110-гч мөрчнрин дивизь

Рувики-с
110-гч мөрчнрин дивизь
Вооружённые силы Зөвллт Холвана Улс ВС СССР
Вид вооружённых сил Зөвллт Холвана Улс хүүрә хаалһин цергүд
Род войск (сил) мөрчнрин дивизь
Формирование 1941 җилин ноябрь сарин 26-с авн 1942 җилин июнь сар күртл
Расформирование (преобразование) февраль 1943 г.
Дәәлдҗ йовсн һазрмуд
Төрскән харсгч Алдр дән
1942: Ар-Кавказин фронт

110-гч мөрчнрин дивизь (орс. 110-я кавалерийская дивизия)[1][2][3] (тогтагдсн кемд: 110-гч салу мөрчнрин дивизь) — Төрскән харсгч Алдр дәәнә цагт Улан Әәрмин күч-көлсчнрин церг (РККА)[4][5].

Тууҗ

Тогталһн

Хальмг АССР-ин һазрт 110-гч болн 111-гч хальмг мөрчнрин дивизиг тогталһн 1941-гч җилин ноябрь сарин 13-д СССР-ин орн-нутгин харлһна комитетын № 894 тойгта «Келн әмтнә цергүдин туск» тогтаврар эклсмн[6]. Ут тоодан дивизь болһна мөрчнрин то 4403 күн болх зөвтә бәәҗ, цуг тедниг зер-зевсгәр, мөрәр, хувц-хунрар, хотар, мөрнә зиһәр Хальмг АССР теткх даалһвр өгсмн[5]. Хальмг ВКП(б) обком болн Хальмг АССР-ин Совнарком 1941-гч җилин декабрь сарин 26-д болн декабрь сарин 2-т батлҗ авсн тогтаврар 110-гч болн 111-гч Хальмг мөрчнрин дивизиг тогталһнд кергтә тоотсиг дигләд авсмн[7]. 110-гс дивизиг тогталһиг Онголдшан Михаилд даалһсмн, тер 1941-гч җил күртл цаг зуур командирин цол дааҗ йовсмн[8]. Хальмг АССР-ин Совнарком дивизьмудыг тетклһнд кергтә тоотыг белдҗ авх мөңнә то батлсмн, тернь 16.190.600 арслң болсмн[9].   1942-гч җилин эклцәр года дивизьд 4652 күн бәәсмн (тер дунд 63 % хальмгуд) болн 4762 мөрн[10].   1942-гч җилин февраль сарин 13-д Хальмг АССР-ин обкомин партин бюрон тогтаврар дивизьд Будённый Семён Михайловичин нер зүүсмн[11]. 1942-гч җилин февраль сарин 23-д дивизьд дәәчнрин туг залсмн[12].   1942-гч җилин март сарла Деед ахлгч командованин зааврар тогтагдҗах 111-гч мөрчнрин дивизь тарагдсмн, үлдсн улс болн бәәсн хамг тоотнь 110-гч хальмг мөрчнрин дивизьд өгсмн[5][6][12].   1942-гч җилин май сарин эклцәр дивизь сән белдвртә, бат церг болсмн[4].

Дәәнә хаалһ

1942-гч җилин май сарла дивизин әңгүд Тең һол тал ирсмн. Кутейниковская  (рус.) (хал. станицын өөр дивизь Кубанин 17-гч хазгудын мөрчнрин корпуст  (рус.) (хал. орад, цаараннь дәәнд белдвр кеһәд бәәсмн[4].   1942-гч җилин июнь сарла 110-я ОККД Ар Кавказин фронтын 51-гч әәрмин (СССР) ханьд орад[6][12], 58-гч дуунад Багаевск болн Семикаракорск станицмудын хоорнд харслт тогтасмн. Тер саамд хәрү цохрад йовсн улан цергчнр Тең һолыг һатлхд туслх даалһврта бәәҗ[4].   Харслтын меҗә Тең һолын зүн көвәһәр бәәҗ, барун көвәд болхла әңгс һарад, танксин өмнәс хадг зевсгүдтә болн сапёрмудын взводта һарсмн. Дивизин салдсмуд Багаевская болн Мелиховская станицсын алднд батрҗ бәрәнд орхар белн болсмн[4].   Хаҗуднь дәәлдҗ йовсн Семикаракорскас Константиновк станиц күртл харсҗ йовсн 115-гч Кабардин-Балкарскин мөрчнрин дивизь муурад одсн цагт, 110-гч ОККД Сал һол тал хәрү хәрәд, и Батлаевка станицын өөр орм эзлсмн[4].   110-гч ОККД июль сарла дивизь 37-гч Әәрмин ханьд орсмн[6].   1942-гч җилин июль сарин 18-д Улан цергин цохрлтиг харсҗ йовсн 110-гч хальмг мөрчнрин дивизь дәврәд ирсн немшнрлә дәрлдәнд орв[13], дарунь тагтыг болн дивизиг деерәс авиац хаһлад болн өмнәс артиллерий хаһад бәәсмн[4][6].   1942-гч җилин июль сарин 21-д өрүн 5 часла немшнр шинәс дәврсмн, Пухляковск күтрин алднд болсн бәрлдәнд танксин өмнәс хадг зевсгүдтә әңгин командир Делгә Эрднь залу зөрмг үзүлсн мөн[6], тер немшнрин һурвн бронетранспортёриг болн һурвн пехотыг зөөдг машисиг хаһлад, хальмгудын дунд түрүн Советск Союзин Баатрин нер зүүсмн[14].   1942-гч җилин июль сарин 22-т Өмн үзгин фронтын штаб 37-гч әәрмин әңгсиг Теңгин зүн көвәһәр (Багаевскин  (рус.) (хал. станицас авн Раздорскин  (рус.) (хал. станиц күртл) орм эзлх заквр өгсмн, 110-гч ОККД болхла хойрдгч эшелонд, әәрмин командованин белдклд орна. Зуг тер заквриг күцәтл, — 1942-гч җилин июль сарин 22-д вермахтын 1-гч танкин әәрмин 3-гч танкин корпус дәврәд Теңгин барун көвәд Мелиховскин болн Раздорскин станицсиг эзләд, авиацин, артиллерийн болн винтовк-пулемётын һалар һол һатлхар белдв, дигтә тер ормд 110-гч мөрчнрин дивизь бәәсмн[4].   Раздорскин станицын өөр бәәсн һатлһиг ах лейтенант М. С. Джимбиевин һардврта 273-гч полкин хойрдгч эскадрон, полкин батарейин артиллерийн взвод болн артиллерийн взводын миномётчикуд харсҗ бәәсмн. Тер һатлврт немшнр ик һару үзсмн, бәрәнд М. И. Терентьевскин артиллерин бу немшнрин десантта кесг оңһцсиг болн хаҗасн бус уга кеҗ йилһрсмн[4], и миномётный взвод мл. лейтенанта И. Г. Ургадулова[6].   Мелиховскин станицын алднд 292-гч болн 273-гч полкс харһх ормар немшнрин дивизин белдврт бәәсн 311-гч полкин эскадрон дәврсмн[4].   Багаевск станицын өөр дивизин барун флангд 292-гч полк тагтыг харсад, немшнриг һолыг һатлх арһ таслсмн[4].   Багаевскин, Мелиховскин  (рус.) (хал. болн Раздорскин станицсын алднд Теңгиг һатлҗ чадлго немшнрин командованин шиидврәр Раздорскин станицас деегшән һатлхан хәәсмн, болв, тер арһнь Улан церг бас таслсмн[4].   1942-гч җилин июль сарин 25-д Теңгин зүн көвәһәр Константиновскин болн Цимлянскин станицсын алднд немшнрин цергүд плацдармс тогтаһад, танксин болн моторизованн әңгүдәр Улан цергин әңгсиг төгәд орулад уга кех шиидвртә бәәҗ, тедн болхла Теңгин ца, Ростовас өмн болн өмн-дорд үзгәр йовсмн[4].   Тер саамд дивизиг төгәд орулх әәмшг учрв[6]. 1942-гч җилин июль сарин 25-с авн 26 күртл 110-гч хальмг мөрчнрин командовань Карповкин станицын өөр харслтын меҗәһән батлад авсмн, июлин 26-нд өрүн эрт немшнрин мотопехотнь болн танкс артиллерин болн авиацин демҗәр Карповкур (тенд 292-гч полк харслт батлсмн) болн Ажинов күтрүр (тенд мөрчнрин болн артиллерийн дивизиона батареин болн 110-гч мөрчнрин дивизин хамцу әңгс бәәсмн) дәврсмн[4].   1942-гч җилин июлин 26-д командованин закврар, цуг әңгсәрн Манц һолын ца һарад харслтын меҗә батлҗ авсмн[4].   Теңгин төлә бәрлдәнд 1942-гч җилин июль сарин 18-с авн июль сарин 27-д 110-гч ОККД мотопехотын 4 батальон, 30 танкс, 55 бронемашин, 45 миномёт, 20 бус болн 38 пулемёт хог таслсмн. Дивизин һару болхла бас ик, 600 күн әмнәсн хаһцсмн, 700 шавтсмн, 200 шаху күн геедсмн[4][6].   Июль сарин 27-с авн 29 күртл дивизь Манц һолын өөр бәәх Тузлуков, Красный, Весёлый селәдиг харсад бәәсмн. Зуг 37-гч әәрмин закврар тендәсн зааград һарсмн. 110-гч хальмг мөрчнрин дивизь Моздок тал һарсмн, зуг деерәснь немшин авиацин асхҗах сумн ардаснь көөсмн. Дивизин әңгс Бәшңтә Ворошиловск хойриг дәврәд Моздок тал һарсмн, һаруһан хасхин төлә цөөкн багмудар тасрад йовсмн[4].   Тиим багмудар дивизин баһ зунь Майкопур болн Әәдрхн тал һарсмн (тер әңгс 28-гч әәрмд орсмн), дивизин ик зунь болхла 1942-гч җилд августын өрәлд Моздокин харслтын районд, Вознесеновскин станицд ирҗ зогсҗ[4].   1942-гч җилин сентябрь сарин 5-д Закавказскин фронтын дәәнә хүүвин шиидврәр, 30-гч кавдивизь болн110-гч кавдивизь — Кизляр — Әәдрхн төмр хаалһиг харсх даалһвр авсмн, тер хаалһ Кавказиг Поволжьин болн Уралын һазрта залһсмн[4][6]. 30-гч болн 110-гч мөрчнрин дивизьсас нань Күч-көлсчнрин Улан цергин 47-гч салу төмр хаалһин бригад тер төмр хаалһиг харсад, ясад йовсмн[15][16].   110-я ОККД Закавказскин фронтын Ар багин цергин 44-гч әәрмин ханьд орна. Дивизин әңгс Орджоникидзевскин крайин Хар рынкин һазрас авн Хальмг АССР-ин Зензели станц күтрл харсад, немшнрин дәәчнрәс төмр хаалһиг харсад йовсмн. Немшнрин морпехот 10 танкста Улан-Хол станцур дәврсн цагт 292-гч полк тедниг зогсаһад, 100 гитлерин салдс болн офицермудиг, хойр танк болн һурвн аца зөөдг маши хог таслсмн[4].   Хөөннь дивизин әңгс Зензелин алднд немшнрин дәкәд нег дәврлһиг зогсасмн[6].   Төмр хаалһиг харссна хөөн, дивизь Моздокин ар-дорд үзг тал һарсмн. 500 дууна хаалһиг хагсу теегәр һатлад Ага-Батыр селәнә өөр 30-гч мөрчнрин дивизла негдсмн[4][6].   Дарунь 15 өдрлә дивизин әңгс Улан цергин әңгслә хамдан Терекли-Мектеб, Ачикулак, Ага-Батыр, Тарский, Михайловский, Полтавский болн совхоз «Моздокский» һазрмудыг сулдхсмн[4].   1942-гч җилин сентябрь сарин 16-д 110-гч хальмг мөрчнрин дивизьд Новочеркасскин мөрчнрин училищин хальмг курсантмуд ирҗ орсмн[4].   1942-гч җилин сентябрь сарин 28-д 110-гч мөрчнрин дивизин тогтац (тер цагт зөвәр муурад, артиллерий автомаши чигн уга болсн) 30-гч Краснознамён кавдивизин ханьд орсмн[6].   1942-гч җилин сентябрь сарин 30-д Ар багин командованин шиидврәр 110-гч хальмг мөрчнрин дивизь шинрүлҗ, Орджоникидзевскин зах улсар болн Хальмг АССР-ин немшнр эс эзлсн края улусмудин улсар немҗ батлгдсмн[6]. Тер амр биш керг болв, юнгад гихлә тер саамд арһта мөрд, бүтн автомашид хамг дәәнд йовулчксн бәәсмн[4]. Дивизьд 1925-гч җилд төрсн баһчуд болн медәтә улс ирв. Дивизиг полковник В. А. Хомутников һардсмн[6].   1942-гч җилин декабрь сарин 12-т 110-гч ОККД 4-гч гвардейскин Кубанскин хазгудын мөрчнрин корпуст орх заквр авсмн[4]. 1942-гч җилин декабрь сарин 12-с авн дивизь Ачикулак болн Каясула селәдин өөр дәәлдсмн[6].   1943-гч җилин январь сарин 1 шинд Ар багин церг (терүнә ханьд 110-гч ОККД орҗ бәәсмн) дәврсмн[4].   1943-гч җилин январь сарин 4, 5-д 110-гч мөрчнрин дивизь Ачикулакин алднд немшнрин харслтын меҗәг таслсмн[4].   1943-гч җилин январь сарин 10—11-д дивизин әңгс цөөкн дәврлһәрн хортна бат харслтыг таслад, Орловкиг болн Прасковейиг эзләд, дарунь Будённовск балһсиг эзләд авсмн[4][6] (1943-гч җилин январь сарин 10—11-д дивизин әңгс хортна 230 әмтиг болн 12 бронемашиг хамх цокад, 43 кү бәрәнд орулҗ авад, һурвн бронемаши, тавн автомаши, зевсг болн нань чигн хамг эзлсмн)[17].   Хөөннь дивизин әңгс Улан цергин талдан әңгслә хамдан Орджоникидзевскин захин арвад селәд болн балһснд сулдхсмн (Архангельское, Чернолесское, Благодарное, Арзгир, Гофицкое, Петровское, Винодельное, Ипатово), Хальмг АССР-ин Западнын болн Яшалтинскин улусиг сулдхад, дарунь Ростовин муҗд орад, Ивановка, Поливное, Развильное, Богородицкое, Средний Егорлык сулдхсмн. Дивизь Тихорецкин алднд дәәлдҗ йовсн 4-гч Кубанскин мөрчнрин корпусин барун флангиг харсҗ йовсмн[4].   Хортнас январь сарин бәрлдәнд үлдәҗ авсн цергә олзар дивизин тетквр ясгдсмн, зевсг, артиллерий, мөрмүд болн автомашис немгдсмн[6].

Хүвәрллт

1943-гч җилин январь сарин чилгчәр цергин кесг әңгүдиг хүврәллһсн цагт келн әмтнә цергчнрин әңгүдиг шинрүлдг арһ уга болснь темдгләд, тиим әңгүдиг тогтадган уурсмн[4].   1943-гч җилин январь сарин 27-д Күч-көлсчнрин Улан цергин инспекторин шиидврәр 110-й ОККД хүврәллһгдсмн[4].   1943 җилин февраль сарин эклцәр 110-гч мөрчнрин дивизь талдан цергүдтә хамдан дәәнә закрван күцәснә хөөн Целина — Ростов төмр хаалһин меҗәд ирсмн.   1943-гч җилин февраль сарин 18-д дивизин әңгүд, Кугута, Петровское болн Константиновскиг эзлснә дарунь, немшнр тууҗ йовсн 4000 толһа бөдүн малыг болн олн цергин олз авсмн: төмр хаалһин тогтац (тер дотр 73 буудята вагон, 6 төмр хаалһин вагон болн 4 төмр хаалһин цөлг), 24 автомашис, гранатмудта склад, авиабомбта склад хойр артиллерийин зевсг[17].   1943-гч җилин февраль сарла дивизь хүврәлгдсмн. Тер саамд дивизьд хальмг улсас 11 % үлдсмн. Үлдсн мөрчнриг 4-гч Кубанин хазгудын гвардейскин мөрчнрин корпуст  (рус.) (хал. орулсмн. Залачнрнь фронтын резервд орсмн[6].

Үүлдврин үнлһнь

СССР-ин НКВД-н ОББ-н ахлач A. M. Леонтьев бәрмтд иигҗ илгәсмн: «Ростов-на-Дону балһсна фронтд дәәлдҗ йовсн 110-гч хальмг келн әмтнә мөрчнрин дивизин цергчнр үүмлдәд бәәсмн. Зәрмнь орһдад зулсмн. Теднәс кесгнь командирмудтаһан хәрәд, бәәрн әмтн дунд Улан цергин диилгдҗәх зәңгс тархасмн. Фронт Хальмгур өөрдәд ирсн цагт советин йоснд харшлсн бандитнр шамдһарсмн. 1110-гч дивизяс орһдсн дәәчнр ик бандмуд тогтаһад, Хальмгас мал туусн цагт харш болв»[18].   Өдгә цагин судлачнрин кесгнь 110-гч Салу Хальмг мөрчнрин дивизиг (ОККД) сән аштаһар үнлнә. Дәәнә түрүн ноолдаг 110-гч мөрчнрин дивизь Ар Кавказин фронтын улвһр 51-гч әәрмин ханьд тоссмн. Болв, дәәчнрин дамшлт уга болв чигн, хойр долан хонгин өршәңһү уга бәрлдәнд залу зөрмг үзүләд (1942-гч җилин июль сарин 15—27-д) өмннь тәвсн дәәнә даалһвриг күцәсмн[19].   110-гч хальмг мөрчнрин дивизь хойр долан хонгин бәрлдәнд миңһн шаху цергчнрән геесмн (теднәс 600 күн әмнәсн хаһцсмн, 200 геедрсмн: ик зунь чивсмн) болн 700 күн шавтсмн. Ут тоодан 37 % һару үзсмн, тодрхаһар — өдр болһн 2,33 %[19].   110-гч мөрчнрин дивизин цергчнрин шидрциг 37-гч әәрмин һардачнр зөвәр үнлсмн (бәрлдәнә йовудт дивизиг терүнд орулсн бәәсмн), терүнә ханьд дивизь дәәнә даалһвриг күцәсмн. 1942-гч җилин зуна цагт Өмн үзгин фронтд болсн бәрлдәнә ашар 110-гч кавдивизин цергчнр болн командирмуд оддар болн медальмудар ачлгдсмн, ПТР-ин әңгин командир Делгә Телҗин Эрдньд әмнәсн хаһцсна хөөн Советск Союзин Баатрин нер зүүсмн[19].   Судлачнрин олн шинҗллтин сурвлҗст Улан цергин заагдсн фронтсин командованийн болн Улан цергин Генеральн штабин темдгст 110-гч дивизин туст му бодлһн уга[19].   Өмн үзгин болн Ар Кавказин фронтсин командованин сән темдгүд бәәв чигн, дивизин залу зөрмг олнд ил медгдсн болв чигн, тер дунд дивизин сержант Делгә Эрднин шидрц темдглсн болв чигн, (1943-гч җилин март сарин 31-д СССР-ин Деед Хүүвин Президиумин тогтаврар Советин Союзин Баатрин нер зүүсмн, 1942-гч җилин июль сарин 30-д Совинформбюро зәңглсмн), СССР-ин НКВД-н бандитизмла ноолдана әңгин ахлач А. М. Леонтьев илдкврин цаасндан 1944-гч җилин август сарин 30-д СССР-ин НКВД-н ахлачин дарук С. Н. Кругловд «СССР-ин Улан цергт 3 җилин туршт бандитизмта, орһдлһнта болн цергәс зуллһна йовдлмудта ноолдана туск илдкл (1941-гч җилин июль сарин 1-с авн 1944-гч җилин июль сарин 1 күртл)» учр угаһар бичҗ: «Ростов на Дону балһсна алднд болсн бәрлдәнд 110-гч Хальмг мөрчнрин дивизин цергчнр үүмлдә һарһв. Дивизин әңгсәс олн цергчнр зулв»[19].   Хортнла өршәңһү уга ноолдад, кесг дәкҗ даву уга залу зөрмг үзүләд йовсн, тер мет олн шаңнл авсн дивизь тиим му бәәдлд орулгдснь — хамгин ик гисн һундлта йовдл болҗана[20].   Буру чинртә худл зәңллһст 110-гч Хальмг Мөрчнрин дивизиг Теңгин көвәд 1942-гч җилин июль сарла болсн бәрәнд «үүмлдә үзүлсн», «бандмудар тарсн», «немшнрүр орсн» болн «Улан цергтә ноолдхин төлә тогтасн немшнрин цергчнрин әңгд орсн» зәңгс тархагдсмн[20][21][22][23]   Онц темдглхд, Хальмг мөрчнрин корпусин ик зунь немшнриг Хальмг һазрас көөснә хөөн тогтагдсмн. Дәкәд тер «корпус» 4 дивизионд хурагдсн 20 эскадронас тогтсн болна, тиим то полкас эс гиҗ бригадас давшго бәәсмн. Болв чигн, «Хальмг карательн корпусин» туск худл зәңг ода чигн олна дунд бәәнә[20].   Ода цагин судлачнрин тоолврар, «үүмлдә үзүлсн», «бандмудар тарсн», «немшнрүр орсн» болн «Улан цергтә ноолдхин төлә тогтасн немшнрин цергчнрин әңгд орсн» зәңгс худл болдгнь лавта. 110-гч Хальмг мөрчнрин дивизь цаарандан дәәлдәд, Кавказиг харсад, Сарпулин зах улсин, Хальмгин, Ростовин муҗин олн һазрмудиг сулдхсмн — Буденновскин, Прасковеин, Петровскин (ода Светлоград), Винодельнын (ода Ипатово), Башңтан (ода Городовиковск) болн нань чигн[20].   Дивизин тогтацт ноолдасин хөөн ик һару учрад, хальмгудын то баһрсн учрар 1943-гч җилин февраль сарла 110-гч Хальмг Мөрчнрин дивизиг хүврәллһсмн. Тер саамд хальмгудын то 11 % баһрсн бәәҗ[20].

Тогтацнь

  • 273-гч Сарпинскин[11] кавалерийский полк[12];
  • 292-гч Баһ Дөрвдин[11] кавалерийский полк[12];
  • 311-гч Приволжскин[11] кавалерийский полк[12] (ком.: капитан М. П. Василенко, батальонный комиссар С. И. Гаряев);
  • 110-гч салу мөрчнрин артиллерийин дивизион[12] (ком.: капитан Г. К. Дыба);
  • 99-гч салу артиллерийин парк;
  • 81-гч салу заллһна полуэскадрон;
  • 110-гч химин харслтын салу эскадрон; 
  • Салу зенитнын батарей;
  • 94-гч эмнлһнә-санитарн эскадрон;
  • 82-гч хулд-гүүлгәнә көлгн;
  • 374-гч малын эмчнрин дивизиона лазарет;
  • дивизиона редакц болн типографий;
  • Дәәнә дивизин прокуратур;
  • дивизии дәәнә трибунал;
  • дивизин онц әңг;
  • Дивизин онц әңгин хаһачнрин салу взвод;
  • 1925-я полевая почтовая станция;
  • 1028-я полевая касса Госбанка[24]

Командовань

Дивизин командирмуд
Дәәнә комиссармуд
Штабин ахлач

Дивизин йилһрсн дәәчнр

  • Hero of the Soviet Union medal.png Делгә Эрднь, сержант, командир расчёта противотанкового ружья 273-го кавалерийского полка. Указ Президиума Верховного Совета СССР от 31 марта 1943 года. Звание присвоено посмертно.

Дурсхл

  • Дуудын хураңһу «Хальмг цергчирин дуд»[26]
  • СССР-ин зевсгтә күчнә Цутхлң музей бәәх стенд (1942-гя җилин зунар болсн Кавказин харслтын бәрлдәнд нерәдсн хорад)[14]

Темдглл

  1. ↑ Перечень кавалерийских дивизий. Дата обращения: 16 Лу сарин 2026. Архивировано 31 Туула сарин 2019 года.
  2. ↑ 110 кавалерийская дивизия. Дата обращения: 16 Лу сарин 2026.
  3. ↑ Архивные документы. Дата обращения: 16 Лу сарин 2026. Архивировано 20 Лу сарин 2019 года.
  4. ↑ 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 д. ист. н. В. Б. Убушаев. Шла дивизия вперед… // журнал «Вестник Калмыцкого университета», № 1 (25), 2015 стр.19-26
  5. ↑ 1 2 3 канд. ист. н. А. Ю. Безугольный. Национальные формирования РККА в годы Великой Отечественной войны // «Военно-исторический журнал», № 6 (650), 2014. стр.16-21
  6. ↑ 1 2 3 4 5 6 7 8 9 10 11 12 13 14 15 16 17 18 19 Очерки истории Калмыцкой АССР. Эпоха социализма. М., «Наука», 1970. стр.278—294
  7. ↑ В годы суровых испытаний: Боевой путь 110-й Отдельной Калмыцкой кавалерийской дивизии, стр. 28
  8. ↑ В годы суровых испытаний: Боевой путь 110-й Отдельной Калмыцкой кавалерийской дивизии, стр. 32
  9. ↑ В годы суровых испытаний: Боевой путь 110-й Отдельной Калмыцкой кавалерийской дивизии, стр. 29
  10. ↑ д. ист. н., проф. К. Н. Максимов. Советские калмыки на фронтах Великой Отечественной войны и в депортации // журнал «Вопросы истории», № 6, 2012. стр.77-92
  11. ↑ 1 2 3 4 Чугаев, 1966, Постановление бюро Калмыцкого обкома ВКП(б) и СНК КАССР о наименовании частей калмыцких кавалерийских дивизий и вручении боевых знамен// Элиста, 13 февраля 1942 г. Дата обращения: 2 Лу сарин 2026., с. 82—83.
  12. ↑ 1 2 3 4 5 6 7 8 М. Л. Кичиков. Во имя победы над фашизмом. Очерки истории Калмыцкой АССР в годы Великой Отечественной войны. Элиста, Калмыцкое книжное издательство, 1970. стр.59-64
  13. ↑ М. Л. Кичиков. Во имя победы над фашизмом. Очерки истории Калмыцкой АССР в годы Великой Отечественной войны. Элиста, Калмыцкое книжное издательство, 1970. стр.72
  14. ↑ 1 2 Память о подвиге. По залам Центрального ордена Красной звезды музея Вооружённых Сил СССР. М., «Московский рабочий», 1985. стр.179
  15. ↑ М. Н. Опалев. Защита прифронтовых железнодорожных коммуникаций в Сталинградской битве // Известия Волгоградского государственного технического университета, № 9 (112), 2013. стр.78-80
  16. ↑ генерал А. В. Хрулев. Железнодорожная линия Кизляр — Астрахань // «Военно-исторический журнал», № 9, 1972. стр.57-59
  17. ↑ 1 2 М. Л. Кичиков. Во имя победы над фашизмом. Очерки истории Калмыцкой АССР в годы Великой Отечественной войны. Элиста, Калмыцкое книжное издательство, 1970. стр.83-84
  18. ↑ Приложение № 1 / НКВД-МВД СССР в борьбе с бандитизмом и вооружённым националистическим подпольем на Западной Украине, в Западной Белоруссии и Прибалтике (1939-1956). www.xliby.ru. Дата обращения: 16 Лу сарин 2026. Архивировано 17 Лу сарин 2020 года.
  19. ↑ 1 2 3 4 5 Максимов К. Н. 110-я отдельная калмыцкая кавалерийская дивизия в военной истории Калмыкии // Вестник Калмыцкого института гуманитарных исследований РАН. — 2011. — № 1. — С. 48—55. — ISSN 2619-0990. Архивировано 6 Мөчн сарин 2020 года.
  20. ↑ 1 2 3 4 5 Заярный С. А., Очиров У. Б. «Разбежавшаяся» 110-я Калмыцкая кавдивизия: реальность войны и исторический миф // Новый исторический вестник. — 2018. — № 4 (58). — С. 34—62. — ISSN 2072-9286. Архивировано 20 март сарин 2020 года.
  21. ↑ Калмыцкий кавалерийский корпус. Дата обращения: 16 Лу сарин 2026. Архивировано 21 Һаха сарин 2020 года.
  22. ↑ Калмыцкий легион СС: как мог измениться ход Великой Отечественной, если бы у него всё получилось. Дата обращения: 16 Лу сарин 2026. Архивировано 28 Бар сарин 2021 года.
  23. ↑ Калмыцкий Кавалерийский корпус. Дата обращения: 16 Лу сарин 2026. Архивировано 6 Һаха сарин 2019 года.
  24. ↑ ф. СтВО, оп.13049, д.6, л.л.56, 58, 59, 60, 252; ф.51А, оп.9837, д.26, л.62
  25. ↑ П. Э. Алексеева, А. Т. Баянова, С. А. Заярный, Л. Ю. Ланцанова. Солдаты Победы. Поименный список воинов 110-й Отдельной Калмыцкой кавалерийской дивизии / д. и. н. У. Б. Очиров. — Элиста: КИГИ РАН, 2. — 372 с. — ISBN 978-5-9631-0343-2.
  26. ↑ В. А. Стоянов. Печать Калмыкии в годы Великой Отечественной войны // «Вестник Волгоградского государственного университета», серия 4: История. Регионоведение. Международные отношения. № 1 (21), 2012. стр.216—220

Утх-зокъял

  • сост. В. В. Сангаджиева; ред. О. Е. Аргунова. Календарь знаменательных и памятных дат на 2016 год/ 2016 Җилин ончта өдрмүдин лит / Н. Б. Уластаева.. — Элиста: М-во культуры и туризма РК, 2015. — 27 с.
  • ред.-сост. Л. М. Кичиков. В боях за Дон: воспоминания воинов 110-й Отдельной Калмыцкой кавалерийской дивизии. — Элиста: Калмиздат, 1969. — 180 с.
  • Н. А. Кирсанов. В боевом строю народов-братьев. — М.: «Мысль», 1984. — 263 с.
  • В годы суровых испытаний: Боевой путь 110-й Отдельной Калмыцкой кавалерийской дивизии. — Элиста: Калмыцкое книжное издательство. — С. 196—197. — ISBN 5-7539-0454-8.
  • Феськов В. И., Калашников К. А., Голиков В. И. Красная Армия в победах и поражениях 1941—1945 гг.. — Томск: Издательство Томского университета, 2003. — 619 с. — ISBN 5-7511-1624-0.
  • Кичиков М. Л., Санджиев Б. С., Оглаев Ю. О. Калмыкия в Великой Отечественной войне 1941—1945 гг. Документы и материалы / Отв. ред. Д. А. Чугаев. — Элиста: Калмыцкое кн. изд-во, 1966. — 551 с. — 4000 экз.
  • Коллектив авторов Гл. упр. кадров МО СССР. Командование корпусного и дивизионного звена Советских Вооруженных Сил периода Великой Отечественной войны 1941—1945 гг / подбор и оформ. А. И. Калабин. — М.: Военная Академия им. М. В. Фрунзе, 1964. — 572 с. — (приложение к книге «Военные кадры Советского государства в Великой Отечественной войне 1941—1945 гг.»).
  • Руководящий политический состав управлений фронтов, флотов, армий, флотилий, корпусов, дивизий, соединений Военно-Морского Флота и танковых бригад периода Великой Отечественной войны 1941—1945 гг. / подбор и оформ. А. С. Жерздев. — М.: Издание Военной академии имени М. В. Фрунзе, 1968. — 979 с.
  • I. Кавалерийские и горно-кавалерийские дивизии // Перечень № 6: Кавалерийские, танковые, воздушно-десантные дивизии и управления артиллерийских, зенитно-артиллерийских, минометных, авиационных и истребительных дивизий, входивших в состав действующей армии в годы Великой Отечественной войны 1941—1945 гг. / Покровский А. П. — М.: Министерство обороны, 1965. — С. 8—26. — 77 с.

Холвас

 

 

"https://xal.ruwiki.ru/w/index.php?title=110-гч_мөрчнрин_дивизь&oldid=319414" халхас авсн