Баташев, Николай Иванович

Николай Иванович Баташев
Николай Иванович Баташев
Төрсн җил өдрнь	1915 май сарин 6
Төрсн һазрнь	Астрахань балһсн, Орс хаата улс[d];
Нас барсн җил өдрнь	1997 октябрь сарин 18 (82 года)
Нас барсн һазрнь	Киев, Украин улс;
Холвгддгнь	СССР
Цолнь
Цергин әңгнь	128-й миномётный полк, 417-я стрелковая дивизия 51-й армии
Дәәлснь/дәнь	Советско-финская война;; Великая Отечественная война

Баташев, Николай Иванович (тод. ᡋᠠᡐᠠᠱᡄᡖ ᠨᡅᡍᡉᠯᠠᡅ ᡅᡖᠠᠨᡆᡖᡅᡔᡅ; орс. Баташев, Николай Иванович ; 1915 җилин май сарин 6, Әәдрхн — 1997 җилин октябрь сарин 18, Киев) — Зөвллтин Холват Улсин баатр, Төрскән Харсгч Аһу ик дәәнә орлцач.

Намтрнь

1915 җилд Әәдрхн балһснд көдлмшч гер-бүлд төрсмн. Вольск балһснд (Саратов муҗ) чолуч болҗ көдлҗәсмн, дарунь Лагань балһсна заһсна консервин үүлдврт көдлҗәсмн. 1939-1940 җилмүдин Зөвллт-Финляндин дәәнд эврә дурарн орлцв.

Төрскән Харсгч Аһу ик дәәнд эклцәснь авн орлцҗ дәәлдсмн. 1942 җилин август сарин 6-ас авн Николай Баташев Воронеҗин фронтын 60-гч әәрмин 128-гч миномётын бух цергин бүрлдлд багтҗ. 1942 җилин август сард Воронеҗин өөр бәәр-бәрлдәнд орлцсн төләдән «Эр зөргин төлә» гидг медаляр ачлгдҗ. 1943 җилин октябрь сард эннь Горностайполин өөрнь Днепр һатлхд орлцҗ, шарх авсмн.

1943 җилин октябрь сарин 6-д Днепр һатлхд орлцв. Горностайполин өөр дәәсн довтлҗ эклв. Николай Баташевын һардлсн миномётын багихн йовһн цергин буудлһин бәәрлл тал ухрҗ одхинь халхлх үүргтә бәәснҗ.

Миномётын багнь дәәснә хойр тов болн 60 күртл цергинь уга болһв. Баташев шархдсн болвчн бәрлдҗ үрглҗлүлсмн. Дәәснә эврән йовгч тов миномётын багур 300-400 метрин зәәд өөрдҗ ирәд, хаҗаһад, миномётыг устхад, төвләчинь әмнәснь хаһцулв. Дәәсн буудлһна дарунь Баташев хойрдгч шархта болсн болвчн, танк эсргүцх зевсгиг авад, дәәснтә бәрлдхд һанцарн орв. Зөвллтин товмудын хәрү цоклтын дарунь удл уга дәәснь ухрад одҗ. Туршлчнр шархдсн Николай Баташевыг авад, нүүлһн шилҗүлв.

ЗХУ-ин Деед Зөвллин Тергүлгчнрин 1944 җилин январь сарин 10-гч өдрин «Улан Әәрмин инрл, офицер, түрүч болн салдсмудт ЗХУ-ин Баатр гидг цол өгхин туск» зәрлгәр «Нацистмудын түрмкәлгчнрин эсрг темцлин һал маңнад һардлһна бәәр-бәрлдәнә даалһвриг үлгүр-җишә болҗ күцәһәд, эр зөрг болн баатр йовдл һарһсна төлә» Ленинә Одн болн «Алтн Одн» медаляр ачлгдҗ (№ 4171)^[1].

Эмнлһ кевтснә дарунь 51-гч әәрмин 417-гч йовһн цергин дивизин бүрлдлд Хармиг чөләлхд орлцв. Дәәнә төгсклд Курляндин бөлгиг уга кехд орлцв.

Төрскән Харсгч Аһу ик дәәнә хөөннь Киевд әмдрҗ, Киевин Жедляны гидг нисклин буудлд көдлдг бәәснҗ.

1997 җилд Киевд насан барҗ. Киевдк Лукьяновскин цергин үкәрт оршагдв.

Ачлврнь

III зергин Алдрин одн - Севастополь балһсыг чөләлхд орлцсна төлә.
Ленинә одн;
I зергин Төсркән Харсгч Аһу ик дәәнә одн;
«Эр зөргин төлә» медаль.

Дурсмҗнь

Элст балһснд баатрмудын һудмҗ гидг нертә дурсхлын цогцлвр бәәдг болад деернь Николай Иванович Баташевин барельеф бәәдмн.

Шаңнлын цаасн^[2]

Темдглл

↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 Туула сарин (№ 3 (263)). — С. 1. Архивировано 7 Бар сарин 2021 года.
↑ Шаңнлын цаасн

Сурвлҗс

Н. И. Баташев: Фото // Наши земляки — Герои Советского Союза: комплект из 21 фоторепродукций / фото С. М. Чупахина. — Элиста, 1975.
Николай Иванович Баташев // Наши земляки — Герои Советского Союза. — Элиста, 1985.
Николай Иванович Баташев: краткая биография и о его подвиге // Наши земляки — Герои Советского Союза. — Элиста, 1967.

Холвас

Николай Иванович Баташев (рус.). Сайт «Герои страны».

[1] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 Туула сарин (№ 3 (263)). — С. 1. Архивировано 7 Бар сарин 2021 года.

[2] Шаңнлын цаасн

[1]

[2]