Колокольцев, Владимир Александрович

Рувики-с
Владимир Александрович Колокольцев
Vladimir Kolokoltsev (2020-02-21).jpg
Флаг
Орсин Холвана Улсин Дотад кергин сәд
Флаг
с 2012 җилин май сарин 21
(үүл дааснь 2018 җилин май сарин 8-18, 2020 җилин январь сарин 15-21, 2024 җилин май сарин 7-13)
Правительствин толһач Дмитрий Медведев
Михаил Мишустин
Андрей Белоусов (и. о.)
Михаил Мишустин
Йирңкәлгч Владимир Путин
Урднь цол даасн күн Рашид Нургалиев
Флаг
Әрәсән Дотад кергин министерствин Москваһин йирңкә һазрин
һардач
Флаг
2011 җилин март сарин 24 — 2012 җилин май сарин 21
Урднь цол даасн күн цолнь бәәһүлҗ, тер эврән Москваһин Дотад кергин йирңкә һазрин һардач болад көдлв
Хөөннь цол даасн күн Виктор Голованов (и. о.)
Анатолий Якунин
Флаг
Әрәсән Дотад кергин министерствин Москваһин йирңкә һазрин
һардач
Флаг
2009 җилин сентябрь сарин 7 — 2011 җилин сентябрь сарин 24
Урднь цол даасн күн Владимир Пронин
Александр Иванов (и. о.)
Хөөннь цол даасн күн цолнь уга болад, тер эврән Москваһин Дотад кергин йирңкә һазрин һардач болҗ көдлв
Флаг
Орёл муҗин Дотад кергин келтсин
һардач
Флаг
2007 җилин январь сарин 12 — 2009 җилин апрель сарин 14
Урднь цол даасн күн Леонид Пашин
Хөөннь цол даасн күн Юрий Савенков
Төрснь 1961 җилин май сарин 11
Нижний Ломов, Пензин муҗ, РСФСР, ЗХУ
Авальнь Вера Ивановна Колокольцева
Күүкднь көвүнь: Александр
күүкнь: Екатерина
Намнь Нам уга
Сурһульнь ЗХУ-ин Дотад кергин министерствин Комсомолын 60 җилин өөнин нертә улс-төрин деед сурһуль
Номин зергнь доктор юридических наук (2005)
Мергҗлнь хуульч
Аҗл-үүлнь Дотад төрин бодлһ, олн ниитин аюл уга бәәдл
Шаңнлнь
Сайтнь Дотад кергин министерств
Военная служба
Церглх җилмүднь 1982 җиләс авн
Хандлһнь  СССР → Flag of Russia.svg Орсин Холвана Улс
Цергин зүүлнь MVD Badge (Solid Colors).svg ЗХУ-ин Дотад кергин министерств
Emblem of the Ministry of Internal Affairs.svg Әрәсән Дотад кергин министерств
Специальное звание или классный чин
Тусха цолнь цагдаһин инрл
Орсин Холвана Улсин цагдаһин инрл
Логотип РУВИКИ.Медиа Медиафайлы на РУВИКИ.Медиа

Влади́мир Алекса́ндрович Колоко́льцев (1961 җилин май сарин 11-нд Пенза муҗин Нижний Ломов балһснд төрҗ һарв) — Әрәсән төрин зүтклтн, хууль сәкх бәәһүллһин ах көдләч. 2012 җилин май сарин 21-әс авн ОХУ-ин Дотад кергин сәд[1]. ОХУ-ин Цагдаһин инрл (2015)[2]. ОХУ-ин дотад кергин бәәһүллһин һавьята көдләч. Хууль зүүһин номин доктор (2005). 2012 җиләс авн ОХУ-ин Аюл угаһин зөвллин бәәһә гешүн.

Өңгрсн хуһцанд — 2009 җилин сентябрь сарин 7-ас 2011 җилин март сарин 24 күртл Москва балһсна Дотад кергин йирңкә һазрин дарһ болҗ 2011 җилин март сарин 24-әс 2012 җилин май сарин 21 күртл ОХУ-ин Дотад кергин министерствин Москва балһсна Йирңкә һазрин дарһ болҗ көдләд бәәв[3].

Намтрнь

Владимир Колокольцев (барун талас) мөшкәчин дүрд «На углу у Патриарших» гидг олн әңгтә кинод. 3-гч әңг, «Невидимый дирижёр»

Владимир Колокольцев 1961 җилин май сарин 11-нд Пенза муҗин Нижний Ломов балһснд көдләчин гер-бүлд төрҗ һарв. Эннь Пенза муҗин «Власть Труда» гидг нертә фанерин үүлдврин тзләнә цехд серәһин җолач, дарунь насосин оператор болҗ көдләд бәәв. 1979 җилд цергт мордад, ЗХУ Афганистана килин цергт церглҗ бәәв.

1982 җилд Колокольцев дотад кергин бәәһүллһин көдлмшт орв. Эннь Москвад итгмҗлгдсн һазад улсин дипломат төләлгчин һазрмудыг хамһалх цагдаһин келтст церглсн мөн. 1984 җилд эннь Москва балһсна Гагаринә дүүргин Күцәгч хораһин цагдаһин келтсин эргүл, харулын цергллтин тус батальона взводын ахлгч болҗ тәвгдв.

1985 җилд Колокольцев ЗХУ-ин Дотад кергин министерствин Комсомолын 60 җилин өөнин нертә Улс төрин деед сурһульд орҗ, 1989 җилд йилһән сән темдгәр терүг төгсәв. Эн сурһулиг төгсәһәд, Москвад хәрҗ ирәд, Москва балһсна Кунцево дүүргин Күцәгч хораһин Дотад кергин келтсин эрүһин мөшкәчнрин келтсин көдләч болад, Дотад кергин келтст көдлмшән эклв. Дарунь Москваһин цагдаһин 20-гч келтсин ахлгчин дарук болад, дарунь цагдаһин 8-гч келтсин ахлгч болҗ тәвгдв.

1992 җилд Колокольцев Москваһин Дотад кергин йирңкә һазрин Эрүһин мөшклһнә һазрин 2-гч келтсин ахлгч мөшкәч болад, Эрүһин мөшкәчнрин келтст орҗ көдлв. 1993 җилин экәр Москва балһсна цагдаһин 108-гч келтсин ахлгч болҗ тәвгдв.

1995 җилд ЗХҖШ-ин 2-гч келтсин эрүһин мөшкәчнрин тасгин ахлгч болҗ тәвгдв. 1997 җилд Колокольцев ОХУ-ин Дотад кергин министерствин харья Москваһин РУОП-ин 4-гч бүсин келтсин ахлгч болв. 1999 җилд ОХУ-ин Дотад кергин министерствин Зокан бәәһүллтлә гемтә керглә темцх йирңкә һазрин медлд бәәһә Зокан бәәһүллттә гемтә керглә темцх төвин бүсин һардлһна зүн өмн дүүргин нутг-девскрин шуурха мөшкәчин товчана ахлгч болв.

2001 җилд Колокольцев ОХУ-ин Дотад кергин министерствин Төв Холвана дүүргин Йирңкә һазрин шуурха-эрн сурвлҗлх товчана 3-гч келтсин ахлгч болв. 2003 җилд Товчана ахлгчин дарук болҗ тәвгдв. 2007 җилин январь сард эннь Орёл муҗин Дотад кергин һазрин ахлгч болв[4][5]. Эннь тус бүс нутгт көдлҗәх цагт хойр негдгч дарук Кочуев, Сошников, мөн муҗин закрһана кедүкн келтсин ахлгчнриг бурутхҗ бәәв[6]. Мөн «Воробьевская» гемтә кергин бүлгин зәрм идвктә орлцачнриг бәрҗ, түүрмд суулһҗ авч. 2009 җилин апрель сард Колокольцев ОХУ-ин Дотад кергин министерствин Эрүһин мөшкәчнрин һазрин негдгч дарук болҗ тәвгдв[7].

2009 җилин сентябрь сарин 7-нд ОХУ-ин Йирңкәлгчин зәрлгәр Колокольцев Москваһин Дотад кергин йирңкә һазрин ахлгч болҗ тәвгдв[8]. Колокольцев болхла, көдлмшәсн бууҗ одсн Владимир Пронинә ормд орв. Үүнәс өмн эс гиҗ апрель сарин 28-нд Царицыно балһсна цагдаһин һазрин дарһ Денис Евсюков Москваһин супермаркетд халдсна дару Прониныг суусн ормаснь һарһв. Колокольцевиг тәвснәс дөрвн сарин өмн Дотад кергин йирңкә һазрин ахлгчин үүлиг негдгч дарук Александр Иванов түр-зуур күцәҗ бәәв[6].

2010 җилин июль сарин 10-нд Колокольцев «цагдаһин лейтенант-инрл» онц цолта болҗ[9].

ОХУ-ин Йирңкәлгчин 2011 җилин март сарин 24-гч өдрин зәрлгәр[10] Колокольцевд цагдаһин лейтенант-инрл цол бәрүлҗ, түүнә хөөн ОХУ-ин Дотад кергин министерствин Москва балһсна Йирңкә һазрин дарһин ширәд суулһв.

ОХУ-ин Йирңкәлгчин 2012 җилин май сарин 21-гч өдрин зәрлгәр Колокольцевиг ОХУ-ин Дотад кергин сәд[11][12] болһад, түүнә һардвр дор хууль сәкх тогтлцана шинрлт йовгдҗ бәәв.

2020 җилин январь сард засгин һазр буусна дару Колокольцев 2020 җилин январь сарин 21-нд Михаил Мишустинә шин тиңкмин сәәдәр дәкн тәвгдв. Эннь 2024 җилин май сарин 14-нд Дотад кергин министерствин дарһ болҗ дәкн тәвгдв[13].

Талдан цолмуднь

  • Мансурулх бодьсла темцх улсин хораһин дарһ (2016 җилин декабрь сарас авн, цоларн);
  • Засгин һазрин Гемтә кергәс урдас сергәлх комиссин дарһ (2012 җилин июнь сарас авн).
  • Йирңкәлгчин медлд бәәһә Авлһла темцх зөвлл, Бийин тәмр, спортыг көгҗүлх зөвллин гешүн (2012 җилин июль сарас авн).
  • ОХУ-ин Церг-аҗ үүлдврин комиссин гешүн (2014 җилин сентябрь сарас авн)[3].

Хөрг арһ-кемҗәс

2018 җиләс авн Колокольцев АНУ-ин хөрг арһ-кемҗән дор бәәһәд, 2022 җилд Украинд дәәнә аҗллһан эклснәс авн Канад, Европин холва, Ик Британь, Швейцарь, Австраль, Япон, Шин Зейландин хөрг арһ-кемҗәнд орҗ бәәнә.

Хөрг арһ-кемҗә авсн болв чигн, 2018 җилд Колокольцев НҮБ-ин арһ-кемҗәнд орлцхар АНУ-д ирәд, «ямаран чигн тотхр угаһар» Америкин виз авч. 2022 җилд АНУ Колокольцевин ахлҗасн ОХУ-ин Дотад кергин министерствин төләлгчнрт виз олһад угаһин төлә НҮБ-д болсн цагдаһин алвна дарһнрин деед кемҗәнә харһлтд орлцх болмҗ уга бәәв. 2024 җилин июнь сард Колокольцев НҮБ-ин гешүн орнудын цагдаһин бәәһүллһсин дарһнрин IV деед кемҗәнә харһлтд орлцхар Нью-Йоркур нисәд одв. АНУ-ин Төрин департаментын медәһәр Әрәсән аюл уга бәәдлин бәәһүлһсин дарһнрт һарһсн хөрг арһ-кемҗәнә кизәрллт түр-зуур зогсасн бәәҗ. НҮБ-д сууһа АНУ-ин төләлгчин һазр Нью-Йоркин төв бәәрнә талар тус бәәһүллһслә тогтасн герәһәр виз олһх дааврин күцәхиг авч үзҗ бәәсән тәәлврлҗ медүлв. АНУ-ин Төрин департамент НҮБ-ин арһ-кемҗәнд орлцх төләлгчнрт виз олһх үүргән күлән зөвшәрв[14].

Дамбрлтнь

  • 2013 җилин февраль сарин 10-нд Колокольцев НТВ цувгин «Сегодня. Итоговая программа» гидг невтрүлгт Кирилл Поздняковд өгсн интервьюдән Әрәсәд ик гемтә керг үүлдсн болн террористмудла холвата цааҗар авх ялыг хәрү өгхиг эсргүцх зүүл уга гидгән илркәлҗ, дараһин зүүлиг медүлв:

Би цааҗар авх ялыг эсргүцчнрин ур-килңд өртхәс әәҗ бәәнә, зуг сәәдин хүвд биш, йирин иргнә хүвд иим төрлин гемтә кергтә әмтнд бурушах зүүл харгдх уга бәәв.

Набережные Челны балһснд 8 наста Василиса Галицынаг хулхалҗ көнәһәд, Чечен улст тадан нег күүкиг хулхалҗ көнәсн гих мет ик гемтә кергүд олн ниитин дунд шууган дегдәсн үйд иим медә кесн болв. Эн медәг «Яблоко» гидг нам дамбрлҗ, цәкм халх деерән сәәдиг буулһх санл тәвв чигн[15] эн санаг демҗгчнр болн сәәдин санл-бодлан илркәлх эркиг демҗсн әмтн цөн биш бәәв.

  • Колокольцев болхла, хууль зүүһин номин доктор болад, түүнә диссертацин седвнь «Үндснә аюл уга бәәдлин үзл-бәрмтллын күрәд Әрәсән төрин ашг соньрхлыг хаңһахнь» («Обеспечение государственных интересов России в контексте концепции национальной безопасности») (2005)[16]. Диссернетин ашг-шинҗлһәһәр Колокольцевин докторин диссертацд дөрвн диссертацас зеелсн материалмуд орсн бәәнә[17].

Өрк-бүлнь

Гергтә, хойр күүкдтә.

  • Гергнь — Вера Ивановна Колокольцева.
  • Көвүнь — Александр Владимирович Колокольцев (1983 җил) төрҗ һарв, гүүлгәч[18].
  • Күүкнь — Екатерина Владимировна Колокольцева (1988 җил төрҗ һарв), МГИМО төгсәһәч.

Кинодүрнь

1994 җилд Колокольцев «На углу, у Патриарших» гидг олн әңгтә телевизин кинод телевизийн мөшкәчин дүрд наадв[19].

Цолмуднь

Шаңнлнь

Улсин шанңлнь

  • III, IV зергин «Төрскндән һавья бәәһүлснә төлә» одн.
  • ОХУ-ин дотад кергин бәәһүллһин һавьята көдләч[23].
  • «Ниитин кев-җурмиг сәкх үүлст һарсн һавьяһин төлә» медаль.
  • Александр Невскийин одн (2014)[24].

Келтсин шаңнлнь

  • «Дотад кергин министерствин күндтә көдләч» күндтә темдг.
  • «Көдлмшин эр зөргин төлә» медаль (ДКМ).
  • I, II зергин «Көдлмшин һавьяһмн төлә» (ДКМ) медаль.
  • III зергин «Дуту уга цергллтин төлә» медаль.
  • II болн III зергин «Һардврин керг-үүлд һавья бәәһүлснә төлә» медаль (ФСКН) .
  • «ОХУ-ин Дотад кергин министерствин 200 җил» медаль (ДКМ).
  • «Цергин хамтын көдлмшин төлә» медаль (ФСО).
  • «Туслмҗин төлә» медаль (ОХУ-ин Улсин төсвин алвн).
  • «Улсин онцха чухл бәәһүлмҗин һалын аюл уга бәәдлиг хаңһахд орулсн онцха хүв-немр» медаль (МЧС).
  • «Цергин хамтын көдлшмин төлә» медаль (ДКМ).
  • «ОХУ-ин Дотад кергин министерствин 200 җил» чееҗин темдг.

Шаҗна шаңнлнь

  • II зергин Радонежин Гегән Сергийин одн, (Үнн алдрта шаҗн, 2012)[25].
  • I зергин Әрүн әдслгдсн Ик нойн Теңгин Дмитрийин одн (Үнн алдрта шаҗн, 2022) — сүм, төрин хәрлцәг батрулхд орулсн хүв-немриг үнлҗ, 60 насна төрсн өдртнь[26].

Бүс нутгин шаңнлнь

  • XX җил «Москва балснд һавья-зүткл һарһсна төлә» күндтә темдг (2011 җилин май сарин 17).
  • «Москваһин 850 җилин өөнин дурсхлд» медаль.
  • Нижний Ломов балһсна күндтә иргн.
  • Орёл муҗин күндтә иргн (2018)[27].
  • Карел улс бәәһүлгдснә 100 җилин өөниг темдглх белдврин көдлмшиг хаңһах Улсин комиссин бүрлдлд багтҗ, Карел Улс болн түүнә бәәрин улст үзүлсн һавья, тус улсин ниигм, эдин засгин көгҗлд орулсн ик хүв-немр, идвктә үүлстнь зөрүлҗ — «Карел Улст үүлчлснә төлә» медаль (2020 җилин июнь сарин 8)[28].

Һазадын шаңнлнь

«Достук» одн (2021 җилин октябрь сарин 12, Буруд улс)[29].

Темдглл

  1. ↑ Правительство РФ подало в отставку
  2. ↑ Указ Президента Российской Федерации от 10.11.2015 г. № 554 «О присвоении специального звания Колокольцеву В. А.»
  3. ↑ 1 2 Энциклопедия ТАСС, 2024. Колокольцев, Владимир Александрович. Министр внутренних дел РФ
  4. ↑ Указ Президента Российской Федерации от 15.01.2007 г. № 33 «О начальнике Управления внутренних дел по Орловской области»
  5. ↑ В УВД Орловской области назначен новый начальник // Пресс-служба УВД, 17 января 2007
  6. ↑ 1 2 Баршев В., Передельский Д. и др. Город принял // Российская газета, № 4991 (167), 7 сентября 2009.
  7. ↑ Указ Президента Российской Федерации от 08.04.2009 г. № 365 «О назначении на должность сотрудников органов внутренних дел Российской Федерации»
  8. ↑ Указ Президента Российской Федерации от 07.09.2009 г. № 1013 «О начальнике Главного управления внутренних дел по г. Москве»
  9. ↑ Главе ГУВД Москвы Колокольцеву присвоено звание генерал-лейтенанта. РИА Новости (11 Мөчн сарин 2010). Дата обращения: 21 Һаха сарин 2010. Архивировано 10 Мөрн сарин 2012 года.
  10. ↑ Указ Президента Российской Федерации от 24 марта 2011 г. № 350 «О присвоении специального звания высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации»
  11. ↑ Указ Президента Российской Федерации от 21.05.2012 г. № 645 «О Министре внутренних дел Российской Федерации»
  12. ↑ Владимир Колокольцев назначен министром внутренних дел РФ
  13. ↑ Президент подписал указы о назначении членов Правительства Российской Федерации и директоров служб. kremlin.ru (14 Хөн сарин 2024). Дата обращения: 14 Хөн сарин 2024.
  14. ↑ РБК, 26 июня 2024. Колокольцев прибыл в Нью-Йорк для участия в полицейском саммите для стран ООН
  15. ↑ Алексей Мельников: Колокольчик смертной казни | Партия ЯБЛОКО. Дата обращения: 28 март сарин 2013. Архивировано 5 Мөрн сарин 2013 года.
  16. ↑ Глава МВД представил Владимира Колокольцева личному составу // vesti.ru, 7 сентября 2009.
  17. ↑ «Сплошные совпадения» генерала Колокольцева привели в Петербург // Фонтанка.ру
  18. ↑ ВЕДОМОСТИ — Сын министра внутренних дел оказался бизнесменом
  19. ↑ На углу у Патриарших. Актёры и роли
  20. ↑ Указ Президента Российской Федерации от 24.03.2011 г. № 350 «О присвоении специального звания высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации»
  21. ↑ Указ Президента Российской Федерации от 12.06.2013 г. № 556 «О присвоении воинских званий высших офицеров, специальных званий высшего начальствующего состава, высших специальных званий и классных чинов»
  22. ↑ Указ Президента Российской Федерации от 10.11.2015 г. № 554 «О присвоении специального звания Колокольцеву В. А».
  23. ↑ Министр внутренних дел Российской Федерации Генерал полиции Российской Федерации Владимир Александрович Колокольцев
  24. ↑ https://мвд.рф/upload/site1/minister1(2)-240xx314.jpg Фото Министра внутренних дел РФ генерала полиции Российской Федерации В. А. Колокольцева с орденскими планками
  25. ↑ В неделю по Рождестве Христовом Предстоятель Русской Церкви совершил Божественную литургию в Успенском соборе Московского Кремля
  26. ↑ Состоялась встреча Святейшего Патриарха Кирилла с министром внутренних дел России В. А. Колокольцевым
  27. ↑ Владимир Колокольцев стал «Почетным гражданином Орловской области» (рус.). "ВЕЧЕРНИЙ ОРЁЛ". Орловская электронная газета (21 Бар сарин 2018). Дата обращения: 26 Мөрн сарин 2019.
  28. ↑ Указ Главы Республики Карелия от 8 июня 2020 года № 58 «О награждении государственными наградами Республики Карелия»
  29. ↑ Колокольцев Владимир Александрович

Холвас

"https://xal.ruwiki.ru/w/index.php?title=Колокольцев,_Владимир_Александрович&oldid=319276" халхас авсн