Көкән Хулхачин Очр

Көкән Хулхачин Очр
Көкән Хулхачин Очр
Төрсн цаг-җил	1940 май сарин 9
Төрсн орм	Манджикины[d], Манычское сельское муниципальное образование[d], Ик Бурла район, Хальмг Автономн Советск Социалистическ Республик, РСФСР[d], СССР[d];
Насан барсн цаг-җил	2001 ноябрь сарин 10 (61 год)
Насан барсн орм	Элст, Орсин Холвана Улс;
Орн-нутг	Орсин Холвана Улс; СССР[d];
Сурһуль	Рязанское художественное училище им. Г. К. Вагнера[d];
Шаңнл
	Медиафайлы на РУВИКИ.Медиа

Көкән Хулхачин Очр (орс. Кикеев Очир Хулхачиевич; 1940 май сарин 9, Манджикины^[d], Хальмг Автономн Советск Социалистическ Республик — 2001 ноябрь сарин 10, Элст) — хальмгин зурач, Әрәсән Федерацин Ачта зурач Хальмг АССР-ин билг-эрдмин Ачта үүлдәч, Делгә Эрднин нертә комсомолын мөрән мөрәлч.

Намтрнь

1940-гч җилин май сарин 9-д Хальмгин Ик-Буурлын района Колан-Хотхур хотна Манджикихнә селәнд төрсмн. Эцкнь адуч, экнь герин күүкд күн бәәсмн.

1943-гч җилд «Улусы» онц үүлдврәр цуг хальмг улс Сиврүр туугдсмн^[1]. Һунта Очр эк-эцктәһән Сиврүр йовулгдна. Тенд 1957-гч җилд Омскин муҗин Называевка селәнә школ төгсәсмн. Дигтә тер җилд хальмгудыг сулдхад, хәрх зөв өгсмн^[2], Көкән Очр Сиврәс Хальмгтан хәрҗ ирсмн.

1958—1963-гч җилмүдт Рязанин художествин училищд (рус.) (хал. сурна. Йилһән сәәнәр дипломин төсвән харссмн. Терүнә хөөн олн-зүсн таңһчин, Әрәсән болн нарт-делкән марһаст орлцад йовсмн.

Цергләд (1963—1966), хәрәд ирчкәд Хальмгин художествин үүлдврин урлңгст көдлсмн. Тер цагт шунмһаһар үүлдәд, хаҗудан зурачнриг дахулад кесг хамцу болн эрвә һәәхүлмүд бүрдәсмн.

1973-гч җилд СССР-ин зурачнрин Ниицәнд орсмн. Дарунь (1976—1979) Хальмгин зурачнрин Ниицәнә Правлениг ахлсмн. Тер мет, баһ наста зурачнрт ик дөңг күргҗ бәәсмн.

1977 — Делгә Эрднин нертә комсомолын мөрә авсмн.

1979 — Хальмг АССР-ин билг-эрдмин Ачта үүлдәчин нер зүүсмн.

Бас тер җилд Куба орн-нутгур көдлмшин халхар одад ирсмн, терүнә хөөн Кубан төрт нерәдсн үүдәврмүдән бүтәсмн^[3]

1979, 1980 җилмүдт — Моңһлд одад, олн үүдәврмүдән бүтәсмн^[4]

1989—1993 җилмүдт — бийнь тогтасн «Зүңһар» («Джунгария») нерәдлһтә сул зурачнрин Ниицәг толһалсмн. Тер Ниицәнә ханьд олн хамцу болн Ниицәнә орлцачнрин эврә һәәхүлмүд давулад бәәсмн.

1996-гч җилд — Әрәсән Федерацин Ачта зурачин нер зүүсмн

1993—2001-гч җилмүдт — хальмгин зурачнрин «Солң» Ниицәнә гешүн.

Эрүл-менднь

Җирһлин хаалһдан Көкән Очр кесг дәкҗ инфаркт гетлсмн. Зуг үүлдврән таслго, көдләд йовдг бәәсмн.

Көкән Очрин зүркнь 2001-гч җилин ноябрь сарин 9-д зогсҗ. Элстд оршалһата.

Шаңнлнь

Хальмг АССР-ин билг-эрдмин Ачта үүлдәч (1979 җ.);
РСФСР-ин Ачта зурач (1996 җ.);

Җирһлин хаалһнь

Авальнь Көкән Александрин Земә (күүкн цагтан Чурюма) 1941—2013җ.җ., рентгенологч, физиотерапевт эмч. Нег саамд Элстин Физкультурин диспансериг ахлҗ бәәсмн.

Сокулян Яцка — күүкнь, зурач, академическ зургин багш, көгҗмч, США-д бәәнә. Көкән Чингис — көвүнь, зурач-алтчн, Элстд бәәнә, Лялина Байр — күүкнь, орс-хальмг келнә багш, Хальмгин сойлын Министерствин көдләч, Элстд бәәнә.

Үүдәврмүднь

Көкән Очр. Кишг. 1970 җ.

Көкән Очр. Оштрм Варадерод. Куба. 1980 җ.

Көкән Очр. КАССР-ин келн әмтнә шүлгч Сңһҗин Бося. 1979 җ.

Көкән Очр. Хавр. 1973 җ.

Очир Кикеев. Хархираан белд. 1981 җ.

Көкән Очр. Хальмг хотн.1943 җил. Цүллһнә дару. 1988 җ.

Темдглл

↑ Указ Президиума ВС СССР от 27.12.1943 о ликвидации Калмыцкой АССР (рус.). docs.historyrussia.org. Дата обращения: 11 Бар сарин 2025.
↑ Указ Президиума Верховного Совета СССР Об образовании Калмыцкой автономной области в составе РСФСР Москва, Кремль. 9 января 1957 г. (рус.). base.garant.ru. Дата обращения: 18 Бар сарин 2025.
↑ персональный сайт художника О.Кикеева (рус.). Дата обращения: 11 Бар сарин 2025. Архивировано 11 Хөн сарин 2022 года.
↑ Джунгария. Вечерняя песня. Очир Кикеев (рус.). персональный сайт О.Кикеева. Дата обращения: 11 Бар сарин 2025. Архивировано 11 Хөн сарин 2022 года.

Холвас

История нашего Ики-Бурульского района! (неопр.) Дата обращения: 11 Бар сарин 2025. [10-07-2023 Архивировано] 10 Така сарин 2023 года.
С.М. Червонная. Художники Калмыкии Каталог документов с 1831 по настоящее время. — Элиста: Кн. изд-во, 1979.

[1] Указ Президиума ВС СССР от 27.12.1943 о ликвидации Калмыцкой АССР (рус.). docs.historyrussia.org. Дата обращения: 11 Бар сарин 2025.

[2] Указ Президиума Верховного Совета СССР Об образовании Калмыцкой автономной области в составе РСФСР Москва, Кремль. 9 января 1957 г. (рус.). base.garant.ru. Дата обращения: 18 Бар сарин 2025.

[3] персональный сайт художника О.Кикеева (рус.). Дата обращения: 11 Бар сарин 2025. Архивировано 11 Хөн сарин 2022 года.

[4] Джунгария. Вечерняя песня. Очир Кикеев (рус.). персональный сайт О.Кикеева. Дата обращения: 11 Бар сарин 2025. Архивировано 11 Хөн сарин 2022 года.

[1]

[2]

[3]

[4]