Санлын өдр

Цөллтин хокрлмудын дурсхл, Булһн селән, Хальмг Таңһч

Санлын өдр (тод. ᠰᠠᠨᠠᠯ ᡕᡅᠨ ᡈᡑᡈᠷ; орс. День памяти жертв депортации калмыцкого народа) — Хальмг Таңһчин улсин дурсхлын өдр. Хальмг ард-түмниг цөллснднь келмгдсн күмсиг дурсн күндткх өдр. Хальмг Таңһчин бүк нутг-девскртнь аҗл бусын өдр болдмн. Җил болһн декабрь сарин 28-д темдглгднә.

Түүк

Санлын өдр 1943 җилин декабрь сарин 28-д ЗХУ-ин Ардын Коммисармудын Зөвллин һарһсн «Хальмгин Эврән Засх Зөвллт Социалист Республикд әмдрдг хальмгудыг цөлх»^[1] тогтал болн «Улусы» гидг үүл-аҗллһна эклцлә ирлцдг. «Улусы» гидг үүл-аҗллһн эклҗ, декабрь сарин 28-29-д цуг хальмгудыг Сиврүр нүүлһн шилҗүлҗ эклв. Түүнә өмннь, декабрь сарин 27-д ЗХУ-ин Деед Зөвллин Тергүлгчнр «Хальмгин Эврән Засх Зөвллт Социалист Республикиг устхад, Орсин Зөвллтин Холват Социалист Республикин бүрлдлд Әәдрхнә муҗ бәәһүлх» заквр һарһв.

Н.Жуковская тоолсар, нүүлһн шилҗүлснә аштнь хальмг ард-түмнә һурвна негнь әмнәсн хаһцв^[2]. Зәрм талдан сурвлҗ авад үзхлә, нүүлһн шилҗүлсн болн цөллсн учрас хальмгудын өрәлнь әмнәсн хаһцв^[3].

Дурсхлын өдриг Хальмг Таңһчин Улсин Хурл 2004 җилин октябрь сарин 13-а «Хальмг Таңһчин байр болн дурсхлын өдрмүдин туск заканд» балтсмн.

Эн өдрт олн зүүлин дурсхлын арһ-кемҗән йовулгдна. Җишә авад келхлә, Элст балһсндк «Буцлһн болн босхлһн» гидг көшән өөр һашудлын йослл йовулгдна^[4].

Бас эн өдрт радиоһин көгҗмин өртңгүдин невтрг унтрна.

Темдглл

↑ Постановление СНК № 1432/425сс о выселении калмыков, проживающих в Калмыцкой АССР (неопр.). Дата обращения: 16 Лу сарин 2017. Архивировано 16 Лу сарин 2017 года.
↑ Н. Л. Жуковская. Калмыки // Народы России: энциклопедия / гл. ред. В. А. Тишков. — М.: Большая Российская энциклопедия, 1994. стр.178-191
↑ Ссылка калмыков: как это было. Книга памяти ссылки калмыцкого народа, т. 1, Элиста, 1993
↑ День памяти жертв депортации калмыцкого народа (неопр.). Дата обращения: 16 Лу сарин 2017. Архивировано 17 Лу сарин 2017 года.

Сурвлҗс

[1] Постановление СНК № 1432/425сс о выселении калмыков, проживающих в Калмыцкой АССР (неопр.). Дата обращения: 16 Лу сарин 2017. Архивировано 16 Лу сарин 2017 года.

[2] Н. Л. Жуковская. Калмыки // Народы России: энциклопедия / гл. ред. В. А. Тишков. — М.: Большая Российская энциклопедия, 1994. стр.178-191

[3] Ссылка калмыков: как это было. Книга памяти ссылки калмыцкого народа, т. 1, Элиста, 1993

[4] День памяти жертв депортации калмыцкого народа (неопр.). Дата обращения: 16 Лу сарин 2017. Архивировано 17 Лу сарин 2017 года.

[1]

[2]

[3]

[4]