Гермашев, Иван Васильевич

В Рувики есть статьи о других людях с фамилией Гермашев.

Иван Васильевич Гермашев
Төрсн җил өдрнь	1914 җилин ноябрь сарин 24
Төрсн һазрнь	Вознесеновка, Манцын улс, Хальмг тег, Астрахань муҗ, Орсин хаата улс (өдгә цагт Целин район, Хальмг Таңһч)
Нас барсн җил өдрнь	1979 җилин август сарин 15
Нас барсн һазрнь	Астрахань балһсн, РСФСР
Холвгддгнь	СССР
Цолнь
Цергин әңгнь	102-гч хадг дивизь, 48-гч церг, 1-гч Цаһан орсин фронт
Дәәлснь/дәнь	Төрскән Харсгч Аһу Ик дән
Шаңнлнь

Ива́н Васи́льевич Герма́шев (1914 җилин ноябрь сарин 24, Вознесеновка селән, Манцын Улс, Хальмг Таңһч (өдгә цагт Хальмг Таңһчин Целинн район), Орсин хаата улс, Астрахань муҗ — 1979 җилин август сарин 15, РСФСР, Астрахань муҗин Астрахань балһсн) — ЗХУ-ин баатр, Төрскән Харсгч Аһу Ик дәәнә орлцач.

Намтрнь

Иван Васильевич Гермашев Астрахань муҗин Хальмг теегин Манцын улсин Вознесеновка нертә селәнд тәрәч хар күүнә гер-бүлд 1914 җилин ноябрь сарин 24 өдрт төрҗ һарв.

Баһ наснднь ээҗнь насан барҗ, 1923 җилд эцкнь өңгрәд одв. Эцкиннь нас барсна дару Иван Гермашев Улан-Эрг селәнд 1927 җил күртл тәрәч-малчин хар көдлмш кеһәд йовҗ. 1927 җиләс авн Иван Гермашев асрмҗин герт тусч өсв.

1932 җилд баһ сурһулян төгсәһәд, Эмнлһин деед сурһулин белдврин әңгд орсн болв чигн, гем-өвчнә учрар сурһулян оркхас талдан арһ уга бәәв. Эдгснә дару эннь негдлин аҗ-ахуд көдлҗ бәәв. 1936 җиләс авн Иван Гермашев Вознесеновк селәнә дунд сурһульд пионерин һардач болад, дарунь багш болҗ көдлв. 1939 җилин январь сард Гермашевиг Хальмг Таңһчин асрмҗин һазрин ахлачин дарук болад бәәв.

Төрскән Харсгч Аһу Ик дән эклснә дару Иван Гермашевыг Сталинградын церг-улс төрин сурһульд илгәгдҗ, 1942 җилин апрель сард терүг төгсәһәд, Москваһин хамһаллтын бүсин ротын негнд улс-төрин һардач болад дәәлв.

Төрскән Харсгч Аһу Ик Дәәг Кёнигсберг балһснд дуусхв. Иван Васильевич Гермашев теткврт һархасн өмн Астрахань балһсна дотад кергин бәәһүлһст көдләд бәәв.

Иван Васильевич Гермашев 1979 җилин август сарин 15-нд Астрахань балһснд насан барв.

Баатр йовдлнь

1944 җилин июнь сард Иван Гермашев Цаһан Орсирн Рогачёв балһсна өөрк ноолданд орлцв. 1944 җилин июнь сарин 24-нд Иван Гермашев хамгин түрүнд ардасн әңгән һардҗ, дәврлһнд орв. Дәәснә хамһаллтыг задлҗ, дәәснә хадг һурвн цегиг уга кеҗ, траншейд хамгин түрүнд орҗ. Иван Гермашевин взводын дәврлһнә ачар Зөвллтин цергин әңгүд хамһаллтыг эвдәд авч. Дәврлһнә цагт ротын ахлач күнд шавтад, Иван Гермашев ротын һардвриг дааһад авч. Дәәснә танкин дәврлтин үйд Иван Гермашев хуйг цоолгч буучнрин багиг һардҗ, дәәснә танкмудын дәврлтиг амҗлтта урвулв.

Шаңнлнь

• Алтн Одн (№ 3078) — 23 августа 1944 җилин август сарин 23-нд үзүлсн эр-зөргин төлә шаңнгдв;
• Ленинә одн;
• медальмуд.

Дурсхлнь

• Астрахань балһснд подполковник (бухгин дарук) Гермашевин нертә һудмҗ (2014 җилин март сарин 28-нд нерлгдсн бәәнә).
• Хальмг Таңһчин Целин района Вознесеновка селәнә сурһулиг Иван Васильевич Гермашевин нертә болһсн бәәнә.
• Хальмг Таңһчин Элст балһсна Баатрмудын һудмҗ деер Иван Васильевич Гермашевин барельеф зург бәәнә.

Сурвлҗс

• Герои Советского Союза. Краткий биографический словарь. Том 1. М., Воениздат, 1987.
• И. В. Гермашев: фото/ Наши земляки — Герои Советского Союза, комплект из 21 фоторепродукций, Элиста, 1975, репродукция 6.
• Иван Васильевич Гермашев: биографические данные/ Наши земляки — Герои Советского Союза, Элиста, 1985, буклет 4.
• Иван Васильевич Гермашев: краткая биография. и о его подвиге/ Наши земляки — Герои Советского Союза, Элиста, 1967, стр. 13 — 15.

Холвас

Иван Васильевич Гермашев (рус.). Сайт «Герои страны».