Эмчигрә Ивана Пелагея
| Эмчигрә Пелагея | |
|---|---|
 | |
| Нерн | Эмчигрә Ивана Пелагея |
| Нас барсн җил-өдр | 1992 |
| Мергҗлнь | зурач, хатхлһна урч |
| Эцкнь | Эмчигрә Иван (Собольг) |
| Экнь | Конана Манҗкин Монтуш |
| Супруг(а) | Чурюма Дмитрийин Александр |
Эмчигрә Ивана Пелагея (орс. Пелаге́я Ива́новна Емчеги́рова)[1]; ум. 1992) — Хальмгин түрүн зурач, хатхлһна урч. РСФСР-ин зурачнрин Ниицәнә гешүн.
Намтрнь
Пелагея 1907-гч җилин март сарин 15-д ода Ростовин муҗин Новониколаевка селәнд төрсмн[1].
1935-гч җилд Әәдрхнә художественн-багшнрин техникум төгсәсмн. Элстд зурлһна багшар көдлҗ бәәсмн. Бас тер цагт үүдәврмүдән бүтәҗ йовсмн[2].
Дән экләд, хальмгудыг Сиврүр туусн цагт Пелагея зурлһна багшар көдләд бәәсмн. Зуг удан боллго, цааҗин күн көдлх зөв уга болад, көдлмшәснь һарһсмн. Тиигәд, хувц уйдг артельд көдлсмн. 1956-гч җилд Сиврәс хәрҗ ирәд, Пелагея хальмг келн-улсин хуучна авъяс босхад йовсмн — ду-бииһин кергүдт орлцад, хальмг улсин хувц-хунр уяд, хальмг зег хатхад бәәсмн. Алтн утцар һарарн хатхсн зег йир ховр бәәсмн. Терүнәс нань, Пелагея дурта үүлән мартлго бәәсмн — зурлһан.[1]
Таңһчин, Әрәсән болн Цугсоюзин һәәхүлмүдт орлцад йовсмн. Хальмг берз, алтн утцар хатхсн зег болн «Баатр-Эк» зургнь[3] Суздаль балһснд Владимиро-Суздальск тууҗин болн архитектурин художественн музейд хадһлгдҗана[4]. Талдан көдлмшнь Элстд Н. Н. Пальмовин нертә Хальмгин үндсни музейд бәәнә[1], Хальмг Таңһчин болн Москван музеймудт.
Эмчигрә Ивана Пелагеян нерн Ик Советск энциклопедьт бәәнә[5], 1967-гч җилд «Советский художник» дегтр һарһачд һарсн «Советск зурлһна билгин һәәхүлмүд» справочникд бас бәәнә[6], 1978-гч җилд «Искусство» издательствин «РСФСР-ин автономн республиксин зурлһн: 1917—1977»[7], 2005-гч җилд һарсн Әрәсән музейин энциклопедьт"
[8]. Хальмгин түрүн зурач Эмчигрә Ивана Пелагеян үүдәлтиг шинҗлсн көдлмштән урлгин номин доктор Баатрин Светлана иигҗ темдглҗ[1]:
Энүнә 1930-1950-гч җилмүдт бүтәсн үүдәврмүднь сәәнәр шинҗлгдәд уга, зуг онц болснас соньн
Темдглл
- ↑ 1 2 3 4 5 Батырева С. Г.. Живопись и графика П. И. Емчегировой 1930—1950-х гг. (по материалам музейных и частных коллекций). — Oriental Studies, 2020. — Т. 13. — С. 1378—1388.
- ↑ В Калмыкии названы победители детского конкурса имени П. Емчегировой (рус.). mk-kalm.ru. Дата обращения: 9 Бар сарин 2025. Архивировано 14 Хөн сарин 2022 года.
- ↑ Госкаталог Музейного фонда РФ (неопр.). Дата обращения: 9 Бар сарин 2025. Архивировано 22 Мөчн сарин 2019 года.
- ↑ Дельгр Сангаджиева. О трансформации калмыцкого костюма во второй половине XX века – начале XXI века (рус.). eurasia-art.ru (Мөрн сар 2021). Дата обращения: 9 Бар сарин 2025. Архивировано 10 март сарин 2022 года.
- ↑ Калмыцкая Автономная Советская Социалистическая Республика. Архивная копия от 19 Мөрн сарин 2022 на Wayback Machine // Большая советская энциклопедия
- ↑ Выставки советского изобразительного искусства: Справочник в 5 томах. Т.2: 1933—1940 гг. — М.: Советский художник, 1967. — Т. 2. — С. 201.
- ↑ Червонная С. М.. Живопись автономных республик РСФСР: 1917—1977. — М.: Искусство, 1978. — С. 141.
- ↑ редколлегия: В. Л. Янин (председатель). Российская музейная энциклопедия. — М.: Прогресс: РИПОЛ классик, 2005. — С. 249. — ISBN 5-01-004535-4.
Холвас
- Конкурс имени первой калмыцкой художницы подведет итоги.//Московский комсомолец. Калмыкия. 17.04.2019.