Ходырев, Иван Васильевич
| Иван Васильевич Ходырев | |||
|---|---|---|---|
 | |||
| Төрсн җил өдрнь | 1910 җилин сентябрь сарин 26 | ||
| Төрсн һазрнь | Яндг селән, Астрахань муҗ, Астрахань муҗ, Орсин Хаата улс[1] | ||
| Нас барсн җил өдрнь | 1980 җилин апрель сарин 8 | ||
| Нас барсн һазрнь | Лиман селән, Лиманск район, Астрахань муҗ, РСФСР | ||
| Холвгддгнь |
 СССР |
||
| Дәәлснь/дәнь | Төрскән Харсгч Аһу Ик дән | ||
| Шаңнлнь |
|
||
Иван Васильевич Ходырев (1910 җил - 1980 җил) — 997-гч хадг диглмин бууч (Украйнә 4-гч фронт, 51-гч әәрм, 263-гч бууһин дивизь), Улан әәрмин цергч. Зөвллт Холвана Улсин Баатр (1945).
Намтрнь
Иван Васильевич Ходырев 1910 җилин сентябрь сарин 26-нд өдгә цагин Астрахань муҗин Лиманск район, урднь Хальмг АССР-ин Яндһа Мацгин улс, Яндг селәнд тәрәчин гер-бүлд төрҗ һарв. Орс. 1944 җиләс авн Цуг Холвана Коммунист Нам (Большевикмүд) / ЗХУ-ин гешүн. Сурһулин 5 әңг төгсәв. Колхозд, заготконторд көдлҗ бәәв.
1943 җилин октябрь сарас авн цергт мордв.
1944 җилин май сарин 8-нд Севастополь балһсна төлә болсн ноолдана цагт дәәснә гүн хамһаллтыг давҗ һарад ноолдхд Улан әәрмин цергч И.В.Ходырев Сапун уулд түрүн босч дәәлв. Шүрүн ноолданд эннь көңгн пулемёт, дәәснә 8 салдсиг алад авв. Хурдтн деер һарч, кесг салдсла хамдан дәәснә траншейиг эзләд авв.
Алдгдсн шуһман ямаран чигн үнәр хама угаһар эргүлҗ авхин төлә зүткҗ бәәсн нацистмуд дөрв дәкҗ сөрг дәврлһнд күчтә кевәр ноолдсн болв чигн, дәәснә цуг орлдлһиг Улан әәрмин цергч Ходырев багтсн кесг дәәсән урвулв. Эн ноолданд Ходырев эврән дәәснә 12 салдс, нег офицериг алҗ авч. Баһ шавта болв чигн, эннь кесгтән үлдҗ. Өмәрән дәврх цагт Ходырев кесг ноолдачнрла хамгин түрүнд Севастополь балһснур орҗ, талдан ноолдачнриг бийлә хамдан татад орулв. Һудмҗсин ноолданд эннь 14 немш салдсиг холын зәәд хаҗ, 9 салдсиг бәрәд авч.
ЗХУ-ин Деед Зөвллин Тергүләчнрин 1945 җилин март сарин 24-гч өдрин зәрлгәр Улан әәрмин цергч И.В.Ходыревиг эр зөрг, баатрльг ноолдана төлә ЗХУ-ин Баатр цолар шаңнв (Алтн одн №5385).
Цергәс бууһад ирснә дару 1975 җил күртл И.В.Ходырев Астрахань муҗин Лиман селәнд засг закрһан, эдин засгин көдлмшт көдләд бәәв. Лиман селәнә Баатрмудын һудмҗиг эн һудмҗ деер әмдрҗ бәәсн Лиман балһсна хойр иргн, Зөвллт Холвана Улсин Баатр Иван Васильевич Ходырев, Николай Константинович Храпов хойрин нертә болһҗ бәәв.
Алтн одн медаль, Ленинә одн, олн зүүлин медальмудар шаңнгдсн бәәҗ.
Иван Васильевич Ходырев 1980 җилин апрель сарин 8-нд Лиман селәнд насан барад, тенд чигн оршагдв.
2015 җилин май сарин 6-нд Элст балһсна Баатрмудын һудмҗ деер ЗХУ-ин Баатрмудын дурсхлыг мөңкрүлхин йосн-үүлд Хальмг Таңһчд төрҗ һарсн эс гиҗ эндәс цергт мордсн баатрмудыг мөңкрүлв. Эн арһ-кемҗәнд И.В. Ходыревин дурсхлын самбрин барельеф неев.
Темдглл
- ↑ Өдгә цагт Лиманск район, Астрахань муҗ, Орсин Холвана Улс
Ном-зү
- Астраханцы Герои Советского Союза. — Астрахань 2000.
- В созвездии славы. — 2-е изд., доп. — Волгоград, 1976.
- Герои боёв за Крым. — Симферополь: Таврия, 1972.
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Холвас
Иван Васильевич Ходырев (рус.). Сайт «Герои страны».