Гайирханов, Магомед-Казим Магомед-Камилович

Магомед-Казим Магомед-Камилович Гайирханов
Төрсн җил өдрнь	1970 җилин июнь сарин 16
Төрсн һазрнь	Шамхал-Термен селән (Махачкала балһсна дүүрг), Кизилюртын район, Дагестан АССР, РСФСР, ЗХУ
Нас барсн җил өдрнь	2010 җилин сентябрь сарин 12
Нас барсн һазрнь	Комсомольское селән, Кизилюртын район, Дагестан улс, Әрәсә
Холвгддгнь	Әрәсә, Орсин Холвана Улс
Цергин салврнь	цагда
Церглсн җилмүднь	1993—2010
Цолнь	дед бухг
Цергин әңгнь	Хальмг Таңһчин Дотад Кергин министерствин «Кречет» нертә цагдаһин тусха отрядын ахлгч
Командовал	ноолдана отрядын ахлгч
Шаңнлнь

Магоме́д-Кази́м Магоме́д-Ками́лович Гайирха́нов (1970 җилин июнь сарын 16, Шамхал-Термен селән, Дагестан улс — 2010 җилин сентябрь сарин 12, Комсомольское, Дагестан) — цагдаһин дед бухг, Хальмг Таңһчин Дотад кергин министерствин эрүһин цагдаһин «Кречет» нертә тусха отрядын ноолдана келтсин ахлгч. Орсин Холвана Улсин Баатр (2011).

Намтрнь

Магомед-Казим Магомед-Камилович Гайирханов 1970 җилин июнь сарин 16-нд Дагестан улсин Кизилюрт района Шамхал-Термен селәнд төрҗ һарв. Авар үндстә күн.

1989 җилин май сарин 31-әс 1990 җилин апрель сарин 20 күртл 3031-гч цергин әңгд бууч болҗ цергләд, 1993 җилин апрель сарин 1-әс авн Дагестан улсин Дотад кергин министерствин СОБР-т тусха әңгин опер болҗ церглв. 2006 җилин апрель сарин 21-әс авн Хальмг Таңһчин Дотад кергин министерствд церглв. Магомед-Казим Гайырханов Хальмгт церглҗ бәәхдән Хөөт Кавказур олн дәкҗ йовулгдҗ бәәв.

Баатр йовдлнь

2010 җилин сентябрь сарас авн эннь Хөөт Кавказд тусха үүрг күцәҗ бәәв. 2010 җилин сентябрь сарин 12-нд Магомед-Казим Гайирханов Дагестан улсин Кизилюрт района Комсомольское селәнд цергин түргн әңг ахлҗ бәәв. Ноолдана цагт зевсгтә гемтә дәәчнр бәәрлҗ бәәсн хүвин бәәшңгүр дәврх цагт Магомед-Казим Гайирханов шавтсн күүг ноолдана талврас авч һарһв. Олн тоота сумна шав авв чигн, эннь бәәшңгин хашаһин задһа талвад деер дәәләд бәәв. Дәәснлә кесн мөрглдәнә ашгт Магомед-Казим Гайирханов әмнәсн хаһцв.

Терүг Казбековск района Калининаул селәнд оршав.

ОХУ-ин Йирңкәлгчин 2011 җилин декабрь сарин 23-гч өдрин 1677 тоота зәрлгәр «Хөөт Кавказин нутг-девскрт әм-наснд аюлта нөкцл-бәәдлд алвн үүргән күцәх цагтан үзүлсн эр-зөрг, баатрльг бәәдлин төлә» цагдаһин дед бухг Гайирханов Магомед-Казим Магомед-Камилович ОХУ-ин Баатр цолар шаңнгдҗ (нас барсна дару).

Шаңнл

• Нас барсна дару ОХУ-ин Баатр цол — ОХУ-ин Йирңкәлгчин 2011 җилин декабрь сарин 23-нд 1677 тойгта зәрлг;
• Эр зөргин одон;
• I болн II зергин Төркснә төлә һавьяһин одн ;
• «Эр зөргин төлә» медаль;
• «Ниитин кев-җурмиг сәкх керг-үүлст һарсн һавьяһин төлә» медаль;
• «Цергин хамтын аҗллһана төлә» медаль.

Дурсхлнь

• 2012 җилин ноябрь сарин 8-нд Хальмг Таңһчин Элст балһсна Баатрмудын һудмҗ деер Магомед-Казим Гайирхановин барельефиг тәвв.

Темдглл

Холвас

Магомед-Казим Магомед-Камилович Гайирханов (рус.). Сайт «Герои страны».

• Казим-Магомед Гайирханов — Герой