Теегин герл (Седкүл)
| Теегин герл | |
|---|---|
| Теегин герл | |
 Журнал «Теегин герл», 2010 җилин 6-гч тойгнь | |
| Чигллнь | утх зокал, урлг, ниигэм-улс төрин седкүл |
| Седкүл барлх давтмҗ | Хойр сард нег дәкҗ |
| Келнь | Шаблон:Седкүлин келмүд |
| Редакцин тойгнь | Хальмг Таңһч, Элст балһсн, В. Ленинә һудмҗ, 243 гер, Барин гер. |
| Ах редакторнь | Манжилеева Раиса Цеденовна |
| Орн-нутгнь |
 Россия |
| Барлсна түүкнь | 1928 җиләс авн |
| Хүвнь | 1 000 |
Теегин герл (орс. Свет в степи) — Хальмгин Элст балһснд барлгддг ор һанцхн хальмг утх зокал, урлг, ниигэм-улс төрин седкүл болна. Теегин герл орс, хальмг хойр келәр барлгдҗ һарна. Седкүлин үүскн бәәһүлгчнь Хальмг Таңһчин бий даасн «Хальмг Таңһч» нертә Хальмгин Зәңгллһнә Агентств» болҗ бәәнә. Седкүлнь хойр сард нег дәкҗ барас һардг. 2024 җилин июнь сарин бәәдләр эн седкүл 1000 һару хүв барлгдҗ бәәнә.
Түүкнь
Өдгә цагин седкүлнь утх зокал, ниигм-улс төрин «Мана Келн», «Улан туг» седкүлмүдин залһмҗлач болна. «Мана келн» седкүлин түрүңк һарцнь 1928 җилд һарч. Эн седкүлд цуг хальмг улан йосна утх зокалын бүтәлчнр, шүлгчнр, номтнр, бичәчнр эврә бүтәлмүдән барлҗ һарһдг бәәҗ. «Мана келн» седкүл 1935 җилд һардган уурч. 30-ад җилмүдин сүүлчәс «Мана Кел»н седкүлин дару «Улан туг» седкүл һардг болв. 1943 җилд Хальмгуд Сиврт туугдсна дару «Улан туг» седкүл һардган уурч. 1957 җилин октябрь сард хальмгуд цөллтәс хәрәд ирҗ, Хальмг автономьта төөргин (областин) Ставрополин кизәрин нег кесг болһн сергәснә дару удл уга альманах «Теегин герл» гидг өдгә цагин нерәр барлгдҗ, 1981 җилд седкүлин кевәр һардг болв.
Тер цагас авн өдгә күртл «Теегин герл» гидг нертә седкүл тасрл уга барас һарад бәәнә. Эүнә халхст хальмг болн һазадын шүлгчнр болн бичәчнр, нертә номтнр болн оютнр эврә бичcн үүддәврмүдән барлҗ бәәнә. 90-гч җилмүдәс авн седкүлд урн-бүтәлин үүдәврмүд һарсн деерән хүвсхлин өмнк цагин олн үүдәврмүд болн орчуллһс барлгдҗ һардг болв. Энд Бадмин Андра болн Бичән Баазрин багшнрин тод бичгәс өдгә цагин хальмг келнд буулһсн судрмуд болн теднә судлл-шинҗлл. Олн җилин турш эн седкүлин редактор болҗ нертә хальмг бичәч болн шүлгч Дорҗин Басңгин күүкн Дорҗин Данар көдлҗ бәәв. Өдгә цагт дегтр-седкүлин редакциг Манҗлән Раиса ахлҗ бәәнә.
Нертә көдләчнр
- Калян Санҗ — Хальмг Улсин шүлгч; 1961 җиләс авн 1963 җил күртл дааврта редактор болҗ бәәв;
- Нуура Владимир (1938 җилд төрҗ һарв) — ах редактор, Хальмг Улсин шүлгч;
- Саңһҗин Бося — Хальмг Улсин шүлгч, ах редактор.
Галерей
Первый номер журнала «Теегин герл», 1957 год
Второй номер журнала «Теегин герл», 1957 год
Журнал «Теегин герл», 1961 год
