Павла Антона Дорҗ

Павла Антона Дорҗ
Павла Антона Дорҗ
Төрсн җил-өдрнь	1912 март сарин 12
Төрсн һазр	Амур-Санан[d], Южненское селәнә муниципальн тогтац[d], Башнтан район, Хальмг Автономн Советск Социалистическ Республик, СССР[d];
Нас барсн җил-өдрнь	1996 октябрь сарин 17 (84 года)
Нас барсн һазрнь	Элст, Орсин Холвана Улс;
Орнь	Орс хаата улс[d]; СССР[d]; Орсин Холвана Улс;
Шинҗлх ухана салврнь	филология[d]
Аҗлын һазрнь	Хальмг улсин ик сурһуль; Әрәсән номин академин Хальмг номин төв;
Сурһульнь	Саратовин Ик сурһуль[d];
Номин зергнь	Филолог номин доктор[d]
Номин цолнь	профессор[d]
Шаңнлнь	РСФСР-ин олн әмтнә эрдм-сурһулин йилһән сән көдләч[d]

Павла Антона Дорҗ (орс. Дорджи Антонович Павлов; 1912 март сарин 12, Амур-Санан^[d], Хальмг Автономн Советск Социалистическ Республик — 1996 октябрь сарин 17, Элст) — СССР-ин болн Әрәсән номтн, Хальмгч номтн, багш, ниигмин үүлдәч. Төрскән харсгч Алдр дәәнә орлцач, дәәчин цолнь — капитан. Филологин номин доктор (1972), профессор (1973). Хальмг АССР-ин Деед Хүүвин хойр дуудврин элчтн (1960—1970). Заслуженный деятель науки РСФСР-ин номин Ачта үүлдәч (1984) Хальмг АССР-ин номин Ачта үүлдәч (1972).

Намтрнь

1912-гч җилин март сарин 12-т Хальмгин Городовиков района Ик Дөрвдин улусин Кердәтә селәнә (ода Хальмг Таңһчин Городовиков района Амур-Санан селән)^[1]. Хальмг күн^[2].

1933-гч җилд Н. Г. Чернышевскин нертә Саратовин багшнрин Ик сурһулиг (рус.) (хал. төгсәсмн^[1]. 1933—1939-гч җилмүдт Хальмг АССР-ин эрдм-сурһулин школмудт, горонод болн Министерствд көдләд йовсмн. Таңһчд хальмг келиг босхлһна кергт орлцад бәәсмн. 1939—1941-гч җилмүдт СССР-ин номин Академин Дорд үзгин институтын аспирантурт (рус.) (хал. сурһуль авсмн^[2].

1941-гч җилин июль сард цергт мордад, Моңһлын нутгт йовсн 7-гч әәрмд капитана цолд йовсмн. 1944-гч җилин февраль сард цуг хальмг улста цүллһнд орулгдад, хортна тоод орад, Алтайин крайд Бийск балһснд өрк-бүл бәәсн һазрт туссмн^[3].

1944-гч җилин апрель сарас авн 1948-гч сарин апрель сар күртл Алтайин крайин Бийск балһсна урчнрин училищин директорин дарук болн орс келнә багшар көдлсмн. 1948-гч җилин июнь сарас авн 1953-гч җилин октябрь сар күртл Бийск балһсна межрабкоопинсоюзин зуралһна әңгин ахлачар көдлҗ йовсмн. 1953-гч җилин октябрь сарас авн 1957-гч җилин февраль сар күртл Бийск балһсна уйлһна фабрикин күч-көлснә болн җалвин әңгин ахлачар көдлсмн. Хальмгтан хәрҗ ирсн цагтан Хальмгин эрдм-сурһулин әңгин болн Хальмгин багшнрин мергҗл өөдлүллһнә институтын директор болҗ көдлҗ бәәсмн. 1960-гч җилин февраль сарас авн 1964-гч җилин январь сар күртл Хальмг номин шинҗллтин номин утх-зокъялын болн тууҗин институтын (КНИИЯЛИ) директорин дарук, номин ахлгч көдләч бәәсмн. 1964-гч җилин январь сарас авн 1967-гч җилин декабрь сар күртл Хальмг АССР-ин Министрмудин Хүүвин толһачин дарук бәәсмн. 1967-гч җилин декабрь сарас авн 1970-гч җилин декабрь сар күртл КНИИЯЛИ-н номин ахлгч көдләч болсмн^[2].

Сүл 25 җилмүдтән Павла Дорҗ Хальмгин Ик сурһулин хальмг келнә кафедрин ахлгч багш, профессор, кафедрин толһач (1970—1993) бәәсмн. Судлачин оньгт хальмг утх-зокъялын келнә фонетикин, графикин, диалектологийин, лексикологийин болн лексикографийин тууҗ болн ниигмин лингвистик орсмн. Павла Дорҗ түрүн болҗ хальмг келнә киисклһн тодлгдсмн.

1996-гч җилин октябрь сарин 17-д Элстд насан барсмн. Элстин оршаврт оршалһата^[4].

Номин үүлдвр

Павла Дорҗин номин үүлдврнь хальмг келнә олн зөрүлтс орулна (фонетик, лексикологий, грамматик, диалектологий, хальмг бичгин тууҗ) болн иим төрмүд хәләҗ йовсмн: 1. Хальмг келнә фонетикин онц темдгүд, эгшг әс болн нань чигн. 2. Хальмг келиг хуучна дотр үгмүдәр болн талын келәс орулҗ байҗудлһн, тер дотр орсн келнәс; орулсн үгмүдиг фонетикин болн грамматикин талар ирлцүллһн, хальмг этнонимс; 3. Үгин тогтацс, үгин киисклһн, бәәлһнә нернә киисклһн, үүлдәгчин хүврлт; 4. Хальмг келнә өдгә цагин диалектын янз, киргизин хальмгудын фонетикин болн морфологин кев-янз; 5. Тод бичгин экн, тод бичгин фонетикин янз, Хальмг бичгин тууҗ, Зая-Пандит — Хальмг хуучн бичгин болн хальмгин «Җаңһр» баатрльг дуулврин, утх-зокъялын келнә үүлдәч. Павла Дорҗ хальмг келнә ниитин төрин медлһнә төрмүдиг босхсмн: хальмг үндсни болн утх-зокъялын келнә тууҗин әңгллһнә, хальмг-орс келсин хәрлцән, моңһл келтнрин кевин шинҗллт^[3].

Нәәрүлһснь

Әмд бәәхнь

Д. А. Павлов. О некоторых фонетических особенностях в калмыцком языке. Издательство восточной литературы, 1960
Д. А. Павлов. Состав и классификация фонем калмыцкого языка. Кальмгосиздать, 1963. Всего страниц: 105
Д. А. Павлов. Современный калмыцкий язык: Фонетика и графика. Пособие. Калмиздать, 1968. Всего страниц: 269
Д. А. Павлов, И. Е. Намсинов. 320 лет старокалмыцкой письменности. Калмыцкий научно-исследовательский институт языка, литературы и истории при Совете Министров Кальмыцкой АССР, 1970 — Всего страниц: 233
Д. А. Павлов. Исследования по калмыцкому языку и письменности: Докл. об опубл. и вып. работах по калмыц. яз. и письменности, предст. в качестве дис. на соиск. учен. степ. доктора филол. наук. Академия наук КазССР, Институт языкознания АН КазССР, 1971. Всего страниц: 70
Д. А. Павлов. Орфографический словарь литературного калмыцкого языка. Калмыцкое кн.изд-во, 1973. Всего страниц: 238
Актуальные проблемы калмыцкой филологии: сборник статей. Д. А. Павлов, Бата Бадмин. Калмыцкий гос. университет, 1979. Всего страниц: 213
Д. А. Павлов. Фонетика современного калмыцкого языка / Под редакцией Л. В. Бондарко. Калмыцкое книжное изд-во, 1983 — Всего страниц: 207
Д. А. Павлов, У. У. Очиров, А. П. Романенко. Вопросы калмыцкой филологии: сборник научных трудов. Калмыцкий гос. университет, 1984 — Всего страниц: 166
Д. А. Павлов. Вопросы истории и строя калмыцкого литературного языка: учебное пособие. Калмыцкий гос. унив., 1994 — Всего страниц: 270

Ачлврмуднь

«1941-1945 җҗ. Төрскән харсгч Алдр дәәнд Германиг диилснә» медаль^[5]
Орн-нутгин күч-көлснә нөөцин йилһән сән көдләч (1945)
Олна эрдм-сурһулин йилһән сән көдләч (1969)
Хальмг АССР-ин номин Ачта үүлдәч (1972)
РСФСР-ин номин Ачта үүлдәч (1984)

Үрдүднь

Павла Дорҗин Санл — физико-математическин номин кандидат, Хальмгин Ик сурһулин доцент.
Павла Дорҗин Савр — гидрогеологч.

Дурсхл

2012-гч җилин май сарла Павла Дорҗин 100 җилин өөнд нерәдәд кергүд давулгдсмн^[6].

Темдглл

↑ ¹ ² "Учитель учителей": к 110-летию со дня рождения профессора Д.А. Павлова (рус.). Научная библиотека. Калмыцкий государственный университет. Официальный сайт. Дата обращения: 23 март сарин 2026.
↑ ¹ ² ³ Павлов Дорджи Антонович (рус.). Сайт «ЦентрАзия». Дата обращения: 23 март сарин 2026.
↑ ¹ ² Павлов Дорджи Антонович. Боевой путь ветерана (рус.). Официальный сайт Общероссийского общественного гражданско-патриотического движения «Бессмертный полк России». Дата обращения: 23 март сарин 2026.
↑ Павлов Доржи Антонович. 12.03.1912—17.10.1996 (рус.). Сайт «Пантеон России». Дата обращения: 23 март сарин 2026.
↑ Павлов Дорджи Антонович (рус.). Музейный комплекс «Дорога памяти». Дата обращения: 23 март сарин 2026.
↑ Распоряжение Правительства Республики Калмыкия от 15 мая 2012 г. N 89-р «О проведении мероприятий, посвященных 100-летию со дня рождения Павлова Дорджи Антоновича» (рус.). Система ГАРАНТ. Дата обращения: 23 март сарин 2026.

Холвас

Проект Министерства обороны Российской Федерации «Память народа». Павлов Дорджи Антонович. Учетно-послужная картотека. Воинское звание: капитан административной службы
Электронный банк документов периода Великой Отечественной войны. Сведения о Дорджи Павлове из учётно-послужной картотеки
Павлов Дорджи Антонович (1912—1997 гг.), доктор филологических наук, профессор Калмыцкого государственного университета
Исследования по калмыцкому языку и письменности

[НБКГУ-1] ¹ ² "Учитель учителей": к 110-летию со дня рождения профессора Д.А. Павлова (рус.). Научная библиотека. Калмыцкий государственный университет. Официальный сайт. Дата обращения: 23 март сарин 2026.

[ЦентрАзия-2] ¹ ² ³ Павлов Дорджи Антонович (рус.). Сайт «ЦентрАзия». Дата обращения: 23 март сарин 2026.

[БПР-3] ¹ ² Павлов Дорджи Антонович. Боевой путь ветерана (рус.). Официальный сайт Общероссийского общественного гражданско-патриотического движения «Бессмертный полк России». Дата обращения: 23 март сарин 2026.

[4] Павлов Доржи Антонович. 12.03.1912—17.10.1996 (рус.). Сайт «Пантеон России». Дата обращения: 23 март сарин 2026.

[5] Павлов Дорджи Антонович (рус.). Музейный комплекс «Дорога памяти». Дата обращения: 23 март сарин 2026.

[6] Распоряжение Правительства Республики Калмыкия от 15 мая 2012 г. N 89-р «О проведении мероприятий, посвященных 100-летию со дня рождения Павлова Дорджи Антоновича» (рус.). Система ГАРАНТ. Дата обращения: 23 март сарин 2026.

[1]

[2]

[3]

[4]

[5]

[6]