Төрскән Харсгч Аһу Ик дәәнә Диилврин 80 җилин өөнин темдгллһн
| Төрскән Харсгч Аһу Ик дәәнә Диилврин 80 җилин өөнә темдгллһн | |
|---|---|
 | |
| Җил-өдрнь | 2024 - 2025 җил |
| Һазрнь |
 Әрәсә |
| Хохргчнрнь | |
| Сайтнь | may9.ru |
Төрскән Харсгч Аһу Ик дәәнә Диилврин 80 җилин өөнә темдгллһн (орс. Пра́зднование 80-ле́тия Побе́ды в Вели́кой Оте́чественной войне́) — Төрскән Харсгч Аһу Ик дәәнд Диилвр бәрснә 80 җилин өөниг тосч, цуг Әрәсәд болн һазад орн-нутгудт өргн көтлвртә байр болна. 2024-2025 җилд 170 һару арһ-кемҗә зокан бәәһүлхәр күсч бәәнә[1].
Зокан бәәһүлх үүл-йовдлнь
2023 җилин июль сарин 31-гч өдрт ОХУ-ин Йирңкәлгч Владимир Путин өрскән Харсгч Аһу Ик дәәнә Диилврин 80 җилин өөг белдх, темдглхин туск зәрлгт һарин үзгән тәвв. Засгин һазрт Диилврин зокан бәәһүлх хорала хамдан һол дән-ноолдаг темдглх арһ-кемҗә, тер мет һазад улсин һардачнрин орлцата арһ-кемҗәсиг белдх, зокан бәәһүлх күслиг болвсрулҗ, батлхиг даалһвр болһв. Байриг зокан бәәһүлхд улс төр, дипломатын туслмҗ үзүлхиг ОХУ-ин ҺХМ-нд, холвана болн бүс нутгин эрк бәргчнрт белдврин көдлмшт орлцх, ветеранмудт туслх, цергин оршаврин һазриг цегцлх көдлмшт орн-нутгин һардачнрт туслх даалһвр даалһв[2].
2023 җилин нәәмдгч сард Йирнкәлгч Диилврин 80 җилин өөниг темдглҗ өңгрүлх белдврин көдлмш хаңһах, зокан бәәһүлх хораг бәәһүлхин туск зәрлгт һарин үзгән тәвв[3].
2024 җилин май сарин 18-нд Әрәсән засгин һазр Диилврин 80 җилин өөниг белдх, темдглх керг-үүлин төлвлһәг батлв[4].
2024 җилин ноябрь сарин 19-нд җөҗгч, ниигмин зүтклтн Владимир Машков Москва балһсна Диилврин музейд Диилврин 80 җилин өөһин алвн йосна логтипиг таньлдулҗ үзүлв. «1942 җилин ноябрь сарин 19-гч өдрт эс гиҗ өдгәһәс 82 җилин өмн өрүнә долан цагт ик товин хасар, Катюшан һалта зевсглә хамдан Улан әәрм «Уран» гидг дәәнә операциг эклүлв. Эн операцнь Сталинградын ноолданд немшин цергин әәрмиг диилхин эклц болһҗ бәәв, гиҗ Машков санулв[5]. Логотип деер Волгоградын Мамаев курган деерк «Сталинградын ноолдана баатрмудт» гидг көшә-цуулһна һол элемент болх Евгений Вучетичин «Төрскн эк дуудҗана!» гидг бәрмл дүрслгдсн бәәнә[6].
Программнь
Диилврин 80 җилин өөниг белдх, темдглх үндсн арһ кемҗәнә төлвлһәнд 171 арһ кемҗән тусхгдсн бәәнә. Эднә тоод цуг Әрәсән улмҗллта арһ кемҗәс орҗана:
- «Дурсхлын зул (Свеча памяти)»,
- «Георгийин тасм» (Георгиевская ленточка),
- «Диилврин умшлһн» (Чтения Победы),
- «Диилвр болхла, хамгт һанцхн юмн» (Победа одна на всех),
- «Эмнлһнә полк» (Медицинский полк),
- «Дурсхлын Һалт керм» (Поезд Памяти).
Бас концерт, театрин наад болн талдан арһ-кемҗәс болна.
Эн арһ-кемҗәнь Цуг Әрәсәд зокан бәәһүлгдәд бәәнә[7].
Сән дурар көдлдг улс болн ветеранмудын бәәһүллһс «Волонтеры Победы», Росмолодежь, «Движение Первых», Әрәсән «Знание» гидг ниигмлг болн талдан улс олн арһ кемҗәсиг белдх, зокан бәәһүлхд орлцдг. Тедн 2025 җил күртл күүкд, баһчудт зөрүлсн гегәрлтин акц болн олн зүүл нәр-наадд зокан бәәһүлнә[8].
Һазадын гиичнр
Словак улс — орн-нутгин йирңкә-министр Роберт Фицо 2024 җилин ноябрь сарин 27-нд Төрскән Харсгч Аһу Ик дәәнә Диилврин 80 җилин өөг темдглх Владимир Путинә алвн йосна үрлһинг авч гиҗ зарлв.[9].
Сербия — орн-нутгин Йирңкәлгч Александр Вучич[10].
Индонезь улс — орн-нутгин Йирңкәлгч Прабово Субианто Төрскән Харсгч Аһу Ик дәәнә Диилврин 80 җилин өөниг темдглхәр Москвад ирх үрлһ авч[11].
Бразиль улс — йирңкәлгч Луис Инасиу Лула да Силваг Төрскән Харсгч Аһу Ик дәәнә Диилврин 80 җилин өөниг темдглхәр Владимир Путинә үрлһәр ОХУ-д залрҗ ирх.[12].
Һазадын орн-нутгудт темдглдгнь
Диилврин 80 җилин өөниг ТУХН-ин олн орн-нутгт өргн делгр кевәр темдглхәр төлвлҗ бәәнә. ОХУ-ин Йирңкәлгч 2023 җилин ноябрь сард болсн ТУХН-ин орн-нуутгудын Засгин һазрин толһачнрин зөвллин хургт орлцачнрт хандад, видеоһар үгән келхдән: «Әрәсән орн-нутг мана ниитлг өңгрсн үйин дурсмҗиг хадһлх, түүкиг хуурмгар сольх, нацизмиг алдршулх чигн орлдлһта темцх керг-үүләр хамгин өөр хамтын аҗллһаг цааранднь йовулхар зөрҗ бәәнә» гиҗ медүлв[13].
ОХУ-ин Засгин һазрин һардач Михаил Мишустинә темдглсәр «Үкл уга мөңк полк» олн улсин көдлһәнә ивәл дор зокан бәәһүлҗ бәһә арһ-кемҗәс, җигсәл онцха чинртә бәәнә[14].
Өөнин җилд цергин оршавр һазрмуд, тер дунд меҗән һазадын орн-нутгудын оршаврин һазрмудыг сәәҗрүлхәр төлвлҗ бәәнә[15].
Россотрудничество болхла, Диилврин 80 җилин өөнд зөрүлҗ, делкән олн орн-нутгудт, тер дунд Әрәсәд нәәрсг биш хандҗах 200 орчм арһ-кемҗә зокан бәәһүлв. Эк орн негтнмүдин орулсн хүв-немриг онц темдглснә төлә цуврл арһ-кемҗәсиг «Әмтн болн хүв-заян» (Люди и судьбы) гиҗ нерәдәд, Эсргүцлин көдлһәниг һол[16] гиҗ зааҗ бәәнә.
Диилврин 80 җилин өөнд зөрүлсн дурсхлын темдг
Әрәсән Йирңкәлгчин зәрлгәр «1941-1945 җилин Төрскән Харсгч Аһу Ик дәәнә Диилврин 80 җил» өөнин медалиг бәәһүлв.
Төрскән Харсгч Аһу Ик дәәнә орлцачнрт зөрүлсн төлвр
2025 җилин янвәрь сарин 15-гч өдрт Диилврин зокан бәәһүлх хораһин хургин цагт ОХУ-ин Йирңкәлгч Владимир Путин Төрскән Харсгч Аһу Ик дәәнә цуг ветеранмудт, теднә белвсн гергчүд, наснд күрәд уга хөрх лагерьмудт суусн әмтнд 80 миңһн рублин нег удаһин теткмҗ бәрүлхин туск зәрлгт һарин үзгән тәвсән зарлв. Төрскән Харсгч Аһу Ик дәәнә диилврин 80 җилин өөнд зөрүлҗ, цергин адр көдлсн улс, бүслгдсн Ленинградын иргд, хөрх лагерьмүдин әмтн, хамһаллтын бәәһүлмҗин бәрәчнр, аһарин доовтлһанас хамһалх бәәһүлмҗ, теңгсин цергин болн аһарин цергин баазмудт көдлҗ бәәсн күн болһнд 55 миңһн рубль бәрүлнә[17].
Темдглл
- ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов
- ↑ [1]
- ↑ Указ Президента Российской Федерации от 09.08.2023 № 602 ∙ Официальное опубликование правовых актов
- ↑ Распоряжение от 17 мая 2024 г. № 1174-р
- ↑ [2]
- ↑ [3]
- ↑ [4]
- ↑ [5]
- ↑ [6]
- ↑ [7]
- ↑ [8]
- ↑ [9]
- ↑ [10]
- ↑ [11]
- ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов
- ↑ [12]
- ↑ Ветераны Великой Отечественной войны получат по 80 тыс. рублей | Эксперт
Холвас
|
Правообладателем данного материала является АНО «Интернет-энциклопедия «РУВИКИ». Использование данного материала на других сайтах возможно только с согласия АНО «Интернет-энциклопедия «РУВИКИ». |