Һазр-зүүчин өдр
| Һазр-зүүчин өдр | |
|---|---|
 | |
| Зүүл | мергҗлин байр |
| Бәәһүлгдснь | 2020 |
| Темдглгднә | Әрәсә |
| Җил-өдр | Август сарин 18 |
Һазр-зүүчин өдр (орс. День географа) — һазр-зүүһин шинҗлх ухан болн мергҗлтә холвата мергҗлтнрин байрин өдр. 2020-гч җиләс авн ОХУ-т җил болһн август сарин 18-д темдглдг мөн[1].
Түүк
Геологчнрас йилһәтәнь - һазр-зүүчнр удан хуһцана туршт эврә мергҗлин байрин өдр уга бәәсмн. Орсин һазр-зүүһин ниигмлг иим арһ-кемҗәг зокан бәәһүлх саначлһиг һарһҗ, ОХУ-ин Йирңкәлгчд хандв. 2019-гч җилин май сарин 15-д ОХУ-ин Йирңкәлгч Әрәсән иргд дунд һазр-зүүг суртлчлхд чиглсн арһ-кемҗәни җигсәлтиг, тер тоод һазр-зүүчин мергҗлин байрин өдриг зокан бәәһүлхиг чигн, батлсмн[2].
ОХУ-ин Эдин засгин көгҗлтин яамин 2020-гч җилин апрель сарин 3-а закврар Әрәсән һазр-зүүчнрин дотадын болн делкән һазр-зүүһин шинҗлх уханд орулсн хүв-немриг үнлҗ, август сарин 18-д Һазр-зүүчин өдриг темдглдг болсмн[3]. Һазр-зүүчин өдриг дурсхлын өдр болһҗ темдглдг: 1845-гч җилин август сарин 18-д эзн хан Николай I Пиитр балһснд Орсин эзн хаана һазр-зүүһин ниигмлгиг бәәһүлхин туск Дотад кергин сәәд нойн Л.А.Перовскийин санаг зөвшәрв. Иигәд түрүн Һазр-зүүчин өдр Орсин һазр-зүүһин ниигмлгин 175 җилин өөнд, 2020-гч җилин август сарин 18-д болсмн.
Байрин арһ-кемҗән
Һазр-зүүчин өдриг олн зүүлин олн-ниитин болн шинҗлх ухана бүрдәцсин төләлгчнр темдглдг: Орсин һазр-зүүһин ниигмлг, Әрәсән Номин Академин Һазр-зүүһин күрәлң, Әрәсән номин Академин Сиврин әңгин В.Б.Сочаван нертә һазр-зүүһин күрәлң, Әрәсән Номин Академин Алс-Холын Дорд үзгин әңгин Номһн Далан һазр-зүүһин күрәлң, Арктикин болн Атлантикин шинҗлх ухана күрәлң гих мет бүрдәцсин көдләчнр, деед болвсрлын бәәһүллһмүдин һазр-зүүһин салврмудын аҗлтнр болн оютнр, дунд сурһульмудын һазр-зүүһин багшнр, хүвин бүрдәцст көдлдг һазр-зүүчнр болн нань чигн.
Һазр-зүүчин өдриг темдглхнь янз бүрин чиглләр мергшсн һазр-зүүчнриг негдүлдг: геоморфологч, ландшафт судлач, криолитологч, мөсн судлач, палео һазр-зүүч, усн судлач, дала судлач, экологч, көрсн судлач, цаг-уур судлач, уур-әмсхл судлач, биогеографч, зург-зүүч, геодезист, Геомедәллһин тогтлцана мергҗлтн, геоинформатикч, эдин засгин һазр-зүүч, бүс нутг судлач (улс-орн судлач), күн-амн-зүүч.
Орсин һазр-зүүһин ниигмлгин бүс нутгин салврмудар дамҗулн Һазр-зүүчин өдрт зөрүлсн арһ-кемҗәнмүдиг олн балһсн-селәдт зокан бәәһүлдг: «Һазр-зүүһин сө» гидг акц[4], һәәхүлмүд, кино үзүллһн болн һазр-зүүһин седвәр лекц умшлһн[5][6][7][8].
Темдглл
- ↑ Правительство объявило 18 августа Днем географа - Общество - ТАСС. Дата обращения: 4 Мөрн сарин 2021. Архивировано 8 Мөчн сарин 2020 года.
- ↑ Российские географы отмечают профессиональный праздник | Новости Саратова и области — Информационное агентство "Взгляд-инфо". Дата обращения: 4 Мөрн сарин 2021. Архивировано 2 Мөчн сарин 2022 года.
- ↑ Приказ Министерства экономического развития Российской Федерации от 03.04.2020 № 198 ∙ Официальное опубликование правовых актов ∙ Официальный интернет-портал правовой информации. Дата обращения: 4 Мөрн сарин 2021. Архивировано 16 Така сарин 2020 года.
- ↑ В России впервые пройдёт "Ночь географии" | Русское географическое общество. Дата обращения: 4 Мөрн сарин 2021. Архивировано 20 Һаха сарин 2020 года.
- ↑ 15 лучших лекций Московского лектория РГО. Видео | Русское географическое общество. Дата обращения: 4 Мөрн сарин 2021. Архивировано 20 Һаха сарин 2020 года.
- ↑ Выставки, кинопоказы и квесты: 18 августа в России отметят 175-летие РГО | Русское географическое общество. Дата обращения: 4 Мөрн сарин 2021. Архивировано 16 Туула сарин 2021 года.
- ↑ В день 175-летия РГО в Краснодаре запустили три "географических" трамвая | Русское географическое общество. Дата обращения: 4 Мөрн сарин 2021. Архивировано 1 Үкр сарин 2020 года.
- ↑ В Краснодаре появилась скульптура РГО "45 параллель" | Русское географическое общество. Дата обращения: 4 Мөрн сарин 2021. Архивировано 16 Мөчн сарин 2021 года.