурахманович (рус.). rusacademedu.ru. Дата обращения: 1 Лу сарин 2026.
  4. ↑ Ректор Финансового университета. Дата обращения: 1 Лу сарин 2026. Архивировано 8 март сарин 2022 года.
  5. ↑ Эскиндаров 15 ноября покинет пост ректора Финансового университета, Известия (1 Хулһн сарин 2021). Дата обращения: 1 Лу сарин 2026.
  6. ↑ 1 2 3 4 Ректор Финансового университета объявил об отставке. rbc.ru (1 Хулһн сарин 2021). Дата обращения: 1 Лу сарин 2026.
  7. ↑ 1 2 Эскиндаров Михаил Абдурахманович. Летопись.ру. Дата обращения: 1 Лу сарин 2026.
  8. ↑ 1 2 Правительство продлило полномочия ректора Финансового университета до 2021 года. iz.ru (20 Хөн сарин 2020). Дата обращения: 1 Лу сарин 2026.
  9. ↑ 1 2 Руководитель Финансового университета Эскиндаров ушел с должности в день 70-летия, mk.ru (15 Үкр сарин 2021). Дата обращения: 1 Лу сарин 2026.
  10. ↑ Обращение Российского Союза ректоров. Российский Союз ректоров (4 март сарин 2022). Дата обращения: 1 Лу сарин 2026.
  11. ↑ Мария Агранович. Критерии присуждения вузами ученых степеней изменились. Российская газета (28 Хөн сарин 2019). Дата обращения: 1 Лу сарин 2026. Архивировано 10 Туула сарин 2020 года.
  12. ↑ Михаил Эскиндаров. Лабиринт. Дата обращения: 1 Лу сарин 2026.
  13. ↑ Указ Президента Российской Федерации от 27.02.2019 г. № 79, Президент России. Дата обращения: 1 Лу сарин 2026.
  14. ↑ Глава КЧР Рашид Темрезов вручил ректору Финансового университета при правительстве РФ Михаилу Эскиндарову высшую госнаграду республики. riakchr.ruм (19 Хулһн сарин 2018). Дата обращения: 1 Лу сарин 2026.
  15. ↑ Президент России Владимир Путин подписал Указ «О присуждении премий Президента РФ в области образования за 2000 год». Дата обращения: 1 Лу сарин 2026. Архивировано 14 Мөрн сарин 2018 года.
  16. ↑ О присвоении почетного звания "Заслуженный деятель науки Российской Федерации" Эскиндарову М.А. pravo.gov.ru. Дата обращения: 1 Лу сарин 2026.
  17. ↑ О награждении медалью Столыпина П.А. I степени Эскиндарова М. А. static.government.ru (11 Үкр сарин 2021). Дата обращения: 1 Лу сарин 2026.
  18. ↑ Президент и почетный президент Финансового университета награждены знаками отличия «За заслуги перед Москвой». Финансовый университет. Дата обращения: 1 Лу сарин 2026.

Холвас

"https://xal.ruwiki.ru/w/index.php?title=Эскиндаров_Михаил_Абдурахманович&oldid=319621" халхас авсн