Дорҗин Бүрнә Басңг

Дорҗин Бүрнә Басңг
Дорҗин Бүрнә Басңг
	Дорҗин Бүрнә Басңг
Һарсн җил-өдр	1918 апрель сарин 5
Төрсн һазр	Көтчнрә район, Хальмг Автономн Советск Социалистическ Республик, СССР[d];
Нас барсн җил-өдр	1969 февраль сарин 3 (50 лет)
Нас барсн һазр	Элст, РСФСР[d], СССР[d];
Иргншл	Орсин хаата орн → СССР
Мергҗлнь	поэт, политик, писатель, переводчик, публицист

Дорҗин Бүрнә Басңг (орс. Баса́нг Бюрю́нович Дорджи́ев; 1918 апрель сарин 5, Көтчнрә район, Хальмг Автономн Советск Социалистическ Республик — 1969 февраль сарин 3, Элст) — советск, хальмгин шүлгч, бичәч, орчулач, публицист, СССР-ин бичәчнрин Ниицәнә гешүн.

Намтрнь

Дорҗин Басңг 1918-гч җилин март сарин 23-д (шин намбан литәр — апрель сарин 5-д) Хальмг автономн муҗин Көтчнрин района Тугтн селәнд муҗгин өрк-бүлд төрсмн. 13 настаһас авн бәәрн колхозд көдлсмн. Багшин ахр сурһуль төгсәһәд школд көдлсмн. Дарунь таңһчин олн газетмудт көдләд йовсмн.

1939-гч җилд Дорҗин Басңг СССР-ин бичәчнрин Ниицәнд орсмн.

Төрскән харсгч Алдр дәәнә орлцач.

Үүдәлтнь

1939-гч җилд «Мини шүлгүд» гидг нерәдлһтә түрүн хураңһу барлгдсмн.

1963-гч җилд роман «Чик хаалһ» болн шулглсн роман «Тууҗин девсңгүд» барас һарсмн.

Дорҗин Басңг орс классикудын болн СССР-ин талдан келн-улсин бичәчнрин үүдәврмүдиг хальмг келнд орчулсмн.

1973-гч җилд Баңга Баатрин нертә Хальмг үндсни драмин театр Дорҗин Басңгин романар тәвсн «Чик хаалһ» наад үзүлсмн.

Нәәрүлһснь

Хальмг келәр

Мини шүлгүд, 1939 җ.;
Төрскнә төлә, шүлгүд, 1940 җ.;
Шүлгүд болн поэмс, 1941 җ.;
Төрскн өргн тег дундан, 1959 җ.;
Зүркнә дуудврар, зурц, 1961 җ.;
Дархн, зурцс, 1961 җ.;
Чик хаалһ, 2 дегтр, 1963—1964 җҗ.

Орс келәр

С именем Ленина, стихи и поэма, (хал. Ленина нертә, шүлгүд болн поэмс) 1959 җ.;
Степная песня, стихи, (хал. Теегин дунд, шүлгүд) 1960 җ.

Ачлврмуднь

Медальмуд:

Германиг диилсн төлә;
Күч-көлснә йилһрлтин төлә;
Төрскән харсгч Алдр дәәнә цагт баатрльг күч-көлснә төлә.

Сурвлҗс

Джимгиров М. Э., Писатели советской Калмыкии, Калмыцкое книжное издание, Элиста, 1966, стр. 71—80

Холвас