Мигмр өдр
Мигмр өдр (энд. Aṅgāraka; төвд. [mig dmar] Error: {{Lang}}: text has italic markup (help); моңһл келәр: мягмар; орс. вторник) — долан хонгин хойрдгч эс гиҗ талдан тооллар, (Нарн өдрәс тоолад авхла) һурвдгч хонг (өдр).
Эн өдриг Мигмр (Улан Нүдн) гидг һаргин нерәр нерлдмн. Эннь төвд келнә mig dmar гидг үгиг хальмг келнд зееләд авсн үг болдг юмн. Зурхан йосар болхла, мигмр өдрт Мигмр (Улан Нүдн) һарг ик нөләлҗ бәәнә. Эн өдрт һарсн күүкдиг урд цагт төвдин Мигмр (бас нег хүвлврнь Нимгр) эс гиҗ эндкгин Аңһрг гидг нерәр нерлдг бәәҗ[1].
Нернә үүсл-һарл
Төвдин зурхан йоснд сөөһин теңгрт улаһад һардг одн-һаргиг «mig dmar» эс гиҗ хальмг келнд шуд орчулхла, Улан Нүдн (mig гиснь - нүдн, dmar гиснь - улан) гиҗ нерлдг бәәҗ. Хальмг зурхад болхла, эн һаргин нер үгчләд орчулсн хүвлврәр Улан Нүдн гиҗ нерләд, долан хонгин эн өдриг болхла, төвдин дуудлһин янзар үлдәҗ ашглад бәәнә[1].
Кезәнә моңһлчуд төвдчүдәс долан хонгин нерд авсн цагт, дөрвн үгинь яг бәәсн кевәрнь авад, һурвинь махчлн орчулад авсмн. Төвдүр эн систем Эндкг орнас ирсмн. Эндкг орнур болхла, эртин грекчүдәс ирсмн[2].
Медхд соньн
Эндкгин зурха ухана Улан Нүдн һаргин (Мигмр һаргин) нернь «Aṅgāraka» гидг үгиг хальмг келнд шуд орчулхла, «цог-нүүрсн мет улан» гидг орчуллһта болх.