Даудов, Закир Алиевич
| Закир Алиевич Даудов | |
|---|---|
 | |
| Төрсн җил өдрнь | 1980 март сарин 25 |
| Төрсн һазрнь | |
| Нас барсн җил өдрнь | 1999 декабрь сарин 30 (19 лет) |
| Нас барсн һазрнь | |
| Холвгддгнь |
 Орсин Холвана Улс |
| Цергин салврнь | механизированные войска[d] |
| Церглсн җилмүднь | 1998—1999 |
| Цолнь | старший сержант[d] |
| Дәәлснь/дәнь | |
| Шаңнлнь |
 |
Заки́р Али́евич Дау́дов (1980 җилин март сарин 25, Дагестан улс, Буйнакск района Верхнее Казанище селән — 1999 җилин декабрь сарин 30, Чечен улсин Новые Атаги селәнә өөр) — Әрәсән цергин цергч, Орсин Холвана Улсин Баатр (2000 җилин апрель сарин 19, әмнәсн хаһцсн дару), Ах сержант.
Намтрнь
Закир Даудов кумык үндстн. 1998 җилд Хальмгин Яшлтын района Цергин комиссариатас цергт татгдад, Выборг балһсна өөр бәәсн 138-гч мотохалһна цергин әңг, 02511 тойгта (Ленинградын цергин төөрг) цергин әңгд церглҗ, взводын ахлгчин дарук болтлан өсв. 1999 җилин сентябрь сард тус әңгин кесглә хамдан Чечен улст йовулгдв. 1999 җилин декабрь сарин 29-әс - 30-нд шилҗх сө Чечен улсин Шали района Новые Атаги селәнә өөр учрсн ноолданд ах сержант Даудов эврә бөлгин дәәчнрин цухрхиг хааҗ үлдв. Эннь тер ноолданд әмнәсн хаһцв[1].
2000 җилин апрель сарин 19-нд ОХУ-ин Йирңкәлгчин 698-гч зәрлгәр «Цергин даалһвран күцәхдән эр-зөрг, баатрльг бәәдлин төлә» ах сержант Закир Алиевич Даудовыг ОХУ-ин Баатр (әмнәсн хаһцсна дару) цолар шаңнв.
Дурсхлнь
- 2003 җилин март сарин 31-нд Закирын нег цагт сурч бәәсн Верхнее Казанище селәнә дунд сурһульд Әрәсән Баатрин дурсхлд зөрүлсн дурсхлын самбриг йосллын ур-әмсхләр неев. Тер өдрәс авн сурһульнь түүнә нер авч зүүсн бәәнә.
- 2006 җилин май сарин 7-нд нутгин оршн сууһачнрин олн тооһин күсләр Баатр өвк-деедсин бәәсн Верхнее Казанище селәнд Буйнакск района засг-закрһан, олн ниитин хург деер Дагестан, Хальмг улсин Баатр Закир Алиевич Даудовин көшә нееҗ, күндтклин җигсәл болв.
- Хальмг Таңһчин Элст балһснд, Баатрмудын һудмҗ деер Закир Даудовин барельеф бәәдг.
- Әрәсән Баатр Закир Даудовин сурҗ төгсәсн Хальмг Таңһчин Яшлтын района Красный Партизан селәнә дунд сурһуль баатрин нер зүүҗ бәәнә[2].
- Дагестан улсин Буйнакск района Верхнее Казанище селәнд[3] болн Хальмг Таңһчин Яшлтын района Красный Партизан Октябрьский хойр селәнд Закир Даудовин дурсхлд зөрүлсн бөк бәрлдәнә марһас болна.
- Әрәсән Баатр Закир Даудовин цергт мордсн селән, Хальмг Таңһчин Яшлтын района Красный Партизан селәнә дунд школд 2023 җилин май сарин 9-нд Баатрин ширә неегдв[4].
Темдглл
- ↑ Андреева Е. Подвиг героя — дагестанца. // Дагестанская правда. — 2000. — 9 сентября. — С. 1.
- ↑ МКОУ "Краснопартизанская СОШ им. Героя России З.А. Даудова"
- ↑ В Буйнакском районе прошло юношеское первенство Дагестана по греко-римской борьбе
- ↑ В сельской школе Калмыкии открыли “Парту Героя”
Ном-зү
- Ильясов З. Энциклопедия дагестанской жизни: Дагестан: цифры и факты. — Изд. 3-е, доп. — Махачкала, 2010 — С. 397.
- Дагестанцы: Герои России. Герои Советского Союза. Герои Социалистического Труда / Авт-сост. З. З. Ильясов. — Махачкала, 2008 — С. 22.
- Арипов Г. Г. Вечная слава павшим героям. — Махачкала, 2009 — С. 49-51.
Холвас
- Закир Алиевич Даудов (рус.). Сайт «Герои страны».
- Кумыкский мир Архивная копия от 28 Һаха сарин 2007 на Wayback Machine