Хар модта ө-модн (Эсто-Алтай)
| «Хар модта ө-модн» региона чинртә йиртмҗин бумб | |
|---|---|
| Һол тодлвр | |
| Аһу | 0,025 км² |
| Дунд өндрнь | 69 м |
| Бүрдәсн цагнь | 1977 җил |
| Бәәх ормнь | |
| 46°12′11″ с. ш. 42°13′53″ в. д.GЯO | |
| Орн-нутг | |
| Регион | Хальмг Таңһч |
Хар модта ө-модн (орс. Дубовая роща) — региона чинртә йиртмҗин бумб. Чинриг онц моддыг харлһна төлә 1977-гч җилин август сарин 10-д Хальмг АССР-ин Министрмудын № 352 тойгта тогтавр өгсмн[1].
Һазр-зү
Хар модта ө-модн Хальмгин Яшлтын района Эсто-Алтай селәнд 1950-гч җилмүдт суулһсн хар модд. Һол модн — «черешчатый» тохмта хар модн болҗана. Кецнь — дольгата тегш һазр, өмн-деед үзг тал көлврүнтә, Кумо-Манычин хотхр[1].
Урһмл болн аң-аһрусд
50-тә хар моддын хаҗуд урһсн модд дунд көгл, альмн, эргә, лирә, көрҗһр җөкн, балвһр хамтхаста җөкн, гледичия, кедмн, чииглә, хар уласн, агч, бөөлҗрһн. Үүрлдг шовуд: залата богшурһа, бор керә, шаазһа, шармг, эгл көтг, төөлгтә көтг, бәкр, чикрхг һурвлһ, гертә ууль; зерлг шовудас кирһү болн алтн халвһа харһна, зәрмдән тууһн[2].
Темдглл
- ↑ 1 2 Участок «Дубовая роща» площадь 2,5 га, КСП им. К. Маркса Яшалтинского района Республики Калмыкия — Почвы республики Калмыкия — Почвоведение и охрана почв . Архивировано из оригинала 11 Һаха сарин 2014 года.
- ↑ Участок «Дубовая роща» площадь 2,5 га, КСП им. К. Маркса Яшалтинского района Республики Калмыкия — Почвы республики Калмыкия — Почвоведение и охрана почв. Участок «Дубовая роща» … Дата обращения: 24 Хулһн сарин 2025. Архивировано из оригинала 2 Бар сарин 2013 года.
Холвас
- Официальный сайт Минприроды Калмыкии. Архивировано из оригинала 13 Така сарин 2012 года.