Хахлына Данилын Тамара

Хахлына Данилын Тамара
Хахлына Данилын Тамара
	;
Төрсн җил өдрнь	1917 октябрь сарин 25
Төрсн һазрнь	Элст, Хальмг Автономн Советск Социалистическ Республик, СССР[d];
Нас барсн җил өдрнь	1942 ноябрь сар (25 лет)
Нас барсн һазрнь	Троицкое[d], Хальмг Автономн Советск Социалистическ Республик, РСФСР[d], СССР[d];
Дәәлснь/дәнь	Төрскән харсгч Алдр дән
Шаңнлнь

Хахлына Данилын Тамара (орс. Тама́ра Дани́ловна Хахлыно́ва; 1917 октябрь сарин 25, Элст, Хальмг Автономн Советск Социалистическ Республик — 1942 ноябрь сар, Троицкое^[d], Хальмг Автономн Советск Социалистическ Республик) — советск партизан күүкн, санинструктор.

Намтрнь

1917-гч җилд Элстд төрсмн. Эцкнь — Хахлына Бельҗрин Данил, Хальмгин һазр эдллһнә түрүн нарком^[1].

Баһасн авн шудрмг бәәҗ: гиигн атлетик, бууһар халһна тәмр, парашютта һәрәдлһн, шатр, дегтр умшлһн. Сталинградын эмчнрин Ик сурһулин (рус.) (хал. оютн. Партизанмудын җисәнд орхин өмн Элстд медсестра болҗ көдләд йовсмн^[1].

1942-гч җилин сентябрь сарла Әәдрхнә № 005 тойгта туршулчнриг болн хаһулчнрин белдврин онц школд Хальмгин девскрт үүлдҗ бәәсн «Павел» (отряд № 57 им. П. Н. Яковлева) партизанмудын җисәнә багд орсмн.

1942-гч җилин октябрь сард Хальмгин обкомин даалһврар, «Павел» баг Элст — Сталинград хоорндк хаалһар йовх немшнрт харш күргсмн. Багд 16 партизан бәәҗ, теднә дунд Хахлына Тамара, обкомин көдләч Цүгәтин Буля облсоветин көдләч Молокановин Һәрә. Октябрь сарин 17 — 18 сө партизанмудын баг Иҗл һолыг Сохр-Болын алднд һатлсмн. Дөрвн өдр давад, партизанмудын баг Ялмата салад күрсмн, терүнәс 16-гч немшнрин моторизован дивизюр дәврсмн.

1942-гч җилин ноябрь сард немшнрт Троицк селәнә староста партизанмудын баг бәәх орм зааҗ өгснә дару немшнрин командованин шиидврәр гестапон Вайшбукт тедниг уга кех даалһвр өгсмн. Немшнрин Вайшбукин баг партизанмудын баг бәәсн Троицкин өөр «Западный» мөрнә совхозиг эргүлҗ авсмн. Хахлына Тамара тер бәрлдәнд 11 фашистнриг хаҗ алад, эврән әмнәсн хаһцсмн.

Хахлына Тамаран шидрциг 28-гч цергин (рус.) (хал. болн 5-гч цергин (рус.) (хал. туршулчнр медҗ авна. Хальмг теегиг немшнрәс сулдхсна хөөн партизанмудын цогцмудыг 1943-гч җилин февраль сарин 21-д Элст балһсна Иньгллт церглгт оршасмн. Хөөннь — Төрскән харсгч Алдр дәәнә болн Иргнә дәәнә Баатрмудын Мемориалын тогтацд оршасмн.

Ачлврмуднь

Төрскән харсгч Алдр дәәнә I-гч зергин Одн (1965)^[2].

Дурсхл

1960-гч җилд герчл улсин болн архивин материалмудар тогтасн «Цусар цацата цаһан өвсн» гидг документальн түүк барас һарһсмн^[1].
1970-гч җилин сентябрь сарин 3-д РСФСР-ин Министрмудын Хүүвин Тогтаврар, Хальмгин эмчнрин училищд Хахлына Тамаран нер зүүсмн^[3].
1996-гч җилд Хальмгин эмчнрин училищин өмн Хахлына Тамаран бумб тәвсмн (бәрмлчнь В. Евдокимов).
Хахлына Тамаран нериг Ик Буурлын болн Элстин һудмҗс зүүнә.
Партизанмудын сүл бәрлдән болсн салад обелиск тәвәтә^[4].
Хахлына Тамарад нерәдсн нәәрүллһс:
- «Верность» шүлг, Хальмгин олн әмтнә шүлгч Сән -Белгин Хаср;
- «Тамара» поэм, Хальмгин келн-әмтнә шүлгч Калян Санҗ^[5];
- Дәкәд Хальмгин шүлгчнрин үүдәврмүд: Инҗин Егорин, Көглтин Даван^[1].

Темдглл

↑ ¹ ² ³ ⁴ «Отважная партизанка»: к 105-летию со дня рождения Тамары Даниловны Хахлыновой (неопр.). kalmnlib.ru (25 Хулһн сарин 2022). Дата обращения: 15 Мөрн сарин 2026.
↑ Калмыкия: фотоальбом. М., «Планета», 1984. стр.18
↑ Правительство Республики Калмыкия. 105 лет со дня рождения отважной партизанки, славной дочери калмыцкого народа Тамары Хахлыновой (неопр.). kalmregion.ru (25 Хулһн сарин 2022). Дата обращения: 15 Мөрн сарин 2026.
↑ Хахлынова Тамара Даниловна - Медсанбат (неопр.). medsanbat.mednet.ru. Дата обращения: 15 Мөрн сарин 2026.
↑ Каляев Санджи Каляевич // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.

Утх-зокъял

Хахлынов Б., Тамара: К 80-летию партизанки Тамары Хахлыновой // Известия Калмыкии. — 1997. — 18 июля. (№ 148). — С. 2.
Тамара Хахлынова : Жизнь и подвиг [партизанки / Авт. текста Б. Д. Хахлынов], 85,[1] с. ил. 17х15 см, Элиста МП «Гегян» 1993
Хахлынова Тамара Даниловна // Календарь знаменательных дат по Калмыкии на 1997 год. — Элиста, 1996. — С. 21-22

Холвас

Тамара Хахлынова (неопр.).
Именами Героев названы улицы столицы (неопр.). riakalm.ru.

[:0-1] ¹ ² ³ ⁴ «Отважная партизанка»: к 105-летию со дня рождения Тамары Даниловны Хахлыновой (неопр.). kalmnlib.ru (25 Хулһн сарин 2022). Дата обращения: 15 Мөрн сарин 2026.

[2] Калмыкия: фотоальбом. М., «Планета», 1984. стр.18

[3] Правительство Республики Калмыкия. 105 лет со дня рождения отважной партизанки, славной дочери калмыцкого народа Тамары Хахлыновой (неопр.). kalmregion.ru (25 Хулһн сарин 2022). Дата обращения: 15 Мөрн сарин 2026.

[4] Хахлынова Тамара Даниловна - Медсанбат (неопр.). medsanbat.mednet.ru. Дата обращения: 15 Мөрн сарин 2026.

[5] Каляев Санджи Каляевич // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.

[1]

[2]

[3]

[4]

[5]