Заяна инәдн, эс гиҗ Уснд орхиг сәәхн өңгрүлтн!

Рувики-с
Выверенная статья
Ирония судьбы, или С лёгким паром!
Постер фильма
Зүүлнь мелодрам
эмгнлтә җөҗг
Режиссёр Эльдар Рязанов
Сценарин түүрвәчнь Эмиль Брагинский
Эльдар Рязанов
Наадснь Андрей Мягков
Барбара Брыльска
Юрий Яковлев
Любовь Добржанская
Дүрмүдин ду һарһснь Сергей Яковлевич Никитин[d], Валентина Илларионовна Талызина[d] и Пугачёва, Алла Борисовна[d]
Оператор Владимир Нахабцев (ахлгч)
Вадим Алисов
Сергей Арманд
Борис Кочеров
Монтажёр Валерия Белова
Үүлдврллин зурачнь Борисов, Александр Тимофеевич[d]
Үндсн телецувг Төв телевизин негдгч цувг
Компань «Мосфильм» Киностудь. Телевизин киноһин бүтәлч холва
Дистрибьютор Государственный комитет Совета министров СССР по телевидению и радиовещанию
Үрглҗлнь 184 мин
Орн-нутгнь  СССР
Келнь орс келн
Һарсн җил-өдрнь 1976
Әңгин тонь 2
Дарни фильмнь Ирония судьбы. Продолжение[d]
IMDb ID 0073179
Другие фильмы с таким же или схожим названием: см. Ирония судьбы.

Заяна инәдн, эс гиҗ Уснд орхиг сәәхн өңгрүлтн! (тод. ᠴᠠᡕᠠᡃᠨᡅ ᡅᠨᡄᡃᡑᡉᠨ ᡄᠰᡄ ᡎᡄᠴᡅ ᡇᠰᡇᠨ ᡑᡇ ᡆᠷᡆᡍᡇ ᡕᡅᡎᡅ ᠰᠠᡕᡅᡍᠠᠨ ᡈᡊᡎᡈᠷᡉᡉᠯᡄᡎ᠋ᡐᡉᠨ; орс. Ирония судьбы, или С лёгким паром!) — Эльдар Рязановин кеһәд авсн 1975 җилин Зөвллтин хойр әңгтә телевизин кино. ЗХУ-ин түрүн үзүлврнь 1976 җилин январь сарин 1-нд «Төв телевизин негдгч цувгт» һарв[1].

Бүтәлин түүкнь

Эн фильм Эмиль Брагинский, Эльдар Рязанов хойрин «Уснд орхдан сәәхн өңгрүлтн! эс гиҗ нег шин җилин сөөһәр...» гидг нертә зокалар һарһсн юмн. Эн зокалыг түүрвәчнр 1969 җилд бичәд, кино бүтх цагт энүг ЗХУ-ин зәрм театрт тәвәд бәәсн бәәҗ. Хөөннь зокалыг 110 дотад театр[2] болн һазад театр тәвәд бәәҗ.

Рязановин келсәр, зокалын болн тер мет фильмин сюжетнь йосндан болсн үүл-йовдлын сүүр деер седвлҗ һарв. Декабрь сарин 31-нд халун усна һазрт одсн нег күн йосндан бәәсн болад, маңһдурк өрүнд таладн нег балһснд бийән олҗ авч. Рязанов, Брагинский хойр түүнә түүк яһҗ дууссиг медл уга, сүүлинь эврән зокаҗ һарһв.

1975 җилин намрар, ЗХУ-д неелтән кехәс өмн Цуг Холвана телевизин кино-наадн деер «Заяна инәдн» гидг киног Гүрҗин әмтн түрүн болҗ үзҗ авч. Тбилисид болсн арһ-кемҗәнд эн фильм негдгч бәәр эзлсн болдг[3].

Сюжетнь

Зокалын һол кесгнь Брежневин үйин ниитин архитектурин уудьврта негн кевин бәәдл болна. Архитектормуднь улс төрин зүтклтнр, күнд суртлд (нәәрүлгч, аниматор Виталий Песков) закргддг шогин мультфильмин оршлд эн тохрһаг тәәләд бәәнә. Үүнә ашгт ЗХУ-ин цуг балһсн-сүүрин, захин хораллд әдлххн бәәдлтә, негн кевтә болв чигн, сән функционалта олн давхр орн-сууцын бәрлһс һарч ирв[4].

Җил болһн, тогтсн йосар, кесг нәәҗнр Москваһин ниитин халун усна һазрт цуглрҗ, Шин җилән темдглдг бәәнә. Тедн цуһар икәр согтҗ, һол дүр Женя Лукашин Галяд сү тәвхәр седҗ бәәнә (Шин җилин өмнк өдрт тер түүнлә хүрм кех санл тәвхәр шиидсн бәәнә). Уснд орсна дару түүнә нәәҗнр нег Павлик гергнь терүг күләҗ бәәһә Ленинградур нисх оңһцд суух кергтә бәәнә. Бүкл бүтн баг терүг нисх оңһцин буудл күртл үдшәҗ, дахад йовхар седнә.

Нәәҗнр нисх оңһцин буудлд күрәд ирхд Женя, Павлик хойр унтҗ одсн бәәҗ. Зуг, Саша, Миша хойр яг кен нисх кергтәһинь санл уга бәәнә. Павликин ормд тедн Женяг оңһцд эндүрәд суулһв.

Женя бүкл нислһин турш уурта өөрнь суусн залуһин ээм деер унтҗ йовад, эцстнь терүг Ленинградт нисч ирсн оңһцас буухднь туслҗ өгв. Ленинградын нисх оңһцын буудл деер нег залу бийән Москвад бәәһә гидгт итгәд серв. Тер такси бәрәд авч, жолачд хайган келв.

Ленинградт Москваһин Женяһин бәәшңтә әдл бәәдлтә бәәшңд әдлхн хайг бәәдгнь үзүлгдҗ бәәнә. Москваһин күн лифтәр деегшән һарч, «эврә» патьрт орад, һәәхлтәнь — түлкүрнь үүднднь таарч бәәнә («...стандарт оньста стандарт патьр бәрнә» гисн оршл кесгт дурдсн бәәнә). Герин дотрк тәвлһнь Женяһин патьрла әдлхн болв чигн, тер залу ик согту болсн төлә ямаран чигн йилһәг аңхарлго бәәнә.

Тер хоорнд патьрин эзн Надя Шевелёва гертән хәрҗ ирнә. Эннь Шин Җилән нәәҗ залу Ипполитлә хамдан темдглхәр зуралсн бәәнә. Тегәд генткн тер орндан унтҗ бәәһә таньдго күүг олҗ үзнә. Тер үрәд уга гиичиг үүдәр түлкхәр седсн болв чигн, тернь уурлҗ, эс таньх күн «түүнә» патьрт ю кеҗ бәәһәг, яһад тенд эзн кевтә һардҗ бәәһәг медхш. Оршҗ суух зөвшәрлтә паспортан нег-негндән үзүләр, киноһин дүрмүд эцс-сүүлднь нөкцл бәәдлиг тодрулҗ чадна. Женя арһан барад бәәнә: Галя терүг Москвад күләҗәнә. Ипполит Надян герт ирәд, Женя, Надя хойрин тәәлврт иткхш. Залу Москваһур йовхар седсн бәәһә болв чигн, түүнлә хамдан мөңгн уга болдган медв. Эннь Надяһин патьрт хәрҗ ирхәс талдан арһ уга болдг. Ипполит атархҗ, һарад йовҗ одна. Надя Евгенийяс аль чадсарн хурдн салхан күсх болв чигн, маңһдур өрүн болтл Москваһур нислһ уга болдг. Женя Москваһур җиңнүлҗ, Галяд ю болсиг тәәлхәр олн дәкҗ зүткнә. Эцстнь тер күүкнлә холвгддг болв чигн, Ленинградын тускар соңсад, телефоһан хайҗ, таслдг. Надя Москваһин буудлд одад, шин нәәҗдән Москваһур һал тергнә таслвр хулдҗ авсн болв чигн, тер таслвриг шуулад үмкҗ, йовх керг угаһан меднә.

Женя, Надя хойр Шин Җилин байриг хамтрад давулхас оңдан арһд күрв. Тедн түрүләд хоорндан керлдҗ бәәв чигн, хөөнньь уурнь тәәлгдәд, заңнь җөөлрҗ, нег-негндән дурлад бәәв. Өрүнднь тедн бийднь тохалдсн цуг юмн — зүүлҗ төөрсн ухан бәәсн мет сангдҗ, салх кецү шиидвр һарһна. Залу Москвад хәрҗ ирв. Хаалһин дару көшн-ядрҗ, нөр уга хонсн тер унтҗ одна. Серхлә, тер Надяг зүүдлсн гиҗ санв чигн, тернь хажуднь сууһад бәәҗ. Надя Москваһур, дурта залуһурн йовхар шиидәд, теднә хайгнь әдлхн болсар, терүг медҗ, түлкүрнь оньсла таарч бәәснә төлә олхд кецү болсн уга.

Новеллизац

Эльдар Рязановин кино зокалын олн зүүлин цуглулһин нег кесг болһад кевлҗ барлсн «Заяна инәдн» гидг новеллизац (драмын өргн келсн үгин күрәтә җөҗг) бәәдг[5]. Түүнә аһулһнь кино, җөҗглә әдлхн аһулһта бәәнә.

Дүрмүднь

Актёр Роль
Андрей Мягков Евгений (Женя) Михайлович Лукашин (дуулснь — Сергей Никитин)[6] мес заслч Евгений (Женя) Михайлович Лукашин (дуулснь — Сергей Никитин)[6]
Барбара Брыльска Надежда (Надя) Васильевна Шевелёва (ду һарһснь — Валентина Талызина, дуулснь — Алла Пугачёва) орс келнә болн урн зокалын багш Надежда (Надя) Васильевна Шевелёва (ду һарһснь — Валентина Талызина, дуулснь — Алла Пугачёва)
Юрий Яковлев Ипполит Георгиевич Надян күргн Ипполит Георгиевич
Любовь Добржанская Марина Дмитриевна Женян экнь Марина Дмитриевна
Ольга Науменко Галя Женян нәәҗ күүкнь Галя
Лия Ахеджакова Таня Надян нәәҗ болн хамдан көдлҗәсн күнь Таня
Валентина Талызина Валя Надян нәәҗ болн хамдан көдлҗәсн күнь Валя
Александр Ширвиндт Павел / Женян нәәҗнь Павел / фильмин экнд һарсн күүнә дун
Георгий Бурков Миша Женян нәәҗнь Миша
Александр Белявский Саша Женян нәәҗнь Саша
Любовь Соколова Надян экнь[7] Надян экнь[7]
Готлиб Ронинсон Красноярскас ирсн күн нисх оңһцд суухар күләҗәсн күн Красноярскас ирсн күн
Эльдар Рязанов нисх оңһцд йовҗ йовсн күн (не указан в титрах) нисх оңһцд йовҗ йовсн күн (не указан в титрах)
Борис Руднев таксист (титрт нерләд уга) таксист (титрт нерләд уга)
Николай Погодин һармата санамсрго күн (титрт нерләд уга) һармата санамсрго күн (титрт нерләд уга)
Александр Постников хаалһар йовҗаһа күн (титрт нерләд уга) хаалһар йовҗаһа күн (титрт нерләд уга)
Елена Наумкина нисх оңһцин буудлд көдлҗәһә буфетын көдләч (титрт нерләд уга) нисх оңһцин буудлд көдлҗәһә буфетын көдләч (титрт нерләд уга)
Николай Кузнецов хаҗуднь бәәһә күн (титрт нерләд уга) хаҗуднь бәәһә күн (титрт нерләд уга)
Михаил Бочаров нохата күн (титрт нерләд уга) нохата күн (титрт нерләд уга)

Фильмин зургуд

Фильмин багихн

Шүлг дун хойрнь

Киноһин зокалд 9 шүлг багтв. Теднә 8-нь дун болх йоста бәәҗ. Эльдар Рязанов нег көгҗмин зокалч нег дор 8 тал-талдан зокалыг дааҗ чадшго гиҗ үзв. Дарунь тер эн дөрвн зокалчур хандв: Ян Френкель, Исаак Шварц, Андрей Петров, Микаэл Таривердиев. Түүнә санаһар зокалч болһн хойр ду бичх йоста бәәв. Экндән цуг зөвшәрч бәәв чигн, сүүлдән һурвнь олн зүүлин шилтәнәр төсләс зәәлв: зәрмнь һазадын нутгар айлх санл тәвҗ, зәрмнь көдлмш икдсәр болҗ чадсн уга. Зөвкн Микаэл Таривердиев үлдв[2].

Зокалыг умшад авсна дару көгҗмин зокалч Микаэл Леонович түүнә жанрин олн талта бәәдлиг һәәхҗ бәәв[8]. Үүнә аштнь ззокалч эн төслиг бийдән зөрүлҗ, Христосинн Мендлснә Байрин үлгүр гиҗ тодрхалад авв. Таривердиев Марина Цветаева, Евгений Евтушенко, Белла Ахмадулина болн нань чигн алдрата шүлгчнрин шүлгт көгҗм бичҗ өгв.

Киноһин цуг көгҗмиг Микаэл Таривердиев эврән бичв. Түүнә гергнь Вера терүнә тускар иигҗ дурасд бәәв[9]:

Нег өдр Таривердиев хот-хоолын өрәһин хаҗуһар йовҗаһад, Рязанов талдан әмтнә дунд сууҗ, «Һалт тергн Тихорецкая буудл тал йовна»... гидг дууг дуулҗ суусиг үзв. Тернь эн дууг шин фильмдән орулхиг күсч, олн әмтнә дун гиҗ хармсҗ бәәв. Йосндан эн дууг мана нөкрин оперд зөрүлҗ бичсн билә. Энүг Владимир Высоцкий дуулсна төлә Рязанов соңссн болв чигн, зокагчиг медлго бәәсн санҗ.

Эн фильмд залу дуучнрин төлә Сергей Никитин һолчлн дуулҗ бәәнә «Нанд иим зүүл тохалдҗана» («Со мною вот что происходит»), «Би яшл моднас сурув» («Я спросил у ясеня»), «Герт кен чигн уга болх» («Никого не будет в доме»), «Наһц эгч уга болхла» («Если у вас нету тёти»), гергн дуучнриг Алла Пугачева «Мини һудмҗд» («По улице моей»), «Тихорецкая буудлур» («На Тихорецкую»), «Нанд таалгдна» («Мне нравится»), «Толин өөр» («У зеркала») ду һарһҗ бәәв. Александр Кочетковин шүлгүдәс седвлсн «Утата вагона туск баллад»-ыг («Балладу о прокуренном вагоне») фильмин төгсклд Андрей Мягков, Валентина Талызина хойр умшҗ бәәнә. Хамгин түрүнд Анна Герман эн кинод зөрүлҗ ду дуулхар белдҗ бәәсн болв чигн, бичлһнь кегдәд уга — һазадын дуучиг үрх мөңгнә көрңг тооцанд орулад уга бәәҗ[10].

Фильмин дууг 1976 җид Мелодия Таривердиев винил бичлһ деер өрәләр һарһв[11]. Полный саундтрек был представлен на CD в 2009 году фирмой «Бомба-Мьюзик»[12]. Бүрн дуудыг 2009 җилд Bomba Music CD деер толюлҗ бәәв. 2016 җилд фильмин дууг Ик Британьд «Earth» лейбл деер винил деер[13], 2019 җилд Bomboy Music өңгтә винил деер һарһв[8].

«Бомба-Мьюзикин» кевлл, 2009 җил
№ НазваниеСловаВокал Длительность
1. «Увертюра» (инструментал)   2:43
2. «Со мною вот что происходит» Евгений ЕвтушенкоС. Никитин 2:28
3. «Надежда» (инструментал)   4:24
4. «В ожидании Нового года» (инструментал)   1:14
5. «Никого не будет в доме» Борис ПастернакА. Пугачёва 2:17
6. «Снег над Ленинградом» (инструментал)   2:45
7. «По улице моей который год» Белла Ахмадулина  2:48
8. «На Третьей улице Строителей» (инструментал)   1:15
9. «На Тихорецкую» Михаил ЛьвовскийА. Пугачёва 1:29
10. «С Новым годом!» (инструментал)   2:46
11. «Мне нравится[14]» Марина ЦветаеваА. Пугачёва 1:35
12. «Если у вас нету тёти (Ария московского гостя)» Александр АроновС. Никитин 1:53
13. «Последний вальс» (инструментал)   1:45
14. «Хочу у зеркала спросить» М. Цветаева  1:36
15. «Я спросил у ясеня» Владимир КиршонС. Никитин 3:08
16. «С любимыми не расставайтесь» Александр КочетковА. Мягков и В. Талызина 4:26
17. «Мелодия» (инструментал)   4:33
41:03

2014 җилд «Мөңгн хур» (Серебряный дождь) радиостанц «Мелодия компанин 50 хамгин сән панз»-ын җигсәлтд фильмин дута панзиг орулсн бәәнә[15].

Фильмин зург авлт

Фильмин ах режисёр Владимир Нахабцев тер үйин шинлг бәәсн һурвн камерин системиг ашглхар шиидҗ. Һурвн камер дегц көдлҗ, һурвн талдан өнцгәс дүрс бичлһ кеҗ бәәв. Эннь көдлмшиг икәр көңгн болһв чигн, зург авлтын йовцыг утдулад бәәв[2].

Зург авлтын көдлмш март сард эклҗ, зунын дундур цагт дуусв. Тиимәс кемл цасиг кинод ашглв. Зуг тер үйд цасна ик бу болн талдан төкәрмҗиг зокан бүтәһәд уга бәәсн төлә цасиг көвң, цаасн, көөсн хувнцриг (пенопластыг) һарар хаяд бәәв. Мөн салькна эффектиг кехин төлә үс хагсагчиг агшлад бәәв[9].

Барг цуг зург авлтыг Москвад кесн болад, Ленинградт кедүхн дүр-зург авч бәәҗ. Фильмд орлцсн хойр патьр хоюрн Вернадскин һудмҗд бәәрлдг: 125 (Лукашина патьр тенд бәәҗ) болн 113 (Надян патьр) бәәшңд бәәҗ. Уһалһин сцен бичхин төлә «Мосфильмд» тусха павильон бәрҗ авч.

Йосн Һурвдгчин Строительмудын һудмҗнь Москваһин Вернадскин һудмҗ нег кесгт бәәрлдг бәәҗ. Үнндән, 1963 җиләс авн тер һудмҗиг Мария Ульяновин нертә һудмҗ болһҗ сольгдв[16].

2003 җилд Женя Лукашины хуурмгар әмдрҗ бәәсн бәәшңгин эрс деер дурсхлын самбр сүүрлүлҗ. Түүнә неелтд Эльдар Рязанов орлцв[17]. Зуг, түрүңк сөөднь көңгн цаһан самбриг хулхалад авч. 2007 җилд Вернадскин һудмҗин бәәрлх 125, 113 тоота хойр бәәшңд дегц темдг сүүрүлсн болв чигн теднь бәәрндән удан бәәсн уга[18][19][20].

Кинобелдвр

Фильмин залуһин һол дүр болх Женя Лукашина төлә нертә җөҗгч Андрей Миронов өрслдәд бәәв. Зуг, Рязанов терүг авсн уга. Тернь эн дүрд олн гергчүдт хәәртә күн биш, хәрн дүрсәрн болн заңгарн гергчүдин оньгиг татдг уга залуг хәәһәд бәәв. Мироновд Ипполитын дүриг наадх санл тәвв чигн, тернь эн дүр наадхан зөвшәрсн уга. Мөн Олег Даль, Петр Вельяминов, Станислав Любшин, Иннокентий Смоктуновский дөрвн Женя Лукашина дүрд суңһгдҗ бәәв[9]. Андрей Мягков санмср уга бәәдләрн Лукашин болсн бәәҗ. Режиссер түүнд дурн угаһар хандҗ бәәсн болв чигн, тернь шалһлтын йовцд хамгин үнмшлтәнь болсн бәәҗ.

Гергнә һол дүр наадх җөҗгчиг суңһхд чигн күнд керг һарч. Рязанов Надяг Людмила Гурченкод чигн, Валентина Талызинад чигн, Светлана Немоляевад чигн, Антонина Шурановад чигн, Зөвллтин олн нертә җөҗгчнрин аль негнднь «үзәд уга». Түрүләд тер Алиса Фрейндлихиг һол дүр наадхиг күсч бәәв: тер инәдтә дүр сән наадг болад, дуулдгарн эн фильмд туста бәәсн бәәҗ. Зуг, урн сәәхнә зөвлл терүг зөвшәрсн уга[2]. Рязанов талдан нег режиссёрла күүндснә дару Польшин җөҗгч Барбара Брыльскаг гергнә һол дүрд орулхар седв. Рязанов эн фильмд һазадын җөҗгчиг үрсн болв чигн, түүнә күчтә айлһта болсн учрас Валентина Талызина терүнә дууг һарһҗ бәәв. Талызина мөн фильмд Надян нәәҗ Валян дүр наадҗ бәәв.

Олег Басилашвили түрүләд Ипполитын дүрд тәвгдв. Тернь кедүхн әңгд наада чадв. Зуг, зург авлтын үйд түүнә эцкнь болн хамтрад зүткҗ йовҗаһа Ефим Копелян дегц нас барсна төлә тернь цааранднь көдлх арһ уга бәәв. Дарунь түүнә ормд Юрий Яковлев орв.

Наталья Гвоздиковаг Галян дүрд түрүләд зөвшәрҗ бәәв[21].

Женя Лукашина нәәҗнриг Эльдар Рязановын нәәҗнр болсн Георгий Бурков, Александр Ширвиндт хойр наадҗ дүрслв. Режиссёр өмннь теднлә талдан фильм деер хамдан көдлҗ йовҗ. Дарунь Александр Белявскийг үрв. Любовь Соколова, Любовь Добржанская хойр Надя, Женя хойрин экнрин дүр болһҗ, тедн өмннь Рязановла хамдан көдлсн бәәҗ — тедн «Машинәс болһаҗ бә» («Берегись автомобиля») фильмд наадҗ бәәв.

Фильмин немлт зүүлд НТВ цувгин цаг-уурын медәлгч Александр Беляев багтад йовҗ[9].

Киноһин неелт

1976 җилин январь сарин 1-нә 18:00 цагт «Негдгч программ» деер «Заяна инәдн, эс гиҗ уснд орхиг сәәхн өңгрүлтн!» гидг нертә фильмин неелт болв. Эн болхла, һәәхлтә амҗлт болсн бәәҗ. Федор Раззаковин келсәр неелтиг 100 сай хәләһәч хәләһәд авч[22]. Невтүлгиг давтхиг күссн олн бичг бисәр, 1976 җилин февраль сарын 7-нд «Заяна инәдн, эс гиҗ уснд орхиг сәәхн өңгрүлтн!» гидгиг хойрдад үзүлв. Фильмин ахрдулсн хүвлвриг мөн кино-театрмудт үзүләд, мөн фильм хәләһәчнрин дунд әвр ик алдрта болҗ бәәв. Тенд 7 сай орчм күн терүг үзвк[23][24][25].

«Зөвллтин делгц» («Советский экран») седкүлин умшачнр 1976 җилин хамгин сән фильмар «Заяна инәдн, эс гиҗ уснд орхиг сәәхн өңгрүлтн!» гидг фильмиг нерлҗ, хамгин сән җөҗгчнр Женя Лукашина дүр болһсн Андрей Мягковиг һарһҗ[26]. 1977 җилд реҗиссёр Эльдар Рязанов, сценарист Эмиль Брагинский, оператор Владимир Нахабцев, көгжмин зокалч Микаэл Таривердиев, киноһин һол дүр болһсн Барбара Брыльска, Андрей Мягков хойрнь киног бүтәхд орлцсиг үнлҗ, ЗХУ-ин Төрин шаңнл күртҗ[27].

Шаңнлнь

Бәрмтс

Үзг алдсн зург
  • Фильмин экнд үг үзгин алда һарсн бәәнә: «исключительно» гидг үгд «л» үзг дутҗ бәәнә. Эн үлгүрт зөв бичгин болн цег таслл хадһлгдсн бәәнә:

Совершенно нетипичная история которая могла произойти только и искючительно в новогоднюю ночь

  • Фильмин экнд режиссёрин санаһар нисдг тергәр Зөвллтин негн әдл кевин бәрлһ-бәәшңгүдиг үзүлх йоста бәәҗ. Зуг, фильмин төсв иим зург авлт кехиг зөвшәрдг уга бәәснә төлә хәләһәчнрнь ормднь анимац үзв.
  • Надя цасн көр деерәс Ипполитын зургиг авхд, түүнднь Яковлев биш, хәрн Басилашвилли үзгдҗ бәәнә. Эн цоклтыг дәкн авхиг күсхлә, цасн орад уга бәәв[29].
  • Һол дүр Надя багш болҗ көдлдг. Зуг, Ипполитлә күүндхдән тер алда һарһна: «Би байрин ке бүшмүдән зүүхән мартчклав» (Я забыла одеть праздничное платье) гиҗ келнә. Орс келнә дүрмәр тер «өмсх» (надеть) гиҗ келх йоста бәәнә.
  • Лукашин Домодедово гидг нисх оңһцин буудлас Ленинградур нисч одна, зуг Зөвллтин үйд хөөт болн барун тал дотадын нислһиг Шереметьево-1-әс кедг бәәҗ[30].
  • Эльдар Рязанов бийнь эн фильмин нег бичкн кесгт орҗ наадв — унтҗах Женя мел унад бәәдг өөрнь сууҗах күн тер болна[30][31].
  • «Тана эн һадрта заһсн ямаран җигшүртә юмнви!» («Какая гадость эта ваша заливная рыба») болн «О, бүләкнәр эклҗ бәәнәт» («О, тёпленькая пошла») гисн үг фильмд уга, эннь болхла, Юрий Яковлевин импровизац[30].
  • Москва балһснд 3-гч Строительмудын һудмҗ 1958 җиләс авн бәәсн болв чигн, 1963 җилд тернь Мария Ульяновин һудмҗ гидг нертә болв. Ленинград балһснд 3-гч Строительмудын һудмҗ кезә чигн уга бәәсн болв чигн, 1955-1962 җил күртл хойр Строительмудын һудмҗ бәәсн болад, негнь үүлдврин бүсд Красногвардейский дүүрг; ода эн һудмҗиг Бокситогорская гиҗ нерлнә, хойрдгчнь Кировский дүүрг, ода Маринеско һудмҗ.

Сойлын нөләнь

  • 1981 җилд ЗХУ-ин XXVI ик хург деер Леонид Брежнев кесн илдклдән фильмин тускар дурдсн бәәнә:

Мана эргндк цуг зүүлс һо-үзсклңтә, сәәхн чинриг аһулсн бәәдгинь ямаран һол керг болхиг тәәлврлх керг уга. Олимпийск бәәһүлмҗс болн Москваһин зәрм бәәшңгүдин хоралл, өңгрсн үйин сергсн ховр зүүлс, Ленинградын шин архитектурин цуулһ, Алма-Атан, Вильнюсин, Навои болн талдан балһсдын шин бәрлһс биднә бахрхл болна. Зуг, балһсдын зурань бүклдән үлү урн-сәәхнә илркәлл, олн талта бәәдлиг шаардҗ бәәнә. Фильмин һол дүрлә әдл заяна инәднәр талдан балһснд ирҗ, теднә бәәшң, патьрмудыг эврәһәсн йилһҗ чадснгоһин түүк мет бүтх биш болна. (Тиңкмәс шууган һарад, альхан ташлдҗ бәәнә)[32]

Дамбрлтнь

Сергей Кара-Мурза «Орсин бәәшңгин һә-зовлң» гидг нертә ниитллдән Рязановиг һол дүрмүдиг «зөвллтин эсрг» үзлтә, «дотад нүүдлч» дүриг болһҗ төлвшүлсн гиҗ бурушаҗ. «Заяна инәдн» гидг фильмин һол дүрмүд болхла, һуч һару наста, өрк-бүл, үр-күүкд уга болв чигн, теднә амр-амулңгиг болн мөңгнә теткмҗд сана тәвҗ хаңһадг эрч күчтә экнртә, «эн күрәллд эврә ниигмин шинж-чинртә, тер үйин йирин сегәтнр» гиҗ үзҗ бәәнә. Фильмин дүрмүдин «зокамл элитизм, йозуртна үзл» гисн нууцлг шинҗ-темдгүдиг сегәтнрин неләд кесгнь шиңгәһәд авч, эцстнь «Оңдарлтыг (перестройкиг) байртаһар тосч, Сахаровиг альхан ташҗ күлән авч»[39].

С.Кара-Мурзан фильмиг болн түүнә режиссёриг дамбрлснь ор һанцхн зүүл биш болна. 2018 җилин декабрь сард Рязань балһсна митрополит Марк декабрь сарин 31-нд телевизәр җил болһн «Заяна инәдн» невтрүлгин уламҗллын тускар сөрг келҗ өгв. Түүнә санаһар фильмин санань «Һәәхмшгт күрхин төлә зүткх керг уга, йир харһад сууһад, согтҗ болна» гисн санань Христосин шаҗна үндсн сүүриг, күн зогсл уга бийини төлә кицәхиг нураҗ авч, дүрмүдин шин хайр олҗ авхнь урвлт деер сүүрлсиг зааҗ өгв[40].

Түүкч, протодьякон Владимир Василик фильмин кедүхн седвиг — Хрущев-Брежневин үйин Зөвллтин сегәтнрин өнчн, эцк уга бәәдл, дурн болн урвлт, согтурл, цасн-шуурһн — хүв-заяна шинҗ, шин әмтнд зөрүлсн тамин амнд җирһх зүүрлл гидг ашгин шинҗллһ кеҗ авч. Эн фильмиг «Сүүлин социализмин үйин цуг аһу бәәдл болн һасңлта йовдлын көшә» гиҗ тодрахалад, мөн хамтнь чигн «Бурхар һәәлгдсн әмтнә делкә деерк унтрҗах дурна тусхлыг авч ирдг» болад, Бурхиг күсх күслнь хамгин түрүнд «эртин грекмүдин драмын нәәрл-дууна үүргиг фильмд соңсгдҗах дун болн шүлгүд» илркәлҗ бәәнә[41].

Лия Ахеджаковиг фильмас хасх күсл

2024 җилин ноябрь сард Холвана аюл угаһин бәәдл, авлһсла темцх төслин ахлач Виталий Бородин Лия Ахеджакови-г һол дүрин нәәҗ Танян дүриг бүтәсн киноһас хасхиг шаардв. Ахеджакова 2024 җилин декабрь сарин экәр Лос-Анжелес-т Украиныг демҗҗ үг келснә дару Бородин күслән медүлв. Бородин Ахеджаковиг медрлин сүлҗәнә туслмҗар җөҗгч Елизавета Боярская гидг күүһәр сольхиг күсч бәәв[42].

DVD деер һарснь

DVD-г 2009 җилин декабрь сарин 10-нд «Флагман-Трейд» һарһв[30].

Үрглҗлҗ һарснь

«Заяна инәдн» гидг нертә фильмин үрглҗлл «Заяна инәдн. Үрглҗлл» гидг нертә кино 2007 җилин декабрь сард неелтән кеһәд авч, тер дарудан 5 сай доллар һарһҗ, 55 сай доллар ору олсн болад, ашг-оруһарн һал маңнад һарсн кино болҗ. Эцк-эктәһән әдл нөкцл бәәдлд орсн Женя Лукашин, Надя Шевелева хойрин наснд күрсн күүкдин дүрмүдиг Константин Хабенский, Елизавета Боярская хойр наадад үзүлв[43].

Андрей Мягков кино кехд орлцв чигн, аштнь хармсҗ, седклнь эс хансн бәәсән медүлв[44].

Темдглл

  1. ↑ Фильм Ирония судьбы, или С лёгким паром!: смотреть онлайн в хорошем качестве, фото, видео - Вокруг ТВ. (англ.). Вокруг ТВ. Дата обращения: 26 Үкр сарин 2019.
  2. ↑ 1 2 3 4 Ирония судьбы - главный новогодний фильм СССР и России. Рассказываем историю его создания // Правила жизни : журнал. — 2021. — 31 Бар сарин.
  3. ↑ 1 января исполняется 40 лет со дня премьеры комедии «Ирония судьбы, или С легким паром!» (рус.). ТАСС.
  4. ↑ Frederick Edwin Ian Hamilton, Kaliopa Dimitrovska Andrews, Nataša Pichler-Milanović. Transformation Of Cities In Central And Eastern Europe. — New York: UN University Press, 2005. — С. 159. — ISBN 9280811053 (pbk.).
  5. ↑ Рязанов Э. А. Старики-разбойники. — АСТ, Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
  6. ↑ Александр Мельман. Преображения Жени Лукашина: оказался на обочине, но в глазах надежда. Маленький человек. Московский комсомолец (14 март сарин 2023).
  7. ↑ В пьесе, по которой снят фильм, указано имя и отчество мамы Нади — Ольга Николаевна, — а в самом фильме — нет.
  8. ↑ 1 2 Ирония судьбы или С лёгким паром! BoMB033-907 LP на сайте Discogs, аннотация
  9. ↑ 1 2 3 4 Галина Глазко. Необычные факты создания фильма «Ирония судьбы, или С легким паром!» // Спорт-экспресс : сайт. — 2021. — 31 Бар сарин.
  10. ↑ Павел Соседов. Анна Герман: Почему она любила высоких мужчин? // 7дней.ру : сайт. — 2023. — 2 Така сарин.
  11. ↑ Музыка из кинофильмов «Ольга Сергеевна», «Ирония судьбы» на сайте Discogs
  12. ↑ Ирония судьбы или С лёгким паром! на сайте Discogs
  13. ↑ Tariverdiev – The Irony Of Fate (Original Score) на сайте Discogs
  14. ↑ «Мне нравится, что вы больны не мной» Цветаевой — любовный треугольник. pishi-stihi.ru. Дата обращения: 26 Үкр сарин 2019. Архивировано 8 Мөчн сарин 2021 года.
  15. ↑ 50 культовых пластинок фирмы «Мелодия» | Серебряный Дождь (рус.). web.archive.org. Дата обращения: 18 Үкр сарин 2024.
  16. ↑ 10 интересных фактов о фильме «Ирония судьбы, или С лёгким паром!» // Дом кино : журнал. — 2017. — 25 Бар сарин.
  17. ↑ Самый новогодний фильм увековечен мемориальной доской, РБК. Дата обращения: 18 Үкр сарин 2024.
  18. ↑ "Ирония судьбы" обзавелась памятными досками на местах съемок, РИА Новости (20071229T1430). Дата обращения: 18 Үкр сарин 2024.
  19. ↑ Вандалы украли памятную табличку, посвященную фильму "Ирония судьбы" – Москва 24, 24.07.2013 (рус.). www.m24.ru. Дата обращения: 18 Үкр сарин 2024.
  20. ↑ Со стены дома, где снимали «Иронию судьбы», украли памятную табличку (рус.). Дата обращения: 18 Үкр сарин 2024.
  21. ↑ Женский портал: 10 актёров, которые могли бы сыграть в «Иронии судьбы, или С лёгким паром!»
  22. ↑ Почти рождественская История Архивная копия от 25 март сарин 2013 на Wayback Machine. market.umh.ua.
  23. ↑ 40 лет с «Иронией» - Газета.RU. Газета.RU.
  24. ↑ Ирония судьбы или с легким паром. Рождение легенды - Первый канал на YouTube
  25. ↑ Киностальгия «Ирония судьбы, или с лёгким паром», часть 3 - Пятый канал. Пятый канал. Дата обращения: 2 Туула сарин 2020.
  26. ↑ Победители конкурса журнала "Советский экран" // akter.kulichki.com. — 1983. — Хулһн сар.
  27. ↑ Телефильм "Ирония судьбы, или С легким паром!". Досье - ТАСС, TACC. Дата обращения: 18 Үкр сарин 2024.
  28. ↑ История, рассказанная в "Иронии судьбы, или С легким паром!", реальна. в 60-х годах 31 декабря композитор Никита Богословский решил пошутить: пьяного товарища отвезли на вокзал и с 15 копейками в кармане отправили в Киев. Факты и комментарии (10 Туула сарин 2007). Дата обращения: 26 Үкр сарин 2019. Архивировано из оригинала 21 Ноха сарин 2009 года.
  29. ↑ 5 киноляпов в "Иронии Судьбы", которые вы не заметили даже спустя почти 50 лет, Life.ru (23 Бар сарин 2022). Дата обращения: 18 Үкр сарин 2024.
  30. ↑ 1 2 3 4 Ирония судьбы, или С легким паром! (ТВ, 1975) (рус.). www.kinopoisk.ru. Дата обращения: 18 Үкр сарин 2024.
  31. ↑ Ирония судьбы, или С легким паром! - «25-й кадр» | Независимый журнал о кино. 25-k.com. Дата обращения: 18 Үкр сарин 2024.
  32. ↑ 26-й съезд КПСС (23 февраля — 3 марта 1981 года): Стенографический отчёт. Т. 1. — М.: Политиздат, 1981. — С. 81.
  33. ↑ Я люблю Новый год (2015) — дата выхода в России и премьеры в мире — Кинопоиск (рус.). Кинопоиск. Дата обращения: 18 Үкр сарин 2024.
  34. ↑ I Love New Year (англ.) на сайте Internet Movie Database
  35. ↑ Болливуд снял индийский ремейк "Иронии судьбы", РБК. Дата обращения: 18 Үкр сарин 2024.
  36. ↑ Марюс Вайсберг снимет американскую адаптацию фильма Эльдара Рязанова «Ирония судьбы, или с легким паром!»
  37. ↑ В США снимут англоязычную версию «Иронии судьбы». Режиссер – Марюс Вайсберг.
  38. ↑ Вайсберг показал первый кадр из голливудской «Иронии судьбы».
  39. ↑ Кара-Мурза С. Г., Телегин С. А. Неполадки в русском доме Архивная копия от 23 Бар сарин 2021 на Wayback Machine. — М.: Алгоритм. — Серия «Горячая линия». — 443 с. — 3000 экз. — ISBN 5-699-09616-7.
  40. ↑ Митрополит Рязанский раскритиковал фильм «Ирония судьбы». Дата обращения: 23 Бар сарин 2021. Архивировано 23 Бар сарин 2021 года.
  41. ↑ Протодиакон Владимир Василик. О духовном содержании фильма «Ирония судьбы, или С легким паром!» / Православие.Ru. Дата обращения: 18 Үкр сарин 2024.
  42. ↑ Лию Ахеджакову могут убрать из любимой россиянами «Иронии судьбы», Росбалт (6 Бар сарин 2024). Дата обращения: 6 Бар сарин 2024.
  43. ↑ Анна ВЕЛИГЖАНИНА. «Ирония судьбы»: Брыльска не хотела целоваться с Яковлевым, а Боярская - с Хабенским // Комсомольская правда : сайт. — 2007. — 27 Бар сарин.
  44. ↑ Алина Минеева. «Не одобряю»: Андрей Мягков против «Иронии судьбы» // газета.ru : сайт. — 2018. — 25 Бар сарин.

Ном-зү

Холвас

"https://xal.ruwiki.ru/w/index.php?title=Заяна_инәдн,_эс_гиҗ_Уснд_орхиг_сәәхн_өңгрүлтн!&oldid=319288" халхас авсн