Баһчудын өдр (Әрәсә)
| Баһчудын өдр (Әрәсә) | |
|---|---|
 | |
| Зүүл | Алвн йосна байр |
| Талдан нернь | Баһчудын өдр |
| Темдглгднә |
 Әрәсә, Орсин Холвана Улс |
| Җил-өдр | Июнь сарин 27 и последняя суббота июня[d] |
| Кедгнь | 2023 җил күртл җил болһн |
| Йослл | концерт, җигсәл, наадн, хург, суртлчлһ |
 Медиафайлы на РУВИКИ.Медиа | |
Баһчудын өдр (Әрәсә) (тод. ᡋᠠᡎᠠᡔᡅᡇᡑ ᡕᡅᠨ ᡈᡑᡈᠷ (ᠠᠷᠠᠰᡃ᠊ᡅ);орс. День молодёжи (Россия)) — баһчудын үндснә байриг 1993 җиләс авн ОХУ-т җил болһн зунын цагт июнь сарин 27-нд темдглгдәд[1], 2023 җиләс эклн йирңкәлгч Владимир Путина май сарин 2-гч өдрин 132-рп тойгта «Баһчудын өдрин тускар» гидг зәрлгәр июнь сарин сүүлин бембә өдрт шилҗсн бәәнә[2].
Түүкнь
Эн байрин түүкнь 1958 җилин февраль сарин 7-нд ЗХУ-д ЗХУ-ин Деед Зөвллин Тергүлгчнрин Зөвллтин «Баһчудын өдриг бәәһүлхин туск» зәрлгәр Зөвллтин баһчудын өдр экләд болһҗ, июнь сарин сүүлин нарн өдрт темдглгддг бәәҗ[3].
1993 җилин июнь сарин 24-нд ЗХУ нурҗ тарсна хөөн ОХУ-ин түрүңк йирңкәлгч Б.Н.Ельцин ОХУ-ин Баһчудын керг-үүл эрклх улсин хораһин болн ОХУ-ин баһчудын, күүкдин ниигмлгүдин үндснә зөвллин санлар N 459-рп «Баһчудын өдриг темдглхин туск» гидг зәрлг һарһад, эн байриг июнь сарин 27-нд темдглхәр заасн болдг. Әрәсән улсин толһач мөн зәрлг болв:
«Орсин Холвана Улсин бүрлдлд багтдг Таңһчс, нутг-девскр, бүс-нутг, автономьта бәәһүллһс, Москва, Санкт-Петербург балһсдын күцәгч засгин бәәһүллһс Баһчудын өдриг темдглхд зөрүлсн харһлт, концерт, үзсклң, бһчудын бүтәлч бөлгүдин наадн, оңдан чигн нәәрмүдиг бәәһүлнә... Орсин холвана Улсин Медәлл, бар-кевллин министерств Баһчудын өдриг темдгләд өңгрүлх керг-үүлиг барин медәллин эв-арһсар өргнәр делгрүлх нәәрмүдиг болвсрулҗ кергҗүлнә... Цуг Әрәсән Улсин Төрин Телевиз, Радион Компань «Россия» цувгар дамҗулад, байрин цуг нәәрмүдиг өргнәр медүлнә»[4].
Борис Ельцин байрин өдриг июнь сарин 27-нд шилҗүлв чигн, зәрм балһсдт һол байриг июнь сарин сүүлин нарн өдрт «хуучн кевәр» темдгләд, җиләс хамата болсар июнь сарин 27 икңкдән көдлмшин өдр болад, амрлтын өдрлә таарлго бәәв. Эн өдрт Цуг Әрәсәд байрин нәәрмүд, концерт, сурх-хәрүлх марһан, спортын темцән, би-бөҗг, урлдан, улсин байр-наадн болдг. ЗХУ-ин цагла әдл кевәр июнь сарин сүүлин нарн өдрт Цаһан Орс, Украинд чигн баһчудын үндснә өдрмүдиг темдглҗ бәәнә.
Июнь сарин 27-нд Әрәсәлә хамдан Өмн Осетьд Баһчудын өдриг темдглҗ бәәнә.
2022 җилин Холвана Росмолодежь агентств Баһчудын өдрин фестивалиг Әрәсән 10 бүс нутгт шин болмҗсин төвд зокан бәәһүлв. Шилдг көгҗмин урн-бүтәлчнрин концертын талваһас талдан мастер-классмуд, седвчлсн орн-зә, төсл, холвасин таньцулһн гих мет олн зүүлин нәәрмүдиг белдәд авсн болдг.
2023 җиләс авн Баһчудын өдр июнь сарин сүүлин бембә өдрт шилҗҗ бәәнә.
Темдглл
- ↑ День молодежи в 2023 году: история и традиции праздника
- ↑ Распоряжение Президента Российской Федерации от 02.05.2023 № 132-рп «О Дне молодежи»
- ↑ Всесоюзный Ленинский Коммунистический союз молодёжи // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Распоряжение Президента Российской Федерации от 24.06.1993 г. № 459-рп