Манҗин Исмаилын Лиҗ

Лиджи Исмалиевич Манджиев
Лиджи Исмалиевич Манджиев
Төрсн җил өдрнь	1919 сентябрь сарин 27
Төрсн һазрнь	Лаганя район, Хальмг Автономн Советск Социалистическ Республик, СССР[d];
Нас барсн җил өдрнь	1989 март сарин 30 (69 лет)
Нас барсн һазрнь	Элст, РСФСР[d], СССР[d];
Холвгддгнь	СССР
Цолнь	сержант
Дәәлснь/дәнь	Төрскән Харсгч Аһу ик дән

Манҗин Исмаилын Лиҗ (тод. ᡏᠠᠨᠴᡅ ᡕᡅᠨ ᡅᠰᡏᠠᡕᡅᠯ ᡕᡅᠨ ᠯᡅᠴᡅ; орс. Манджиев, Лиджи Исмаилович; 1919 җилин август сарин 26, Бәәхә күүтр (өдгә цагин Хальмг Таңһчин Лаганин район) — 1989 җилин март сарин 30 Орсин Зөвллтин Холвана Социалист Республикин Хальмг Таңһчин Элст балһсн) — Зөвллтин Холвана Улсин баатр, Төрскән Харсгч Аһу ик дәәнә орлцач.

Намтрнь

Манҗин Исмаилын Лиҗ 1919 җилин август сарин 26-д Бәәхә хотнд заһсчин өрк-бүлд төрҗ. Интернатын бәәрин 5 әңг төгссмн. 1934 җилд Манҗин Лиҗ Лаганин заһс бәрлһнә өртәнд көдлхәр орсмн. Дарунь Әәдрхнә өөрк Кануковод бәәдг Калмыкрыбрабфакт сурч.

1939 җилд һурвдгч курсасн һарад, Зөвллт-Финландин дәәнд эврә дурарн орлцҗ. Төрскән Харсгч Аһу ик дәәнә түрүн өдрәс авн Киев, Москва болн Сталинградыг харсдг бәәсмнҗ.

1960 җилд Манҗин Лиҗ Новосибирскт бәәсн Бүк Холватын нүднә далдын эрчм күчнә деед сурһулиг төгсч, дарунь Элстд телеүзгдлин болн радиоһин невтрүлгин хоранд көдлҗәсмн.

1989 җилин март сарин 30-д Хальмгин Элст балһснд нас барҗ.

Баатр йовдлнь

1943 җилин сентябрь сарин 26-ас 27-д шилҗх сөөһәр Манҗин Лиҗ барун-өмн һал маңнан 12-гч әәрмин 1248-гч сөнәгч танк эсргүцгч артиллерин бух цергин буучнрин багин бүрлдлд Запорожск муҗин Вольнянскин дүүргин Губенский селәнә өөрнь Днепр мүриг һатлсмн. Днеприйг һатлаҗах цагтнь дәәснә шумбгч нискл һалт зевсгтә понтоныг зөөҗәх катериг шатаҗ. Манҗин Лиҗ хамгин түрүнд уснд өсрәд, шатҗах катериг понтонмудас салһад, хамдан церглдг күмсән үкләс аврсмн. Днепр мүрнә барун көвәд һазрдсна дарунь цергүднь сүүр эзлҗ. Түрүч Манҗин Лиҗин багихн дәәсиг траншейәс һарһҗ, амҗх уга йовһн цергүдин өмннь артиллерин буута 50 метрт һарч, дәәснә цергин арвн һурвн довтллһиг хәрү цокҗ. Туллдана хамгин шүрүн агчмд Манҗин Лиҗ бууһан оркад, дәәсн тал хамгин түрүнд довтлҗ, бусд цергүдиг чигн босхҗ. Тегәд, хамгин түрүнд траншейд орҗ, немшин 5 салдсиг устхҗ. Эн туллданд Манҗин Лиҗ күнд шархдсн болвчн, цухрҗах дәәсән үрглҗлүлн көөҗ бәәв.

Ачлврнь

Алтн Одн медаль (№ 8598) — Днепр мүрнә барун көвәд Германин эзлн түрмкәлгчнрин эсрг туллдҗ, баатр йовдл һарһсн болад, 1944 җилин март сарин 19-д ачлгдв;
Ленинә Одн;
I-гч зергин Төрскән Харсгч дәәнә хойр одн

Сурвлҗ

Курдов, В. Главное — впереди/ Звезды над степью: Очерки о Героях Советского Союза / сост. Н. У. Илишкин. — Элиста, 1975. — стр. 157—167;
Л. И. Манджиев, Наши земляки — Герои Советского Союза/ комплект из 21 фоторепродукций / фото С. М. Чупахина. — Элиста, 1975, Репродукция 13.
Лиджи Исмаилиевич Манджиев: биографические данные/ Наши земляки — Герои Советского Союза, комплект из 22 буклетов. — Элиста, 1985, буклет 13.
Лиджи Исмаилиевич Манджиев: биографические данные/ Наши земляки — Герои Советского Союза. — Элиста, 1967. — стр. 49—61.
Манджиев, Л. Плечом к плечу: воспоминания Героя Советского Союза о Великой Отечественной войне, о воинах-фронтовиках/Наша Родина — революция. — Элиста, 1987. — стр. 43—50.
На Днепре и Брянщине: о Герое Сов. Союза Л. И. Манджиеве/ Джимбиев Б. Путешествие в страну Бумбу. — М., Советская Россия, 1978. — стр. 86—88.
Трембач, И. Прямой наводкой: о Герое Советского Союза Л. И. Манджиеве/ Наши земляки — Герои Советского Союза. — Элиста, 1960. — стр. 54—64.
Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

Холвас

Манҗин Исмаилын Лиҗ (рус.). Сайт «Герои страны».