Кравцов Сергей Сергеевич

Рувики-с
Сергей Сергеевич Кравцов
Sergey Kravtsov 12.03.2020.jpg
Флаг
Әрәсән Федерацин эрдм-сурһулин Министерств
Флаг
с 2020 җилин январь сарин 21-
(и. о. 2024 җилин май сарин 7—13 үүл даасмн)
Правительствин толһач Михаил Мишустин
Андрей Белоусов(и. о.)[1]
Йирңкәлгч Владимир Путин
Урднь цол даасн күн Ольга Васильева
Флаг
Әрәсән эрдм-сурһулин болн номин халхсар үүлдвриг харлһна федеральн цергллтин ахлач (Рособрнадзор)
Флаг
2013 җилин август сарин 8 — 2020 җилин январь сарин 21
Правительствин толһач Дмитрий Медведев
Йирңкәлгч Владимир Путин
Урднь цол даасн күн Иван Муравьев
Хөөннь цол даасн күн Анзор Музаев
Төрсн җил-өдрнь 1974 март сарин 17(1974-03-17) (52 года)
Намнь Единая Россия
Сурһульнь Москван орн-нутгин педагогикин Ик сурһуль,
МГИМО
Номин зергнь педагогикин номин доктор
Номин цолнь доцент
Шаңнлнь
RUS Honorary Worker of Higher Professional Education 2004 ribbon.svg Медаль «За честь и мужество» (Кемеровская область)
Логотип РУВИКИ.Медиа Медиафайлы на РУВИКИ.Медиа

Сергей Сергеевич Кравцов (төрсн 1974 март сарин 17, Москва балһсн) — Әрәсән орн-нутгин үүлдәч. 2020-гч җилин январь сарин 21-с авн Әрәсән Федерацин Эрдм-сурһулин министр (2024-гч җилин май сарин 7—13-д үүл даасмн).

Педагогикин номин доктор (2007), доцент. Әрәсән Федерацин орн-нутгин 3-гч классин йоста селвгч (2013). 2013-гч җилин август сарин 8-с авн 2020-гч җилин январь сарин 22 күртл Әрәсән эрдм-сурһулин болн номин халхсар үүлдвриг харлһна федеральн цергллтин ахлач (Рособрнадзор). 2021-гч җилин декабрь сарин 4-с авн «Единая Россия» партин генеральн хүүвин гешүн[2].

Намтрнь

Сергей Кравцов Москва балһснд 1974-гч җилин март сарин 17-д төрсмн[3]. Эцкнь — инженер, «Энергия — Буран» сансрин керм тогталһна орлцач. Экнь — багш, «Информатика в школе» седкүлин ах редактор[4].

1996-гч җилд Кравцов Москван орн-нутгин педагогикин илрхә Ик сурһулиг (2006-гч җиләс авн — М. А. Шолоховин нертә Москван орн-нутгин гуманитарн Ик сурһуль  (рус.) (хал., 2015-гч җилд Москван орн-нутгин педагогикин Ик сурһульта негдүлгдсмн) «математикин болн информатикин багш» мергҗлин әңгиг йилһән сән темдгтә төгсәсмн[3]. 1994—1996 җилмүдт — Москван № 176-гч тойгта школд математикин багшар көдлсмн[5].

1997-гч җиләс авн 2002-гч җил күртл Кравцов Әрәсән эрдм-сурһулин заллтын Институтд (РАО) номин баһ зергин көдләч, номин ах зергин көдләч, лабораторин толһач болҗ көдлсмн. 2000-гч җилд Әрәсән МИД-ын МГИМО  (рус.) (хал. «хәр келнә медрлтә шаңһа болн муниципальн заллт» мергҗлин әңгиг төгсәсмн[3].

2002-гч җилд Кравцов Әрәсән Федерацин эрдм-сурһулин Министерствд  (рус.) (хал. экләд көдлсмн. 2004-гч җиләс авн 2008-гч җил күртл Әрәсән эрдм-сурһулин болн номин халхсар үүлдвриг харлһна федеральн цергллтин ахлач Виктор Болотовин дөңнәч болҗ көдлсмн[3].

2008-гч җилд ЕГЭ тогтаҗ белддг «Сөрлһнә Федеральн цутхлңгиг» һардсмн. 2009-гч җилд Әрәсән эрдм-сурһулин академин эрдм-сурһулин заллтын Институтиг һардсмн[3].

2011-гч җилд Кравцов Әрәсән Федерацин эрдм-сурһулин болн номин Министерствин бус-нутгудын эрдм-сурһулин девшлтин Департаментин ахлач болсмн. Бас 2011-гч җилд "Эрдм-сурһулин көдләчнрин мергҗлт өөдлүллһнә Академин ректор болҗ көдлсмн[3]. 2012-гч җилин июль сарла Әрәсән Федерацин эрдм-сурһулин болн номин Министерствин көтлврмүдин болн марһасин процедурмуд залдг Департаментин ахлачар орсмн[3].

2013-гч җилин август сарин 8-д правительствин даалһврар Әрәсән эрдм-сурһулин болн номин халхсар үүлдвриг харлһна федеральн цергллтин ахлачин цолд бәәсн Иван Муравьёвин ормд орсмн. 2017-гч җилин октябрь сарин 28-с авн 2018-гч җилин май сарин 24 күртл Кравцов Әрәсән эрдм-сурһулин болн номин министрин дарук — Рособрнадзорин ахлач болсмн, тер саамд эн цергллт Министерствин ханьд бәәсмн. 2018-гч җилд Әрәсән эрдм-сурһулин болн номин халхсар үүлдвриг харлһна федеральн цергллт правительствин ханьд орсмн; 24 мая 2018-гч җилин май сарин 18-д шинәс цолдан батлгдсмн[3].

2020-гч җилин январь сарин 21-д Кравцов Әрәсән Федерацин эрдм-сурһулин Министерствиг толһалсмн[6].

2021-гч җилин декабрь сарин 4-д Кравцов «Единая Россия» партин генеральн хүүвд орсмн, энүнә төлә партин селвлцәнд болсн суңһврт ик зунь дууһан өгч[7]. Бас тер селвлцәнд Кравцовд «Единая Россия» партин билет бәрүллә[8].

2024-гч җилин май сарин 14-д Кравцовиг Әрәсән Деед Хүүвин шиидврәр эрдм-сурһулин министрин цолд шинәс батлгдла[9], тер өдр Әрәсән йирңкәлгч Кравцовиг министрин цолд орулҗах Заавр батлла[10].

2025-гч жилин апрель сарас авн Кравцовиг Украина орн-нутгин дотр кергүдин Министерствин халхар хәәһулд орулсмн, эдн Кравцовиг «Украина девскриг хаслһнд болн Украина бәәдлиг нурасн төләд» болн «Әрәсән үүлдврмүдиг зөвлсн төләд» гемнҗәнә. Дәкәд «Миротворец» сайтын тоод орулгдсмн[11].

Номин үүлврмүднь

1999-гч җилд Кравцов «Математикин сурһулясн ард үлдҗ йовх сурһульчнриг мультимедиан эв-арһ олзлҗ дасхдг дамшлт» төрәр кандидатск диссертациг харсла[3].

2007-гч җилд Кравцов педагогикин номин докторин цол зүүхәр Әрәсән эрдм-сурһулин академин сурһульд олзлдг эв-арһсин Институтд «Әрәсән Федерацин школмудт мергҗлин сурһуль өгдг теорий болн практик» төрәр диссертац харссмн[3] (йослгч оппонентмуднь Баранников Анатолий Витальевич, Блинов Владимир Игоревич болн В. С. Данюшенков болсмн. 2013-гч җилин август сарла Деед Хүүвин элчтн В. В. Бурматов Кравцовин докторск диссертациг плагиат гиҗ зәңглсмн[12].

Өрк-бүлнь

Сергей Кравцовин өрк-бүлдән хойр күүкдтә[3].

Санкцс

Украинд дәәнә үүлдврмүд  (рус.) (хал. (2022-с авн) эклснә хөөн Кравцов Евросоюзин[13], Канадан, США-н, Великобританин, Швейцарийин, Австралийин, Новая Зеландиян санкцсд туссмн.

Ачлврмуднь

Кравцов дала ачлврмудта, тер дунд:

  • Әрәсән Федерацин Правительствин Ханлт (2016 җилин апрель сарин 6) — «Әрәсән эрдм-сурһулин тогтлцана чинрин үнллтин девшлтд болн ЕГЭ давуллһна диг-дараг чиклҗ ясруллһнд ик тәвц орулснд»[3][14];
  • Нерн «Әрәсән Федерацин мергжлин деед сурһулин һавьята көдләч»[15];
  • почётная грамота Министерства образования и науки РФ[15];
  • Медаль «Күндтә болн зөргтә төләд» (Кемеровск муҗ; 2015)[16];
  • Еврейск хамцана Федерацин мөрән «орн-нутгин үүлдәч» девсңгин эзн(2021) — «Әрәсән эрдм-сурһулин тогтлцанд келн-улсмудын сойл болн заң-бәрц хадһлһна кергт ик тәвц орулсн төләд»[17].

Темдглл

  1. ↑ Исполнял обязанности главы Правительства Российской Федерации с 30 апреля по 19 мая 2020 года.
  2. ↑ Кравцов, Сергей Сергеевич. Министр просвещения РФ (рус.). Энциклопедия ТАСС (2024). Дата обращения: 11 Һаха сарин 2025.
  3. ↑ 1 2 3 4 5 6 7 8 9 10 11 12 Кравцов, Сергей Сергеевич (рус.). Энциклопедия. ТАСС. Дата обращения: 11 Һаха сарин 2025. Архивировано 10 Үкр сарин 2018 года.
  4. ↑ Борисов А. От учителя до министра // Санкт-Петербургские ведомости. — 2020. — 7 февр.
  5. ↑ Сергей Сергеевич Кравцов - Правительство России. government.ru. Дата обращения: 11 Һаха сарин 2025. Архивировано 30 Мөчн сарин 2020 года.
  6. ↑ Что известно о новом министре просвещения. ТАСС (21 Туула сарин 2020). Дата обращения: 11 Һаха сарин 2025. Архивировано 5 Хөн сарин 2020 года.
  7. ↑ Сергей Кравцов вошёл в состав Генсовета «Единой России». Официальный сайт Министерства просвещения РФ (4 Бар сарин 2021). Дата обращения: 11 Һаха сарин 2025. Архивировано 4 Бар сарин 2021 года.
  8. ↑ Медведев вручил партбилеты "Единой России" руководству ДНР и ЛНР (рус.). ТАСС (4 Бар сарин 2021). Дата обращения: 11 Һаха сарин 2025. Архивировано 4 Бар сарин 2021 года.
  9. ↑ Госдума утвердила Кравцова на пост министра просвещения России. РИА "Новости" (14 Хөн сарин 2024). Дата обращения: 11 Һаха сарин 2025.
  10. ↑ Президент подписал указы о назначении членов Правительства Российской Федерации и директоров служб. kremlin.ru (14 Хөн сарин 2024). Дата обращения: 11 Һаха сарин 2025.
  11. ↑ Украина объявила в розыск руководителей Минпросвещения и Банка России, РБК (9 Така сарин 2025). Дата обращения: 11 Һаха сарин 2025.
  12. ↑ Депутат обвинил нового главу Рособрнадзора в плагиате (рус.). РБК (12 Ноха сарин 2013). Дата обращения: 11 Һаха сарин 2025. Архивировано 9 Мөчн сарин 2021 года.
  13. ↑ Official Journal of the European Union // COUNCIL REGULATION (EU) 2022/2474. — 16 Бар сарин (т. Volume 65). — С. 499. Архивировано 24 Бар сарин 2022 года.
  14. ↑ Распоряжение Правительства Российской Федерации от 06.04.2016 № 599-р "О поощрении Правительством Российской Федерации" (рус.). pravo.gov.ru. Официальный интернет-портал правовой информации. Дата обращения: 11 Һаха сарин 2025. Архивировано 11 Така сарин 2020 года.
  15. ↑ 1 2 Кравцов Сергей Сергеевич (рус.). Официальный сайт Министерства просвещения РФ. Дата обращения: 11 Һаха сарин 2025. Архивировано 10 Така сарин 2020 года.
  16. ↑ Глава Рособрнадзора награжден медалью Кемеровской области «За честь и мужество» (рус.). informio.ru (11 Бар сарин 2015). Дата обращения: 11 Һаха сарин 2025. Архивировано 4 Бар сарин 2021 года.
  17. ↑ Академик Гинцбург и министр Кравцов стали лауреатами премии Федерации еврейских общин (рус.). Интерфакс (29 Үкр сарин 2021). Дата обращения: 11 Һаха сарин 2025. Архивировано 4 Бар сарин 2021 года.

Ном-зү

"https://xal.ruwiki.ru/w/index.php?title=Кравцов_Сергей_Сергеевич&oldid=319327" халхас авсн