Бату Хасиков
| Бату Сергеевич Хасиков | |
|---|---|
_(cropped).jpg) | |
|
| |
| с 2019 җилин сентябрь сарин 21 2019 (Шаблон:Үүл даагч 2019 җилин март сарин 20 — сентябрь сарин 21) |
|
| Йирңкәлгч | Владимир Путин |
| Урднь цол даасн күн | Алексей Орлов |
| с 2022 җилин март сарин 22 | |
| Урднь цол даасн күн | Анатолий Козачко |
| 2012 җилин ноябрь сарин 21 — 2014 җилин сентябрь сарин 14 | |
| Урднь цол даасн күн | Михаил Капура |
| Хөөннь цол даасн күн | Юрий Бирюков |
|
|
|
| Төрснь |
1980 июнь сарин 28 (46 лет) |
| Эцкнь | Сергей Санжигоряевич Хасиков |
| Экнь | Фирюза Шарифуллаевна Хасикова |
| Авальнь | Елена Хасикова |
| Намнь | Негдсн Әрәсә |
| Сурһульнь |
1. Москван Улсин багшин ик сурһуль 2. Орсин Холвана Улсин Йирңкәлгчин медлд бәәһә Әрәсән Улсин аҗ-аху, төрин удрдлһин академь |
| Номин зергнь | кандидат политических наук[d] (2011) и магистр делового администрирования[d] (2019) |
| Аҗл-үүлнь | |
| Шаҗнд хандх хандлһнь | Бурхна шаҗн |
| Сайтнь | glava.region08.ru |
| Военная служба | |
| Церглх җилмүднь | 2003—2008 |
| Хандлһнь |
 Орсин Холвана Улс |
| Цергин зүүлнь |
 Әрәсән дотад кергин министерств |
| Специальное звание или классный чин | |
| Тусха цолнь |
 цагдаһин ах лейтенант |
 Медиафайлы на РУВИКИ.Медиа | |
.svg){kind=small}
Бату Хасиков (орс. Хасиков Бату Сергеевич) — (төрсн 1980 июнь сарин 28, Москва балһсн) - Әрәсән төрин зүтклтн. 2019 җилин сентябрь сарин 21-әс Хальмг Таңһчин толһач (2019 җилин март сарин 20-әс сентябрь сарин 21-нә хоорнд Хальмг Таңһчин толһачин үүл даагч)[1].
2022 җилин март сарин 22-ас «Негдсн Әрәсә» гидг намин Хальмг бүсин салврин сегләтр[2]. «Негдсн Әрәсә» гидг намин бүс нутгин улс төрин зөвллин Тегүлгчнрин гешүн.
Хальмг Таңһчин Хурлын гешүн (2008-2012 җҗ.). ОХУ-ин Холвана Хурлын Холвана Зөвллийн гешүн — Хальмг Таңһчин Улсин төрин эрк медлин күцәгч бәәһүлһин төләлгч (2012-2014 җҗ.). Холвана Баһчудын асудл эрклсн агентствин дарһин зөвлх (2017–2019 җҗ.)[3].
Кикбоксч, мергҗлин улсин дунд делкән олн удаһин аврһ. Цагдаһин ах лейтенант.
Намтрнь
Хальмг Таңһчин толһач Бату Хасиков 1980 җилин июнь сарин 28-нд Москвад төрҗ һарв. Хальмг Таңһчин Каспийск (өдгә цагт Лагань балһсн) балһснд өсәд босв.
Эцкнь - Сергей Санжигоряевич Хасиков, хальмг, үүлдврин инженер, 1952 җилин сентябрь сарин 7-нд Красноярск кизәрин Манск района Сорокино селәнд төрҗ һарв[4]. Экнь - Хасикова Фирюза Шарифуллаевна, маңһд, сурһулин һазад келнә багш[5].
Сурһульнь
Бату Хасиков Лаганин 3-гч дунд сурһулиг төгсәв.
2003 җилд Москва балһсна багшин ик сурһулин бийин тәмрин факультетиг төгсәв. Цааранднь Орсин Холвана Улсин Йирңкәлгчин медлд бәәһә Әрәсән Улсин аҗ-аху, төрин удрдлһин академин аспирантурт орҗ сурв.
2019 җилин ноябрь сард Бату Хасиков Эдин засгин деед сурһулин мергҗлин давтн сурһлтын көтлвриг төгсәҗ, «MBA — Төслин менеҗмент» мергҗләр «Бизнес удрдлһин мастер — Master of Business Administration (MBA)» зергтә диплом хамһалв.
2020 җилин август сарин 20-нд Төрин удрдлһин деед сурһулин (ВШГУ) РАНХиГС-ин болвсн күчнә менеҗментин нөөциг көгҗүлх көтлврий һурвдгч дамҗана төгсәч болв[6][7].
Спротын девшлт
Батуг 6 настаднь эк-эцк хойрнь көл бөмбгин секцд йовулв. 11 настаһасн Александр Викторович Алымовин һардвр дор киокушинкай каратэ сурҗ эклв. Үүнәс оңдан урлгин сурһульд сурч, күүкдин ансамбльд биилдг бәәҗ.
Дарунь Бату Хасиков күчән сөрҗ, һар ноолдан, ноолдана самбо, җиу-җицу, тай бокст сурлцҗ бәәв.
2005 җиләс авн кикбоксар (лоу киктә бүрн контакт) бүтн цагар өрслдҗ эклв.
2000-2001 җилд Бату Хасиков каратэ-киокушинкай, каратэ-сейвакай төрлд кедүхн темцәнд түрүн орм эзлҗ бәәв.
2005-2010 җилд тернь Әрәсән WAKO-һин һурвн удаһин аврһ, Европин аврһ (WAKO), кикбоксин тавн тергүлгч бәәһүллһин һурвнднь дунд җиңгин аврһин бүсд күртв. 2007 җилин ноябрь сард Америкин Харрис Норвудас ISKA цол күртв. 2009 җилин октябрь сард сул бәәсн WAKO-Pro аврһин ноолданд Португалин Рикардо Фернандешиг диилҗ, 2010 җилин ноябрь сард Италин Фабио Кореллитә ноолдад, WKA цолыг күртв.
2011 җилд Бату Хасиков К-1 кикбоксин секцд орлцҗ, хойр алдрта ноолдач Альберт Краус[8] (март сард) [9] болн Майк Замбидисиг (11-гч сард; эн нооланд эннь W5 аврһ цолыг күртв) диилв.
2012 җилд май сарин 4-нд «Хальмгин ноолдан» ноолдана урлгин нааданд Бату Хасиков Өмн Африкин ноолданд Уоррен Стивелмансиг диилв.
2012 җилин октябрь сарин 16-нд Ирана ноолдач Мохаммед-Реза Назари Хасиковта кесн ноолданд WAKO-Pro (75 кг күртл) К-1 кесгт делкән аврһ цолыг күртв.
Ноябрь сарин 3-нд болсн «Москваһин ноолдан 8» темцәнд Бату Хасиков Армен-Голландин кикбоксч Гаго Драгота[10] ноолданд ноцта таслдв чигн нокаутар диилв.
2014 җилин март сарин 28 өдр Москва балһсна Лужники тәмрин орднд Fight Nights промоушн компаняс зокан бәәһүлсн «Ноолдан 15» спорт, ниигмин нәр болв. Темцәнә һол үүл-йовдл болхла, Бату Хасиков болн Майк Замбидисин дәкн ноолдан болв. Тавн төөргин аштнь Бату Хасиков шүүгәчнрин шиидврәр диилвр авв[11].
Соньрхлын девшлтдән Бату Хасиков 200 һару ноолда кев.
Кино девшлтнь
2011 жилд Бату Хасиков «Сүүдрлә ноолдан 3D: Сүүлин төөрг» («Бой с тенью 3D: Последний раунд) кинод түрүн болҗ һарв[12]
2007-2015 җилд дөрвн урн-сәәхнә кино, хойр бәрмттә кинод тоглн наадв.
Fight Nights
Бату Хасиков болхла, мергҗлин ноолдана урлг, телевиз контент бүтәдг Fight Nights-иг үүскн бәәһүлчнрин негнь болна. Холвана Зөвллин гешүн болснас өмн тернь тус компанин продюсер болн темцгч бәәв.
Ниигм, улс-төрин үүл-аҗллһан, төрин алв
2003-2008 җилд - цагдаһин бәәһүллһд алв хаасн. Цагдаһин ах лейтенант цолта.
2008 җилин март сард Хасиков Хальмг Таңһчин Улсин Хурлын (Парламентын) гешүн болҗ суңһгдад, хөөннь Орсин Холвана Улсин Холвана Зөвллин гешүн болснас көлтә түүнә алвиг түр зогсав.
2008 җилин март сард Бату Хальмг Таңһчин Улсин Хурлын (Парламентын) гешүн болҗ суңһгдв. Баһчуд, спортын хораһин гешүн бәәҗ.
2012 җилин ноябрь сарас 2014 җилин сентябрь сар күртл ОХУ-ин Холвана Хурлын Холвана Зөвллд Хальмг Таңһчин Улсин төрин эрк медлин күцәгч бәәһүллһәс төләлгч болҗ бәәв. Тер Холвана Зөвллин Шинҗлх ухан, сурһуль, сойлын хораһин гешүн болҗ бәәв[13].
Бату Хасиков 2013 җилин сентябрь сарин 8-нд Хальмг Улсин Хурлын суңһврт Негдсн Әрәсә намас нер девшсн болв чигн, суңһгдсна дару бүрн эркәсн татглзв.
2017 җилин июнь сарас 2019 җил күртл Холвана Баһчудын асудл эрклсн агентствин (Росмолодежь) дарһ Александр Бугаевин селвгч болҗ көдлҗ бәәв[14].
2018 җилд болсн ОХУ-ин Йирңкәлгчин суңһврин үйд ОХУ-ин Йирңкәлгчин суңһврт нер девшгч Путина итглтә күн бәәв[15].
Бату Хасиков болхла, «Спортын орна төлә» Цуг Әрәсән олн ниитин көдлһәнә һардач болҗ бәәнә.
Хальмг Таңһчин толһач
2019 җилин март сарин 20-нд ОХУ-ин Йирңкәлгч Владимир Путин Бату Хасиковиг Хальмаг Таңһчин толһачин үүрг күцәгч болһв[16].
2019 җилин июль сард Йирңкәлгч Путин Хасиковта харһҗ, күн-амыг ундна усар хаңһах, малын хош, мал аҗ-ахун хошмудыг үр-ашгта көдлүлх услһна системиг ясх, үржл-шимтә һазр, сүүриг цөлҗүлх, бүтән бәәһүллт кех болн нань чигн хамгин чухл асудлмудын тускар күүндв. Путин Хасиков хойр Хальмгин ниигм, эдин засгиг көгҗүлх бүрн төлвлһә белдхин тускар күүндв[17].
2019 җилин сентябрь сарин 8-нд суңһврин негдсн өдр Хальмг Таңһчин Улсин толһачиг суңһх суңһврин энк шатд 82,57 хүвин санлар диилвр бәрв. Бүрн эркин хуһца 2024 җилд дуусх[18]. Таңһрг тәвснь 2019 җилин йисдгч сарин 21-нд болв.
Хөрг арһ-кемҗәс
2022 җилин ноябрь сарин 30-нд Ик Британь Бату Хасиковыг хөрг арһ-кемҗәнә җигсәлтд немҗ орулв[19].
2023 җилин февраль сарин 24-нд АНУ-ин Төрин департамент Бату Хасиковыг Америкин хөрг арһ-кемҗәнә җигсәлтд орулв[20].
Өрк-бүлнь
Бату Хасиков гер-бүлтә, күүкн, көвүн хойрта.
Түүнә гергнь — Елена Хасикова (урдк овгнь — Щур[21]) модельер болн буйна аҗлын орлцач. 2009 җилд Уфа балһсна Эдин засг, үүлчлһнә ик сурһулиг гиичнрин буудлн менеҗер мергҗләр, 2013 җилд П.Ф. Лесгафтын нертә Үндснә бийин тәмр, спорт, эрүл мендин ик сурһулиг көңгн атлетикин мергҗләр төгсв. 2019 җилин март сард Элстд нүүһәд ирҗ[22], ода күртл әмдрҗ бәәнә.
Бату Хасиков болхла, шаҗна хувәр бурхна шаҗтн[23]. 2014 җилин июнь сарин 4-нд Бату аавтаһан Улан-Үд балһснд әәлчлҗ, Бурядын Хамб лам Дамба Аюшеевла харһхд гер-бүл уга Батуд гер авх селвг өгв[24].
Дүнь, Аюка (1983 җилин октябрь сарин 7-нд төрҗ һарв) дизайнер, Элст балһсна «Багатур» спорт клубын закрл, РОФСО «ФК РК» йирңкәлгчин дарук, РФСОО «Хальмгин көл бөмбгин (футболын) лиг»-ин йирңкәлгч[25] болна.
Дү күүкнь, Илән, күүкдин седкл-зүүч.
Шаңнлнь болн цолмуднь
Спортын цолмуднь
- 2014 җил - WKN-ин делкән аврһ (72.6 кг)[26]
- 2012 җил - WAKO-Pro делкән аврһ (75 кг)
- 2011 җил - W5 (71.8 кг) -ин делкән аврһ.
- 2010 җил - WKA-ин делкән аврһ (72.5 кг)
- 2010 җил - WAKO-Pro делкән аврһ (71.8 кг)
- 2007 җил - ISKA-ин делкән аврһ (72.3 кг)
Спортын зергснь
- Кикбокс спортын делкән кемҗәнә мастер
- Ноолдана самбо бөкин ОХУ-ин спортын мастер
- ОХУ-ин һар ноолдана спортын мастер
- Ноолдана урлгин мастер (РСБИ)
- Каратэ-сэйвакайин 1-гч дан
- Каратэ-кёкусинкайин 1-гч кю
Спортын шаңнлнь
- «Җилин хамгин тод диилвр» номинацд Әрәсән ноолдана урлгин холвана «Алтан бүс»-ин эзн (2011 җилин дүңгәр 7-гч удаһин шаңнл һардулх йослл)[27].
Шаңнлнь
- «Холвана зөвлл. 20 җил» медаль.
- «Бийин тәмр, спортыг көгҗүлхд орулсн һавьяһин төлә» күндтә темдг.
- ОХУ-ин парламентаризмиг көгҗүлх, холвана хууль тогтамҗиг болвсрңһу болһхд орулсн ик хүв немртнь гидг ОХУ-ин Холвана Хурлын Холвана Зөвллин дарһин талрхл.
- Хальмг Таңһчин Улсин Бийин тәмр, спортын һавьята зүтклтн (2010 җилин ноябрь сарин 23) — Хальмг Танһчин Улсиг алдршулсн спортын һармһа амҗлтын төлә[28].
- «2013 җилин Казань балһснд болсн Делкән зунын XXIII Универсиад наадн» дурсхлын медаль (2013).
- «Толһа зүүлүлх бодьсиг кинх бәәһүлһст үзүлсн туслмҗин төлә медаль» (2014 җилин июнь сарин 16)[29].
- Эльбрусиг эзлсн бүсин толһачнрин дотр түрүнк үүрг күцәгч (2021 җилин май сарин 28)[30] — Хальмг толһач Бату Хасиков Эльбрус уулын өрглд хамгин кецү, барун өнцгәр (5642 метр) һарв. Хальмг Таңһчин толһач Европтн нойн уулд һарсан нутгихнд зөрүлв.
Кинод орлцснь
- 2011 җил — «Сүүдрлә ноолдан 3D: Сүүлин төөрг» (Бой с тенью 3D: Последний раунд) — Антонио Куэрте
- 2011 җил — «Бату Хасиков. Ноолдана өмн» (бәрмттә кино)
- 2012 җил — «Бату» (бәрмттә кино)
- 2013 җил — Улан уулмуд (Красные горы) —— Усиба
- 2015 җил — «Дәәч» (Воин) — аврһ
Телешоу
Амҗлтын җигсәлт
| Кикбоксинг (профессиональный) | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
24 диилвр, 5 диилгдл, 1 суһла, 1 болад уга ноолдан
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Кикбоксинг (любительский) | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Обозначения | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Победа
Поражение Ничья Несостоявшийся НК — нокаут
TНК — техникин нокаут РС — шалһачнрин шиидвр
НЧ — суһлһан ОУ — ноолда йовулх өнцгәс татгзснь
НС — болад уга ноолдан НЯ — спротсмен эс ирснь
ЯП — даву тал |
.svg){kind=small}
Темдглл
- ↑ Звезда кикбоксинга Бату Хасиков возглавил российский регион
- ↑ Бату Хасиков избран секретарем Калмыцкого регионального отделения партии «Единая Россия» (рус.). kalmyk.er.ru. Дата обращения: 11 Мөрн сарин 2022.
- ↑ Ссылка
- ↑ глава КФХ Хасиков Сергей Санжигоряевич, ИНН 080301095462, ОГРН 313081331900037 - ЗнаемВсех
- ↑ Назначение главой Калмыкии кикбоксёра Бату Хасикова оценили спортсмены — МК
- ↑ Встреча с выпускниками программы развития кадрового управленческого резерва
- ↑ Участники встречи с выпускниками III потока программы развития кадрового управленческого резерва Высшей школы государственного управления РАНХиГС при Президенте Российской Федерации (в режиме видеоконференции)
- ↑ YouTube.Com: Battle of Moscow.Batu Khasikov VS Albert Kraus
- ↑ YouTube.Com: Бату Хасиков VS Майк Замбидис
- ↑ YouTube.Com: Бату Хасиков VS Гаго Драго
- ↑ YouTube.com: Бату Хасиков vs. Майк Замбидис. Реванш (2014)
- ↑ Бой с тенью 3D: Последний раунд // Википедия. — 2019-11-04.
- ↑ Хасиков Бату Сергеевич // Официальный сайт Совета Федерации Федерального Собрания Российской Федерации
- ↑ fadm.gov.ru. Росмолодёжь (рус.). Федеральное агентство по делам молодёжи. fadm.gov.ru. Дата обращения: 7 Үкр сарин 2018.
- ↑ Хасиков, являющийся доверенным лицом Владимира Путина, больше часа общался с волонтерами и активистами штаба, tatar-inform.ru
- ↑ Указ Президента Российской Федерации от 20.03.2019 г. № 115 «О досрочном прекращении полномочий Главы Республики Калмыкия»
- ↑ Официальный сайт президента России, 31 июля 2019. Владимир Путин провёл рабочую встречу с временно исполняющим обязанности Главы Республики Калмыкия Бату Хасиковым
- ↑ Хасиков победил на выборах главы Калмыкии. ТАСС. Дата обращения: 10 Һаха сарин 2019.
- ↑ Русская служба The Moscow Times. Британия ввела санкции против Мантурова, Памфиловой и 10 губернаторов (рус.). Русская служба The Moscow Times (30 Үкр сарин 2022). Дата обращения: 19 Лу сарин 2023.
- ↑ The United States Imposes Additional Sweeping Costs on Russia. United States Department of State (24 Лу сарин 2023).
- ↑ Foto op de muur Jelena | VK
- ↑ Семья Бату Хасикова переедет в Элисту. www.elista.org. Дата обращения: 22 март сарин 2019.
- ↑ РИА Калмыкия - Бату Хасиков: «Уверен, что приезд Учителя вдохновит многих жителей Калмыкии». riakalm.ru. Дата обращения: 4 Хөн сарин 2019. Архивировано из оригинала 18 Мөрн сарин 2019 года.
- ↑ Хамбо лама Бату Хасикову: «Дурак, если не хочешь жениться» (рус.). www.infpol.ru. Дата обращения: 22 март сарин 2019.
- ↑ В Элисте открылась Академия боевых искусств Бату Хасикова | Новости | FIGHT NIGHTS
- ↑ SovSport.ru: Хасиков победил Замбидиса в бою за титул чемпиона мира WKN (К-1)
- ↑ SovSport.ru: Хасиков получил премию «Золотой Пояс» за самую яркую победу года
- ↑ Указ Главы Республики Калмыкия от 23.11.2010 г. № 382 «О присвоении почётного звания „Заслуженный работник физической культуры и спорта Республики Калмыкия“»
- ↑ Б. Хасиков обсудил с сотрудниками ФСКН роль развития массового спорта в профилактике наркозависимости
- ↑ Глава Калмыкии покорил Эльбрус (рус.). ИА REGNUM. Дата обращения: 2 Мөчн сарин 2021.
- ↑ Битва Титанов в Чехии
- ↑ Матч Россия — Болгария по правилам К-1 и киокушинкай
- ↑ 1 2 Чемпионат: Результаты Кикбоксинг — Всемирная Федерация Кикбоксинга Барс. WBKF. Дата обращения: 8 Үкр сарин 2012. Архивировано из оригинала 22 Хулһн сарин 2012 года.
- ↑ Бокс / Mixed Martial Arts : Бату Хасиков — боец, промоутер, актер — Первый Спортивный Портал 1sportal.ru (недоступная ссылка)
| Хальмг Таңһчин толһачнр | |||
|---|---|---|---|
 |
|  | |
