Городовиковин Окад нерәдсн бумб

Городовиковин Окад нерәдсн бумб
	Бумб
Городовиковин Окад нерәдсн бумб
	46°19′09″ с. ш. 44°16′43″ в. д.GЯO
Ормнь	Орсин Холвана Улс;
Местоположение	Элст
Үүсснә җил-өдр	1976
Цолнь	Объект культурного наследия народов РФ местного значения. Рег. № 081710824530004 (ЕГРОКН). Объект № 0830002000 (БД Викигида)
	Медиафайлы на РУВИКИ.Медиа

Городовиковин Окад нерәдсн бумб (орс. Памятник Оке Городовикову), талдан нерәдлһнь — «Городовикин Ока мөрн деер» — Хальмг Таңһчин Элст балһсна Городовиковин нертә талвң деер бәәх Советск Союзин Баатр, генерал-полковник Городовиковин Окад нерәдсн бумб. Тууҗин бумб, Хальмг Таңһчин сойлын үвин объект. Элст балһсна хамгин ик бумб.

Тууҗ

Элисте Советск Союзин Баатрин нертә Городовиковин Окад нерәдсн бумб тәвх санаг 1969-гч җилд Хальмгин бичәчнрин чуулһнд Бимбән Тимофей медүлсмн. Хальмг АССР-ин Правительствин даалһврар, энүг сойлын Министерств авхулсмн.

Белоруссин архитектормудын селвгәр бумбиг улан тугин бәәдлтә хад чолун талвң деер залх бәәсмн. Терүнә тал дунднь мөрчнрин дәврлһ зурх бәәсмн. Зуг давулсн марһанд Хальмгин архитектор Нимгрә Түрвән Василийин (1937—2007) төсв диилвр бәрсмн, терүнә шиидврәр бумбиг толһа деер тәвсмн. Бумбин түрвәчнрнь бәрмлч, РСФСР-ин Ачта зурач, Хальмг АССР-ин сойлын Ачта үүлдәч Санҗин Амлдана Никита^?! болн Робермана ах-дү Лев, Марк һурвн болсмн. Бумбин архитектор болхла — Нимгрә Түрвән Василий.

Бумбиг Мытищи балһсна заводт кедүхн җилдән тосхсмн.

Городовиковин Окан бумб 1976-гч җилин ноябрь сарин 19-д байрин кемд сексмн.

2009-гч җилин май сарин 7-д «Хальмг Таңһчин сойлын үвин объектмудын то батллһна» № 226-IV-гч тойгта Хальмг Таңһчин Олна Хуралын (рус.) (хал. шиидврәр, эн бумб Хальмг Таңһчин сойлын үвин объектмудын тоод орулгдсмн (№ 340 — 2012-гч җилин апрель сарин 28-нә шинрлт)^[1]).

Темдглл

↑ Постановление Правительства Калмыкии от 28 апреля 2012 г. № 122 «Об утверждении списка объектов культурного наследия Республики Калмыкия» (неопр.) (28 Мөрн сарин 2012). Дата обращения: 9 Хулһн сарин 2025.

Сурвлҗс

Элистинская панорама. — 2012 (4 февраля). — № 17 (1797).
О. И. Городовикову // Подвиг народа : Памятники Великой Отечественной войны, 1941—1945 гг. / Сост. и общ. ред. В. А. Голикова. — М. : Политиздат, 1980. — С. 187—188. — 318 с.

[1] Постановление Правительства Калмыкии от 28 апреля 2012 г. № 122 «Об утверждении списка объектов культурного наследия Республики Калмыкия» (неопр.) (28 Мөрн сарин 2012). Дата обращения: 9 Хулһн сарин 2025.

[1]