Городовиковскин нутг медлһнә музей
| Городовиковскин нутг медлһнә музей | |
|---|---|
 | |
| Бүрдәгдсн җил-өдрнь | 1979-гч җилин октябрь сарин 1 |
| Бәәх ормнь | |
| Тойгнь | Хальмг Таңһч, Городовиковск балһсн, Ленина нертә һудмҗ, 13-гч гер |
| Ахлачнь | Артеменко Владимир Иванович |
 |
|
Министерство культуры РФ
 | Объект культурного наследия России местного значения рег. № 081711312950004 (ЕГРОКН) |
Городовиковскин нутг медлһнә музей (орс. Краеведческий музей Городовиковска) — Городовиковск балһсна нутг медлһнә музей, Н. Н. Пальмовин нертә Хальмгин үндсни музейин әңг. Музейин хайг: Городовиковск балһсн (Хальмг Таңһч), Ленина нертә һудмҗ, 13-гч гер[1]. Региона чинртә Әрәсән сойлын үүвин объект (№ 0830060000)[2].
Тууҗ
Музейин гер 1917-гч җилд тосхагдсмн[3].
Музей Городовиковскин района партин комитетын седвәрәр 1979-гч җилин намрар бүрдәгдсмн. Түрүн цагт олн әмтнә музей болҗ бәәсмн, терүнд балһсна болн района тууҗд нерәдгдсн бичкн һәәхүл сексмн.
1984-гч җилин апрель сарин 1-д Городовиковскин музей Н. Н. Пальмовин нертә Хальмгин нутг медлһнә музейин әңг болсмн (ода — Хальмг Таңһчин Н.Н. Пальмовин нертә Үндстнә музей)[4].
Тальвц
Музейин тальвц Ик Дөрвдин улусин (ода — Городовиков района), урднь Бәәшңтә нерлһтә бәәсн Городовиковск балһсна болн Хальмг Таңһчин тууҗиг медүлҗәнә. Сүл җилмүдт тер тууҗ улм байҗад, урднь эс медгдсн архивин бәрмтсәр немгдәд бәәнә.
Бәәшңтә селәнә тууҗд онц ормиг хальмг тәәҗ Гахан Михаилын санлд нерәдсмн. Тер күүнә бәрмтс, зургуд, бәәдл-җирһлдән олзлҗ бәәсн тоотс селәнә тер цагин тууҗиг үзүлҗ бәәнә[5].
- Музейд һурвн хора бәәнә
- Нутг медлһнә хора
Нутг медлһнә хорад хальмг болн орс улсин сойлыг медүлҗәх тальвцс бәәнә. Тедн дунд — шар шаҗна болн үнн алдрта шаҗна тоотс, Бәәшңтә селәнә болн Ик Дөрвдин улусин тууҗла залһлдата бәрмтс бәәнә.
- Төрскән харсгч Алдр дәәнә хора
Төрскән харсгч Алдр дәәнә хорад бәәх әңгс:
- Брестскин шивә,
- Москваг харсий,
- 110-гч Хальмг мөрчнрин дивизь,
- Кавказиг харсхм,
- Сталинградын бәрлдән,
- Дәәнә цагин Деед үзгин улусин туск зәңгллһнә цаасд
Төрскән харсгч Алдр дәәнә хорад Алдр Диилврт тәвцән орулсн района олн әмтнә тускар келгдҗәнә.
- Хальмг улсин цүллһнә туск хора
1943-гч җилд хальмг улсиг цүллһнд орулсна йовдлд салу тальвц нерәдгдсн бәәнә. Хорад цааҗла харһсн района хальмг улсин бәрмтс, зургуд, әмтнә тодлврмуд, хәрҗ ирәд бәәлһнә тууҗ хадһлгдҗана[4].
Темдглл
- ↑ Городовиковский филиал бюджетного учреждения Республики Калмыкия "Национальный музей Республики Калмыкия имени Н.Н. Пальмова". Государственный каталог Музейного фонда Российской Федерации. Дата обращения: 24 Лу сарин 2026.
- ↑ Постановление правительства республики Калмыкия № 122 от 28.04.2012 «Об утверждении списка объектов культурного наследия Республики Калмыкия». Дата обращения: 24 Лу сарин 2026. Архивировано 28 Мөрн сарин 2020 года.
- ↑ Городовиковский филиал Национального музея Республики Калмыкия им. Н.Н. Пальмова — Городовиковский район, ул. Ленина, д. 13. Подробная информация о музее: расписание, фото, адрес и т. д. на официальном сайте Культура.РФ (рус.). Культура.РФ. Дата обращения: 24 Лу сарин 2026.
- ↑ 1 2 Городовиковский филиал БУ РК «Национальный музей Республики Калмыкия им. Н. Н. Пальмова». Министерства культуры и туризма Республики Калмыкия.
- ↑ Городовиковский музей в республике Калмыкия — фото, описание на GoRu (рус.). Туристический портал GoRu.Travel. Дата обращения: 24 Лу сарин 2026.