Андреев, Гаха Пюрвеевич
| Гаха Пюрвеевич Андреев | |||||
|---|---|---|---|---|---|
| Андран Пүрвән Һаха | |||||
 | |||||
| Һарсн җил-өдр | 1929 җилин октябрь сарин 27 | ||||
| Төрсн һазр | Хальмг Таңһч, Баһ Дөрвдин район, Ханата селән | ||||
| Нас барсн җил-өдр | 1990 җилин | ||||
| Иргншл | ЗХУ | ||||
| Мергҗлнь | политик | ||||
| Шаңнлнь |
|
||||
Гаха Пюрвеевич Андреев (хал. Андран Пүрвән Һаха, 1929 җилин октябрь сарин 18, ЗХУ, Хальмг Таңһч, Баһ Дөрвдин район — 1990 җилин октябрь сарин 27, Хальмг Таңһч, Элст балһсн) — Хальмгин махна үкр үрҗүлһин эрдм-шинҗлһәнә күрәлңгин туршлтын фермин хөөчнрин ахлач. Социалист Көдлмшин Баатр (1976). ЗХУ-ин Деед Зөвллин 10-гч хургин депутат[1]. Хальмгин АССР-ин Деед Зөвллин депутат. Хальмгин АССР-ин һавьята малч).
Намтрнь
14 настадан «Улс» гидг нертә операцин ашгт гер-бүләрн хамдан Сиврт туугдсн бәәҗ. 1946 җилд Тюмень балһснд көдлмшән эклҗ кесн болдг. Эннь усн оңһцын үүлдврт дархна шевнь болад бәәв. 1958 җилд Хальмгт хәрҗ ирәд, Хальмгин махна үкрин эрдм-шинҗлһәнә күрәлңин хөн үрҗүлһин цогцлврт бригадир болад көдлв. 1962 җилд ЗХУ-ин партьдт орв. Һурвн көвү, нег күүк өскҗ авв.
Андран Һахан багнь 9-гч көдлмшин тавн җилин зуур төслсн 14.473 толһа хурһна ормд 14830 хурһ өскҗ авч, 952 центнер ноос кирһҗ өгч. ЗХУ-ин Деед Зөвллин Тергүләчнрин 1976 җилин март сарин 10-гч өдрин зәрлгәр «Цуг холвана улсин социалист уралданд һармһа амҗлт һарһҗ, 9-гч тавн җилин төлвлһәнә даалһвр, көдә аҗ-аху, мал аҗ-ахуһин бүтәгдлин үүлдврлл, борлуллтыг немгдүлх даалһвр күцәҗ йовхд көдлмшин эр зөрг һарһсна төлә» Көдлмшин һавьяһин түрүңк Ленинә одар болн «Алх хадур хойр» гидг нертә алтн медаляр шаңнгдҗ.
Үндстнә зөвлләс ЗХУ-ин Деед Зөвллин 10-гч хургин депутат (1979-1984), Хальмгин АССР, Целин райцона зөвллин депутат болҗ суңһгдад йосн бәәҗ. 1990 җилин октябрь сарин 27-нд, Элст балһснд насан барв. Элст балһсна үкәрин һазрт оршагдсн бәәнә.
Дурсхлнь
- Андран Һахан барельеф Хальмг Таңһчин Элст балһсна Баатрмудын һудмҗ деер сүүрләтә бәәнә.
- 2015 җиләс авн Целин района Троицкое селән болн Элст балһсна ветеранмудын дунд мини-көл бөмбгин темцән җил болһн зокан бәәһүлгддг. Темцәнмүдиг Андран Һахан күүкднь, ач-зеенрнь зокан бәәһүлдг.
Шаңнлнь
- Ленинә одн — һурвн дәкҗ (1966 җилин март сарин 22; 1971 җилин апрель сарин 8; 1976 җилд)
Темдглл
- ↑ Список депутатов Верховного Совета СССР X созыва (недоступная ссылка — история). Дата обращения: 13 март сарин 2017. Архивировано 10 Така сарин 2013 года.
Ном-зү
- Музалевский М. В. Герои Социалистического Труда. Биобиблиографический словарь. — М.: РИЦ «Кавалер», 2008. — Т. 2. — 200 с.
- Очерки истории Калмыцкой АССР. Эпоха социализма/ Социалистическое строительство на территории Калмыкии в годы четвёртой и пятой пятилеток (1946—1956 гг.) (недоступная ссылка)
- Гаха Пюрвеевич Андреев: букл. // Наши земляки — Герои Социалистического Труда: компл. букл. / сост.: Г. Д. Андраева, З. Б. Очирова; ред. Е. Н. Бошева; худож. В. Я. Михин. — Элиста, 1987.
Холвас
- Андреев Гаха Пюрвеевич (рус.). Сайт «Герои страны».