Эндкгин келн

Нерн	{{{Нерн}}}

Эндкгин келн (тод. ᡄᠨᡄᡑᡍᡄᡎ ᡕᡅᠨ ᡍᡄᠯᡄᠨ, орс. санскрит संस्कृता वाक्, saṃskṛtā vāk, «Сәәтр нәәрүлсн келн», संस्कृतभाषा saṃskṛta bhāṣā, संस्कृतम् saṃskṛtam) — Эндкг-Европ келнә йозурин Эндкг-Иран салад хамарх Эндкгин эрт цагин келн. Амр биш эрт цагин дүрмтә болад ниилмл үг келлһтә келн мөн.

Эндкг келнь Европин эрт келн болҗах Латин болн Грек келтә төстә өөрхн болдг келн. Немҗ дурдхд, хәрцүлсн түүкин келн-шинҗлл гидг кел шинҗллин салвр эн келн деер сүүрлнә.

Өдгә цагт Эндкгин санскрит келн Эндкгин алвн йосар батрулсн хөрн хойр келнә тоод орҗ бәәнә.

Эндкгин эрт цагин утх-зокалын келн. Эн келәр олн Ухана ном-судр болн Бурхна шаҗна ном-судрмуд бичәтә бәәнә.

Эндкгин кел хальмг келнд нерәддгнь

Эндкгин санскрит келиг хальмг келнд «Эндкгин келн», «Самһрд келн» болн «Җаһр келн» гиҗ һурвн зүүләр нерәддг бәәҗ. Үг болһныг тәәләд медүлхлә, «Эндкг келн» гиснь — Индин келн гисн утхта үг. (Моңһлчуд кезәнә Индиг «Эндкг» гидг нерәр дууддг бәәҗ). «Самһрд келн» гиснь — «Самскрит» гидг үгиг буру умшад һарһсн үг болҗана. «Җаһр келн» гихлә, төвд келнәс цуг моңһлчудын келнд орсн үг болна. «Җаһр» гиснь — төвдин Эндкгиг нерәддг үг. Төвдәр «rgya-gar|rgya-dkar» эс гиҗ хальмг келнд орчулхла, «Цаһан тал-нутг» гидг утхта үг.

Холвас