Щеглов Александр Алексеевич
| Щеглов Александр Алексеевич | |
|---|---|
 | |
| Төрсн җил-өдр | 1942 август сарин 30 (84 года) |
| Төрсн һазр | |
| Иргншл | |
| Мергҗл | театрин җөҗгч |
| Шаңнл |
 |
Алексáндр Алексéевич Щеглóв (төрсн 1942 август сарин 30, Уральск[d]) — Советскин болн Әрәсән театрин җөҗгч. Хальмг Таңһчин драмин болн комедин Орс театрин җөҗгч. Әрәсән Федерацин Ачта җөҗгч, Хальмг АССР-ин Ачта җөҗгч, Хальмг ССР-ин келн әмтнә җөҗгч. Хальмг Таңһчин Күндтә иргн.
Намтрнь
1942-гч җилин август сарин 30-д Уральск балһснд цутхачин өрк-бүлд төрсмн[1][2]. Эцкиннь зөв угаһар А. Н. Островскин нертә Казахск ССР- ин Урал балһсна театрин студьт орсмн. Түрүн соңсхврт Сергей Островойин «Мать» поэмиг умшҗ[2]. Учился у А. В. Свечкарёва[3]. 1963-гч җилд театрин студиг төгсәҗ.
2022-гч җилд Александр Щеглов 80 җилин өөгән темдглв. Энүг өөнләнь йөрәхин төлә Хальмг Таңһчин Баатр, «Өөрднр» бииһин театрин һардач Нәдвдә Пётр, Хальмг Таңһчин күндтә иргн Басңга Иван, Элст балһсна администрацин көдләчнр, Хальмгин Ик сурһулин профессор Дәкин Раиса, Хальмг Таңһчин сойлын министр Денан Саглр, Хальмгин епархин сегләтр Алексей Грищенко, Таңһчин орс театрин директор Хавтхан Виктор, Щегловин сурһульчнр болн нань чигн улс. Өөнчин натринь РСФСР-ин Ачта җөҗгч Ильяна Юрий умшҗ өгв[2].
Өрк-бүл
Авальнь — Лилия Щеглова, Хальмг Таңһчин сойлын ачта көдләч, шүлгч, драматург (нууц нернь Лия Петрова).
Күүкнь — Лада.
Зеенрнь — Егор Медведев (Тюменин Ик драматическ театрин җөҗгч) болн Максим Бондарев (Хальмгин Ик сурһульд 2022 җилд сурчасмн).
Ик ахнь — Геннадий Щеглов, СССР-ин шаңһа мөрән мөрәлч[2].
Үүдәлтнь
Театрин студиг төгсәчкәд Александр Щеглов Хасгин ССР-ин А. Н. Островскин нертә Уралын муҗин драмин театрт үлдәд көдлсмн.
Дарунь җөҗгч Куйбышевин муҗин оюн хәләһәчнрин Самарт театрт көдлсмн.
1965-гч җилд Әрәсән Федерацин театрин үүлдәчнрин Ниицәнд орсмн.
1967-гч җилд Басңга Баатрин нертә Хальмг үндсни драмин театрт көдлсмн. Орлцсн нааддтан нурһлҗ һол дүрмүд наадад йовсмн[1].
1991-гч җилд драмин болн комедин Хальмгин орс театрт көдлдг болсмн[3].
Театрт көдлм бәәҗ Александр Алексеевич П. О. Чонкушовин нертә Элстин билг-эрдмин колледжд театрин әңгд багшлад йовна.
1992-гч җилд Александр Щеглов Элстин № 3-гч тойгта дундын школд «Ровесник» нерлһтә бичкдүдин театрин студиг бүрдәсмн[1].
Олн җилин эргцд көдләд йовҗ, Щеглов ут тоодан 150 шаху дүрмүд театрмудт наадсмн. Олн җилдән театрин труппыг ахлҗ йовсмн. Элстин театрин шинҗләчнр «Трудные люди» нааднд Лейзерин дүриг Щеглов айта кевәр үзүлсиг темдглсмн. «Про Федота-стрельца» мюзиклд хаана дүриг үзүлсинь олн әмтн бас таасҗ тодлна.
Александр Щеглов Орс чонҗин Элстин болн Хальмгин епархийла хәрлцҗ көдлнә — җил болһн давулдг керг-үүлдврмүдиг белдҗ давулна, тер дунд «Рождественский сочельник» өргн сәәхн наадн хамгин тодлврта болна[2].
2018-гч җиләс авн Александр Щеглов эврән наадд тәвдг болв. Тер мет 11 көгҗмин туульс Орс театрт бүрдәсмн. 2016-гч җилин апрель сарла Әрәсән Федерацин йирңкәлгчин Владимир Путина мөрәһәр давулсн дүлә болн нүдндән му харата бичкдүдин төлә үүдәсн «Перо Жар-птицы» төсвин йовудт «Ноха болх дурн угав» («Не хочу быть собакой») гидг наадыг тәвлә[4].
Театрин кергүднь
| Дүр | Наадн |
|---|---|
| Лейзер | «Трудные люди» Бар-Йосеф Йосеф |
| Пхелка | «Антигона в Нью-Йорке» Гловацкий Януш |
| Хан | «Про Федота-стрельца» Леонид Филатов |
| Шарик Шариков | «Собачье сердце» Булгаков Михаил |
| Хоша күн | «Очень простая история» Ладо Мария |
| Семён Подсекальников | «Очень „смешная“ история» Эрдман Николайин «Самоубийца» пьесар |
| Губернатор | «Корсиканка» И. Губачан пьесар |
| Семён Кушкин | «Страсти по Торчалову» Воронов Николайин пьесар[3] |
Төршлин үүлврнь
2008-гч җилд Александр Щеглов «Справедливая Россия — За правду» партяс Хальмгин Олна Хуралын дөрвдгч дуудврин суңһврт орлцад, зуг суңһгдсн уга[5].
Гем
2024-гч җилин июль сарла 82 наста Александр Щеглов барун талан өвдкүртәһәр Мытищи балһсна больницд орсмн. Эмчнр цөснд чолута гем таняд, эмнлсмн. Зуг чолун 1 сантиметрас үлү болад, терүнә өмн Александр Алексеевичд геснә резекц кесн учрар, әәмшг ик болсмн. Болв чигн, эмчнр медәтә күүнд сән эмнлһ давулад, Щегловин әм аврсмн. Эндоскопин эв-арһар өвчлһ давулад, тер чолуг һарһад авсмн[6].
Ачлврмуднь
1986 җил — КАССР-ин Ачта җөҗгч.
1992 җил — КАССР-ин келн әмтнә Ачта җөҗгч[1]
2001 җилин ноябрь сарин 21 — Хальмг Таңһчин драмин болн комедин Орс театрин җөҗгч Щеглов Александр Алексеевич хальмгин билг-эрдмин девшлтд ик тәвц орулсн төләд, «Әрәсән Федерацин Ачта җөҗгч» нер зүүсмн[7].
2002 җил — Вологда балһснд болсн «Тууҗин дууһин» фестивальд «Залу күүнә хамгин сән дүр» мөрә («Про Федота-стрельца» Леонид Филатовин пьесар (режиссёр Б. Манджиев) мюзиклд хаана дүр.
2002, 2004 җҗ. — Хальмг Таңһчин «Улан зала» үндсни марһана «Муза» мөрән «Җилин җөҗгч» әңгин мөрәлч.
2008 җил — Йошкар-Ола балһснд болсн Әрәсән болн һазадын ордудын келн-улсин республиксин орс театрмудин «Иньгллтин тагт» нерлһтә Нарт-Делкән фестивалин «Залу күүнә хамгин сән дүр» әңгин мөрә (Хоша бәәх күүнә дүр, «Очень простая история» Мария Ладон пьесар (режиссёр А. Щеглов).
2009 җил — Хальмг Таңһчин «Улан зала» үндсни марһана «Җилин йилһән сән наадн» мөрә («Очень простая история» Мария Ладон пьесар (режиссёр А. Щеглов).
2013 җил — К. С. Станиславскин 150 җилин өөнд нерәдәд Хальмг Таңһчин театрин үүлдәчнрин Ниицәнә медаляр ачлгдсмн.
2013 җил — Тамбов балһснд болсн Николай Рыбаковин нертә Доладгч фестивалин «Әрәсән җөҗгч» мөрә (Семён Подсекальниковин дүр, «Очень „смешная“ история» наадн, Николай Эрдмана «Самоубийца» пьесар (режиссёр В. Константинов).
2013 җил — Новочеркасск балһснд болсн Нарт-Делкән «Комплимент» нерәдлһтә Тавдгч театрин фестивальд «Нөкцл залу күүнә хамгин сән дүр» (Губернаторин дүр, «Корсиканка» наадн, И. Губачин пьесар (режиссёр В. Константинов).
2016 җил — Мытищи балһснд болсн Нарт-Делкән «Подмосковные вечера» нерәдлһтә Тавдгч театрин фестивальд «Нөкцл залу күүнә хамгин сән дүр» (Семён Кушкина дүр, «Страсти по Торчалову» наадн, по пьесе Николай Вороновин пьесар (режиссёр В. Константинов)[1]
2018 җил — олна дунд шаҗна төр делгрүлҗәх төләд Александр Щеглов архиерейин «Әрәсән шаҗни делгрлтд тәвцән орулсн төләд» күндллһнә һашг авсмн[2]
2023 җил — Элстд «Театрин шинҗләчнртә тавн асхн» Негдгч фестивалин «Театрт ицгтә болн билһтә болсн төләд» мөрә[1]
Темдглл
- ↑ 1 2 3 4 5 6 Александр Щеглов — Республиканский русский театр драмы и комедии Республики Калмыкия (неопр.). rudramt.ru. Дата обращения: 1 Туула сарин 2026.
- ↑ 1 2 3 4 5 6 Булгун Горяева. Александр Щеглов, «простотою – великий его светлость Артист» - Степные вести (рус.). tegrk.ru. Дата обращения: 16 Бар сарин 2025.
- ↑ 1 2 3 Александр Щеглов. Кино-Театр.Ру. Дата обращения: 16 Бар сарин 2025.
- ↑ Александр Алексеевич Щеглов – один из самых... (рус.). OK.RU. Минкультуры Калмыкии. Дата обращения: 1 Туула сарин 2026.
- ↑ О списке кандидатов в депутаты Народного хурала (парламента) Республики Калмыкия четвертого созыва, выдвинутом региональным отделением политической партии "Справедливая Россия: Родина/ пенсионеры/ жизнь" в Республике Калмыкия по единому республиканскому избирательному округу, docs.cntd.ru. Дата обращения: 1 Туула сарин 2026.
- ↑ Заслуженного артиста спасли от необычного заболевания: удалить камень мешала резекция желудка. Дата обращения: 1 Туула сарин 2026.
- ↑ Щеглов Александр Алексеевич – Награды России, 2001-11-21 (рус.). ru.nagrady.by. Дата обращения: 1 Туула сарин 2026.
Холвас
- Весёлые спектакли и комедии за один день (25 Мөчн сарин 2022). Дата обращения: 1 Туула сарин 2026.