Диилврин диктант

Рувики-с

Экспертиза РАН

Logo-ran.png
Проведена экспертиза
Российской Академией Наук
Подробнее
Aprove.svg

Орсин Холвана Улсин ШУА шинҗлҗ батрулв

Arrow-Right.png
Logo-ran.png
Орсин Холвана Улсин ШУА
шинҗлҗ батрулв
Тодрхаһар
Диилврин диктант
Диктант Победы.jpg
Администратор Единая Россия, Әрәсән тууҗин ниицән, Әрәсән дәәнә тууҗин ниицән, «Диилврин волонтёрмуд» җисән
Начало проекта 2019
Регион
dictantpobedy.ru

Диилврин диктант (орс. Дикта́нт Побе́ды) — Төрскән харсгч Алдр дәәнә Диилврин өдрт нерәдсн нарт-делкән төрскнч болн гегәрлтин төсв. 2019-гч җиләс авн Единая Россия партин «Тууҗин дурсхл» гидг төсвин йовудт давулгдна[1].

Төсвиг демҗҗәх бүрдәцсин дунд Әрәсән тууҗин ниицән, Әрәсән дәәнә тууҗин ниицән, «Диилврин волонтёрмуд» җисән, министрмүд болн шаңһа бүрдәцс болн нань чигн олн зүсн ниигмин тогтацс. Шунмһа кевәр күчнә бүрдәцс орлцна, тер дунд: Харслтын Нутгин Министерств, Росгвардий, Әрәсән Федерацин Дотр-дундын кергүдин Министерств, Аюлго бәәдлин Министерств.

Тууҗ

Түрүн болҗ «Диилврин диктант» 2019-гч җилин май сарин 7-д Төрскән харсгч Алдр дәәнә Диилврин 74-гч җилд нерәдгдсмн. Төсв Әрәсән олн әмтнд дәәнә тууҗд соньмсх седвәр татх шиидвртәһәр бүрдәгдсмн[2].

Диктант 1 300 бәәрнд Әрәсән 85 регионмудт болн 23 һазадын ордудт давла. Терүнд 9-с 90 нас күрсн 105 819 күн орлцв[3].

Терүнә хөөн «Диилврин диктант» җил болһн давулх шиидвр батлгдсмн.

2020-гч җилд коронавирусин пандемияс болн хаврин карантинас иштә диктант хооран саагдад, сентябрин 3-д давулгдла.

2021-гч җилд диктант апрель сарин 29-д давла. 

2022 җилд «Диилврин диктант» сентябрь сарин 3-д давла.

2023 җилд төсв апрель сарин 27-д давла. Терүнд 1,8 сай күн Әрәсән 89 регионмудт болн 46 һазадын ордудт давла. 21 бәәрнд 923 миңһн орлцачнр бийәрн ирәд орлцсмн.

2024-гч җилд төсв нег өдр давсмн — апрелин 26-д. Терүнд орлцх сайтин хайгнь диктантпобеды.рф, дәкәд Әрәсән цуг регионмудин 28 миңһн бәәрсәр болн 61 һазадын ордудт болсмн[4][5]. Миноборонын, Росгвардин, МВД-н болн МЧС-ин болн цергин әңгүдт кистундур миңһн ормс тогтагдсмн. Дәкәд болхла диктантын сурврмудт аэропортмудт, әмтиг зөөдг самолётмудт, төмр хаалһсин вокзалмудт болн хол хаалһин поездмудт хәрү өгч болсн бәәсмн.

«Эн төсвин һол күслнь үйнр хоорндк залһлда хадһлад, Төрскән харсгч Алдр дәәнә туууҗиг медәд, гитлерин Германиг диилснд Советин Союзин Улан цергин тәвциг үнлҗ, хадһлх керг. Эн өдрмүдт арвад миңһн салдсмуд болн офицермуд, урдк тууҗан таняд, өвк-аавнриннь үлгүрт иткәд, тедниг дахад, нацистнрас Төрскән харсад йовна. Олн сай Әрәсән әмтн фронтд демән күргҗ бәәнә. Тиигәд, „Диилврин диктант“ гиснтн — мел гегәрлтин биш, дәкәд өргн кевин иргнч төсв болҗана — тер мет эврәннь төрскнтәһән залһлдатаһан дотран тодлх арһ өгчәнә»

— Сергей Нарышкин, Әрәсән тууҗин ниицәнә толһач[6]

2025-гч җилин апрель сарин 25-д «Диилврин диктант» 35 миңһн Әрәсән бәәрнд болн 90 һазадын ордудт болсмн[7]. Тууҗин шүүврт Төрскән харсгч Алдр дәәнә туск 25 сурвр орсмн. Бүрдәһәчнрин келсәр, дииләчнр дипломсар, үнтә белгүдәр ачлгдад, Төрскән харсгч Алдр дәәнә Диилврин 80 җилин өөнин парадт орлцх арһ авла[8]. Курск муҗд диктантд 94 наста дәәнә цергин ветеран, нисәч, тылын көдләч Виктор Шатохин орлцсмн[9]. 

Сурврмуд

Диилврин диктант 25 сурврмудта хойр әңгәс тогтна. Хәрү өгх цагнь — 45 минут.

Сурврмуд олн зүсн чинртә: текстд эс күртҗәх үгмүд немх, дәәнд нерәдсн поэмин түрвәчин нер заах, дәәнә цагт болсн йовдлар балһсна нерәдлһнь заах. Зәрм сурврмуд Төрскән харсгч Алдр дәәнә туск киносин болн дәәнә цагт нерәдсн бумблвсин туск болна. Меҗә һатц бәәх нутгсин диктантд бәәрн ормсин туск сурврмуд орулҗ болна.

Төсвин сайтд орад, тодлгдад, эртәснь диктантд белдвр кехин төлә олн-зүсн сурврмудт хәрү өгч болна[10]. Бийән белдхин төлә Әрәсән тууҗин ниицәнә көтлвр хәләх кергтә, гиҗ бүрдәһәчнр темдглнә.

Диктантд орх сурврмуд болхла төсвин өдрлә медгднә. Тиигәд, 2023-гч җилд сурврмуд Сталинградск бәрлдәнд (1942—1943) болн Курск бәрлдәнд, Нюрнбергскин процессд, немшнрәс Донбассиг сулдхлһнд, Ленинградын блокадт нерәдгдсн билә.

2024-гч җилд диктантын сурврмуд Ленинградыг сулдхлһна 80 җилин өөнд, фронтд орлцсн бичәчнрин өөнд болн талдан темдгтә өөнмүдт нерәдглсн билә[11][12]. Сурврмуд 8 келнд орчулгдна: англь, француз, испань, польш, серб, моңһл, китд болн грек келн[4]. 25 сурврмуд Әрәсән тууҗин ниицәнә болн Әрәсән дәәнә тууҗин ниицәнә судлачнр тогтасмн. Теднәс 20 сурврмуд дәәнә тууҗин төрәр, 5 — региона төрмүдәр[13].

Орлцачин болзл

  • Дилврин диктантд эврә бийәрн болн онлайн орлцҗ болна.
  • Диктантд кен болв чигн орлцҗ чадҗана.
  • Холас орлцх улс төсвин сайтд орад тодлгдҗ авх кергтә. Терүнә төлә нер-усан, төрсн цаг-җилән болн бәәршдг орман заах кергтә. Терүнә хөөн смс-тодлвр ирнә.
  • Эврә бийәрн ирсн цагт ашан сайтд орад үзҗ болҗана. Бас тенд дииләчнрин дипломс болн орлцачин цаасн үзҗ буулһҗ авч болна.
  • Региона «Дилврин диктант» бәәрн болһнд цуг орлцачнрт эврә онц то батлгдна. 13 тоота темдгәрн сайтд орад, бас тер өдр ашан олҗ авч болна[14].
  • Школан төгсәҗәх сурһульчнр диктантд орлцад йилһән сән темдгүд авсн болхла, ик сурһульд орх баллан немҗ икдүлнә[15]

Поштын марк

2024-гч җилин апрель сарин 26-д «Диилврин диктантд» нерәдсн поштын марк һарла. Терүнд тууҗин болн гегәрлтин төсвин сүлд тодлата бәәнә. Деерәснь түрүн өдрин конвертмуд болн тоньлһна штемпельмуд белдсмн: Москвад, Волгоградт, Мурманскд, Пензад, Рязаньд, Тверьд, Якутскд болни Ярославльд[16].

Поштын марк «Диилврин диктант»

Немр зәңгллһ

  • 2023-гч җиләс авн «Дилврин диктантын» ханьд «Диилврин автопробег» ретроралли давна[17].

Темдглл

  1. ↑ Диктант Победы. Единая Россия. Дата обращения: 8 Мөрн сарин 2026.
  2. ↑ Анастасия Сивякова. Как принять участие в «Диктанте Победы» 26 апреля и где пройдет тестирование. РИАМО (18 апреля 2024). Дата обращения: 8 Мөрн сарин 2026.
  3. ↑ В акции "Диктант Победы" приняли участие около 100 тысяч человек. РИА Новости (7 Хөн сарин 2019). Дата обращения: 9 Мөрн сарин 2026.
  4. ↑ 1 2 «Диктант Победы» напишут в 58 странах мира. Россотрудничество (17 апреля 2024). Дата обращения: 8 Мөрн сарин 2026.
  5. ↑ Игорь Геращенко, Александр Хинштейн. Диктант Победы 2024: дата проведения, ответы на вопросы, официальный сайт, сертификат, регистрация, тема, результаты. Дата обращения: 8 Мөрн сарин 2026.
  6. ↑ 61 страна, 28 тысяч площадок: «Единая Россия» в шестой раз провела «Диктант Победы». Единая Россия (26 апреля 2024). Дата обращения: 8 Мөрн сарин 2026.
  7. ↑ В Белоруссии больше тысячи человек зарегистрировались на "Диктант Победы", РИА Новости (24.04.2025). Дата обращения: 8 Мөрн сарин 2026.
  8. ↑ «Диктант Победы» стартовал в 90 странах мира. Новости. Первый канал (неопр.) (25 Мөрн сарин 2025). Дата обращения: 8 Мөрн сарин 2026.
  9. ↑ В Курской области 94-летний ветеран принял участие в "Диктанте Победы", РИА Новости (25.04.2025). Дата обращения: 8 Мөрн сарин 2026.
  10. ↑ Диктант Победы – 2024. Российская государственная детская библиотека (22 апреля 2024). Дата обращения: 8 Мөрн сарин 2026.
  11. ↑ "Диктант Победы" пишут на центральной площадке в Музее Победы в Москве - Российская газета, Российская газета (26 Мөрн сарин 2024). Дата обращения: 8 Мөрн сарин 2026.
  12. ↑ Акция "Диктант Победы". Моро-Орловская средняя общеобразовательная школа (18 апреля 2024). Дата обращения: 8 Мөрн сарин 2026.
  13. ↑ Михаил Дорофеев. Состоялась VI Международная историко-просветительская акция «Диктант Победы». Российское историческое общество (26 апреля 2024). Дата обращения: 8 Мөрн сарин 2026.
  14. ↑ Как принять участие в «Диктанте Победы» 26 апреля и где пройдет тестирование. РИАМО (18 апреля 2024). Дата обращения: 8 Мөрн сарин 2026.
  15. ↑ 26 апреля 2024 года состоится ежегодная Международная просветительско-патриотическая акция «Диктант Победы». Российское историческое общество (16 апреля 2024). Дата обращения: 8 Мөрн сарин 2026.
  16. ↑ 26 апреля в почтовое обращение вышла марка, посвящённая Международной историко-просветительской акции «Диктант Победы». rusmarka.ru (26 Мөрн сарин 2024). Дата обращения: 8 Мөрн сарин 2026.
  17. ↑ «Единая Россия» провела «Автопробег Победы» в Москве, Нижнем Новгороде и Севастополе, Единая Россия (25 Мөрн сарин 2024). Дата обращения: 8 Мөрн сарин 2026.

Холвас

"https://xal.ruwiki.ru/w/index.php?title=Диилврин_диктант&oldid=317609" халхас авсн