Заһсчин өдр
| 14.07.24 |
| 13.07.25 |
| 12.07.26 |
| 11.07.27 |
| 09.07.28 |
Заһсчин өдр (тод. ᠴᠠᡎᠠᠰᡇᡔᡅ ᡕᡅᠨ ᡈᡑᡈᠷ; орс. День рыбака) — заһсчнрин мергҗлин байрин өдр. Июль сарин хойрдгч нарн өдрт темдглдг улмҗллта.
ЗХУ-ин Деед Зөвллин Тергүлгчнрин 1965-гч җилин май сарин һурвн һарһсн 3519-VI тоот "Заһсчин өдр" гидг җил болһна байриг тогтахин туск" зәрлгәр бәәлүлгдсмн[1]. 1965-гч җилин июль сарин 30-ас авн Әрәсә, Украин[2] хойрт алвн йосар темдглдг. Алвн бусар талдан чигн ЗХУ-ас салсн улсмудт темдглдг.
Түүк
Эн мергҗлин байрин учрнь ЗХУ-ин үй-цагтнь заһсчллһ шунҗ көгҗүлсн йовдл болв. ЗХУ-ин зәрм бүс-нутгт заһсчллһнь эдин засгин тергүлх салврмудын негнь болдг бәәсн сәнҗ.
Эн байриг 1964-гч җилд Мурманск балһснд түрүн болҗ темдглсн болв. Дарунь ЗХУ-ин Деед Зөвллин Тергүлгчнрин 1965-гч җилин май сарин 3-гч өдрин 3519-VI тоот ««Заһсчин өдр» гидг җил болһна байриг тогтахин туск» зәрлгиг һарһв. 1980-гч җилд ЗХУ-ин Деед Зөвллин Тергүлгчнр талдан нег тогталд һаран тәвсмн: тернь байр-йослл болн дурсмҗин өдрмүдт зөрүлгдсн болад, өдгә цагин Әрәсәд чигн кесгчлн күчнтә кевәр бәәнә. Эн тогталд Заһсчин өдриг чигн дурдсмн[1].
Тодрхаллт
Эн өдрт заһсчнр бахан хаңһаҗ шунмһа заһсчлхин төлә усн саңгин көвәд деер ирцхәдмн; Заһс аңнурин багин дөрлдә чигн захас авн йовулдмн. Дөрлдә нурһлҗ зуһа-цеңглин заһсчллһн үндсн деер йовулдг. Дииләчнринь олн зүүлин күцәмҗинь темдглҗ шаңнҗ болна: хамгин олн заһс бәрсн, хамгин ик эс гиҗ хамгин бичкн заһс бәрсн гих мет. Заһсчнрин наадмнь заһсчлх күмсиг насн, киисн, соньрхл болн бусд чигн йилһләр кизәрлдг уга.
ЗХУ-ин теңгсин көвәдк балһсдт Заһсчин өдриг зөвкн мергҗлин ик байр биш, гер-бүләрн темдглдг өдр болһдг бәәҗ. Байрин өдриг талвң, цеңглдх күрәлңд темдглдг бәәсмн: Зөвллтин эстрадын урн бүтәлчнр ирәд, эрдмән үзүлдг бәәснҗ, бас хувцна үзүлвр болдг бәәсн сәнҗ. Заһс аңнурин флотас көлтә оршдг болсн Мурманск балһснд Заһсчин өдриг өдгә цаг күртл балһсна өдрлә әдләр темдглдг. Бусд балһсдт балһсна өдриг токалдулн янз-бүрин байр-наадм зокан бәәһүлдг[3].
Заһсчин өдр, Петропавловск-Камчатский, 2024 җ. июль сарин 13
Заһсчин өдр-2024, Петропавловск-Камчатский
Заһсчин өдрин заман, Петропавловск-Камчатский
Заһсчин өдр, Петропавловск-Камчатский, 2024 җ. июль сарин 13
Темдглл
 | На эту статью не ссылаются другие статьи Рувики. |
- ↑ 1 2 Праздник «День рыбака» утвержден Указом Президиума Верховного Совета СССР от 1 октября 1980 г. № 3018‑Х «О праздничных и памятных днях» (в редакции Указа Президиума Верховного Совета СССР от 1 ноября 1988 г. № 9724‑XI «О внесении изменений в законодательство СССР о праздничных и памятных днях»)
- ↑ Указ Президента Украины № 464/95 от 22.06.1995
- ↑ День рыбака в 2024 году: история и традиции праздника. Комсомольская правда. Дата обращения: 26 Мөчн сарин 2024.