Рокчинскин Олегин Һәрә

Рокчинскин Олегин Һәрә
Рокчинскин Олегин Һәрә
	;
Төрсн цаг-җил	1923 декабрь сарин 26
Төрсн орм	Алцаңһуд[d], Көтчнрә район, Хальмг Автономн Советск Социалистическ Республик, СССР[d];
Насан барсн цаг-җил	1993
Насан барсн орм	Элст, Хальмг Таңһч, Орсин Холвана Улс;
Орн-нутг	СССР[d]; Орсин Холвана Улс;
Шаңнл	О. Городовиковин Хальмг АССР-ин мөрә (1970)
Цолмуд	Хальмг АССР-ин билгин Ачта үүлдәч (1967), РСФСР-ин келн әмтнә зурач, РСФСР-ин Ачта зурач (1974), О. Городовиковин Хальмг АССР-ин мөрән мөрәлч (1970), РСФСР-ин зурачнрин Ниицәнә гешүн

Рокчинскин Олегин Һәрә (орс. Га́рри Оле́гович Рокчи́нский; 1923 декабрь сарин 26, Алцаңһуд^[d], Хальмг Автономн Советск Социалистическ Республик — 1993, Элст, Хальмг Таңһч, Орсин Холвана Улс) — Хальмг АССР-ин билгин Ачта үүлдәч, РСФСР-ин келн әмтнә зурач, РСФСР-ин Ачта зурач, О. Городовиковин Хальмг АССР-ин мөрән мөрәлч, РСФСР-ин зурачнрин Ниицәнә гешүн. Хальмгин өдгә цагин зуралһна билг-эрдмин үндсләч^[2]

Намтрнь

Көтчнрин улсин Алцн-Хута селәнд төрҗ өссмн. Йисн жилин сурһулян төгсәһәд Әәдрхнә Һолын техникумд орад, дарунь Водопьяновин нертә аэроклубт сурна. Төрскән харсгч Алдр дәәнә цагт Серовин нертә сурһульд йовулгдад, терүг төгсәлго, 1944-гч җилин апрель сарин 16-д, Широклагур туугдсмн. Төрскән харсгч Алдр дәәнә хөөн Фрунзе балһснд 1945-гч җилин июнь сарин 18 одсмн.

1946-гч җилд Новосибирскин муҗд ирәд, Купинскин района сойлын герт көдлнә. 1948-гч җилд Алма-Атан урмчнрин билгтнрин сурһульд (рус.) (хал. орад, 1953-гч җилд йилһән сәәнәр төгсәнә. 1961-гч җилд Хальмгтан ирнә.

1967-гч җилд энүнд «Хальмг АССР-ин билг-эрдмин Ачта үүлдәч» нер зүүсмн. 1974-гч җилд энүнд «РСФСР-ин Ачта зурач » нер зүүсмн.

Үүдәлтнь

Алма-Атад сурч йовсн цагтан һәрә импрессионизмар соньмсҗ. Тер цагт үүдәврмүдән Казахстана атриг эдлврт орулсна төрт нерәднә. 50-гч җилмүдт Һәрә зургуд бичдг (живопись) болсмн. Хальмгурн хәрҗ ирснә хөөн Һәрә хальмг улсин тууҗд оньган өгәд, Зая-Пандитын, Җаңһрин, Ээлән Овлан, хальмгин бичәчнрин, Амр-Санана Антона, Күч-көлснә Баатрин Лукшановин болн ниигмин үүлдәчнрин зургуд үүдәсмн.

Хамгин туурсн үүдәврмүднь:

«Хальмгин заһсчнр» («Рыбаки Калмыкии»), 1957 җ.;
«1812 җилин Алдр дәәнә Баатр Цо-Манҗ» («Герой Отечественной войны 1812 года Цо-Манджи»), 1963 җ.;
«Культармин күүкн Цаһан» («Культармейка Цаган»), 1967 җ.;
«Эк — төрскн тег» («Мать — земля родная»), 1963 җ. Эн үүдәвриг үнләд, Рокчинскин Һәрәд 1970-гч җилд Городовиковин Окан нертә Хальмг АССР-ин мөрә нерәдсмн.
«Мөңкрлт» («Бессмертие»), 1975 җ.^[3]

Дурсхлнь

Рокчинскин Һәрән нериг Элстин һудмҗ зүүнә.
Рокчинскин Һәрән нериг Элстин бичкдүдин художествин школ зүүнә^[4].

Темдглл

↑ Gari︠a︡ Rokchinskiĭ // Faceted Application of Subject Terminology
↑ Сегодня – 100 лет со дня рождения калмыцкого художника Гарри Рокчинского (неопр.). tegrk.ru. Дата обращения: 11 Бар сарин 2025.
↑ Образная память народа: к 100-летию Гарри Рокчинского (неопр.). tegrk.ru. Дата обращения: 11 Бар сарин 2025.
↑ Детская художественная школа имени Г. О. Рокчинского (неопр.). art-school.kalm.muzkult.ru. Дата обращения: 11 Бар сарин 2025.

Утх-зокъял

Ковалёв И. Г., Гарри Рокчинский, Элиста, Калмыцкое книжное издательство, 1979 г.
Разные краски одной палитры // В созвездии равных и братских. — Элиста: Калмыцкое книжное издательство, 1982. — С. 104—116.
Предисловие Очирова Н, Адучиева Л. Живопись как знак культуры (Серия «Калмыцкая интеллигенция»). — Элиста: АПП «Джангар», 2004. — 252 с.

Холвас

[_750555eced2699b2-1] Gari︠a︡ Rokchinskiĭ // Faceted Application of Subject Terminology

[2] Сегодня – 100 лет со дня рождения калмыцкого художника Гарри Рокчинского (неопр.). tegrk.ru. Дата обращения: 11 Бар сарин 2025.

[3] Образная память народа: к 100-летию Гарри Рокчинского (неопр.). tegrk.ru. Дата обращения: 11 Бар сарин 2025.

[4] Детская художественная школа имени Г. О. Рокчинского (неопр.). art-school.kalm.muzkult.ru. Дата обращения: 11 Бар сарин 2025.

[1]

[2]

[3]

[4]