Васькин, Владимир Савельевич

Рувики-с
Владимир Савельевич Васькин
Vaskin-Vladimir-Savelevich.jpg
Төрсн цаг-җил 1941 февраль сарин 12(1941-02-12)
Төрсн орм
Насан барсн цаг-җил 24 июль сарин 2022(2022-07-24)
Орн-нутг
Жанр скульптор, график
Сурһуль Санкт-Петербургская художественно-промышленная академия имени А. Л. Штиглица
Шаңнл Серебряная медаль Российской Академии художеств
Цолмуд Заслуженный художник Российской Федерации

Владимир Савельевич Васькин (1941 җилин февраль сарин 12 — 2022 җилин июль сарин 26)[1]) — Советин Союзин болн Әрәсән бәрмлч. Әрәсән Федерацин ачта зурач (1977 җилд). СССРин зурачнрин Ниицәнә гешүн (1972 җилд). Хальмг АССРин искусствин ачта үүлдәч (1980 җилд). Әрәсән зурачнрин Академин цаһан мөңгн медаль (2007 җилд). Хальмг Таңһчин Ачта иргн (2006 җилд). Әрәсән зурачнрин үүдәлтин Ниицәнә гешүн (2008 җилд).

Намтрнь

Эцкнь — Васькин Савелий Санчирович, (1898—1952), Төрскән харсгч Алдр дәәнә ветеран, 1944—1945 җилмүдт цаажла харһад, хальмг дәәчнрлә хамдан Широковск ГЭСиг (Широклаг) тосхсмн[2]. Экнь — Васькина (Бадакова) Эренджен (Эринджен) Бадминовна. (1903—1994)[3]. Ахнрнь — Васькин Дорджи Савельевич (1923—1941), Төрскән харсгч Алдр дәәнд әмнәсн хаһцсмн[4] болн Васькин Григорий Савельевич (1925—2009). Эгчнь — Тактинова (Васькина) Наталья Савельевна (1929—1996).

1943−1957 җилмүдт — хальмг улс цааҗла харһсн цагт, һунтадаһасн авн 16 наснд күртлән Новосибирск муҗгт Черепановск әңгд болн Новосибирск балһснд өссмн.

1959 җилд — Элстин № 3-гч тойгта школд 10 классиг төгсәһәсмн[5].

1959—1962 җилмүдт — Ростов балһсна М. Б. Грековин нертә зурачнрин сурһуль төгсәсмн, энүнә багшнь — Евгения Фёдоровна Лобко бәәсмн.

1967 җилд — В. И. Мухина нертә Ленинградын зурачнрин Ик сурһульд (ода эн А. Л. Штиглицин нертә Санкт-Петербургин зургин болн промышленн академьд хүврсмн) «бумблвин архитектурин урн бәрмлт» гидг эрдмин әңг төгсәсмн. Башгнрнь — Ингал, Владимир Иосифович, Васильковский, Владимир Сергеевич, Куликов Пётр Фёдорович; дипломин белдврнь ахлсн багшнь — Валентина Лаврентьевна Рыбалко.

2022 җилин июль сарин 24д сәәһән хәәсмн[1].

Үүдәлтнь

1966 җилд экләд үүдәврмүдән үзүлсмн — оютн цагтан олн-зүсн һәәхүлмүдт болн марһаст үүдәврмүдән орулна[6]

1967−1972 җилмүдт графическ эв-арһар «Җаңһрин» баатрмудиг болн хальмг бичәчнрин дегтрмүдт зургуд зурна.

1970 җилд — хальмг келн-улсин кезәңк эрә олзлад, моднас олн-зүсн керчмл-кеерүлмүд кеһәд, Элстин «Россия» гиичлүриг болн «Теегин герл» дегтрин делгүриг кеерүлнә.

1971 җилд — Элстин Иньгллт паркт бәәх «Бортха» гидг урн бәрмтл Хальмг Таңһчин сойлын үвин тоод орулгдсмн.

1972—1974 җилмүдт Владимир Савельевич Сиврәс хәрҗ ирснә хөөн шинәс бүрдсн Хальмгин зурачнрин Ниицәнә толһач болна.

1980 җилд — Чехословакин Социалистическ Орна Пьештяни балһснд болсн моднас кегдл кедг бәрмлчнрин Нарт-делкән симпозиумд орлцна.

1987 җилд — СССРин Ярославск муҗин Переславль-Залесский балһснд болсн бәрмлчнрин цугсоюзин симпозиумд станокин эв-арһар көдлдг бәрмлчнрин үүдәлтин багиг һардна.

1991 җилд — Москва, Ленинград, Элст балһсдт эврә һәәхүлмүд давулна.

1992—1993 җилмүдт Хальмг Ик сурһулин инженерн факультетд «Зургин һолнь» гидг кичәлмүдин багшар көдлв.

1997—1998 җилмүдт Хальмгт болн Әрәсәд давсн чолун эв-арһар көдлдг бәрмлчнрин «Великий шёлковый путь», «Природа и Человек глазами Востока», «В мире Каиссы», «Мир образов Давида Кугультинова» нерәдлһтә Нарт-Делкән симпозиумст орлцв.

2007—2012 җилмүдт — П. О. Чонкушовин нертә Элстин искусствин колледжд зургин болн бәрмлтин кичәлмүдин багшар көдлв.

2012 җилд — зурачнрин халхар «Улан Зала» гидг үндсни мөрән лауреат болв.

2021 җилд — Элстд, Хальмгин үндсни музейд 80 җилин өөнд нерәдгдсн «Домгуд» гидг нерәдлһтә эврә һәәхүл давулсмн[7]

Васькин В. С. нарт-делкән, цугәрәсән болн нань чигн һәәхүлмүдт эврәннь үүдәврмүдән үзүлҗ йовсмн. Нертә бәрмчин үүдәврмүднь Әрәсән, Литван, Словакийин, Германя, Монһлын, СШАн музеймудт болн салу улсин цуглуврмудт бәәнә.

Бәрмчин үүдәврмүднь

  • «Ээлян Овла җаңһрч» , Элст балһсн, Хальмг Таңһч, 1990 җил, улан мөңгн. Элст балһсна сойлын үвин тоод бәәнә[8]
  • Бурхн Багшин бәрмл көрг— 1995 җил, Элст балһсн, Хальмг Таңһч, һаньтг.[1][9]
  • Сәкүсн Сүмд бәәх Бурхн Багшин бәрмл. Аршан селән, Хальмг Таңһч, 1996 җил, улан мөңгн, алтн[10]
  • Бурхн Багшин бәрмл, Яшкуль селәнә хурл, Хальмг Таңһч. 1996 жил.
  • Бурхн Багшин бәрмл, Хар һазрин әңгин Комсомольский селәнә хурл, Хальмг Таңһч,1997 жил.
  • Бурхн Багшин бәрмл, Октябрьск әңгин Ик-Царңг селәнә хурл, Хальмг Таңһч, 1998 җил.
  • «Хойр орчлңг» бәрмлт, элстә чолун. 1997 жил[11]
  • «…Үннәс буцсн угав» бәрмл; һаньтг, 1998 җил, Элст балһсн.
  • «Йөрәл» бәрмл(Шатрин титм)[12]төмр, цутхулш, алтн, чолун, 1998, Сити-Чесс , Элст, Хальмг Таңһч.
  • Школын багш, бумблв, Элст, Хальмг Таңһч, 1999 жил[13] төмр, Элст балһсн.
  • Көгҗмч Пётр Очирович Чонкушовин бумблв. Элст, Хальмг Таңһч, 2000 җил, цутхулш, улан мөңгн[14]
  • «Заһсч», бәрмл, 2003 җил. Төмр, цутхулш, Лагань балһсн, Хальмг Таңһч[15]
  • Аюка хана бумблв, 2004 жил, төмр, цутхулш, Цаһан Амн селән[16]
  • «Бурхн Багшин Алтн сүмд» хамг бәрмл босхсн багин толһач, 2006—2009 җилмүд; Элст балһсн, Хальмг Таңһч.[17]
  • Бурхн Багшин Алтн сүмд залсн Бурхн Багшин бәрмл[18], композит, алтн, «Бурхн Багшин Алтн сүм», Элст балһсн , Хальмг Таңһч[19]
  • 17 Пандитмудин бәрмлмүд («Бурхн Багшин Алтн сүмин» эргцд бәәх Шар шаҗна номин Наланда сурһулин нертә Алдр Багшнр), төмр, цутхулш, зурлһн[20]
  • «Бурхн Багшин Алтн сүмин» деерк давхрин һазак дөрвн талд бәәх Бурхн Багшин, Амитаюс Бурхна, Цаһан Дәркин бәмрлмүд. Төмр, зурлһн, цутхулш, тавллһн, зурлһн. Элст, Хальмг Таңһч.[2]
  • Бурхн Багшин Алтн сүмин өмн бәәх усна хагдлд бәәх Намср Бурхна болн өмн үзгт бәәх әрәгнин бәрмлмүд. Төмр, цутхулш, зурлһн. Элст балһсн, Хальмг Таңһч[21]
  • «Илишкин Иван Кузнецович» бәрмл чееҗ, 2009 жил, төмр, цутхулш. РАНин Хальмг номин көрңг, Элст, Хальмг Таңһч.
  • «Һәәхҗәх Бурхн Багш». 2012 жил, композит, зурлһн. Бурхн Багшин Алтн сүмин музей, Элст балһсн , Хальмг Таңһч.
  • «Городовиков Басан Бадьминович» бәрмл чееҗ[22] 2016. Төмр, цутхулш, Октябрьск әңг, Ик Царңг, Хальмг Таңһч.
  • Бортха (булг) − В. Васькин кесн аһу искусствин эн үүдәвр 1971-гч җилд энд тәвгдсмн. 2009-гч җилин май сарин 7-д «Бортха» урн бәрмл Хальмг Таңһчин сойлын үвин реестрд орулгдсмн (№ 338).

Утх-зокъял

  • Васькин В. С. Төрскн һазрин тачал. — Элст, Чебоксар: Типография Брындиных, 2014. — 250 с.
  • Воронов Н. В. Скульптор Васькин В. С. // Владимир Савельевич Васькин: һәәхүлин каталог / Сост. Е. Н. Короткая; авт. вступ. ст. Н. В. Воронов, Д. Н. Кугультинов. — М.: Советск Союзин зурач, 1990. — 30 с.
  • Vladimir Vaskin / XXI зүн җилин Орс галерей. — М.: «Панорама» барин гер 2011, № 4, −100 с., С 30-31.
  • Теегин сюит. Төрскән харсгч Алдр дәәнә Цутхлң музейин художественн галерейин каталог. Зургудын альбом. — М.: «Панорама» барин гер, 2008. — 20 с.
  • Хальмгин зурачнр. — Элст: ЗОАр "НПП «Җанһр», 2009. — 160 с., С. 93
  • Червонная С. М. Владимир Васькин. // Художники Калмыкии. — Э.: Хальмг дегтр һарһач, 1979. — 16 с.
  • Элст: Цагин хоорндк күүндвр. Туужин болн сойлын бумблвмуд. Зургудын альбом. — Элст: Хальмг дегтр һарһач, 2004. −183 с., ISBN 5-7539-0516-1

Темдглл

  1. ↑ 1 2 На 82-м году жизни не стало Владимира Васькина. vesti-kalmykia.ru. Дата обращения: 26 Така сарин 2022. Архивировано 26 Така сарин 2022 года.
  2. ↑ Васькин Савелий Санчирович (рус.). ru.openlist.wiki. Дата обращения: 2 Хөн сарин 2020. Архивировано 27 Туула сарин 2022 года.
  3. ↑ Delgr Sangadzhieva. Рассказ о калмыцких женщинах, хранивших буддийскую религию. http://shakyamuni.ru/ (22 Мөчн сарин 2014). Дата обращения: 18 Хулһн сарин 2022. Архивировано 18 Хулһн сарин 2022 года.
  4. ↑ Герой Васькин Дорджи Савельевич (рус.). Дорога памяти. Дата обращения: 2 Хөн сарин 2020.
  5. ↑ Музей "История школы". el-school3.ru. Дата обращения: 2 Хөн сарин 2020. Архивировано 14 Хөн сарин 2020 года.
  6. ↑ Денис Жабкин. Интерьеры Саратовского театра драмы (1967 год). dzen.ru. dzen.ru (18 Хулһн сарин 2022). Дата обращения: 18 Хулһн сарин 2022. Архивировано 18 Хулһн сарин 2022 года.
  7. ↑ Зоя Наранова. Открыта юбилейная выставка Владимира Васькина. Степные вести/ Теегин зянг. Степные вести/ Теегин зянг (27 Лу сарин 2021). Дата обращения: 18 Хулһн сарин 2022. Архивировано 18 Хулһн сарин 2022 года.
  8. ↑ Калмыкия » Памятник джангарчи Ээлян Овла | Элиста, Республика Калмыкия (рус.). Дата обращения: 2 Хөн сарин 2020. Архивировано 2 Хөн сарин 2020 года.
  9. ↑ Sangadzhieva Delgr. БУДДИЙСКАЯ СКУЛЬПТУРА В ТВОРЧЕСТВЕ ВЛАДИМИРА ВАСЬКИНА. The Art Of Eurasia // Искусство Евразии. The Art Of Eurasia // Искусство Евразии (Мөчн сар 2019). Дата обращения: 18 Хулһн сарин 2022. Архивировано 10 март сарин 2022 года.
  10. ↑ Об истории художественного оформления хурула Сякюсн-сюме | Буддизм в Калмыкии. https://buddhist.ru/ Ассоциация "Буддизм в интернете". Ассоциация "Буддизм в интернете" (30 НОЯБРЬ 2016). Дата обращения: 2 Хөн сарин 2020. Архивировано 25 Лу сарин 2020 года.
  11. ↑ Яндекс. yandex.ru. Дата обращения: 15 Така сарин 2022.
  12. ↑ Памятники Города Шахмат. vetert.ru. Дата обращения: 2 Хөн сарин 2020. Архивировано 3 Үкр сарин 2019 года.
  13. ↑ Архивированная копия. Дата обращения: 25 Мөрн сарин 2020. Архивировано 24 Мөрн сарин 2022 года.
  14. ↑ https://upload.wikimedia.org/wikipedia/commons/thumb/1/1a/Школа_искусств_имени_Чонкушова,_Элиста.jpg/1280px-Школа_искусств_имени_Чонкушова,_Элиста.jpg
  15. ↑ Рыбак, жанровая скульптура, Россия, Республика Калмыкия, Лагань (рус.). Яндекс.Карты. Дата обращения: 2 Хөн сарин 2020.
  16. ↑ Яндекс. yandex.ru. Дата обращения: 15 Така сарин 2022.
  17. ↑ Sangadzhieva Delgr Vladimirovna. БУДДИЙСКАЯ СКУЛЬПТУРА В ТВОРЧЕСТВЕ ВЛАДИМИРА ВАСЬКИНА. The Art Of Eurasia // Искусство Евразии. The Art Of Eurasia // Искусство Евразии (06. 2019.). Дата обращения: 18 Хулһн сарин 2022. Архивировано 10 март сарин 2022 года.
  18. ↑ Sangadzhieva Delgr Vladimirovna. БУДДИЙСКАЯ СКУЛЬПТУРА В ТВОРЧЕСТВЕ ВЛАДИМИРА ВАСЬКИНА. The Art Of Eurasia // Искусство Евразии. The Art Of Eurasia // Искусство Евразии (Мөчн сар 2019). Дата обращения: 13 Мөчн сарин 2022. Архивировано из оригинала 10 март сарин 2022 года.
  19. ↑ http://grantdecor.ru/images/portfolio/hurul_06.jpg
  20. ↑ Золотая обитель Будды Шакьямуни#/media/Файл:Burkhan Bakshin Altan Sume, 3.jpg
  21. ↑ https://a.d-cd.net/ca7b78es-1920.jpg
  22. ↑ Официальный сайт Администрации Октябрьского районного муниципального образования Республики Калмыкия. Дата обращения: 25 Мөрн сарин 2020. Архивировано 5 Туула сарин 2020 года.

Ном-зү

"https://xal.ruwiki.ru/w/index.php?title=Васькин,_Владимир_Савельевич&oldid=310244" халхас авсн