Иргнә авиацин көдләчин Өдр

Рувики-с
Иргнә авиацин көдләчин Өдр
День работников гражданской авиации.jpg
Зүүл Мергҗлин
Җил-өдр февраль сарин 9
Йослл хургуд, шаңнлмуд, конференцс, харһлтс, һәәхүлмүд

Иргнә авиацин көдләчин Өдр (орс. День рабо́тника гражда́нской авиа́ции) — иргнә авиацд көдлдг улсин Әрәсән байрин өдр. Җил болһн февраль сарин 9-д темдглгднә[1][2][3].

Тууҗ

Февраль сарин 9-лә 1923-гч җилд СССР-ин Күч-көлснә болн Харлһна Хүүв «Иргнә авиацин Хүүв тогталһн» болн «Аһарин хаалһсиг техникин бүртклһәр тетклһнә кергиг аһарин флотын Ахлгч заллтд даалһлһн» тогтаврмуд батлҗ авсмн. Тер бичг бәрмтс Әрәсән орн-нутгин иргнә аһарин флот үүдәсмн[4].

1923-гч җилин июнь сарла түрүн аһарин хаалһ Москва Нижний Новгород хойриг звлһсмн. 1932-гч җилд хамцу нег авиабүрдәц — «Аэрофлот» тогтсмн, 1964-гч җилд СССР-ин иргнә авиацин Министерств бүрдәгдсмн.

Күмсиг зөөдг Ан-10А самолет аэропортд бууҗ ирв, 1961 җил

Иргнә авиацин көдләчин Өдр Әрәсән йирңкәлгчин 2013-гч җилин февраль сарин 9-д һарсн № 98-гч тойгта Зәрлгәр батлгдсмн[1][5].

2023-гч җилд Әрәсән Иргнә авиац 100 җилин өөнән темдглв[6][7].

Иргнә авиац 100 җилин өөнд нерәдсн бумб Москван Ходынскин девәд секҗәх кем

Аэрофлотта залһлдата

Иргнә авиацин көдләчин Өдр Аэрофлотын Өдрлә залһлдата, тиим байр урднь СССР-т олн җилдән бәәсмн. 1979-гч җилд шаңһар бүрдәгдәд җил болһн февраль сарин хойрдгч Нарн өдр темдглгддг бәәсмн. Тер кевтән 1988-гч җил күртл бәәсмн, тер саамд онц зәрлгәр Аһарин флотын Өдрт хүврәд, иргнә болн цергин авиацин көдләчнрин байр болсмн[8].

Салу йилһән Иргнә авиацин байрин Өдр гиҗ эн 2013-гч җилд тогтагдсмн. Тер йовдл Әрәсәд иргнә авиац бүрдәгдәд 90 җилин өөнлә ирлцсмн.

Авъяс

Иргнә авиацин байрин Өдрлә олн-зүсн шаңһа болн хамт олна керг-үүлдврмүд давна[7].

Эн өдр тогтсн авъясар хургуд болн ачлврмуд давулгдна, терүнд Әрәсән Федерацин көлгнә Министерств, Аһарин көлгнә агентств (Росавиация) болн авиабүрдәцсин һардачнр йилһән сән көдләчнрән шаңндг йоста[2]. Йилһрсн көдләчнрт ачлврмуд бәрүләд, тер дунд «Аһарин көлгнә йилһән сән көдләч» чееҗин темдгәр шаңнна[9].

Байрин өдрин онц кергүд дунд төгрг ширә, конференц болна, терүнд иргнә авиацин өдгә цагин бәәдлин төрмүд хаһлгдна, теднә дунд харслтын, шин технологий олзллһн, аһарин хаалһсин девшлт болн мергҗлин чинр өөдлүлх кергүд босхгдна. 

Эн өдрлә иргнә авиацин ветеранмудт оньган өгәд, күндлдг йоста. Сурһульст дамшлтта авиатормуд курсантмудта харһад дамшлтарн хувалцна[2].

Авиацион музеймуд Әрәсән авиацин аһарин флотын тууҗин һәәхүлмүд секнә[9].

Темдглл

  1. ↑ 1 2 9 февраля — День гражданской авиации в России: история, традиции, поздравления, Известия (9 Лу сарин 2026). Дата обращения: 12 Лу сарин 2026.
  2. ↑ 1 2 3 Юлия Осокина. Не только крылья: без них самолёт не взлетит, Рамблер/карьера (7 Лу сарин 2026). Дата обращения: 12 Лу сарин 2026.
  3. ↑ 9 февраля в России отмечают День гражданской авиации, Парламентская газета (9 Лу сарин 2021). Дата обращения: 12 Лу сарин 2026.
  4. ↑ НП ИнфоРост. Электронная библиотека исторических документов (ЭБИД) |  Постановление Совета Труда и Обороны. О возложении технического надзора за воздушными линиями на Главное Управление воздушного флота и об организации Совета по гражданской авиации. 9 февраля 1923 г. docs.historyrussia.org. Дата обращения: 12 Лу сарин 2026.
  5. ↑ Указ Президента РФ от 09.02.2013 N 98 "О Дне работника гражданской авиации". base.garant.ru (9 Лу сарин 2013). Дата обращения: 12 Лу сарин 2026.
  6. ↑ 100 лет гражданской авиации России. rostec.ru (9 Лу сарин 2023). Дата обращения: 12 Лу сарин 2026.
  7. ↑ 1 2 Торжественный вечер по случаю 100-летия гражданской авиации России, Президент России (9 Лу сарин 2023). Дата обращения: 12 Лу сарин 2026.
  8. ↑ 20 августа — День Воздушного флота России. Вольская жизнь (20 Ноха сарин 2023). Дата обращения: 12 Лу сарин 2026.
  9. ↑ 1 2 Беседа «День гражданской авиации России», Культура.РФ. Дата обращения: 12 Лу сарин 2026.

Холвас

"https://xal.ruwiki.ru/w/index.php?title=Иргнә_авиацин_көдләчин_Өдр&oldid=319402" халхас авсн