Дедов Фёдор Иванович

Рувики-с
Фёдор Иванович Дедов
Dedov Fedor foto.jpg
Һарсн җил-өдр 1907 февраль сарин 13(1907-02-13)
Төрсн һазр
Нас барсн җил-өдр 1977 июнь сарин 9(1977-06-09) (70 лет)
Нас барсн һазр
Орн-нутг
Шаңнлнь
Герой Социалистического Труда
Орден Ленина Октябрьск Революцин Одн Орден Красного Знамени II зергин Төрскән Харсгч Аһу Ик дәәнә одн
   Орден Трудового Красного Знамени Улан Одна одн «Күндтә Темдг» одн «Күндтә Темдг» одн

Фёдор Иванович Дедов (1907 февраль сарин 13, Промысловка[d], Әәдрхнә хошун[d], Әәдрхнә губернь[d], Орс хаата улс[d] — 1977 июнь сарин 9, Москва балһсн) — советскин эдл-ахун үүлдәч, Хальмг АССР-ин Западный района «Пролетарская победа» колхозин ахлач, Социалистическ Күч-көлснә Баатр (21.08.1959).

Намтр

1907-гч җилин февраль сарин 13-д Әәдрхнә губернин Промысловка  (рус.) (хал. селәнд (ода Әәдрхнә муҗин Лиманск район)[1]. 1930-гч җиләс авн Хальмг Автономн муҗин эдл-ахун коллективизацд тәвцән орулсн күн. 1931-гч җилд ВКП(б)-д орсмн. Яндыковскин селәнә хүүвиг ахлсмн. Ленина нертә колхозин ахлачар суңһгдсмн.

1942-гч җилин ноябрь сарас авн Төрскән харсгч Алдр дәәнд орсмн. 191-гч онц истребительн-противотанковин дивизиона 118-гч халһна Мелитопольскин дивизин командирин дарук болад дәәлдҗ йовсмн. Майорин цол зүүсмн[1].

Дәәнә хөөн Хальмгт хәрҗ ирәд эдл-ахун халхар көдлҗ йовсмн. 1950-гч җиләс авн 1972-гч җил күртл Хальмг АССР-ин Западный района «Пролетарский путь» колхоз ахлсмн (хөөннь — «Пролетарская победа»). Хальмг АССР-иг тоньлһсна хөөн 1943-гч җилин декабрь сарас авн Западный улус Ростовин муҗин ханьд орсмн. 1957-гч җилд Западный район хәрү Хальмг автономн муҗин ханьд орсмн, 1960-гч җилин апрель сарла Хальмг АССР-ин Городовиков район болсмн[1]. Дедовин һардврт колхоз таңһчин хамгин сән тоод орна. 1967-гч җилд «Пролетарский путь» колхоз Октябрьск революцин 50 җилин өөнд ирлцүләд РСФСР-ин Темдгтә Улан тугар ачлгдсмн.

СССР-ин Деед Хүүвин Президиумин Зааврар 1959-гч җилин август сарин 21-д Социалистическ Күч-көлснә Баатрин  (рус.) (хал. нер зүүһәд Ленина одар (№ 370440) болн «Хадур болн Алх» алтн медаляр (№ 9760) ачлгдсмн[1].

Элчтнә үүлдвр

Ф. И. Дедов Хальмг АССР-ин Деед Хүүвин района болн бәәрн хүүвин элчтнрәр суңһгдсмн[2]. 1960-гч җилд СССР-ин 5-гч дуудврин Деед Хүүвин элчтнәр суңһгдсмн[2]. Эдл-ахун хамгин арһта ахлачнрин тоод колхозникудин һурвдгч чуулһнд Москвад орлцсмн[2].

Ниигмин объектмуд тосхлһн

Ф. И. Дедов ахлач бәәсн цагт «Пролетарская победа» колхозин цутхлң бууцд (Виноградное селән) сойлын Гер, олна бәәцин комбинат бригад болһнд клуб тосхсмн[1].

1977-гч җилин июнь сарин 9-д насан барсмн, Москван Хованскин Цутхлңг оршаврт оршалһата (55г орм)[1].

Дурсхл

  • Элстин Баатрмудын Аллейд Фёдор Дедовин барельеф бәәнә;
  • Ф. И. Дедовин нериг Хальмгин Городовиков района Виноградное селәнә Виноградненскин лицей зүүнә[2][3];

Ачлврмуднь

  • Социалистическ Күч-көлснә Баатр (1959-гч җилин август сарин 21-д);
  • Ленина Одн (1959);
  • Октябрьск Революцин Одн (1971-гч җилин апрель сарин 8-д);
  • Улан Тугин Одн (1945-гч җилин май сарин 28-д)[4];
  • Төрскән харсгч Алдр дәәнә II зергин Одн (1944-гч җилин сентябрь сарин 30-д)[4];
  • Күч-көлснә Улан Тугин Одн;
  • Улан Одна одн (1943-гч җилин ноябрь сарин 30-д);
  • Һавьян Темдг Одн (хойр дәкҗ: 1957-гч җилин январь сарин 11-д болн 1966-гч җилин март сарин 22-т)[1].

Темдглл

  1. ↑ 1 2 3 4 5 6 7 Дедов Фёдор Иванович. warheroes.ru. Дата обращения: 21 Хөн сарин 2026.
  2. ↑ 1 2 3 4 Герой Социалистического Труда - Ф.И. Дедов. live-history.ru (25 Бар сарин 2022). Дата обращения: 21 Хөн сарин 2026.
  3. ↑ Дедов Фёдор Иванович (рус.). Правительство Республики Калмыкия. Дата обращения: 21 Хөн сарин 2026.
  4. ↑ 1 2 Дедов Федор Иванович, 13.02.1907. Документы участника войны. (рус.). Память народа. Дата обращения: 21 Хөн сарин 2026.

Утх-зокъял

  • Lедов Фёдор Иванович: букл.// Наши земляки — Герои Социалистического Труда: компл. букл. / сост.: Г. Д. Андраева, З. Б. Очирова; ред. Е. Н. Бошева; худож. В. Я. Михин. — Элиста, 1987.

Холвас

"https://xal.ruwiki.ru/w/index.php?title=Дедов_Фёдор_Иванович&oldid=320119" халхас авсн