Яма (йоһа)

Яма (тод. ᡕᠠᡏᠠᡃ; орс. Яма; энд. यम, IAST: yama ) — Эндкгин шаҗн болн йоһаһин йосн-зүүһин кизәрллт эс гиҗ бүк ниитин йосн-суртхуна зарчм. Яма болхла, Патанҗалиһин Йоһан судр, Сиддха-сиддханта паддхати болн бусд бичврмүдт тодрхалгдсн йоһан аңхни шат болдг мөн.

Патанҗалиһин Йоһан судриг авад үзхлә, «яма» гидгнь тавн үндсн зарчмиг аһулдг болна:

1. Эс көнәх - әм эс таслх(вегетариан болх күртл)
2. Сатья - үнн седкл
3. Астея - күүнә юм эс авх (хулха эс кех)
4. Брахмачарья - брахмачари (брахмачарьяг бәрдг күн) әрүн Ведин медлһиг судлхд бүрн орсн болад, үрглҗ Брахманд бәәҗ, бәәдг зүүл болһн Брахманд бәәдг гидгиг өөлһдг седклин бәәдл.
5. Апариграха - олҗ авхго бәәх (белг күлән авхго бәәх), хүрмтлүлхго бәәх, хавсрһхго бәәх.

Бусд олн судрт (җишә авад келхлә, Шандилья Упанишад, Сиддха-Сиддханта паддхати, Хатха-Йоһа прадипика) Ямаһин арвн зарчмиг дурдсн бәәдг:

1. Эс көнәх
2. Сатья
3. Астея
4. Брахмачарья
5. Кшама — өршәңгү седкл;
6. Дхрити — бат чинр;
7. Дайя — энрл;
8. Арҗава — шудрһ седкл;
9. Митахара — хот-хоолын дунд зергин дуршл;
10. Шауча — бий, седкл хойрин цевр бәәдл.

Улмҗллт йоһан кичәлд багш тухан оютна нөкцл-бәәдл болн көгҗлин онцлгиг хәләҗ, яма өгдг.

Немәд үз

• Вегетариан
• Нияма
• Үклин нүл

Темлдглл

Ном-зү

• Сафронов А. Г. Йога: физиология, психосоматика, биоэнергетика / А.Г.Сафронов; Монография. — Харьков: С.А.М, 2005. — С. 250. — ISBN 966-8591-11-9.
• Сафронов А. Г. Религиозные психопрактики в истории культуры = Сафронов А.Г. Религиозные психопрактики в истории культуры] // Научное издание, Монография. — Харьков: «ХГАК», 2004. — С. 304. — ISBN 966-7352-81-1.
• Громов С. Н. 40 дней практикуя Йогу. — Одесса: ВМВ, 2005. — С. 507. — (Раджа-йога для всех). — ISBN 966-8286-43-X.
• Шри Шри Анандамурти. Руководство к поведению человека.: пер. с англ. — Издательство «Публикации Ананда Марги (Россия)», 2002. — 44 с.