Кугявичус, Альгирдас

Рувики-с

Альгирдас Кугявичус (Литва Таңһчин Каунас балһснд 1954 җилд төрҗ һарв) — Бурхна шаҗна әрүн ном-судрмудыг орс болн литван келнд орчулдг нертә орчулач, төвдч, бурхна шаҗ судлач.

Намтрнь

Бурхна шаҗна ном-судрмудыг төвд келнәс орс болн литван келнд орчудг нертә орчулач Альгирдас Кугявичус Литва Таңһчин Каунас балһснд 1954 җилд төрҗ һарв. Мөн тер балһснд өсч-босч, Политехникин ик сурһулин хойр әңгиг төгскв. Ик сурһуль сурхд хамгин дурта кичәлнь физик бәәсн бәәҗ. Оютн болх тер цагтан, 1970-гч җилмүдт Уолтер Эванс-Венцин бичсн «Миларепан намтр», бас нег мартгдсн бичәчин Падмасамбхаван намтр, Наропан нууц ном болн «Соңсад тоньлһгч зуурдын ик судр» гидг нертә дегтрмүдиг англь келәр умшад авчкад, бурхна номар соньмсдг болв[1]. Хөөннь Ф.И. Щербатской болн О.О. Розенберг гидг нертә бурхна шаҗна судлачнрин дегтрмүдиг умшад, номар улм соньмсад бәәв[2].

Бурядын орна Иволһан дацң бәәсиг нег соңсад авчкад, 1979 җилд Бурядт одхар шиидәд, һарад одв. Тенд хәрҗ йовад, вокзалд суусн цагт Аһад бас нег дацң бәәдгиг соңсчкад, тенд одхар седв. Мөңгн чилн бәәв чигн, Аһад одад, тенд көдлмшт орад, Аһан дацңд эврә түрүңк багшиг олҗ авв. Тернь буряд лам Гомбо Бадмаевич Цыбиков бәәҗ. Тегәд, бас нег бурхна шаҗар соньмсҗ бәәсн Александр Пубанц гидг көвүтә Гомбо Цыбиковин шевнр болҗ суув. Дөрвн һар җил, 1979 эклн 1982 күртл Альгирдас Кугявичус Цыбиков ламин хаҗуд бәәҗ, бурхна номиг болн шаҗиг сурад бәәв. Тер цагт Альгидас эврән Ю.Н. Рерихин «Төвд келн» нертә дегтрәр төвд кел сурдг болв. Эс медгдсн юм Алдр гидг нертә Моңһлд сурад ирсн баһ наста ламас сурад авдг бәәҗ[3].

1982 җилд эврә нутгтан хәрәд ирчкәд, нег бичкн бәәҗәһәд, «Ик Бодь мөрин үй» гидг Эзн Зоңкаван зокасн дегтриг орчулхар седәд, көдлмшән эклҗ кев. Бурхна номиг улм сәәнәр медхин төлә Пиитрт ирҗ, Бакула ринпоче, Җамьяң Кьенце гевш гидг төвд сурһлын багшнрас соңсдг бәәҗ. «Бодь мөрин үйин» урдк кесгиг, «Үцүкн төрлктнә мөрин үйиг», Гомбожап Цыбиков гидг буряд номт орчулад авсн учрар, Альгирдас Кугявичус хойрдгч кесгәс, «Дунддла йир мөрин үйд ою судлх» гидгәс эклҗ орчулад дөрвн җилдән суув[4].

1986 җилд Аникшяй гидг нертә Литван балһсна нег гериг манад сууҗ Альгирдас «Ик Бодь мөрин үйин» хойрдгч кесгиг харар орчулҗ, белдврин аҗлан дуусхҗ бәәхд, түүнүр Андрей Терентьев гидг нертә бурхна шаҗна судлач золһад күрч ирв. Терентьев тенд бас эврә орчулсн хойрдгч кесгиг болн төвдч Бронислав Иванович Кузнецов гидг багшин орчулсн хойдргч кесгиг авч ирәд, хойр орчулач сууһад, һувн орчуллһиг дүңцүләд үзв. Б.И. Кузнецовин орчулсн кесгиг умшад үзхлә, тернь бурхна шаҗна нер-томьяһарн ик онц болсн учрар болн Кузнецов багш насан барсн учрар, түүнә орчуллһиг һол болһҗ авх шиидвр орчулачнр оркцхав. Г.Ц. Цыбиковин орчулсн «Бодь мөрин үйин» түрүңк кесг бас хуучрҗ одсн учрар, түрүңк кесгиг шинәр орчулх гидгиг хойр орчулач шиидв[5].

1994 җилд «Ик Бодь мөрин үй» гидг зоклаын түрүңк кесгнь орс келәр һарв. Зөвллтин йосн тер цагт эвдрәд одсар, харшлх юмг уга болҗ, хойр орчулач эн зокалын наадк кесгүдиг чигн хамдан орчулҗ, барлад бәәцхәв. Хөөннь эн чинр иктә номин хойрдгч болн һурвдгч һарц һарв. «Ик Бодь мөрин үй» гидг нертә ном цуг бурхна шаҗна зүтклтнд ик туста, номлл-бүтәлин керг-үүлд үнлш уга чинртә юмн болҗ бәәнә. Дарунь Альгирдас Кугявичус талдан чинр иктә шар шаҗна номиг орс келнд болн литван келнд орчулад бәәв. Орчулач Альгирдас Кугявичу ода күртл бурхна номиг орчулҗ, цуг бурхна номар соньмсҗ бәәһә улст харм угаһар белгләд бәәнә.

Орчулсн ном-судрмуднь

  • Сутра золотистого света (Арья Суварнапрабхаса уттама сутра) / Пер. с тиб. А. Кугявичус. — 2005.
  • Двойная сутра. (Арья Сангхата-сутра) / Пер. с тиб. А. Кугявичуса. — 2006.
  • Донг Лобсан Даргье. Путь блистательного мудреца (Жизнеописание Кирти Ценшаба Ринпоче) / Пер. с тиб. А. Кугявичуса под. ред. А. Терентьева. — СПб.: Нартанг, 2006.
  • Шантаракшита. Украшение срединности (Мадхьямака-аламкара). С комментарием автора / Пер. с тиб. А. Кугявичуса под общей редакцией А. Терентьева. — М.: Фонд «Сохраним Тибет», 2015. — 144 с.
  • Шантидева. Собрание практик (Шикшасамуччая) / Пер. с тиб. А. Кугявичуса под общей редакцией А. Терентьева. — М.: Фонд «Сохраним Тибет», 2014. — 536 с.
  • Терентьев А. А., Кугявичус А. Срединный путь преподавания Дхармы // Дальневосточный буддизм. — СПб., 1992. — С. 33—36.
  • Чже Цонкапа. Большое руководство к этапам пути Мантры (Нагрим Ченмо). Тома 1-3. СПб.: Изд-е А. Терентьева. 2011-2012. / А. Кугявичус (пер.), А. Терентьев (ред.). — Санкт-Петербург: Нартанг, 2012.
  • «Украшение срединности» (Мадхьямака-аламкара) / Пер. с тиб. А. Кугявичуса под общей редакцией А. Терентьева. — М.: Фонд «Сохраним Тибет», 2015. — 144 с.
  • «Средний Ламрим. Сокращенное руководство к этапам пути Пробуждения» / Пер. с тиб. А. Кугявичуса под. общ. ред. А. Терентьева. М.: Фонд «Сохраним Тибет», 2015. — 656 с.
  • «Собрание практик» (Шикшасамуччая), / Пер. с тиб. А. Кугявичуса под общей редакцией А. Терентьева. — М.: Фонд «Сохраним Тибет», 2013. — 536 с.
  • «Последовательное руководство к глубокому пути шести учений Наропы «Обладающее троичной надежностью» / Пер. с тиб. А. Кугявичуса под. ред. А. Терентьева. — СПб.: Нартанг, 2013. — 184 с.
  • «Уттаратантра с комментариями Асанги» / Пер. с тиб. А. Кугявичуса под. общ. ред. А. Терентьева. М.: Фонд «Сохраним Тибет», 2019. — 336 с.
  • «Махаяна-сутра-аламкара. Украшение махаянских сутр» / Пер. с тиб. А. Кугявичуса под. общ. ред. А. Терентьева. М.: Фонд «Сохраним Тибет», 2021. — 320 с.
  • «Различение середины и крайностей» и «Различение явлений и подлинной сущности» / Пер. с тиб. А. Кугявичуса под. общ. ред. А. Терентьева. М.: Фонд «Сохраним Тибет», 2021. — 247 с.
  • «Сутры Махаяны» / Пер. с тиб. А. Кугявичус, Ч. Монгуш. Научный ред. А. Терентьев. М.: «Ганден Тендар Линг», 2024. — 484 с.

Холвас

  1. ↑ Кугявичус Альгирдас. К русскоязычному буддийскому канону. Сайт переводчиков
  2. ↑ Альгирдас Кугявичус ‒ простой ученик Будды и нулевая гуру-йога переводчика
  3. ↑ Альгирдас Кугявичус ‒ простой ученик Будды и нулевая гуру-йога переводчика
  4. ↑ Альгирдас Кугявичус ‒ простой ученик Будды и нулевая гуру-йога переводчика
  5. ↑ Альгирдас Кугявичус ‒ простой ученик Будды и нулевая гуру-йога переводчика
"https://xal.ruwiki.ru/w/index.php?title=Кугявичус,_Альгирдас&oldid=306134" халхас авсн