Зөвллтин баһчудын өдр
| Зөвллтин баһчудын өдр | |
|---|---|
 Москвадк Зөвллтин баһчудын байр, 1958 Фото Т. Хаммонда | |
| Зүүл | Алвн йосна байр |
| Талдан нернь | «Баһ настнрин өдр» |
| Бәәһүлгдснь | ЗХУ-ин Деед Зөвлл |
| Темдглгднә |
 ЗХУ |
| Җил-өдр | 1958.02.07 |
| Кедгнь | Җил болһн июнь сарин сүүлин нарн өдрт |
| Йослл | ЗХУ-ин Эв Хамт Намин Төв Хора болн Цуг Холвана Ленинист Коммунист Баһчудын Ниицәнд йөрәдмн |
Зөвллтин баһчудын өдр (тод. ᠴᡈᡋᠯᡈᠯᡐᡉ ᡕᡅᠨ ᡋᠠᡎᠠᡔᡅᡇᡑ ᡕᡅᠨ ᡈᡑᡈᠷ; орс. День советской молодежи) — Зөвллтин Холват Улст җил болһн июнь сарин сүүлин нарн өдрт темдглдг бәәсн улсин баһчудын байр.
Түүкнь
ЗХУ-ин Баһчудын өдриг 1958-гч җилин февраль сарин 7-д ЗХУ-ин Деед Зөвллин Тергүлгчнрин дарһ К.Ворошилов, ЗХУ-ин Деед Зөвллин Тергүлгчнрин нәрн бичгин дарһ М.Георгадзе хойрнь һаран тәвсн «Зөвллтин баһчудын өдриг бәәһүлх туск» закврар бәәһүлҗ. Эн закврар байриг җил болһн июнь сарин сүүлин нарн өдрт темдглхиг зааҗ. ЗХУ-ин Эв Хамт Намин Төв Хора байрин арһ-кемҗә зокан бәәһүлх үндсн аҗлыг Цуг Холвана Ленинист Коммунист Баһчудын Ниицәнд даалһв[1][2].
Эн өдрт байрин җагсал, бәәрн болон гиичлн ирсн урн бүтәлчнрин тогллт, бүк төрлин асулт-хәрүлтин марһан, тәмрин дөрлдән, инәдтә элементмүдтә тәмрин темцән (үлгүрнь, мишгтә урлдан) йовулгддг бәәсмн. Асхнднь ик гидг һал асаҗ, төрскнч седклин болн бард көгҗмчнрин зокасн дуудынь дуулдг бәәсмн. Бас Зөвллтин баһчудын өдрт баһчудын төрин бодлһин талар олдсн күцәмҗ дүңнҗ, иргчтә баһ наста мергҗлтнрт олн талын демҗлг үзүлдг бәәсмн[3].
Тер цагт ЗХУ-ин засг закрһана негҗ бәәсн цуг Зөвллтин Социалист Республикмүд тус өдриг хамдан темдглдг бәәв чигн, Перестройка болн ЗХУ эвдрн унсна хөөннь бәәдлнь хүврҗ. Тускар тогтнлан олҗ авад, Зөвллт Холват Улсас салсн республикмүдин ик зунь баһчудын байрин өдриг талдан өдрт шилҗүлсмн. Зәрмнь неринь хүврүлсмн эс гихлә тас уга болһсмн. Июнь сарин сүүлин нарн өдрт үүниг һанцхн Беларусь темдглдмн.
ЗХУ-ин хууль-йосна залһмҗлгч ОХУ-т эн байр наадк республикмүдлә әдл «зөвллт» гисн нер-томьяһан алдад, зүгәрл баһчудын өдр болсмн. ОХУ-ин Йирңкәлгч Борис Ельцинә зәрлгәр тус байриг июнь сарин 27-д шилҗүлсн болвчн, зәрм балһсдт үүниг Цаһан Орсла негн зерг июнь сарин сүүлин нарн өдрт темдглдмн.
Филательд
Немҗ үз
Темдглл
- ↑ Всесоюзный Ленинский Коммунистический союз молодёжи // Вешин — Газли. — М. : Советская энциклопедия, 1971. — (Большая советская энциклопедия : [в 30 т.] / гл. ред. А. М. Прохоров ; 1969—1978, т. 5).
- ↑ День молодёжи. Дата обращения: 30 Хөн сарин 2010. Архивировано из оригинала 7 Ноха сарин 2016 года.
- ↑ Веб-сайт СКМ РФ — Новости: День молодёжи в Рязани (недоступная ссылка)