Бадмин Лиҗин Эрнцн

Эренцен Лиджиевич Бадмаев
Эренцен Лиджиевич Бадмаев
Төрсн җил өдрнь	15 Бар сарин 1918
Төрсн һазрнь	хут. Бальда, Малодербетовский улус, Астраханская губерния, Советская Россия
Нас барсн җил өдрнь	7 Ноха сарин 1992 (73 наслсмн)
Нас барсн һазрнь	Элиста, Калмыкия
Холвгддгнь	СССР →; Әрәсә, Орсин Холвана Улс
Цергин салврнь	пехота
Церглсн җилмүднь	1939—1956
Цолнь	майор → подполковник МВД
Дәәлснь/дәнь	Вторая мировая война Великая Отечественная война; Советско-японская война;

Бадмин Лиҗин Эрнцн (тод. ᡋᠠᡑᡏᠠ ᡕᡅᠨ ᠯᡅᠴᡅ ᡕᡅᠨ ᡄᠷᡄᠨᡔᡄᠨ; орс. Бадмаев, Эренцен Лиджиевич; 1918 җилин декабрь сарин 15 - 1992 җилин август сарин 7) — Алс Дорд Үзгин 1-гч һал маңнан 5-гч әәрмин 144-гч хадг дивизин 785-гч хадг бух цергин хадг ротын һардач болҗ Зөвллт-Япона дәәнд орлцсн цергч, ЗХУ-ин баатр (1990 җилин май сарин 5-ас авн), 1956 җиләс авн нөөцин хошуч, Дотад кергин яамин теткврт һарсн дед хурнда.

Намтрнь

1918 җилин декабрь сарин 15-д өдгә цагин Хальмг Таңһчин Сарпан района Бальда гидг һазрт малчин өрк-бүлд төрсмн. Хальмг. 7 әңг төгсәв. Садовое селәнд тооч болҗ, Сарпан района Комсомолын хораһин заавч болн бүртклин келтгин дарһ болҗ көдлсмн. 1939 җиләс авн ЗХУ-ин Эв хамтын намин гешүн.

1939 җиләс авн Улан Әәрмд орв. 1942 җилд Эркү балһсна цергин болн улс-төрин сурһулиг төгсәв. 1942 җилин июнь сарас авн Төрскән Харсгч Аһу ик дәәнд орлцдг болв.

1945 җилин август сарин 9-әс авн 1945-гч җилин Зөвллт-Япона дәәнд орлцв.

Зөргтә офицериг 1945 җилин сентябрь сард ЗХУ-ин баатр гидг цолд девшүлҗ.

ЗХУ-ин Йирңкәлгчин 1990 җилин май сарин 5-гч өдрин зәрлгәр Япона милитаристмудын эсрг бәәлдәнә һал маңнад һардлһна бәәлдәнә даалһвриг үлгүр-җишә болҗ күцәҗ, үзүлсн эр зөрг, баатр йовдлын төлә ахлгч деслгч Бадмин Лиҗин Эрнцниг ЗХУ-ин баатр гидг цолар, Ленинә одн, Алтн одн медаляр ачлсмн (№ 11604).

Дәәнә хөөн Бадмин Эрнцн церглҗ үрглҗлв. 1956 җиләс авн хошуч Бадмин Эрнцн нөөцд һарсн болв. Дотад кергин яамд көдлдг бәәсн болад, дед хурнда гидг цолтаһар теткврт һарсмн.

Элст балһснд әмдрдг бәәсмн. 1992 җилин август сарин 7-д насан барсмн.

Баатр йовдлнь

785-гч хадг бух цергин (Алс Дорд Үзгин 1-гч һал маңнан 5-гч Әәрмин 144-гч хадг дивизь) хадг ротын һардач, ахлгч деслгч Бадмин Эрнцн 1945 җилин август сарин 9-д ротын салдсмудтаһан хамдан кил давад һарч. Суйфыньхэ (Ар Китд) балһснас ар үзг тал 20 дууна һазрин зәәд оршх Японмудын күчтә беклсн Верблюд гидг өндрлгт хурдн довтлҗ, дот болн дзотмудынь бәрҗ, өндртнь Улан Тугиг мандулсмн.

Эн туллданд ахлгч деслгч Бадмин Эрнцнә һардҗасн ротын салдсмуднь дәәснә һучн тавн церг болн офицериг устхад, хойр тов, тавн пулемёт болн талдан олн цергин кергслиг олзлҗ.

Дәәсиг көөҗ Бадмин Эрнцнә ротнь танкта шүкрчнрлә Манҗурин 120 дууна һазрин гүнд орҗ, Муданзян балһсна өөр туллданд орлцад, хадг әңгүд балһсн тал чиглн давшхиг батлһаҗулсмн.

Ахлгч деслгч Бадмин Эрнцн күнд шархдсн болвчн, бәәлдәнә үүргән күцәтл туллдана һазрас һарч одсн уга.

Ачлврнь

ЗХУ-ин Баатрин «Алтн Одн» гидг медаль (ЗХУ) (№ 11604) (1990.05.05)^[1]
Ленинә Одн (1990.05.05)^[2]
Улан Тугин Одн (1945.09.30)^[2]
I зергин Төсркән Харсгч дәәнә Одн
Улан Одн (1945.07.25)^[2]
Улан Одн (1954.11.05)^[2]
«Туллдана һавья үзүлснд» гидг медаль (1951.11.19)^[2]
«1941-1945 җилин Төрскән Харсгч Аһу ик дәәнд Германиг диилснә төлә» гидг медаль (1945.05.09)^[2]
Японыг диилснә төлә гидг медаль (1945.30.09)^[2]

Дурсмҗнь

Элст балһснд Бадмин Лиҗин Эрнцнә барельефтә Баатрмудын һудмҗ гидг дурсхлын цогцлвр бәәдмн.

Темдглл

Ном-зү

Бадмаев, А. Прочерк в пятой графе/ А. Бадмаев, Советская Калмыкия, 1989, 17 июня (№ 116);
Григорьева, Р. Один поднимался, но был он как совесть/ Известия Калмыкии, 2001, 8 мая (№ 92);
Полынин, В. В честь Эренцена Бадмаева/ Элистинская панорама, 2004, 8 мая (№ 3);\
Эрендженова, В. Повесть о настоящем человеке/ Известия Калмыкии, 2004, 8 мая (№ 90);

Холвас

Бадмаев Эренцен Лиджиевич (Дата обращения: 17 Хулһн сарин 2011)

[1] Источник

[Награды-2] ¹ ² ³ ⁴ ⁵ ⁶ ⁷ Наградная карта Э. Л. Бадмаева

[1]

[2]