Басңгин Тамара
| Басңгин Тамара | |
|---|---|
| Төрсн җил-өдрнь | 1949 җилин август сарин 25 |
| Төрсн һазр | Новосибирск муҗин Подольское селән |
| Орнь | ЗХУ, Орсин Холвана Улс |
| Шинҗлх ухана салврнь | Моңһлчудын урн-зокал |
| Номин зергнь | Филолог номин доктор |
| Җоладгч багшнь | Михайлов, Г.И. |
Басңгин Тамара (орс. Басангова (Борджанова) Тамара Горяевна; Новосибирск муҗин Андреевск района Подольское селән, 1949 жилин август сарин 25) — Хальмг Таңһчин моңһлч номт, келн-зүүһин шинҗлх ухана доктор, хальмгудын болн моңһлчудын амн-үг судлач, Хальмг Таңһчин шинҗлх ухана һавъята зүтклтн (2007).
Намтрнь
Новосибирск муҗин Андреевск района Подольское селән, 1949 жилин август сарин 25) Сиврт туугдсн хальмг күүнә өрк-бүлд төрҗ һарв. 1970 җилд Хальмг Улсин Ик Сурһулин филологин факультетин Хальмг келнә тиңкмиг төгсәһәд, Цаһан-Нуурин Н. М. Санджировин нертә дунд сурһульд хальмг келнә багш болҗ көдлмшән эклв[1].
1972 җилд ЗХУ-ин ШУА-ин Дорд үзгин судллын күрәлңгин аспирантурт орад, 1975 җил күртл сурч төгсәһәд, моңһлч эрдмт-номт Г. И. Михаловин һардврар «Моңһл-өөрдин баатрльг дуулврин шүлгләнә асудл» гидг седвәр диссертациг амҗлтта кевәр хамһалв[2].
1976 җилд Хальмгин келн, утх зокал, түүкин судлһана күрәлңд (КНИЯЛИ) утх зокал, амн зокал судллын салврин судлач болҗ, көдлмшт орв. 1976—1979 җилд баһ номин көдләч, 1980—1999 җилмүдт ах номин көдләч болҗ бәәв[3]. 1999—2003 җилмүдт хальмгин күрәлңд амн зокал, утх зокалын салвриг һардҗ, түүнә һардвр дор моңһл улсин амн зокал хәрцүлсн болн кев-зүүһин судлһана туск сүүрин судлл кегдәд бәәв[3].
2009 җилд номт ОХУ-ин ШУА-ин Дагестана Махачкала балһсна Г. Цадасан нертә шинҗлх ухана төвин келн зокалын күрәлңгин диссертацин зөвллд «Хальмгин заң-үүлин шүлглән» гидг седвәр филолог номин докторин зерг харсҗ хамһалв[2]. 2016 җиләс авн Тамара Горяевна «Вестник СВФУ. Тууль судллын цуврл» гидг нертә седкүлин олн улсин редакцин зөвллин гешүн, шинҗлх ухана ниитллин зокагч, седкүлин рецензент болҗ бәәнә[4].
2018 җиләс авн өдгә күртл номт Б. Б. Городовиковин нертә Хальмг Улсин ик сурһулин «Евразин орн-зәәһин өөрд болн хальмгуд» гидг нертә олн улсин судлһана төвин секторин ахлач болҗ көдлҗәнә[4].
Шинҗлх ухана соньрхлнь
Шинҗлх ухана соньрхлнь улсин амн зокал, Җаңһр судллын өргн күрәһин асудлыг хамарна. Олн җилмүдин турш Хальмгин амн зокалын асудл, өөрдин дуулвр болн туульсин зокалын шүүмҗллиг судлҗ, олн жанрин хальмгин амн зокалын улсин амн зокалын эк бичвриг бүрткх, кевләд барлҗ ниитлх асудлыг авч үзнә. Эрдмт-номт Хальмгин тууль, һурвнтс, ид-сидтә болн заң-үүлин шүлгләнә өврмц амн үүдәврмүдиг цуглулҗ барлад кевлүлҗәнә[2].
Филолог номин доктор Басңгин Тамара 2019 җилд «Әрәсән шинҗлх ухана ишллин индекс» медәлл-шинҗлһәнә системин иш татсн эрдмтнрин «ТОП-100»-д орҗ, «Утх зокал судлл болн әмтнә амн урлаг» кесгт 77-гч бәәр эзлв[4].
Һол бүтәлмүднь
- Орчлңгин һурвнтс = Калмыцкие трехстишия. Сост. Т. Г. Борджанова. Переводчик Н. И. Гребнев. Элст: Хальмг дегтр һарһач, 1987;
- Борджанова Т. Г. Магическая поэзия калмыков: Исследование и материалы. Элиста, Калмыцкое книжное издательство, 1999. 182 с.
- Сандаловый ларец. Калмыцкие народные сказки. Сост. и пер. Т. Г. Басанговой. Элиста, Калмыцкое книжное издательство, 2002. 239 с.
- Борджанова Т. Г. Обрядовая поэзия калмыков (система жанров, поэтика). Элиста, Калмыцкое кн. изд-во, 2007. 587 с.
- Басангова Т. Г. Животные в калмыцком фольклоре. Отв. ред. Д. В. Сокаева. Элиста, КалмГУ, 2019. 192 с.
Темдглл
- ↑ Манджиева Б. Б. В союзе с красотой и мудростью фольклора (К юбилею известного российского ученого-фольклориста, доктора филологических наук Т. Г. Басанговой (Борджановой))
- ↑ 1 2 3 Тамара Горяевна Басангова (Борджанова). Доктор филологических наук
- ↑ 1 2 Басангова (Борджанова) Тамара Горяевна
- ↑ 1 2 3 «Ученый-фольклорист мирового уровня»: к юбилею Т. Г. Басанговой (Борджановой)