Брадикабуд

Брадикабуд (энд. प्रत्येक बुद्ध, IAST: pratyekabuddha, пали: paccekabuddha, төвд. རང་སངས་རྒྱས; орс. Будда для себя) — Хальмг келнд үгчләд орчулхла, «Эврән болсн бурхн» гидг орчуллһта йогт нерн болна. Бурхна шаҗнд Бурхн, Дәәниг Дарсн болн Бодьсадвала хамдан төрлктнә деед зергин бодһалин негн болна. Эн болхла, хувргт орл уга, бийән дааҗ, эврән Һаслңгас Нөгчхиг бүрн олсн күн болна. Брадикабуд һанцхарн бәәҗ, ном номлдг уга, Хамгиг медх арһиг эдлҗ чаддгоһар бәәдг. Һурвн әәмг сав болн Җайн-шветамбармудын номд брадикабудмудын кедүхн нерн әдлхн болҗ бәәсәр, мөн эн нер-томьясиг эртин эс медгдх шаҗна бөлгәс зеелҗ авсн гиҗ үзх үндслл бәәнә.

Ик күлгнә йосар «шравагин күлгн» (Бурхна номлл соңсачнрин күлгн) болн «бодьсадванрин күлгн» (бодь седклтнрин күлгн) йилһсн деерән «Брадикабудын күлгиг» йилһҗ һарһна. Эннь «шравагин күлгн» (эннь икңкдән Баһ күлгниг медүлнә) болн хамгин деед (эн күрәд) «бодьсадын күлгнә» хоорндк завсрин күлгн болҗ бәәнә.

Брадикабудын туск медәнь Ик күлгнә йоснд үлү көгҗсн бәәсн болв чигн, пали келәр бичәтә бурхна әәлдсн номин цуглуллһд, онц темдглхд, Махапариниббана Сутта-д бәәнә.

Китд келнд болхла, Брадикабуд (Пратьекабудда) гидг үгнь Китдын улсин Линъяң балһсна хаҗуд босхсн суврһиг нерәдсн бәәнә.

Темдглл