Гиндән Александрин Баатр

Рувики-с
Баатр Александрович Гиндеев
Гиндән Александрин Баатр
Гиндеев Б.А..jpg
Флаг
Хальмг Таңһчин Дотад кергин министр
Флаг
2011 җилин июль сарин 26 — 2013 җилин август сарин 1
Губернатор Алексей Маратович Орлов
Урднь цол даасн күн Анатолий Пантелеевич Журавлев
Хөөннь цол даасн күн Олег Коденец
Төрсн җил-өдрнь 1969 җилин июль сарин 25
Аршан-Зельмн, Сарпан район, Хальмг АССР, РСФСР, ЗХУ
Сурһульнь 1) Коломнын деед товин цергин ахлгчин сурһуль
2) ОХУ-ин Дотад кергин министерствин Һардврин академь
Шаңнлнь
Орсин Холвана Улсин Баатр — 2000
Эр зөргин одн RUS Medal of the Order For Merit to the Fatherland 2nd class ribbon.svg «Цергллтин эр-зөргин төлә» (МВД) медаль RUS MVD Medal 200 years of the MVD of Russia ribbon 2002.svg
Военная служба
Церглх хуһцань 1990 җиләс авн
Харьялгдхнь  СССР →
Flag of Russia.svg Орсин Холвана Улс
Цергин салвр Әрәсән МВД
Цолнь
Полковник полковник МВД РФ
Дәәлснь Чечнян негдгч дән
Чечнян хойрдгч дән
Гражданство

Гиндән Александрин Баатр (орс. Баа́тр Алекса́ндрович Гинде́ев; 1969 җилин июль сарин 25, Аршан Зелмн селән, Сарпан район, Хальмг АССР, РСФСР, ЗХУ[1]) — Әрәсән Дотад кергин министерствин көдләч, цагдаһин бухг. Халимаг Таңһчин Дотад кергин министр (2011 җиләс авн)[2].

2011-2013 җилд Гиндән Баатр ОХУ-ин бүс нутгин дотад кергин һазрин ахлгч болҗ көдлсн цагтан ор һанц ОХУ-ин Баатр цолта күн бәәсн бәәҗ).

Намтрнь

Гиндән Баатр 1969 җилин июль сарин 25-нд Хальмгин АССР-ин Сарпан района Аршан Зелмн селәнд төрҗ һарв. Хальмг үндстн. 1986 җилд төрсн селәнә дунд сурһулиг төгсәһәд, хөөтк заяһан ЗХУ-ин Зевсгтә күчнд церглҗ холвхар шиидҗ. Үүнә төлә эннь Коломнын деед товин цергин ахлгчнрин сурһульд орҗ, терүг 1990 җилд сәәнәр төгсәв.

Хөөннь Аһарин цергин күчнд церглҗ, Закавказин цергийн төөргт (Азербайҗан улс) эврән йовгч артиллерин батерейин взводын ахглч болҗ бәәв. Зуг, түүнә цергллт ахр бәәҗ — 1992 җилд церглҗ бәәсн цергин әңгнь тарҗ буулһгдад, Гиндән Баатр цергәс бууһад, төрскн нутгтан хәрҗ ирв. Ирҗ, спортын секцд дасхлҗулгч болад көдлҗ бәәв.

1994 җилин июнь сард эннь Әрәсән Дотад кергин министерствин көдлмшт орсв. Тенд Хальмг Таңһчин Дотад кергин министерствин харья Зокан бәәһүллтә гемтә керглә темцх һазрин Шуурха темцх тусха әңгд церглҗ бәәхдән стажёр, опер, СОБР-ын аңгин ахлгч болад даралад көдлҗ бәәв.

Гиндеев СОБР-ин негдсн отрядын нег кесгт Чечен негдгч дәәнә ноолданд орлцв. 1995 җилин декабрь сард эннь Чечен Гудермес балһсна һалта тергнә буудлыг харсх цагт онцхарад һарв. Дарунь олн тоота зевсгтә өшәтн балһснур орҗ, зевсг, дүрмтә хувц авх гиҗ нәәдҗ, станцин бәәриг эзлхәр дәврхләнь, учрнь эн бәәрнд цагда, ФСБ-ын әңг, мөн ик зевсг аһулсн бәәрн бәәх гиҗ санҗаҗ. 10 һар хонг болҗ бәәсн шүрүн ноолдана адгт ик кемҗәнә зовлң медҗ, дәәснь урвулҗ шахад, харслтыг бәрҗ чадв. Дәәлснә цагт Баатр күнд цоклт авв чигн, һал маңнад үлдҗ, ноолдад бәәв.

Чечен хойрдгч дәәнд Хальмгин негдсн СОБР-ин ахлгчин дарук болҗ, негдсн отрядыг ахлад бәәв. 1999 җилин сүл — 2000 җилин экәр эннь 40 тусха операцд эврән орлцҗ бәәв. Тус отряд Грозный балһснур дәврх цагт ноолдана өндр чинриг үзүлв. 2000 җилин январь сарин 7-8-нә хоорнд болсн ноолданд эннь ннг бөлгллиг ахлҗ, тус бүс нутгт эзлгч бәәриг эзләд авч, дәәснә олн дәврлтиг урвулв. Дәәснә кеерин ахглч Арби Бараевин бөлглл бүслгдсн Грозный балһсна һарч ирхд СОБР-ин отряд Дотадын цергин әңгүдлә хамдан терүг күцҗ, алх даалһврта болв. Зевсгтә дәәсн Алхан-Кала селәнд күцгдв. Цагдаһин майор Гиндән Баатр бөлгиг толһалад, генткн селәнүр дәврәд орҗ ирснә ашгтнь цагдачнр дәәснд ик кемҗәнә һару учрулҗ, олн дәәсиг алад хайв. Әмд үлдсн деермчнр шавтсн нәәҗнрән болн әмән алдсна цогцсг хайчкад, селәнәс зулад одцхав. Ноолдана негнд Баатр шавтсн болв чигн, шаван оньгтан эс авч, дәәнә даалһвран дуусх күртл күцәҗ бәәв.

2000 җилин июль сарин 4-нд ОХУ-ин Йирңкәлгчин зәрлгәр цагдаһин майор Гиднән Александрин Баатр «Хөөт Кавказин терроризмин эсрг операцин цагт үзүлсн эр зөрг, баатрльг бәәдлин төлә» ОХУ-ин Баатр цолта болв. Эннь зокмҗта шаңнлан Кремльд цагдаһин дед бухг болх цолта болхдан авсн бәәҗ.

2001 жилд СОБР-ин Тусха отрядын дед ахлгч болҗ бәәх цагтан ОХУ-ин Дотад кергин министерствин Һардврин академьд орҗ, сурһуль сурв. 2004 җилд Академиг төгсәһәд, нутгтан хәрҗ ирхлә, Хальмг Таңһчин Дотад кергин министрин дарук, Олн ниитин аюл угаһин бәәдлин цагдаһин һазрин дарһ болҗ тәвгдв. Эн цергллтд Гиндән Баатр идвктә орлцҗ, 2005 җилин август сард Хальмг, Чеченмүдин хоорнд Яндыки селәнд (Астрахань муҗ) мөрглдән һархд үндстн хоорндын үүмән-самун һархас урд сергәлхд чухл үүрг күцәв[3]. Эннь мөн 2006 җилин октябрь сард Воробьёвка селән (Хальмаг Таңһч) мөрглдән (Орс, Дагестан әмтнә хоорндк мөрглдән) һархас сергәлҗ авв[4][5].

2010 җилин хаврас авн Гиндән Баатр Хальмгин Дотад кергин министрин үүл дааҗ, өвчлҗ, амрлт авч бәәсн майор-инрл Анатолий Журавлевиг орлҗ бәәв. Зәрм кевлл медәллин кергслин санаһар Журавлев 2010 җилин январь сарин 23-нд Дотад кергин министерствин болн ФСБ-ин көдләчнр хоорнд ноолдан болсн Элстин Дотад кергин келтсин дежурин һазрт шуугата ноолда һарһсна төлә таңһчин һардачнрин шахлтар Журавлев ширәһәсн буув[6][7].

ОХУ-ин Йирңкәлгчин 2011 җилин июль сарин 26-гч өдрин 1243 тойгта зәрлгәр Гиндән Александрин Баатр Хальмг Таңһчин Дотад кергин минисрт болҗ тәвгдв[8][9]. Август сарин 11-нд терүг ОХУ-ин Дотад кергин министр Рашид Нургалиев Таңһчин Дотад кергин министерствин бий бүрлдлд алвн йосар таньлдулв[10].

2013 җилин июль сарин 3-нд Гиндән Баатр эврә дурарн буух өргдл өгв[11]. 2013 җилин июль сарин 1-нд ОХУ-ин Йирңкәлгч хууль-зү, цагда, дотадын цергин зәрм инрлмүдиг буулһҗ чөләлх зәрлгт һарин үзг тәвҗ, Баатриг чигн ширәһәснь буулһв[12].

Шаңнлнь

Соньн медән

Темдглл

  1. ↑ ныне поселок Аршан-Зельмень, Сарпинский район, Республика Калмыкия, Российская Федерация
  2. ↑ Баатр Гиндеев назначен Министром внутренних дел Калмыкии (рус.). Новости Калмыкии. Дата обращения: 29 Така сарин 2011. Архивировано 28 Туула сарин 2013 года.
  3. ↑ ЗПорядок в селе Яндыки поддерживают автоматчики (рус.). Родная газета. Дата обращения: 16 Туула сарин 2013. Архивировано из оригинала 6 Бар сарин 2007 года.
  4. ↑ Кондопога в Калмыкии (рус.). Газета.Ru. Дата обращения: 16 Туула сарин 2013. Архивировано 4 март сарин 2016 года.
  5. ↑ Гиндеев: конфликт в Артезиане носил не национальный характер (рус.). Elista.Org. Дата обращения: 16 Туула сарин 2013. Архивировано 28 Туула сарин 2013 года.
  6. ↑ Прокуратура Элисты проверила обстоятельства драки в милиции (рус.). Лента.Ru. Дата обращения: 16 Туула сарин 2013. Архивировано 28 Туула сарин 2013 года.
  7. ↑ Генерал проболел до отставки (рус.). Коммерсант. Дата обращения: 16 Туула сарин 2013. Архивировано 28 Туула сарин 2013 года.
  8. ↑ Указ Президента РФ от 26.07.2011 № 997 «О присвоении специальных званий высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации» (рус.). Президент России. Дата обращения: 16 Туула сарин 2013.
  9. ↑ Баатр Гиндеев назначен министром внутренних дел Калмыкии (рус.). Калмыкия Online. Дата обращения: 16 Туула сарин 2013. Архивировано 28 Туула сарин 2013 года.
  10. ↑ Рашид Нургалиев официально представил министра внутренних дел по РК Баатра Гиндеева (рус.). Вести Калмыкия. Дата обращения: 16 Туула сарин 2013. Архивировано 28 Туула сарин 2013 года.
  11. ↑ Рашид Нургалиев официально представил министра внутренних дел по РК Баатра Гиндеева (рус.). Вести Калмыкия. Дата обращения: 16 Туула сарин 2013. Архивировано 28 Туула сарин 2013 года.
  12. ↑ Указ Президента Российской Федерации от 01.08.2013 № 663 "Об освобождении от должности, назначении на должность и увольнении с военной службы военнослужащих, сотрудников и работников некоторых федеральных государственных органов". Государственная система правовой информации. Дата обращения: 2 Ноха сарин 2013. Архивировано из оригинала 10 Ноха сарин 2013 года.
  13. ↑ Республика Калмыкия. Турнир на призы Баатра Гиндеева 2012 (рус.). Региональный футбол России. Дата обращения: 16 Туула сарин 2013. Архивировано 28 Туула сарин 2013 года.
  14. ↑ Память героя РФ Магомед-Казима Гайирханова увековечили в барельефе (Калмыкия) (рус.). ИА REGNUM. Дата обращения: 16 Туула сарин 2013. Архивировано 6 март сарин 2016 года.

Холвас

"https://xal.ruwiki.ru/w/index.php?title=Гиндән_Александрин_Баатр&oldid=309714" халхас авсн