Лут, Оксана Николаевна

Оксана Николаевна Лут
Оксана Николаевна Лут
Орсин Холвана Улсин көдә аҗ-ахуһин министрин 1-гч дарук
Төрсн җил-өдрнь	25 Лу сарин 1979 (46 наста); Москва, СССР
Сурһульнь	Финансовая академия при Правительстве Российской Федерации

Лут, Оксана Николаевна (тод. ᠯᡇᡐ ᡆᡍ᠋ᠰᠠᡃᠨᠠ᠋ ᠨᡅᡍᡉᠯᠠᡕᡄᡖᠨᠠ᠋; орс. Лут, Оксана Николаевна; 1979 җилин февраль сарин 25-д, Москва балһснд төрсмн) — Орсин төрин зүтклтн. 2024 җилин май сарин 14-әс авн Орсин Холвана Улсин селәнә эдл-ахун сәәд^[1].

2018 җилин июль сарас авн 2021 җилин декабрь сар күртл селәнә эдл-ахун сәәдин дарук, 2021 җилин декабрь сарин 30-ас авн селәнә эдл-ахун сәәдин негдгч дарук болдг бәәсмн^[2].

ОХУ-ин III зергин Төрин Зөвллин җиңкн гешүн (2023)^[3].

Намтр

Оксана Лут 1979 җилин февраль сарин 25-д Москвад төрсмн^[2].

2001 җилд тернь ОХУ-ин Засгин һазрин медлд үүлддг мөңгнә саңшлын ик сурһуль төгсәһәд, «мөңгнә саңшл болн зеел» гидг мергҗлтә болсмн^[4].

1999 җилин апрель сарас авн 2000 җилин август күртл банкин бәәһүллмүдт олн зүүлин алв хааҗ бәәсмн^[2].

2000 җилин сентябрь сарас авн 2003 җилин апрель сар күртл — «Альфа-банк» гидг неелттә хүвцәтә ниигмлгин банкин көдлмшин алвна Күцәгч секретариатын зеелин болн ирәдүн бүтәгдлин әңгин эдин засгч, бүс-нутгин бизнест зеел олһгч һардлһна күүкн банкин зеелдүлгч бизнесыг көгҗүлх әңгин ахлгч эдин засгч.

2003 җилин апреляс авн 2010 җилин январь күртл — «ВТБ Банк» гидг неелттә хүвцәтә ниигмлгин салвр дундын корпорацин бизнесыг көгҗүлх һазрин ахлгч эдин засгч, менеҗер; корпорацин блокин ик үүлчлүлгчнрлә көдлх хойрдгч һардлһна күцәгч закрл; көрңг оруллтын блокин көрңг оруллһна үүл-аҗллһ һардлһна күцәгч закрл; корпорацин хойрдгч блокин ик үүлчлүлгчнрлә көдлх һурвдгч һардлһна күцәгч закрл; тосхлтын төслин йирңкә һазрин тосхлтын төслмүдт мөңг орулхиг зокан бәәһүлх һардлһна күцәгч закрл^[3].

2010 җилин январяс октябрь күртл — «Ростехнологии» гидг улсин корпорацин Көрңг оруллтын төслтин йирңкә һазрин һардлһна ахлач; Көрңг оруллтын төслин йирңкә һазрин үндсн бус көрңгин алвна ахлач.

2010 җилин октябряс авн 2018 җилин июль күртл — «Россельхозбанк» гидг хүвцәтә ниигмлгин Үүлчлүлгчнрлә көдлхиг зокан бәәһүлх Йирңкә һазрин закрл; Корпорацин бизнесыг көгҗүлх йирңкә һазрин закрл; Ик бизнесын йирңкә һазрин закрл; һардлһна ахлачин дарук.

2018 җилин июль сарин 13-ас авн 2021 җилин декабрь күртл — ОХУ-ин селәнә эдл-ахун сәәдин дарук^[4].

2021 җилин декабрь сарин 30-ас авн Лут — ОХУ-ин селәнә эдл-ахун сәәдин түрүн дарук ^[2]. Эн ормд Оксана Лут Җамбулат Хатуовыг сольсмн^[5].

2024 җилин май сарин 11-д ОХУ-ин Йирңкә сәәд Михаил Мишустин ОХУ-ин Селәнә эдл-ахун сәәдин ормд Лутын неринь девшүлсмн^[6]. Май сарин 14-д Төрин Дум түүнә неринь батлҗ^[7], яг тер өдрт ОХУ-ин Йирңкәлгч сәәд болһх зәрлгт һаран тәвсмн^[8].

Хүвин әмдрл

Оксана Лут нөкртә. Нөкрнь — Андрей Лебедев, хуульч. Өрк-бүлнь һурвн үртә^[9].

Санл-бодл

ОХУ-ин Йирңкә министрин зәңгллһнә алвна дарһ Борис Беляковин келсәр, Лут «яамин һардачин дааврта алвн тушалд аҗллхд шаардлһта медлһтә болн чадврта»^[6].

Төрин Думын дарһ Вячеслав Володин Лутын селәнә эдл-ахуйн сәәдин түрүн дарук болҗ аҗлхднь күрсн күцәмҗинь темдглҗ, түүг сәәдт девшүлснь логиктә алхм гиҗ үзҗәхән медүлв^[10].

Төрин шаңнл

II зергин «Эк орна һавья бәәһүлсн» одна медаль (2021 җилин октябрь сарин 25) — олсн көдлмшин күцәмҗ, олн җилдән чирмәҗ көдлснә төләднь^[11]
Орсин Холвана Улсин Йирңкәлгчин Күндллһнә Һашг (2015 җилин октябрь 26) — ОХУ-ин мөңгнә саңшлын болн банкин үүл-аҗллһиг көгҗүлхд һавья бәәһүлсн төләднь^[2]

Темдглл

Холвас

Биография Оксаны Лут на сайте издания Коммерсантъ
Биография Оксаны Лут на сайте ТАСС

[1] Постановление Государственной Думы Федерального Собрания Российской Федерации от 14.05.2024 № 6077-8 ГД "Об утверждении Лут Оксаны Николаевны Министром сельского хозяйства Российской Федерации"

[:0-2] ¹ ² ³ ⁴ ⁵ Лут Оксана Николаевна

[:2-3] ¹ ² Что известно об Оксане Лут

[:4-4] ¹ ² Оксана Лут: биография

[5] Оксану Лут назначили первым замминистра сельского хозяйства

[:1-6] ¹ ² Мишустин предложил замглавы Минсельхоза Оксану Лут на пост руководителя ведомства

[:3-7] Госдума утвердила Оксану Лут на должность главы Минсельхоза

[8] Президент подписал указы о назначении членов Правительства Российской Федерации и директоров служб

[9] Оксана Лут

[10] Володин назвал логичным предложение Лут на должность главы Минсельхоза

[11] Указ Президента Российской Федерации от 25.10.2021 г. № 596 О награждении государственными наградами Российской Федерации

[1]

[2]

[3]

[4]

[5]

[6]

[7]

[8]

[9]

[10]

[11]